PILIMOON 1:16 - Tepehuano Tepehuán del Sureste (Durango)

¹⁶ Baꞌ puiꞌ pɨx jaꞌk jap jup ba ɨlhdhaꞌ na jax gu jaiꞌch jaaduñ jich Xoiꞌkam bhaan. Jix joiꞌmdat jap nɨiꞌñdhaꞌ, cham tuꞌp puiꞌ jaꞌk ka ɨlhiiꞌñdhaꞌ na jax bɨɨpɨꞌ dɨr nap tujuandam kɨꞌn ka biaꞌkaꞌ puiꞌ cham ji namkidhat. Jix kɨɨgalhiꞌñ iñ guꞌ aañ. Aap jum aꞌm jum aaꞌ nap jix ioꞌm jix dhaꞌram ɨlhiiꞌñdhaꞌ, cham tuꞌ puiꞌ na aañ, na guꞌ bar jix kɨɨꞌ maaꞌnkam, gio na puiꞌp bar jum jaduuñ na ba tɨ jɨɨgiꞌñ buiñor guch Xoiꞌkam.

PILIMOON 1:16 Iomraidhean Croise

MATEO 23:8

’Baꞌ aapiꞌm cham puiꞌ jaꞌk jup tu jimdaꞌ nam jax jaꞌk tu jim guiꞌam. Chaꞌpim jix aaꞌndaꞌ nam puiꞌ jam tɨɨtɨꞌndaꞌ gu jaꞌtkam na pim jir jix chu mamatdagɨm, na pim guꞌ aapiꞌm jaꞌp ba ji buan na pim jir jum jajaaꞌnnim. Baꞌ maaꞌn pɨx jix jaiꞌch guiꞌ nax dhaam jup tuꞌiiꞌ na jam buir jix chu matdagɨm.

GU NOONBIꞌÑ GUCH XOIꞌKAM 9:17

Baꞌ gu Ananiiyas muiꞌp ma jii mu na paiꞌ tɨbiap gu Saulo. Baꞌ na jax jim bhaiꞌ xi dhaagɨk jup tɨtda: ―Aapiꞌñ jaduuñ Saulo, aañ jup jiñ chɨɨdak bhañ joot gu Gɇꞌkam guiꞌ na Jesuus tɨɨꞌ, guiꞌ nat jum buim maax gaꞌm gu bɨɨx boi nap bhaiꞌ ka jim, nañ sap bhaiꞌ xim dagiaꞌ nap baꞌ giop bax ñia kaꞌ, gio sap baꞌ nam aꞌm bam tajaanaꞌ gux Dhuuduꞌ kam jix Uañ Iiꞌmdaꞌ.

1 KORIINTO KAM 7:22

Na guꞌ guch Xoiꞌkam pɨx na puiꞌ tu duñiaꞌ na baꞌ buusniaꞌ miꞌ dhɨr na paiꞌr tujuandam kaꞌ, dai baꞌ guiꞌ pɨx bar tujuandam tugiꞌñ kaꞌ. Guꞌ baꞌ guiꞌ na pu puiꞌ tɨ jɨɨꞌñdhaꞌ buiñor guch Xoiꞌkam, na cham paiꞌr tujuandam kaꞌ puiꞌ cham namkidhat am, dhiꞌ jaꞌp ji buusniaꞌ na panaas bar tujuandam tugiꞌñ kaꞌ guch Xoiꞌkam puiꞌ cham namkidhat.

KOLOOSAS KAM 3:22

Gio aapiꞌm na pim puiꞌ pɨx jir tujuandam cham ji jam namkidhat, puiꞌ pim tuꞌ kaꞌm jup ja nɨidhat guiꞌ na pim tu ja juañxiꞌñ. Gammɨjɨ pim miꞌ puiꞌ ja duiñxidhidhaꞌ gu tuꞌ, cham tuꞌ dai nam paiꞌ dhuuk xi jam nɨiꞌñdhaꞌ noꞌ pim miꞌ puiꞌ tu duñiim.

1 TIMOTEO 6:2

Baꞌ noꞌm guꞌ puiꞌp tɨ jɨɨgiꞌñ buiñor guch Xoiꞌkam gu ja gɇꞌgɇrkam tuk, jum aaꞌ nam jix ioꞌm tuꞌ kaꞌm ja nɨidhat miꞌ puiꞌ xi dhuñiidhaꞌ jax ñam ja tɨɨdaidhaꞌ. Giox bhaiꞌ nam miꞌ puiꞌ xi dhuñiidhaꞌ, cham tuꞌ parban, na guꞌ jaꞌp ji buusandaꞌ nam miaꞌn jir jum jajaaꞌnnim kaꞌ nam maap tɨ jɨɨgiꞌñdhaꞌ buiñor guch Xoiꞌkam. Gio guꞌ guch Xoiꞌkam jɨɨgiꞌñdham pɨk nax ioꞌm jum aaꞌ nach jix bhaiꞌ ja buadaꞌ. Xi ja aagiꞌñdhaꞌ ap bɨɨx nam puiꞌ jaꞌk duiñchuꞌndaꞌ.

ISRAEL KAM 3:1

Baꞌ aapiꞌm jiñ jaaduñ jich Xoiꞌkam bhaan na pim bar maamraꞌn gu Dios, nat gɇꞌkam kɨꞌn xi jam joiꞌndak jam aꞌm tɨ tɨɨ, jam aꞌm jum aaꞌ na pim bɨɨx jam jujur kɨꞌn tɨ jɨɨꞌñdhat jix biiñak kaꞌ buiñor guch Xoiꞌkam. Gu Dios pu kaiꞌñkam pɨx bha joot na yaꞌ puiꞌ ba ji buusandaꞌ na jax gu ja gɇꞌkam tuk guiꞌ nam bhaiꞌ gɇꞌ chiop ja palhbuiꞌñdhaꞌ gu jaꞌtkam nam tu daandaꞌ buiñor gu Dios.

1 JUAN 5:1

Gu jaroiꞌ noꞌ bɨɨx juraaꞌn kɨꞌn tɨ jɨɨgiꞌñ na gu Jesuus jir diꞌ guch Xoiꞌkam nat Dios bha joot, dhiꞌ jɨꞌ puiꞌ bam kaiꞌchdhaꞌ na Dios jir Maraaꞌn. Baꞌ noꞌ puiꞌ bam tɨɨtɨꞌ na Dios bar Maraaꞌn, jum aaꞌ nax ja joiꞌndat jix bhaiꞌ ja tɨtdadaꞌ gu jaiꞌ nam puiꞌp jir maamraꞌn gu Dios.