PILIMOON 1:17 - Tepehuano Tepehuán del Sureste (Durango)

¹⁷ Baꞌ nañ jax ba kaiꞌch, puiꞌp jaꞌk ɨlhdhai aichdhaꞌm kiꞌaam na panaas aañ pɨx jir guiꞌ kaꞌ, noꞌp dho ji puiꞌñ ɨlhiiꞌñ nañ aañ jir jum jaduuñ jich Xoiꞌkam bhaan.

PILIMOON 1:17 Iomraidhean Croise

MATEO 10:40

’Baꞌ gu jaroiꞌ noꞌt jix bhaiꞌ jam tɨɨdak jix bhaiꞌ ba jam duu, dhiꞌ jaꞌp ji buusniaꞌ nat aañ jix bhaiꞌ bañ dhuu. Piam ku guꞌ noꞌt aañ jiñ bui tɨ jɨɨꞌñdhak jix bhaiꞌ ba jam duu, dhiꞌ jaꞌp jup ji buusniaꞌ nat guiꞌx bhaiꞌ ba duu nat jaroiꞌ bhañ joot jix dhaam dɨr.

MATEO 18:5

Guꞌ baꞌ gu jaroiꞌ noꞌt jix bhaiꞌ ba duu gu jax chuꞌm alhii aañ jiñ aꞌmkam jaꞌp na jax dhiꞌñi nañ yaꞌ daaꞌ, jaꞌp ji buusniaꞌ nat aañ jix bhaiꞌ bañ dhuu.

MATEO 25:40

Baꞌ aañ jup ja tɨɨdaꞌ ɨp gio: “Dho guꞌ aañ guiꞌ ji nañ ja aagɨt jup kaiꞌch nam gampaiꞌm ɨlhiiꞌñdhaꞌ guiꞌ nam jiñ bui tɨ jɨɨgiꞌñdhaꞌ na pimɨt puꞌñix bhaiꞌ ja duu, puiꞌ kuñ baꞌp kaiꞌch na pimɨt aañ jix bhaiꞌñ dhuu. Na guꞌ dhiꞌ puiꞌ na pimɨt jax tu duu, dhiꞌ aañ jiñ aꞌmkam na pimɨt puiꞌ tu duu.”

GU NOONBIꞌÑ GUCH XOIꞌKAM 16:15

Baꞌ jaꞌxpɨx dai nat ba tɨ jɨɨꞌñ buiñor guch Xoiꞌkam, gio baꞌ nat bam bakua ja bɨɨm guiꞌ nam jɨꞌk jir jum maap oiꞌdhagɨm kaꞌ. Miꞌ dhɨr baꞌ dai na soiꞌ bach chɨtda nach sap xi chɨbiappui mu jaꞌk na paiꞌ kio, jup kaiꞌch: ―Noꞌ pim ɨlhiiꞌñ jiñ jaaduñ nañ sɨlhkam ba tɨ jɨɨgiꞌñ buiñor guch Xoiꞌkam, xi chɨbiappui pim muñ kiꞌaam. Baꞌ aach jup ma oi, na guꞌ soiꞌ kaiꞌch nach baidhim.

2 KORIINTO KAM 8:23

Gu Tiito aañ jiñ buir jix kɨɨꞌ maaꞌnkam, jam aꞌmkam maap tu juan ich na baꞌx bhaiꞌ tu jam jimdaꞌ. Baꞌ dhi jaiꞌ gook nam bɨɨmaꞌn mu jiimdaꞌ gu Tiito, gu jaiꞌch Xoiꞌkam jɨɨgiꞌñdham jamɨt dhiꞌ kɨꞌn ja darai, miꞌ pɨx baꞌ puiꞌp tu duiñchuꞌ am na jax jix aaꞌ guch Xoiꞌkam.

