Luke 11:41 - Southern Rakhine

⁴¹ ယင်းကြောင့် မတ်ရို့မာဟိဟာတိကိုရာ ဆင်းရဲသားတိကိုပီးကမ်းကေ မတ်ရို့ဟာ ဘုရားရှင်ရဲ့ရှေ့မှောက်မှာ သန့်ရှင်းစင်ကြယ်ကတ်လိမ့်မေ။

Luke 11:41 Iomraidhean Croise

Luke 12:33

မတ်ရို့မာဟိသမျှ ပစ္စည်းဥစ္စာတိကို ရောင်းချပနာ ဆင်းရဲသားတိကို ပီးကမ်းကတ်ပါ။ မတ်ရို့အတွက် မဆွီးမဟောင်းတတ်တေ အိတ်တိကိုလုပ်ပနာ မတ်ရို့ရဲ့ ပစ္စည်းဥစ္စာရတနာတိကို သူခိုးတိမရောက်နိုင်၊ ပိုးကောင်တိမဖျက်ဆီးနိုင်ရေ ရွှေမြို့တော်က ဘဏ္ဍာတိုက်ထဲမာ သိမ်းဆည်းကတ်ပါ။

Luke 16:9

ယပြီးကေ ကိုယ်တော်က တပည့်တော်တိကို မိန့်ဆိုခဟာက “မတ်ရို့ကို ငါပြောမယ်။ အသင်ရို့စုဆောင်းထားရေ မတရားမှုမကင်းရေလောကီစည်းစိမ်တိကို သုံးပနာ မိတ်ဆွေတိရအောင် လုပ်ကတ်ကေလဲ ယင်းလောကီစည်းစိမ်တိ ကုန်လားခရေခါ မတ်ရို့ကို နိစ္စထာဝရအိမ်တော်က ကြိုဆိုလက်ခံလိမ့်မယ်။

Luke 18:22

ယင်းပိုင်လျှောက်တင်ဟာကို ကြားရေအခါ ကိုယ်တော်က “အသင့်မာလုပ်စရာ တစ်ခုကျန်နီသိမ်းရေ။ အသင်ပိုင်ဆိုင်သမျှပစ္စည်းဥစ္စာတိအားလုံးကို ရောင်းလိုက်ပြီးကေ ရတဲ့ပေသာတိကိုဆင်းရဲသားတိကို လှူလိုက်ပါ။ ယင်းပိုင်ဆိုမှ အသင်ဟာ ရွှေမြို့တော်မာ ချမ်းသာကြွယ်ဝမှုတိ ရလိမ့်မယ်။ ပြီးကေ ငါ့တပည့်အဖြိုက်နဲ့ ငါ့နောက်ကို လိုက်ခ” လို့မိန့်တော်မူခရေ။

Luke 19:8

ယပြီးဟာနဲ့ ဇက္ခဲက မတ်တပ်ရပ်ပနာ ကိုယ်တော်ကို “အရှင်၊ အရှင်၊ ကျေးဇူးပြုလို့ နားထောင်ပါ။ ကျွန်နော်ပိုင်ဆိုင်ရေပစ္စည်းဥစ္စာရဲ့တစ်ဝက်ကို မဟိဆင်းရဲသားတိကို ခွဲပီးပါဖို့။ လူတိပါးက မတရားတောင်းထားတဲ့ အခွန်ခပေသာတိကိုလည်း လေးဆပိုပနာ ပြန်ပီးလိုက်ပါမေ” လို့လျှောက်ထားရေ။