MATEO 8:4 - Tepehuano Tepehuán del Sureste (Durango)

⁴ Baꞌ xi sooꞌmchulhdhak ɨp na sap cham jaroiꞌ aagiꞌñdhaꞌ nat duaꞌñ, jup tɨtda: ―Dai nap moo cham jaroiꞌ aagiꞌñdhaꞌ na ñich aañ jum duaꞌñ. Dai nap sɨlh jimiaꞌ pɨx mu na paiꞌr chiop na paiꞌ daa guiꞌ na ja palhbuiꞌñ gu Israel kam jaꞌtkam nam tu daandaꞌ buiñor gu Dios, na baꞌm tɨgiaꞌ nap bax kɨɨꞌ. Xi chɨkkadaꞌ ap. Baꞌ noꞌ jax kaiꞌch nap bax kɨɨꞌ, dho guꞌ dai dho nap tu makgɨrtaꞌ na jax tu aagix nat tu uaꞌnak gu Moisees nam baꞌ bax mat kaꞌ gu jaꞌtkam na pich ba dua na kam ɇɇkat gu koꞌkdaiꞌ.

MATEO 8:4 Iomraidhean Croise

MATEO 10:18

Gio baꞌ gux ioꞌm gɇꞌgɇrkam ja buim jup jam uiꞌkaꞌ noꞌm xi ɨlhiiꞌñ. Baꞌ dhi puꞌñi jaꞌk jiñ aꞌmkam tu ja aꞌgidhaꞌ pim gu gɇꞌgɇrkam jum aaꞌndam gio baꞌ guiꞌ nam cham tuꞌ kaꞌm nɨiꞌñ gu Dios.

MATEO 16:20

Miꞌ dhɨr baꞌ dai nat xi ja sooꞌmchulhdhak gu Jesuus gu noonbiꞌñ nam sap chakui jaroiꞌ aagiꞌñdhaꞌ na dhiꞌr diꞌ guch Xoiꞌkam guiꞌ na saak bha jootsaꞌ gɨt gu Dios.

MATEO 17:9

Baꞌ giop ba jii mɨt bhaiꞌ dhɨr oidhaꞌ taꞌm. Baꞌ nammɨ paiꞌ aꞌnsap nam ba juurkichuꞌ, jup ja tɨtda gu Jesuus nam sap chakui jaroiꞌ aagiꞌñdhaꞌ gu puiꞌ na mɨt jax tɨ tɨɨ, jup kaiꞌch: ―Moo pim chakui jaroiꞌ aagiꞌñdhaꞌ gu dhiꞌ puiꞌ na pimɨt jax tɨ tɨɨ. Dai noꞌ ñich muukɨk giop ba dua na pim baꞌ ba tu aaꞌndaꞌ.

MATEO 3:15

Baꞌp tɨtda gu Jesuus: ―Dho guꞌr am kat dho jia, guꞌ pɨx ji na guꞌch aꞌm jum aaꞌ nach puiꞌ jaꞌk tu kuugalhdhaꞌ na jax tu uaꞌñix gu ñioꞌkiꞌñ gu Dios. Baꞌ puiꞌ cham jax ka tɨi gu Juan, dai nat ba bakua gu Jesuus.

MATEO 5:17

’Aañ cham tuꞌ pu kaiꞌñkam bha jii ji nañ yaꞌ ja sooꞌmchulhdhaꞌ gu jaꞌtkam gu puiꞌ nat jax jaꞌk ja chianɨk gu Moisees nam miꞌ puiꞌ jiimdaꞌ gio gu puiꞌ na mɨt jax jaꞌk ja aaꞌñdhak guiꞌ nam bhaankamuꞌn tu aꞌgimɨk gu Dios, guꞌ aañ ji baꞌr diꞌ na ñich bhaiꞌ ba tu kuugalhdham na mɨt jax tu daasak.

MATEO 6:1

’Chaꞌpim maaxik ja nɨiꞌñchudat gu jaꞌtkam tu ja maakdaꞌ gu tuꞌ guiꞌ nam jɨꞌk cham tuꞌ biaꞌ. Na guꞌ noꞌ pim puꞌñi jaꞌk tu jim, cham jɨꞌxkat jam makiaꞌ guñ Gɨꞌkoraꞌ jix dhaam jaꞌk gux dhaꞌram namkɨm.

MATEO 9:30

Baꞌ miꞌ jotmodaꞌ bhaiꞌ ji ñiññiata mɨt nat jax pu ja tɨɨꞌn gu Jesuus, jix kɨkɨɨꞌ dho guꞌp jum duu mɨt. Baꞌ xi ja sooꞌmchulhdhak nam sap cham jaroiꞌ aagiꞌñdhaꞌ nat ja duduaꞌñ, jup ja tɨtda: ―Dai na pim moo cham jaroiꞌ aagiꞌñdhaꞌ na ñich jam duduaꞌñ.

