MATEO 7:16 - Tepehuano Tepehuán del Sureste (Durango)

¹⁶ Na guꞌx maatɨꞌ kaꞌ jia nam jax jaꞌk tu jimdaꞌ na pim xi ja nɨiꞌñdhaꞌ. Na guꞌ na pim jax bax maat na cham jax chuꞌm jaiꞌch gu ɨꞌɨɨx nax maikak tu iꞌbhaiꞌñchar na moo gatuuk jix maimdagɨm jup ba iibhaiꞌñchaꞌ, ni gu jax chuꞌm ɨꞌɨɨx guiꞌ na pux maimdagɨm tu iꞌbhaiꞌñchar ku moo joidham jix maikak jup ba iibhaiꞌñchaꞌ gatuuk.

MATEO 7:16 Iomraidhean Croise

MATEO 12:33

’Noꞌ pimɨt jix bhaiꞌ moikxi gu jax chuꞌm jam ɨꞌɨɨx, joidham jix kɨɨꞌ iꞌbhaiꞌñchaꞌ dho. Piam ku guꞌ noꞌ pimɨt cham bhaiꞌ moikxi, cham kɨɨꞌ iꞌbhaiꞌñchaꞌ dho.

MATEO 7:20

Baꞌ puꞌñi jaꞌk jup ji buan am guiꞌ nam sap pɨk baꞌ bhaankamuꞌn tu aꞌgadaꞌ gu Dios, jix maatɨꞌ kaꞌ nam jax jaꞌk tu jimdaꞌ na pim xi ja nɨiꞌñdhaꞌ.

GALAASIA KAM 5:22

Baꞌ noꞌ jaroiꞌ bhaan tajaañixchuꞌ gux Dhuuduꞌ kam jix Uañ Iiꞌmdaꞌ, jix chu joiꞌgɨꞌndaꞌ pɨx sia tuꞌ na pɨx bhaan ja bui gu jaꞌtkam, na gammɨjɨx bhaiꞌm taatɨt ja palhbuiꞌñdhaꞌ sia nar paiꞌ dhuuk kaꞌ gɨt. Gio na cham bhaamdar kaꞌ, nax chu nakooꞌndaꞌ pɨx sia tuꞌ na pɨx kɨꞌn. Gam na dɨɨlh jum palhbuiꞌñkaꞌ na jax jaꞌk cham tuꞌ bhaan maiꞌchiaꞌ gux buam jum duukam. Na gammɨjɨ soiꞌm ɨlhdhat tuꞌ sɨlhkam tɨ jɨɨꞌñdhat buiñor guch Xoiꞌkam miꞌ puiꞌ jimdaꞌ na jax jix kɨɨꞌ kaꞌm nɨiꞌñ. Noꞌ jaroiꞌ gammɨjɨ puꞌñi miꞌ puiꞌ tu duiñchuꞌ, cham jum aaꞌ na jaroiꞌ aagiꞌñdhaꞌ na jax jaꞌk tu aagix, na guꞌ puꞌñi pɨx jaꞌk jum aaꞌ nam tuiꞌñgɨdaꞌ gɨt bɨɨx gu jaꞌtkam.

SANTIAGO 2:18

Jaiñ noꞌ jaroiꞌ jax jum tɨtda mu paiꞌ jim namkɨk: “Na baꞌ aap moo ni jɨꞌx kup iam jix bhaiꞌm duukam xip tu bua na jax jaꞌk jix kɨɨꞌ kaꞌm nɨiꞌñ gu Dios, na saak aap baꞌ pɨk bɨɨx jum jur kɨꞌn jix biiñak kat tɨ jɨɨgiꞌñ buiñor guch Xoiꞌkam. Aañ iam jix bhaiꞌm duukam jup tu bua ji, sia kuñ cham tɨ jɨɨgiꞌñ buiñor guch Xoiꞌkam. Puiꞌ kaiꞌchdhaꞌ ap na saak jum aaꞌ nañ bɨɨx jiñ jur kɨꞌn jix biiñak kat tɨ jɨɨgiꞌñdhaꞌ buiñor guch Xoiꞌkam na baꞌñ baidhikaꞌ jix dhaam jaꞌk, guꞌ ji na guꞌ ni jɨꞌx kup iam jix bhaiꞌm duukam xip tu bua na jax jix aaꞌ gu Dios na bhaan jix maatɨꞌ kaꞌ gɨt nap sɨlhkam bɨɨx jum jur kɨꞌn jix biiñak kat miꞌ puiꞌ jim na jax jix aaꞌ. Aañiꞌ ji na baꞌ puiꞌ bam kaiꞌch nañ panaas tuꞌ kaꞌm nɨidhat miꞌ puiꞌ jim na jax jix aaꞌ gu Dios. Tɨɨꞌ nañ guꞌx bhaiꞌm duukam xip tu bua na jax jix kɨɨꞌ kaꞌm nɨiꞌñ.”

SANTIAGO 3:12

Gio jaꞌpni ɨp na jax gu iigɨx, na guꞌ cham jɨꞌxdhaꞌ turaasno iibhaiꞌñchaꞌ, nix chuꞌ gu uubas ku cham jɨꞌxdhaꞌ iigɨx iibhaiꞌñchaꞌ, na guꞌ cham tuꞌr pu chuꞌm kaꞌ gu toonaꞌn. Puꞌñi ɨp baꞌ dhiꞌñ jaaduñ, aañ cham paiꞌ dhuuk tɨ nɨiꞌñ ji paiꞌ na dɨɨbon gu suudaiꞌ na jɨꞌx jix xibuꞌ miꞌ dhɨr jup ba buandaꞌ, jɨꞌx baꞌ moox iꞌoob ɨp.