EEPESO KAM 3:6

Nat jax jaꞌk jum aagak tu dai gu Dios bɨjɨk na tu duñiaꞌ puꞌñi gatuuk, jir dhiꞌñi: Na sap puꞌñi bhaankam guch Xoiꞌkam bax bhaaiꞌn kaꞌ bɨɨx guiꞌ nam jɨꞌk cham jir Israel kam jaꞌtkam kaꞌ nam puiꞌp ba bubuakiaꞌ miꞌ dhɨr bhaan gu boi nam bhaan mu jaꞌk jiim nam paiꞌ gammɨjɨ miꞌ pup jum tulhiiñdhaꞌ. Gio na bax bhaaiꞌn kaꞌ ɨp na jaiꞌp tu ja makiaꞌ gu Dios na tuꞌ ja biꞌiiꞌñ guiꞌ nam jir Israel kam jaꞌtkam, dai pɨx baꞌ nam aaꞌ nam tɨ jɨɨꞌñdhaꞌ na maaxik jir sɨlhkam puiꞌ na jax jum kaiꞌch gux bhaiꞌm kaiꞌchdham ñiꞌook na bhaan tu aꞌga guch Xoiꞌkam.

PILIIPOS KAM 1:7

Cham tuꞌr jaꞌp jaꞌk dhiꞌ puiꞌ nañ jɨꞌk jax jiñ aaꞌ jam bui bɨɨx aapiꞌm, nañ guꞌ joidham xi jam joiꞌgɨꞌn, jaꞌxbuiꞌ puiꞌ jam aꞌm jup tɨ nɨidhim guꞌ gu Dios na jax aañ sia kuñ yaꞌ kuup. Jiñ aꞌm tɨ nɨidhidhaꞌ sia ja bui gu gɇꞌgɇrkam noꞌ mɨt jiñ aich, nañ guꞌ miꞌ bhaankam nokiaꞌ gux bhaiꞌm kaiꞌchdham ñiꞌook na bhaan tu aꞌga guch Xoiꞌkam, jix bhaiꞌñ xi ja aagiꞌñdhaꞌ na jax pɨk jir jum duukam.

1 TIMOTEO 6:2

Baꞌ noꞌm guꞌ puiꞌp tɨ jɨɨgiꞌñ buiñor guch Xoiꞌkam gu ja gɇꞌgɇrkam tuk, jum aaꞌ nam jix ioꞌm tuꞌ kaꞌm ja nɨidhat miꞌ puiꞌ xi dhuñiidhaꞌ jax ñam ja tɨɨdaidhaꞌ. Giox bhaiꞌ nam miꞌ puiꞌ xi dhuñiidhaꞌ, cham tuꞌ parban, na guꞌ jaꞌp ji buusandaꞌ nam miaꞌn jir jum jajaaꞌnnim kaꞌ nam maap tɨ jɨɨgiꞌñdhaꞌ buiñor guch Xoiꞌkam. Gio guꞌ guch Xoiꞌkam jɨɨgiꞌñdham pɨk nax ioꞌm jum aaꞌ nach jix bhaiꞌ ja buadaꞌ. Xi ja aagiꞌñdhaꞌ ap bɨɨx nam puiꞌ jaꞌk duiñchuꞌndaꞌ.

PILIMOON 1:10

Aañ bhaankam ñiok gu Oneesimo nat iiꞌmdaꞌ bhaan jaꞌp ji buus na bar jiñ mar, nat guꞌ ba tu maat gux kɨɨꞌp jum duukam nañ tu aꞌgiꞌñdhaꞌ yaꞌ puiꞌ nañ ji kuupich.

PILIMOON 1:12

Baꞌ xib jañ mɨjɨ xim joochxidhaꞌ ɨp gio, puiꞌp jaꞌk ɨlhdhaꞌ na panaas aañ pɨx jir guiꞌ kaꞌ na bhammɨ ba aayaꞌ.

PILIMOON 1:18

Noꞌt tuꞌx buam jum duiñ, piam ku tuꞌ bhaan jum uaꞌtuꞌn, jiñ aagiꞌñdhaꞌ ap nañ aañ jum namkidhaꞌ.

ISRAEL KAM 3:1

Baꞌ aapiꞌm jiñ jaaduñ jich Xoiꞌkam bhaan na pim bar maamraꞌn gu Dios, nat gɇꞌkam kɨꞌn xi jam joiꞌndak jam aꞌm tɨ tɨɨ, jam aꞌm jum aaꞌ na pim bɨɨx jam jujur kɨꞌn tɨ jɨɨꞌñdhat jix biiñak kaꞌ buiñor guch Xoiꞌkam. Gu Dios pu kaiꞌñkam pɨx bha joot na yaꞌ puiꞌ ba ji buusandaꞌ na jax gu ja gɇꞌkam tuk guiꞌ nam bhaiꞌ gɇꞌ chiop ja palhbuiꞌñdhaꞌ gu jaꞌtkam nam tu daandaꞌ buiñor gu Dios.