MAARKOS 13:9

Jaꞌpni baꞌ moop ja tɨtda: ―Moo pim cham jum oꞌjolhdhat tɨ jɨɨgiꞌñdhaꞌ aañ jiñ bui. Nam guꞌ jam daꞌngɨi jam uꞌji jam gɨɨꞌbiaꞌ gu tutpilh mu jaꞌp nam paiꞌ jax tu chichiopiꞌ kaꞌ. Gio nam mu jam uiꞌkaꞌ nam paiꞌ darkaꞌ gux kakaiꞌ gio jaiꞌ ja bui gu gɇꞌgɇrkam jum aaꞌndam, miꞌm baꞌ bhaiꞌ ji jam tɨkkaꞌ noꞌr sɨlhkam na pim tɨ jɨɨgiꞌñdhaꞌ aañ jiñ bui.

MAARKOS 3:12

Guꞌ ji na guꞌ pu ja sosbhichulhiꞌñ gu Jesuus nam muiꞌ tɨi ji ñokiaꞌ nam sap cham miꞌ maaxik kɨɨsaꞌ nar tuꞌp tuꞌm daꞌ.

MAARKOS 5:43

Baꞌ xi ja sooꞌmchulhdhak gu Jesuus nam sap cham jaroiꞌ aagiꞌñdhaꞌ nat jax dhuuk duaꞌñ gu tɨɨyax, dai nat xi chianɨk gu dɨɨdɨꞌn na ba tu makiaꞌ.

MAARKOS 6:11

Piam ku pimɨt guꞌ miꞌ pɨk ai nam paiꞌ cham jam kɨɨgalhiꞌñdhaꞌ, nam cham jɨꞌx jam kaim kaꞌ, pu jimiaꞌ pim maakam jaꞌk, dai na pim xi xiixkai gu dɨbɨɨr mi jam tooton am na pim jax gamaiꞌ ji jimiaꞌ, na baꞌ bhaan jix maatɨꞌ kaꞌ na mɨt cham jam kɨɨgalh. Tuꞌ sɨlhkam kɨꞌn jañ yaꞌ jam aagiꞌñdhaꞌ, chaꞌpim jax jum aaꞌndaꞌ sia kum jaiꞌ cham jam kaim. Na guꞌ janoꞌ na paiꞌ dhuuk jum aayaꞌ na tum kuugalhdhaꞌ yaꞌ dhi oiꞌñgaꞌn nam baꞌ puiꞌ tɨi bam aaꞌndaꞌ, nam guꞌ giilhim jum tulhiiñaꞌ jix ioꞌm, cham tuꞌ puiꞌ na gu Sodooma kam gio gu Gomorra kam.

MAARKOS 7:36

Baꞌp ja tɨtda gu Jesuus guiꞌ nam miꞌp tuꞌiiꞌ nam sap cham jaroiꞌ aagiꞌñdhaꞌ nat jax dhuuk duaꞌñ, guꞌ ji nam guꞌ guiꞌ moo janoꞌ naiꞌ pɨx jaꞌx puiꞌ tu ja aꞌgiꞌñ, sia kut tɨi xi ja sooꞌmcholhdhak.

MAARKOS 8:30

Baꞌ xi ja sooꞌmcholhdhak nam sap cham jaroiꞌ aagiꞌñdhaꞌ, dɨɨlh jam sap pɨx puiꞌx chu mat kaꞌ.

MAARKOS 9:9

Miꞌ dhɨr baꞌ dai na mɨt giop ba jii. Baꞌ bhammɨ dɨr aꞌnsap nam bhaiꞌ ba juurkim, jup ja tɨtda gu Jesuus: ―Moo pim chakui jaroiꞌ aagiꞌñdhaꞌ gu xib puiꞌ na pimɨt jax tɨ tɨɨ. Janoꞌ baꞌ nañ paiꞌ dhuuk muukɨi yaꞌ nañ jax ba oirɨdaꞌ aañ nat bhañ joot guñ Gɨꞌkoraꞌ.

LUUKAS 17:14

Baꞌ nat ba ja tɨɨ gu Jesuus, jup ja tɨtda: ―Ja bui pim xi jimiaꞌ guiꞌ nam ja aꞌmkam tu daandaꞌ dai gu Israel kam jaꞌtkam bhaiꞌ gɇꞌ chiop, nam jam tɨgiaꞌ na pim bax kɨkɨɨꞌ. Baꞌ nam gamaiꞌ ka jiimchuꞌ, joidham jix bhaiꞌ bhaiꞌ ji chu tatdat, bax kɨkɨɨꞌ gu ja tutkuꞌ nam xim nɨnɨiꞌñ.

