MATEO 8:16 - Tepehuano Tepehuán del Sureste (Durango)

¹⁶ Baꞌ jaꞌxpɨx nat ba ji chuk, jix ioꞌm muiꞌ miꞌ ba aichulh jamɨt gu Jesuus gu jaꞌtkam guiꞌ nam ampɨx puiꞌx ñanaanbiꞌ kaꞌ na puiꞌ jaꞌk ja duukaꞌ gu cham kɨkɨɨꞌ iꞌiiꞌmdaꞌ na ja aꞌm jup tuiꞌkaꞌ, gio baꞌ jaiꞌ guiꞌ nam jaꞌppɨx jix kakoꞌk kaꞌ. Baꞌ gu Jesuus pɨx jaꞌx jup ji ja duduaꞌñ, pu bɨɨx jix kɨkɨɨꞌp jum duu mɨt.

MATEO 8:16 Iomraidhean Croise

MATEO 12:22

Baꞌ jaꞌxpɨx miꞌ ba aiꞌchulh jamɨt gu Jesuus maaꞌn gu maaꞌnkam na bhaan jup tuiꞌñgɨdaꞌ gu cham kɨɨꞌ iiꞌmdaꞌ na puiꞌ jaꞌk duukaꞌ na cham ñia kaꞌ gio na cham tu ñiokdaꞌ. Baꞌ cham jax ji chɨꞌɨɨk jup xi dhuaꞌñ gu Jesuus, jix kɨɨꞌ dho guꞌp jum duu, ba tu ñiok gio na bax ñia.

MATEO 14:14

Baꞌ nat paiꞌ dhuuk bhammɨ dɨr ba ai gu Jesuus, nat jax muiꞌ ji chɨm bhaiꞌ dhɨr bhaan gu gɇꞌ kanuub, bhaiꞌ pɨx ji ja tɨɨ gu jaꞌtkam nam jix ioꞌm muiꞌ nammɨ juꞌ nam bhaiꞌp tuꞌiiꞌ juꞌñdharan gu gɇꞌ suudaiꞌ. Baꞌx joiꞌmdak ba ja tɨɨ, baꞌ bhaiꞌ ji ja duduaꞌñ gux kakoꞌkkam guiꞌ nam ja uaꞌ.

MATEO 8:15

Baꞌ amuub xi ɇɇk miꞌ xi dhaa nobiꞌran. Baꞌ jotmodaꞌ jix bhaiꞌ ji chu tatdat, jix kɨɨꞌ dho guꞌp jum duu na ka ɇɇkat gu toiñdhiꞌ. Miꞌ dhɨr dho guꞌ dai nat bamgɨk ba tu ja onbaiꞌ.

MATEO 8:33

Baꞌ guiꞌ nam bhaiꞌ ka tu bipiaꞌdat gu tatooxkolh, totdonɨk pu jiboiꞌññor jamɨt mu jaꞌk na paiꞌ muiꞌ daaꞌñxim jir kikcham kaꞌ, baꞌ ba ja aagiꞌñ am gu jaꞌtkam na mɨt jax jum duu gu tatooxkolh gio gu gook gu jaꞌtkam na mɨt dudua nam kax ñanaanbiꞌ kat na ja aꞌm jup tuiꞌñgɨt gu cham kɨkɨɨꞌ iꞌiiꞌmdaꞌ.

MATEO 9:2

Baꞌ cham jɨꞌx mɨɨkim na mɨt maaꞌn miꞌ ba aichulh gux maꞌmkulhiꞌ bhaan gu bakxidharaꞌ. Baꞌ gu Jesuus nat ba ja tɨɨ nam buiñor jix biiñaktuꞌ guiꞌ nam mu uaꞌ, jup tɨtda gux koꞌkkam: ―Chaꞌp jax kam aaꞌndaꞌ jiñ jaduuñ. Ba uañchudhix ji matgɨm gum uaꞌtulhdharaꞌ.

