PILIMOON 1:22 - Tepehuano Tepehuán del Sureste (Durango)

²² Gio jaꞌp jañ jup xim tɨɨdam nap miꞌ dhɨr jix kɨɨꞌ xi chuñ dhuiñdhaꞌ mi jaꞌp paiꞌm baꞌgɨr nañ mi aayaꞌ, na baꞌ guꞌ noꞌt jotmodaꞌ ma aa gu Dios nañ mu jam tɨɨꞌmɨraꞌ, bax maatɨꞌ kaꞌ nañ paiꞌ aayaꞌ, na pim guꞌ puiꞌ jaꞌk soiꞌ tɨtda gu Dios.

PILIMOON 1:22 Iomraidhean Croise

GU NOONBIꞌÑ GUCH XOIꞌKAM 27:24

jup kaiꞌch: “Chaꞌp tooꞌnnichuꞌndaꞌ Paablo, na guꞌm aꞌmkam aaꞌ nap buiñor aayaꞌ gu gɇꞌkam Rooma kam. Baꞌ gu Dios puiꞌ tu duñiaꞌ na cham jaroiꞌ maadɨt bhaiꞌmui mukiaꞌ na pim jɨꞌk yaꞌ jiim bhaan dhi gɇꞌ kanuub, nap guꞌ aap ya jim.”

GU NOONBIꞌÑ GUCH XOIꞌKAM 28:23

Baꞌ ba tu dai mɨt nam paiꞌ dhuuk bhaiꞌp tuiꞌkaꞌ. Baꞌ nat paiꞌ dhuuk jum ai, muiꞌ bhaiꞌ bam jumaap jamɨt, baꞌ bhaiꞌ ji chu ja aꞌgi gu Paablo kabuimuk dɨr pu naiꞌ ji jur. Baꞌ miꞌ bhaan tu ja aꞌgidhimɨk miꞌ nat paiꞌ tu uaꞌnak gu Moisees gio baꞌ miꞌ na mɨt paiꞌp tu uaꞌnak guiꞌ nam puiꞌ bɨjɨk bhaankamuꞌn jup tu aꞌgimɨk gu Dios nam sap baꞌx maatɨt kɇɇji ba tɨ jɨɨꞌñdhaꞌ buiñor gu Jesuus.

2 KORIINTO KAM 1:11

gam noꞌ pim guꞌ aapiꞌm jaiꞌch aꞌmkam xi chu daan nax bhaiꞌ tuch jimdaꞌ. Noꞌ pimɨt muiꞌ dhɨt tu daanɨch aꞌmkam nax bhaiꞌ tuch jimdaꞌ, muiꞌp jaiꞌchdhɨlhiaꞌ am gu jaꞌtkam nam taxchaabgidhaꞌ gu Dios, nam guꞌx bhaiꞌm taat kaꞌ na bɨxchuꞌ kɨꞌn jich palhbuiꞌñchuꞌndaꞌ nach tu aꞌgim gu ñioꞌkiꞌñ.

PILIIPOS KAM 1:19

nañ guꞌx bhaiꞌx maat puiꞌ na jɨꞌk jax tuñ dhuiñchuꞌ, dhiꞌ na jax dhui pɨx jix bhaiꞌ tuñ jimiaꞌ, na guꞌñ guguuxdhatuꞌ gux Dhuuduꞌkam jix Uañ Iiꞌmdagaꞌn guch Xoiꞌkam, gio aapiꞌm na pim jiñ aꞌmkam tu daan.

PILIIPOS KAM 2:24

sia kuñ guꞌ aañ dɨɨlh buiñor jix biiñak kat tɨ nɨɨra na dɨɨlh pɨx pu tɨꞌyaꞌ guch Xoiꞌkam nañ jootom dɨɨlh mu jimɨi jam tɨgiaꞌ na pim jax jum ɨlhiiꞌñ.

ISRAEL KAM 13:19

Gio jam taan iñ ɨp na pim puiꞌ jaꞌk tu daandaꞌ buiñor gu Dios nañ palhbuidhaꞌ nañ jax dhui jootom gio muiꞌp jam paxiarmɨraꞌ mu jaꞌp na pim jax tu oiꞌdhaꞌ nañ mu jam tɨɨꞌmɨraꞌ.

ISRAEL KAM 13:23

Gio baꞌ xi jam aaꞌñdham iñ ɨp nat kiaꞌpɨx ba buus na kuupich gu Timoteo nar jich jaduuñ jich Xoiꞌkam bhaan. Baꞌ puiꞌ tɨi ɨlhiiꞌñ iñ noꞌt jootom yaꞌ ai nach maap mu jiim nach mu jam paxiarpuꞌ mu jaꞌp na pim paiꞌ tu oiꞌdhaꞌ.

SANTIAGO 5:16

Puꞌñi jaꞌk jum aaꞌ na pim duiñchuꞌndaꞌñ jaaduñ. Xi chu aꞌgat japim xi chum uañdhat maaꞌn ñiꞌook xip buaꞌt noꞌ pimɨt tuꞌ bhaan mam uaꞌtulh dai aapiꞌm jam bui, na baꞌ guꞌp jam kɇɇkɇꞌ gu Dios na pim paiꞌ dhuuk puꞌñi soiꞌ ba tɨtdadaꞌ na pim tum daañxiꞌñdhaꞌ bɨɨx jɨꞌmaꞌn na jam duduaꞌñdhaꞌ noꞌt ba ji jam ai gu jax chuꞌm koꞌkdaiꞌ, sia gu jam iꞌiiꞌmdaꞌ bhaan. Na guꞌ gu jaroiꞌ noꞌ moo miꞌ puiꞌ xi dhuiñchuꞌ na jax jaꞌk moox aaꞌ guch Gɨꞌkoraꞌ, bɨxchuꞌx bhaiꞌm duukam jix bhaaiꞌ na pu tu duñiaꞌ bhaankamuꞌn, na guꞌ kɇɇkɇꞌ na paiꞌ dhuuk muiꞌ ba taandaꞌ.

2 JUAN 1:12

Bɨɨx aixim ji guꞌ nañ tɨi xi chu jam aꞌgidham jiñ jaaduñ dhi uꞌuan taꞌm, guꞌ ji nañ guꞌ chi moo jaꞌxbuiꞌ pɨx mu tu jam uaꞌñxidhaꞌ gu xib. Dɨɨlh jañ mu jim bhammɨ dɨr jam bui nañ baꞌ maaxik mi jaꞌp daibui jam aagiꞌñdhaꞌ nañ jɨꞌk jax ka xi chu jam aꞌgidham, nach baꞌ miꞌ dhɨr jaꞌp jaꞌk bɨɨx dhɨt joidham jix bhaiꞌ bach chaat kaꞌ.

3 JUAN 1:14

Dɨɨlh jañ mu jim nañ mum paxiarmɨraꞌñ jaduuñ mu nap paiꞌ kio, muñ baꞌ moo bam aagiꞌñdhaꞌ dho gi ji baꞌ nañ jɨꞌk jax ka xi chum aꞌgidham.