MATEO 4:10 - Tepehuano Tepehuán del Sureste (Durango)

¹⁰ Guꞌ ji na guꞌp tɨtda pɨx gu Jesuus: ―Mu bi jim jaꞌook. Chaꞌp tuꞌ kɨꞌn kañ juandaꞌ. Na guꞌp jum kaiꞌch ɨp miꞌ na paiꞌ tu uaꞌñix gu ñioꞌkiꞌñ gu Dios na jaꞌpni muiꞌ jim kɨksa: “Xi chu daanɨt ap buiñor gu Dios guiꞌ nar gɇꞌkam. Baꞌ dai guiꞌ buiñor jap pɨx tu daandaꞌ, cham tuꞌ jumai buiñor ɨp.”

MATEO 4:10 Iomraidhean Croise

MATEO 16:23

Guꞌ ji nat guꞌ jotmodaꞌ kuꞌ xi kɨkbok gu Jesuus jup tɨtda: ―Moop cham tuꞌ kɨꞌn jiñ juandaꞌ toobilhik, nap guꞌ cham puiꞌ ɨlhiiꞌñ na jax jix aaꞌ gu Dios, dai nam jax pɨx jaꞌk ɨlhiiꞌñ gu jaꞌtkam.

MAARKOS 1:13

Baꞌ miꞌ juruuñ maaꞌn masaaꞌn daman mambhɨɨx tanoolh, mɨjɨ jaꞌp pu oirɨdaꞌ dɨɨlh na paiꞌ cham jaroiꞌ oirɨdaꞌ. Dai gu tuꞌ jɨꞌngiarum na mi jaꞌp tum oipodaꞌ, gio baꞌ guch Gɨꞌkoraꞌ gu noonbiꞌñ nam guguuxiꞌñdhaꞌ. Baꞌ miꞌ ba ai gu jaꞌook na ɨlhdhat na moo miꞌ maiꞌchiaꞌ gɨt, guꞌ ji nat guꞌ cham jax dhooda.

LUUKAS 10:18

Baꞌp ja tɨtda gu Jesuus: ―Dho na guꞌ aañ cham tuꞌr jiñ jupaabkam gu jaꞌook, puiꞌ ku baꞌ xiñ jɨɨgiꞌñ. Tɨɨ ñich guꞌ nat bha ji buax dhaam dɨr guñ Gɨꞌkoraꞌ janoꞌ nat paiꞌ dhuuk giilhim jum uaꞌtulh buiñor, jaꞌp jum duu na jax gu duuk noꞌt bɨpgɨ.

LUUKAS 11:18

Puꞌñip jum duñiaꞌ gu ja gɇꞌkam tuk gu cham kɨkɨɨꞌ iꞌiiꞌmdaꞌ noꞌt jax dhuuk bhaiꞌ ji bhaam ja bui gu tujuandam tugiꞌñ, nam guꞌ cham maaꞌn ñiꞌook kap duukaꞌ. Jaꞌp jañ kaiꞌñkam jup kaiꞌch na ni jɨꞌx kur puiꞌ na pim jax jiñ aiꞌchuxiꞌñ jaiꞌ dhɨt. Jup kaiꞌch japim nañ aꞌm jup tuiꞌdhiꞌ gu ja gɇꞌkam tuk gu cham kɨkɨɨꞌ iꞌiiꞌmdaꞌ nam baꞌ xiñ jɨɨgiꞌñ.

LUUKAS 13:16

Puꞌñi dhop ji buusan dhiñ jaduuñ nar boxiiꞌñ gu Abraam, gu cham kɨɨꞌ iiꞌmdaꞌ puiꞌ jaꞌk duukaꞌ nax dhumaaram tu oirɨdaꞌ. Mambhɨɨx daman xijum baik oidhaꞌ ba tulhiiñchuda. ¿Cham aa guꞌr am baꞌ na dodhiaꞌ sia na paiꞌ dhuuk cham tum juandaꞌ?

LUUKAS 22:3

Guꞌ ji na guꞌ maadɨt gu mambhɨɨx daman gook gu noonbiꞌñ gu Jesuus bhaan baa gu jaꞌook, guiꞌ na Juudas tɨɨꞌ, nam Iskarioti kɨꞌn jup jix mat kaꞌ.

