MATEO 8:8 - Tepehuano Tepehuán del Sureste (Durango)

⁸ Baꞌ gio muiꞌp ji ñio gu ja gɇꞌkam tuk gu sandaaruiꞌx, jup kaiꞌch: ―Guꞌ pɨx ji nañ guꞌ cham jir jum jupaabkam jiñ jaduuñ nap iam mu bakiaꞌ gɨt jiñ kiꞌaam, nap guꞌ aap jix ioꞌm jir gɇꞌkam. Ku baꞌ guꞌ aañ jix maat ji na dai noꞌ pich puiꞌ ba tɨi sia yaꞌ dɨr, pu dodhiaꞌ guñ chujuandam tuk.

MATEO 8:8 Iomraidhean Croise

MATEO 3:11

Baꞌ aañ nañ xib yaꞌ tu bopkon, jir suudaiꞌ kɨꞌn pɨx, jaꞌppɨx na bhaan jix maatɨꞌ kaꞌ nam jɨꞌk miꞌ puiꞌ jimiim na jax jix aaꞌ gu Dios. Baꞌ guiꞌ na gatuuk bha jim, guiꞌ dho gi guꞌ gux Dhuuduꞌ kam jix Uañ Iiꞌmdaꞌ ji na kɨꞌn jam bopkonaꞌ, gio baꞌ na bɨɨx mɨidhaꞌ gu jam uaꞌtulhdharaꞌ jaꞌp tuꞌm na gu tai kɨꞌn. Baꞌ guiꞌx ioꞌm bɨxchuꞌx aichuꞌn na pu tu duñiaꞌ, cham tuꞌ puiꞌ na jax aañ. Pu cham jɨꞌx jir jupaabkamuꞌn iñ dho moo nam iam tuꞌ suuskaꞌn muiꞌ ba uiꞌdhikaꞌ gɨt.

MATEO 3:14

Baꞌ nat paiꞌ dhuuk mummɨ ba ai, jaꞌkbuiꞌ kat bhaiꞌ bax aaꞌ gu Juan na bakuanaꞌ gu Jesuus, jup tɨtda: ―Guꞌ aañ puiꞌ ɨlhiiꞌñ ji nap aap jaꞌkbuiꞌ kat jiñ bakuanaꞌ, guꞌ aap jaꞌkbuiꞌ kat bhaiꞌ bañ chiañim nañ jum bakuanaꞌ.

MATEO 8:3

Baꞌ gu Jesuus bhaiꞌ xi dhaagɨk jup tɨtda: ―Ea, jum duaꞌñdhaꞌ iñ dho. Baꞌ miꞌ jotmodaꞌ jix kɨɨꞌp jum duu guiꞌ na tootolhidhat bhaiꞌ ka gakiidhat gu tukgaꞌn. Miꞌ dhɨr baꞌ moop tɨtda ɨp gio gu Jesuus: ―Jaña, bax kɨɨꞌ ap dhoñ jaduuñ. Chaꞌp jax kam aaꞌndaꞌ.

MATEO 8:7

Baꞌ gu Jesuus jup tɨtda: ―Ea, mu jimiaꞌ iñ dho nañ dhuaꞌñdharaꞌ.

MATEO 8:9

Nañ guꞌ aañ cham gɇꞌkam jiñ chaat, nañ guꞌ bɨtaꞌn jup tuꞌiiꞌ ja bui gu gɇꞌgɇrkam na mɨt yaꞌñ dhai. Guiꞌ pɨx mu jaꞌk jup ja kaichuꞌ iñ. Baꞌ puiꞌp ja biaꞌ iñ jɨꞌkchi gu sandaaruiꞌx nañ puiꞌp tu ja chian, baꞌ xiñ kɇɇ am. Noꞌñ jaroiꞌ maadɨt mu paiꞌ jootos, mu jimiaꞌ cham jax ji chɨꞌji. Piam noꞌñ mu paiꞌ dhɨr baiꞌñ, mu jimiaꞌ ɨp. Bɨɨx guñ chujuandam tuk miꞌ puiꞌ duñiidhaꞌ am nañ tuꞌ ja chiandaꞌ.

LUUKAS 15:19

Jaꞌp jañ chɨɨdaꞌ na cham puiꞌ kañ iimdaꞌ nañ jir maraaꞌn, na ñich guꞌ buam pɨx alhio. Jaꞌp jañ chɨɨdaꞌ na jaꞌp pɨx bañ biaꞌkaꞌ na jax maadɨt gu tujuandam tugiꞌñ.”

LUUKAS 15:21

Baꞌp kaiꞌch gu maraaꞌn: “Jiñ chaat, aañ gɇꞌkam kɨꞌn mañ uaꞌtulh buiñor gu Dios gio aap jum bui. Chaꞌp puiꞌ kañ iimdaꞌ nañ jir jum mar, na ñich guꞌ buam pɨx jum alhio.”

LUUKAS 5:8

Baꞌ gu Simoon Peegro mi jaꞌp oꞌlhiaꞌn kɨꞌn xi kɨkbok jup tɨtda gu Jesuus: ―Cham jir am nañ jum bɨɨm oirɨdaꞌñ jaduuñ, nañ guꞌ aañ giilhim jix uaꞌtulhdhix.

JUAN 1:27

Pu kani gɨt na guꞌ bhaiꞌ ka jim gatuuk dɨr, sia ku guꞌ gu xib cham paiꞌm mamxiꞌñ. Ku guꞌ aañ cham tuꞌr jupaabkamuꞌn ji nañ iam tuꞌ suuskaꞌn jup ba kookoxdhaꞌ gɨt, sia kuñ guꞌ tɨir bɨɨpɨꞌ kam paꞌ gu yaꞌ maaxik.