Luke 11:29 - Southern Rakhine

²⁹ လူပရိတ်သတ်တိဟာ ကိုယ်တော်နားမာ ဝိုင်းလို့စုလာကတ်တေခါ ကိုယ်တော်က “ဒေနိန့်ခေတ်လူတိဟာ ကောင်းဆိုးကတ်တေ။ အဇာဖြိုက်လို့ဆိုကေ အသင်ရို့ဟာ ဘုရားရှင်က ငါ့ကိုစီလွှတ်လိုက်တေဆိုဟာကို သက်သီအဖြိုက် အံ့ဖွယ်နိမိတ်လက္ခဏာကို ပြစီချင်ကတ်တေ။ ယကေလဲ အသင်ရို့မြင်ရဖို့နိမိတ်လက္ခဏာတစ်ခုက အယင်ကဟိခရေ ပရောဖက်ယောနရဲ့b နိမိတ်လက္ခဏာရာ ဖြိုက်တေ။

Luke 11:29 Iomraidhean Croise

Luke 11:16

အရာလူတိကလည်း ကိုယ်တော်ကို စမ်းသပ်ချင်ကတ်ဟာကြောင့် သူရို့ဟာ ကိုယ်တော်ကို ဘုရားရှင်ပါးက နိမိတ်လက္ခဏာတစ်ခုခုကို ပြစီချင်ကတ်တေ။

Luke 11:50

ယပြီးကေ ဒေနိန့်ခေတ်လူသားတိဟာ ကမ္ဘာဦးအစကပင် သူရို့သတ်ခကတ်တဲ့ ပရောဖက်တိရဲ့သီဆုံးခြင်းအတွက် အပြစ်ဒဏ်စီရင်ဟာကို ခံကတ်ရလိမ့်မယ်။

Luke 12:1

ယင်းအချိန်မာ ထောင်ပေါင်းမကများရေ လူထုပရိတ်သတ်တိ စုဝေးလာကတ်ခါ တစ်ယောက်နဲ့တစ်ယောက် တက်နင်းမိလောက်အောင် ဖြိုက်နီကတ်တေ။ ကိုယ်တော်ယေရှုက တပည့်တော်တိကို အရင်ဆုံးမိန့်ဆိုဟာက “ဖာရိရှဲတိပိုင်မျိုး သူတော်ကောင်းယောင်ဆောင်တဲ့လူတိ ဖြိုက်မလာစီဖို့ သတိပြုကတ်ပါ။ သူရို့ရဲ့ဆိုးဝါးရေ ဩဇာလွှမ်းမိုးမှုတိဟာ တဆီးa ပိုင်မျိုး အရာလူတိပါးကို ပျံ့လားစီဟာကြောင့်ဖြိုက်တေ။

Luke 9:41

ယေခါ ကိုယ်တော်က လူပရိတ်သတ်တိကို “အို ယုံကြည်ခြင်းလည်းမဟိ၊ လမ်းမှားဖောက်ပြန်နီကတ်တေလူတိ၊ ငါက အဇာလောက်ကြာကြာ သည်းခံပနာ မတ်ရို့နဲ့အတူတူ နီရဖို့သိမ်းရောင်” လို့မိန့်တော်မူလိုက်တေ။ ယပြီးကေ ကိုယ်တော်က ယင်းလူကို “အသင့်ရဲ့သားကို ငါ့ပါးကို ခေါ်လာခပါ” လို့မိန့်တော်မူလိုက်တေ။