LUUKAS 22:31

Baꞌ gu Jesuus jup tɨtda ɨp gu Simoon Peegro: ―Simoon, aañ jaꞌpni xim tɨɨdam. Gu jaꞌook jup tɨtda guñ Gɨꞌkoraꞌ na sap aapiꞌm bɨɨx jɨꞌmaꞌn jam maiꞌchiaꞌ tuꞌ bhaan na pim baꞌ gai suulhgiaꞌ. Guñ Gɨꞌkoraꞌ baꞌ puiꞌp tɨɨꞌn nar am na sap baꞌ bhaan machiaꞌ noꞌ pim bax ñakooꞌ.

LUUKAS 4:8

Baꞌ gu Jesuus jup tɨtda: ―Jax dhui na guꞌp jum kaiꞌch ɨp miꞌ na mɨt paiꞌ tu uaꞌnak gu bɨjɨk dɨr kam na dai gu Dios jix bhaiꞌ nach gɇꞌkamtuꞌndaꞌ, cham tuꞌ jumai. Dai guiꞌ pɨx jach jir tujuandam tugiꞌñ kaꞌ.

JUAN 13:27

Baꞌ nat kiaꞌpɨx maaꞌn bhaiꞌ ba kɨi, bhaan pu baa gu jaꞌook. Baꞌp tɨtda gu Jesuus: ―Xib jap baꞌ ba jimdaꞌ Juudas nap jax puiꞌx chu duñiim saak, dai na moo jotmodaꞌ gɨt.

GU NOONBIꞌÑ GUCH XOIꞌKAM 26:18

Baꞌ dhiꞌ jaꞌp kaiꞌñkam jañ mum jootsaꞌ nap ja aagiꞌñdhaꞌ nam baꞌ ba machiaꞌ nam jax jaꞌk miꞌ puiꞌ jimiaꞌ nam baꞌ cham jix chu tukgam kɨr ka oipodaꞌ, nam baꞌ cham ka kaichgɨdaꞌ gu jaꞌook. Guꞌ jaꞌpji nam miꞌ puiꞌ ba jimiaꞌ ji na jax jix aaꞌ gu Dios, gio nam baꞌ ba tɨ jɨɨꞌñdhaꞌ aañ jiñ bui. Dhiꞌ puꞌñi jaꞌk duuk baꞌ ba uañchudhix kaꞌ gu ja uaꞌtulhdharaꞌ, gio na baꞌ ja aꞌm biꞌyaꞌ guiꞌ nat tuꞌ ba ja iimchuda guiꞌ na jɨꞌk ja aꞌm ba tɨ nɨidhim gu Dios.”

GU NOONBIꞌÑ GUCH XOIꞌKAM 5:3

Guꞌ ji na guꞌp tɨtda gu Peegro nat paiꞌ dhuuk tɨi ba maa: ―¿Jax baꞌ jiñ jaduuñ Ananiiyas kut baꞌm jur am ji baakɨk gu jaꞌook puiꞌ jaꞌk jum jurtuda nap baꞌ bha jimɨi yaꞌ iatgidhaꞌ gux Dhuuduꞌ kam jix Uañ Iiꞌmdaꞌ, nap puiꞌ kaiꞌchim na pimɨt jaꞌkbuiꞌ kɨꞌn pɨx gaꞌra gu jam dɨrbaꞌ na pich jɨꞌk yaꞌ ba aich dhi tuumiñ, sia ku pimɨt jaiꞌ xi biꞌaak?

1 KORIINTO KAM 5:5

mu joochxidhaꞌ gu jaꞌook gu jaroiꞌ na bhaiꞌ paiꞌ puiꞌx buam tu bua na baꞌ mu pu doodaꞌ gu tukgaꞌn na dɨɨlh jax ɨlhiiꞌñ, katti puꞌñi jaꞌk iam soiꞌm ɨlhdhaꞌ, siat baꞌ dai iiꞌmdagaꞌn jii buiñor guch Xoiꞌkam janoꞌ na paiꞌ dhuuk gio bhaiꞌp jim.