LUUKAS 21:13

Baꞌ kapbhaiꞌ nam bhaiꞌ ba jam tɨkkadaꞌ, aapiꞌm xi ja aagiꞌñdhaꞌ na pim jax kaiꞌñkam jiñ kaichuꞌ, xi ja aagiꞌñdhaꞌ pim sia nañ jir tuꞌp tuꞌm daꞌ.

LUUKAS 4:41

Muiꞌ mɨt miꞌp ja aich guiꞌ nam ampɨx jix ñanaanbiꞌ kaꞌ na ja aꞌm jup tuiꞌñgɨdaꞌ gu cham kɨkɨɨꞌ iꞌiiꞌmdaꞌ. Baꞌp tɨtdadaꞌ am gu Jesuus gɇꞌ kɨꞌn: ―Aap jir diꞌ gu maraaꞌn gu Dios. Guꞌ ji na guꞌ maaꞌn na jax ñiokdhai pu maiꞌ jootsaꞌ gu Jesuus bhaiꞌ dhɨr bhaan gu maaꞌnkam, na guꞌ dhiꞌ pɨx na puiꞌ jurtuꞌnkaꞌ na baꞌ miꞌ dhɨr puiꞌp kaiꞌchdhaꞌ. Jix maat am guꞌ nar diꞌ guiꞌ na bhaankam ya oirɨ gu Dios.

LUUKAS 5:14

Baꞌ xi sooꞌmchulhdhak gu Jesuus na cham jaroiꞌ aagiꞌñdhaꞌ nat duaꞌñ, jup tɨtda: ―Chaꞌp jaroiꞌ aagiꞌñdhaꞌ na ñich aañ jum duaꞌñ. Sɨlh jap pɨx jimiaꞌ mu chiop na paiꞌ daa guiꞌ na ja aꞌmkam tu daandaꞌ dai gu Israel kam jaꞌtkam, na baꞌm tɨgiaꞌ na pich ba dua. Baꞌ noꞌ jax kaiꞌch nap bax kɨɨꞌ, tɨ tɨkiaꞌ ap na jax jaꞌk aagix nat tu uaꞌnak gu Moisees nam baꞌ bhaan machiaꞌ gu jaꞌtkam na cham tuꞌ kam ɇɇ gu koꞌkdaiꞌ dhiꞌ na jax chuꞌm jum ɇɇkat.

LUUKAS 8:56

Baꞌ cham bhaaiꞌ nam jax xim duñiaꞌ gu gɨꞌkorgaꞌn gu tɨɨyax nam jix bhaiꞌm taat nat ba dua. Xi ja sooꞌmchulhdhak ɨp baꞌ gu Jesuus nam cham jaroiꞌ aagiꞌñdhaꞌ nat duaꞌñ gu ja mar.

LUUKAS 9:21

Baꞌ gu Jesuus xi ja sooꞌmchulhdhak nam sap cham jaroiꞌ aagiꞌñdhaꞌ nar diꞌ guch Xoiꞌkam, dɨɨlh pɨx sap jix mat kaꞌ am.

JUAN 5:41

’Ku guꞌ aañ cham tuꞌ ji nañ jix aagɨt puiꞌ jam tɨtda na pim puiꞌñ chɨɨtɨꞌn nañ jir gɇꞌkam.

JUAN 7:18

Na guꞌ gu jaroiꞌ noꞌ dɨɨlh pɨx naiꞌ tu aꞌgim na jax ɨlhiiꞌñ, cham tuꞌr puiꞌ kaꞌ, na guꞌ dai nax aaꞌndaꞌ nam pɨx bha nɨidhidhaꞌ gu jaꞌtkam. Guꞌ ji noꞌt jumai mu joot, noꞌ miꞌ puiꞌ tu daaꞌñchuꞌ na baꞌr sɨlhkam kaꞌ na jax kaiꞌchdhaꞌ, na guꞌ bhaankamuꞌn pɨx tu aꞌgidhaꞌ.

JUAN 8:50

Ku guꞌ aañ cham tuꞌ ji nañ jix aagɨt jup kaiꞌch na pim jiñ dhaandaꞌ, guꞌ jaꞌpji guñ Gɨꞌkoraꞌ nax aaꞌ na pim jiñ bui tu daandaꞌ, na guꞌ guiꞌ noꞌt jax ba tɨi, jir puiꞌ kaꞌ.