MATEO 4:4 - Tepehuano Tepehuán del Sureste (Durango)

⁴ Baꞌp tɨtda gu Jesuus: ―Jax dhui nap jum kaiꞌch gu ñioꞌkiꞌñ gu Dios miꞌ na paiꞌ tu uaꞌñix na cham tuꞌ dai tuꞌ koiꞌ kɨꞌn dua gu maaꞌnkam, guꞌ jaꞌpji sia ji noꞌ miꞌ puiꞌ jim na jɨꞌk jax jum kaiꞌch gu ñioꞌkiꞌñ gu Dios.

MATEO 4:4 Iomraidhean Croise

MATEO 15:11

Jax dhui na moo cham tuꞌ xidhuu gu tuꞌ koiꞌ noꞌ moo tu kuaꞌ pɨx gu jaroiꞌ. Guꞌ ji noꞌ giilhim kaiꞌch na jax cham jir am na baꞌ puiꞌm kaiꞌch nax xidhuu, na guꞌr uaꞌtulhdharaꞌ.

MATEO 4:10

Guꞌ ji na guꞌp tɨtda pɨx gu Jesuus: ―Mu bi jim jaꞌook. Chaꞌp tuꞌ kɨꞌn kañ juandaꞌ. Na guꞌp jum kaiꞌch ɨp miꞌ na paiꞌ tu uaꞌñix gu ñioꞌkiꞌñ gu Dios na jaꞌpni muiꞌ jim kɨksa: “Xi chu daanɨt ap buiñor gu Dios guiꞌ nar gɇꞌkam. Baꞌ dai guiꞌ buiñor jap pɨx tu daandaꞌ, cham tuꞌ jumai buiñor ɨp.”

MATEO 4:7

Baꞌp tɨtda ɨp gio gu Jesuus: ―Jax dhui na moo jaꞌpnip jum kaiꞌch ɨp miꞌ na paiꞌ tu uaꞌñix gu ñioꞌkiꞌñ gu Dios na jaꞌpni muiꞌ jim kɨksa: “Cham jir am nap mamaiꞌchɨkdaꞌ gu Gɇꞌkam jich Gɨꞌkoraꞌ, na guꞌx ioꞌm jix xidhuu.”

MAARKOS 7:20

Baꞌ jaꞌpnip ja tɨtda: ―Guꞌ ji noꞌx bhaamut naiꞌ tɨtɨɨꞌñchu gu jaroiꞌ piam ku jax ña pɨx jum aaꞌ nax buam jir jum duukam na baꞌx xidhuu, na guꞌr uaꞌtulhdharaꞌ.

LUUKAS 4:12

Baꞌ gu Jesuus jup tɨtda: ―Jax dhui nap jum kaiꞌch ɨp sia miꞌ na mɨt paiꞌ tu uaꞌnak gu bɨjɨk dɨr kam nax xidhuu noꞌ jaroiꞌ mamaiꞌchɨk gu Dios, na guꞌr gɇꞌkam.

LUUKAS 4:4

Baꞌ gu Jesuus jup tɨtda: ―Jax dhui nap jum kaiꞌch miꞌ na mɨt paiꞌ tu uaꞌnak gu bɨjɨk dɨr kam nax ioꞌm jum aaꞌ na miꞌ puiꞌ jimdaꞌ gu maaꞌnkam na jax jix aaꞌ gu Dios na baꞌx bhaiꞌ tu jimdaꞌ, cham tuꞌ gu tuꞌ koiꞌ kɨꞌn.

LUUKAS 4:8

Baꞌ gu Jesuus jup tɨtda: ―Jax dhui na guꞌp jum kaiꞌch ɨp miꞌ na mɨt paiꞌ tu uaꞌnak gu bɨjɨk dɨr kam na dai gu Dios jix bhaiꞌ nach gɇꞌkamtuꞌndaꞌ, cham tuꞌ jumai. Dai guiꞌ pɨx jach jir tujuandam tugiꞌñ kaꞌ.

JUAN 15:26

’Ku baꞌ guꞌ noꞌt yaꞌ ba ai gux Dhuuduꞌ kam jix Uañ Iiꞌmdaꞌ nañ bha jam joochxidhaꞌ bhaankamuꞌn guñ Gɨꞌkoraꞌ, jix ioꞌm bhaiꞌ ji jam mattudaꞌ ji nañ jɨꞌk jax jir tuꞌm kam aañ, na guꞌ jam aꞌm tajaañix kaꞌ, gammɨjɨ na jam nuukdaidhaꞌ gam na jam guguuxdhatgɨdaꞌ.

JUAN 6:63

Dhiꞌ moo jam aꞌm jum aaꞌ ji na pim tɨ jɨɨꞌñdhaꞌ bɨɨx jam jujur kɨꞌn nañ jax jam tɨtda na baꞌ jam tajaañdhaꞌ guñ Gɨꞌkoraꞌ gux Dhuuduꞌ kam jix Uañ Iiꞌmdaꞌ na pim baꞌx mat kaꞌ na jax jaꞌk jam aꞌm tɨ nɨidhidhaꞌ. Na guꞌ gu dɨɨlh pɨx cham jɨꞌxkat machiaꞌ pim, na guꞌ dai gu tuꞌ yaꞌ kam dhi oiꞌñgaꞌn na pim bhaan tɨtɨɨꞌñcho.

ROOMA KAM 15:4

Na guꞌ bɨɨx na mɨt jɨꞌk jax tu uaꞌnak gu bɨjɨk dɨr kam, pu kaiꞌñkam tu uaꞌnak jamɨt nach baꞌ puꞌñi aach bhaan machiaꞌ nach jax jaꞌk jix ioꞌm jich guguuxdhaꞌ nach buiñor tɨ jɨɨgiꞌñdhaꞌ guch Xoiꞌkam, gio nach jax jaꞌk tu nakgaꞌ puiꞌ na jax jix chu xijai yaꞌ dhi oiꞌñgaꞌn.

EEPESO KAM 6:17

Guꞌ baꞌ na pim cham tuꞌ mu jaꞌk ka jiim na pim paiꞌ gammɨjɨ gɨt miꞌ pup jum tulhiiñdhaꞌ, dhiꞌ jaꞌp ji buusan na pim jam moom am ja baapas gu bapaiñum bopnam na pim kɨꞌn taaꞌbiꞌñ, na baꞌ cham bhaiꞌ jaꞌk jam aayaꞌ gux buam jum duukam na bhaiꞌ ji jam mumuuyaꞌ. Baꞌ na pim jix mat kaꞌ na jɨꞌk jax tu uaꞌñix gu ñioꞌkiꞌñ gu Dios, dhiꞌ jaꞌp ji buusniaꞌ na jax noꞌ pim daaꞌ maaꞌn gu tɇb kuxiir na pim kɨꞌn jup jum palhbuiꞌñkaꞌ, guiꞌ nat jam maa gux Dhuuduꞌ kam jix Uañ Iiꞌmdaꞌ.