1 KORIINTO KAM 7:5

Jix bhaiꞌ kaiꞌchɨt jam baꞌ maap boppodaꞌ paiꞌ nam duuk ɨlhiiꞌñdhaꞌ, cham tuꞌ na maadɨt cham aaꞌndaꞌ. Gio guꞌr am ɨp nam gook dɨt xi chu aꞌgai noꞌm jix aaꞌ nam jɨꞌk tanoolh cham maap boppodaꞌ, noꞌm guꞌx aaꞌ nam soiꞌm ɨlhdhat dai gu Dios buiñor ka xi chu dañiaꞌ. Baꞌ na paiꞌm aayaꞌ nam paiꞌ dhuuk juugɨt tu daasaꞌ, miꞌ dhɨr maaꞌn nam jax jix bhaiꞌ kaiꞌchɨt maap boppodaꞌ. Na guꞌ noꞌm mɨk cham maap boppo, cham maatɨꞌ kaꞌ noꞌm moo nakgaꞌ nam tɨ bɨɨm jix boꞌiik kaꞌ, kaꞌ baꞌ guꞌ dhiꞌ bhaan ja maiꞌchɨi gu jaꞌook bam uaꞌtulhdhaꞌ am.

2 KORIINTO KAM 11:14

Gio guꞌx maat ich gu jaꞌook na bɨxchuꞌx aichuꞌn na jax jaꞌk bhaan ja iatgidhaꞌ gu jaꞌtkam, sia puiꞌ xim dui na panaas jir nobiiꞌñ kaꞌ gu Dios.

2 KORIINTO KAM 12:7

Puiꞌ na jax nat tɨñ chɨɨꞌñchuda iiꞌmdaꞌ bhaan gu Dios, nañ guꞌ cham tuꞌ bɨɨx tu aaꞌ na ñich jax tɨ tɨɨ, dɨɨlh pɨx jañ puiꞌx chu maat. Tu nakooꞌ iñ sia kuñ jax tɨi bhaan gɇꞌkam xiñ ɨlhdham guiꞌ nañ tuꞌx maat, bhaiꞌ pɨx ji chuñ ai baꞌñ chuukuꞌ bhaan, jaꞌp tu tatdaꞌ na panaas joiꞌ kɨꞌn jiñ xɨssɨ gu jaꞌook bɨɨx kap na jɨꞌx jir jiñ chuukuꞌ.

2 KORIINTO KAM 2:11

Gio cham tuꞌ bhaan jich maiꞌchiaꞌ gu jaꞌook, nach guꞌx maat na dhiꞌ bhaan tu daꞌngɨ gam bɨɨx aixim gu tuꞌ nar jix buam jum duukam.

SANTIAGO 4:7

Baꞌ aañ jam guguuxiꞌñ jiñ jaaduñ na pim muiꞌ xix biiñak kaꞌ buiñor gu Dios bɨɨx jam jujur kɨꞌn. Chaꞌpim mu jaꞌk kɇɇkɇꞌ gu jaꞌook. Xi ñiokdhai pim bhaankamuꞌn guch Xoiꞌkam, ka na guꞌ pu jimiññolhiaꞌ, baꞌ cham tuꞌ maakam ka jam jurtuꞌnkaꞌ.

1 PEEGRO 5:9

Aapiꞌm xi ñakgat maaꞌn na pim jax miꞌ puiꞌ xi jiimdaꞌ na jax jix aaꞌ guch Gɨꞌkoraꞌ noꞌt tɨi bhaiꞌ ji jam tulhiiñchuda gu jaꞌook tuꞌ na pɨx bhaan. Muiꞌ pim pɨx xix biiñak kaꞌ buiñor gu Dios, nam guꞌ sia puꞌñim tulhiiñ guch jaaduñ jich Xoiꞌkam bhaan nam naiꞌ jaꞌp oiꞌdhaꞌ na jɨꞌx oiꞌñgaꞌn na bɨxchuꞌ bhaan ja tulhiiñchuꞌn gu jaꞌook.