MAARKOS 2:3

Baꞌ jaꞌxpɨx maaꞌn miꞌ ba aich jamɨt gux ioꞌm jix maꞌmkulhiꞌ maakob dɨt.

MAARKOS 5:8

Guꞌ nax chooꞌnnɨt na baꞌ puiꞌ kaiꞌch, nat guꞌ maaꞌnnim pu ba ñiok gu Jesuus, jup tɨtda: ―Mu buusaiñ cham kɨɨꞌ iiꞌmdaꞌ bhaiꞌ dhɨr bhaan dhiñ jaduuñ.

MAARKOS 9:25

Baꞌ pɨx ji aajim am gu jaꞌtkam na ja nɨiꞌñ gu Jesuus, baꞌ xim jotmaꞌñ nat maiꞌ joot gu cham kɨɨꞌ iiꞌmdaꞌ, jup tɨtda: ―Aapiꞌ cham kɨɨꞌ iiꞌmdaꞌ nap miꞌ naanbichuꞌn dhiñ jaduuñ na baꞌ cham tu ñiok gio na cham tɇ kɇɇ, mu buusaiñ bhaiꞌ dhɨr bhaan. Chaꞌp baꞌ gio bhaiꞌp ka bapkɨdaꞌ.

LUUKAS 13:12

Nat paiꞌ dhuuk tɨɨ gu Jesuus na mi jaꞌp daa, mu jaꞌk xi baidhak amuub jup tɨtda: ―Xiib yaꞌ dodhiaꞌ ap ji matgɨm jiñ jaduuñ dhiꞌ nap tuꞌ kɨꞌn jix kaꞌook. Chaꞌp jax kam aaꞌndaꞌ.

LUUKAS 4:40

Baꞌ nat paiꞌ pu ba jur, nat ampɨx bhɨjɨ ji bhiꞌñ gu tanoolh, muiꞌ gu jaꞌtkam pɨx miꞌ ji ai mɨt na paiꞌ gu Jesuus ji ja baidhat gux kakoꞌkkam bɨɨx aixim tuꞌm na ja ɇɇkaꞌ na baꞌ ja duduaꞌñdhaꞌ. Baꞌ gu Jesuus pɨx jup ji ja duduaꞌñ, dai na bhaiꞌ pɨx xi ja daꞌngim.

LUUKAS 4:41

Muiꞌ mɨt miꞌp ja aich guiꞌ nam ampɨx jix ñanaanbiꞌ kaꞌ na ja aꞌm jup tuiꞌñgɨdaꞌ gu cham kɨkɨɨꞌ iꞌiiꞌmdaꞌ. Baꞌp tɨtdadaꞌ am gu Jesuus gɇꞌ kɨꞌn: ―Aap jir diꞌ gu maraaꞌn gu Dios. Guꞌ ji na guꞌ maaꞌn na jax ñiokdhai pu maiꞌ jootsaꞌ gu Jesuus bhaiꞌ dhɨr bhaan gu maaꞌnkam, na guꞌ dhiꞌ pɨx na puiꞌ jurtuꞌnkaꞌ na baꞌ miꞌ dhɨr puiꞌp kaiꞌchdhaꞌ. Jix maat am guꞌ nar diꞌ guiꞌ na bhaankam ya oirɨ gu Dios.

GU NOONBIꞌÑ GUCH XOIꞌKAM 5:15

Miꞌ dhɨr baꞌ dai nam ja boosgaidhat mu jaꞌp ba ja darsaim gux kakoꞌkkam bɨɨx baꞌbhak soosnap bhaan gu bapakxidharaꞌ, nam puiꞌm aaꞌ na jaiꞌ ja aꞌm bhɨɨyaꞌ gu ɨkgigaꞌn gu Peegro na paiꞌ dhuuk bha buusniaꞌ nam sap baꞌ pu duduadhiaꞌ.