Luke 11:31 - Southern Rakhine

³¹ တရားစီရင်တဲ့နိန့်ရောက်ကေ ရှေဘပြည်ဘုရင်မဟာc အဂုခေတ်လူတိနဲ့အတူ အသက်ပြန်ရှင်လာပနာ အဂုခေတ်လူတိရဲ့မှားယွင်းမှုကို အပြစ်ပီးပြီးကေ စွဲချက်တင်လိမ့်မေ။ အဇာဖြိုက်လို့ဆိုကေ ရှေဘပြည်ဘုရင်မဟာ ဉာဏ်ပညာကြီးမြတ်တဲ့ ရှောလမုန်ဘုရင်ကြီးရဲ့အဆုံးအမတိကို နာကြားရဖို့ ဝီးလံရေတိုင်းပြည်ကနီ လာခရရေ။ ယေတာလဲ အဂုဒေနီရာမာ ရှောလမုန်ဘုရင်ကြီးထက် ပိုလို့ကြီးမြတ်တဲ့လူဟာ ရောက်နီရာဖြိုက်တေ။

Luke 11:31 Iomraidhean Croise

Luke 3:22

ယင်းအချိန်ခါ ဉာဏ်အလင်းတော်ဟာ ချိုးငှက်ပုံစံနဲ့ ကိုယ်တော်ပါးကို ဆင်းလာရေ။ ယင်းအချိန်မာ ရွှေမြို့တော်ကဘုရားရှင်က “အသင်ဟာ ငါချိုက်မြတ်နိုးတော်မူရေ ငါ့သားတော်ဖြိုက်တေ။ ငါဟာ အသင့်ကို အကြီးကျယ်နှစ်သက်အားရတော်မူရေ” ဆိုတဲ့ အသံတော်တစ်ခု ထွက်လာခရေ။

Luke 9:35

ယင်းအချိန်မာ မိုးတိမ်တိုက်ထဲကနီ “ဒေလူဟာ ငါရွီးချယ်ထားရေ ငါရဲ့သားတော်ဖြိုက်တေ။ သူ့စကားကို နားထောင်ကတ်ပါ” ဆိုတဲ့အသံတော်တစ်ခု ထွက်လာခ‌ရေ။