ISRAEL KAM 3:14

Na guꞌ na baꞌch baidhikaꞌ gu Jesuus jich Xoiꞌkam jix dhaam jaꞌk, jum aaꞌ nach miꞌ puiꞌ jimiaꞌ na jɨꞌk jax tu daaxix gu ñioꞌkiꞌñ gu Dios, gio nach gammɨjɨx biiñak kaꞌ buiñor nach jax bax biiñak janoꞌ dɨr na chich jax tɨ jɨɨꞌñ buiñor.

SANTIAGO 2:5

Dho guꞌ dhiꞌ ji baꞌ pɨk jix ioꞌm jix ja joiꞌndat ja aꞌm tɨ nɨiꞌñ gu Dios guiꞌ nam alh gampaiꞌ tuꞌiiꞌ nam cham tuꞌ biaꞌ, nam guꞌ gammɨjɨ pɨx soiꞌm ɨlhiiꞌñdhaꞌ buiñor. ¿Tuꞌm gi bhaan gɇꞌgɇrkam jum ɨlhiiꞌñdhaꞌ? Dai nam jix ioꞌm jix biiñak kaꞌ pɨx buiñor gu Dios. Dhiꞌ ji baꞌ pɨk ja baidhikaꞌ jix dhaam jaꞌk nat paiꞌ jaꞌk ja iimchuda na saak ja aichdhaꞌ guiꞌ nam jɨꞌk miꞌ puiꞌ jimiaꞌ na jax jix aaꞌ.

1 PEEGRO 5:1

Baꞌ aapiꞌm jiñ jaaduñ na pim jix ioꞌm bɨjɨk dɨr ba tɨ jɨɨgiꞌñ na pim bax maat gu ñioꞌkiꞌñ gu Dios, palhɨɨp jañ jup xi chu jam aꞌgidham na pim jax jaꞌk tuiꞌñgɨdaꞌ nañ kapbhaiꞌ bax maat paꞌ na jax jaꞌk jix bhaiꞌ. Nañ guꞌ aañ puiꞌ pɨx am jup bax maat gu ñioꞌkiꞌñ gu Dios na jax aapiꞌm, nañ guꞌ puiꞌ bɨjɨk dɨr jup ba tɨ jɨɨgiꞌñ, gio na ñich guꞌx bhaiꞌ tɨɨgɨk jiñ buupui kɨꞌn guch Xoiꞌkam nat jax jum duu janoꞌ nat jum tulhiiñak jich aꞌmkam bhaan gu kuruus. Baꞌ puiꞌx bhaiꞌp jiñ ɨlhdhaꞌ iñ janoꞌ na paiꞌ dhuuk gio bhaiꞌp jimdaꞌx ioꞌm gɇꞌkam kɨꞌn na pim jax jix bhaiꞌm ɨlhdhaꞌ aapiꞌm, na guꞌ maap bach baidhikaꞌ.

1 JUAN 1:3

Baꞌ aach xib bhaankamuꞌn guiꞌ jam guguuxiꞌñ jiñ jaaduñ na pim bɨɨx jam jujur kɨꞌn ba tɨ jɨɨꞌñdhaꞌ buiñor. Na guꞌ dhiꞌ cham tuꞌr iatdaꞌ nach jax tu jam aꞌgiꞌñ, guꞌ aach maaxik tɨɨgɨk ji jich buupui kɨꞌn nañ jax ba jam tɨtda, jix bhaiꞌ kɇɇjimɨk ich na jax tu aꞌgimɨk. Baꞌ jam guguuxiꞌñ ich na pim bɨɨx jam jujur kɨꞌn tɨ jɨɨꞌñdhai miꞌ puiꞌ ba jimiaꞌ na jax jix aaꞌ nach baꞌ maap maaꞌn ñiꞌook bap duukaꞌ jam bɨɨm, jaꞌp na jax aach nach maap maaꞌn ñiꞌook bap duuk gu Dios gio gu Maraaꞌn jich Xoiꞌkam, nach guꞌ bɨɨx jich jujur kɨꞌn ba tɨ jɨɨgiꞌñ buiñor.