MATEO 26:42 - Tepehuano Tepehuán del Sureste (Durango)

⁴² Baꞌ daipuꞌ xi ja tɨɨdak gio mu jaꞌk jup ji dhuu nat ba tu daañim ɨp gio. Baꞌ maaꞌn na jax kaiꞌch na tu daan na jax bɨɨpɨꞌ dɨr, jup kaiꞌch: ―Aapiꞌñ Gɨꞌkoraꞌ nap jix dhaam jup tuꞌiiꞌ, jiñ palhbuidhaꞌ ap nam baꞌ cham jiñ muꞌaaꞌ guiꞌ nam jiñ oꞌbhagiꞌñ, na guꞌ dhiꞌ jaꞌp ji buusniaꞌ nañ iꞌyaꞌ gu tuꞌ na giilhim jix xibuꞌ. Ku baꞌ guꞌ cham tuꞌ ji na moo puiꞌ tu tuiꞌkaꞌ nañ jax kaiꞌch aañ, guꞌ jaꞌpji nap jax ɨlhiiꞌñdhaꞌ ji aap jiñ Gɨꞌkoraꞌ.

MATEO 26:42 Iomraidhean Croise

MATEO 20:22

Baꞌp ja tɨtda gu Jesuus: ―Matgɨm giilhim jix xijai ji na baꞌ puiꞌ tu tuiꞌkaꞌ gu dhiꞌ puiꞌ na pim jax ɨlhiiꞌñ, na guꞌ bɨɨpɨꞌm aaꞌ na pim giilhim jum tulhiiñaꞌ, jaꞌp na jax aañ. ¿Kaꞌ pim jix ñakooꞌ aa na pim jum tulhiiñaꞌ? Baꞌ guiꞌp kaiꞌch am: ―Jix ñakooꞌ ich ji matgɨm.

MATEO 26:39

Baꞌ palhɨɨp baasɨꞌn iam xi jimɨɨk mi jaꞌp oꞌlhiaꞌn kɨꞌn xi kɨkbok jix ioꞌm xi dhumaartɨk na dɨɨrap xi chu siisap gu maꞌooꞌn bhaiꞌ ji chu daanɨ buiñor guch Gɨꞌkoraꞌ, jup kaiꞌch: ―Aapiꞌñ Gɨꞌkoraꞌ nap jix dhaam jup tuꞌiiꞌ, jiñ palhbuidhaꞌ ap nam baꞌ cham jiñ muꞌaaꞌ guiꞌ nam jiñ oꞌbhagiꞌñ, na guꞌ dhiꞌ jaꞌp ji buusniaꞌ nañ iꞌyaꞌ gu tuꞌ na giilhim jix xibuꞌ. Ku guꞌ cham tuꞌ ji na moo puiꞌ tu tuiꞌkaꞌ nañ jax kaiꞌch aañ, guꞌ jaꞌpji nap jax ɨlhiiꞌñdhaꞌ ji aap jiñ Gɨꞌkoraꞌ.

MATEO 26:43

Baꞌ daipuꞌ nat puꞌñi jaꞌk xi chu daanɨk giop ba jii mu jaꞌk nam paiꞌ pup daraa gu noonbiꞌñ. Baꞌ maaꞌn nam jax kookos nat gio miꞌp ba ai, na guꞌ giilhim jix buam tu tatdaꞌ nam jix kookxik.

MATEO 6:10

iam jap ja mattudaꞌ gu jaꞌtkam yaꞌ dhi oiꞌñgaꞌn nam jax jaꞌk duuji miꞌ puiꞌ jimiaꞌ nap jax jix aaꞌ, baꞌ gammɨjɨ ja aꞌm ba tɨ nɨidhidhaꞌ ap. Puiꞌ tɨich aaꞌ ich ɨp nap gɨt puiꞌ joidham jix bhaiꞌm duukam jup tu buadaꞌ ya jaꞌp dhi oiꞌñgaꞌn bhaan, jaꞌp nap jax jix bhaiꞌm duukam jup tu bua jix dhaam jaꞌk. Ku guꞌ aap dɨɨlh ji noꞌp moo puiꞌp jix aaꞌndaꞌ gɨt, aach puiꞌ pɨx tɨip jum kaiꞌchuꞌn ji.

MAARKOS 14:36

jup kaiꞌch: ―Aapiꞌñ Gɨꞌkoraꞌ nap jix dhaam jup tuꞌiiꞌ, nap bɨxchuꞌx bhaaiꞌ nap pu tu duñiaꞌ, xiñ palhbuiꞌñ nam cham boiñ bhɨichdhaꞌ, na guꞌ dhiꞌ jaꞌp ji buusan na jax gu tuꞌ na giilhim jix xibuꞌ nañ tu iꞌyaꞌ. Piam jap xiñ guguuxdhaꞌ nañ baꞌ cham jax jiñ aaꞌndaꞌ noꞌp guꞌx aaꞌ nam kuugalhdhaꞌ nap aap jax ɨlhiiꞌñ. Ku guꞌ aañ cham tuꞌ ji nañ moo cham aagɨt jup kaiꞌch.

LUUKAS 22:42

jup kaiꞌch: ―Aapiꞌñ Gɨꞌkoraꞌ, xiñ palhbuiꞌñ nam cham jiñ muꞌaaꞌ, na guꞌ dhiꞌ jaꞌp ji buusan nañ iꞌyaꞌ gu tuꞌ na giilhim jix xibuꞌ. Ku guꞌ noꞌp aap jix aaꞌ ji, aañ puiꞌ pɨx tɨi soiꞌm tɨtda ji.

JUAN 6:38

Na ñich guꞌ aañ cham tuꞌ jax kaiꞌñkam bha jii bhammɨ dɨr jix dhaam nañ yaꞌ ɇɇji bɨɨx aixim ba ji chu buimiaꞌ nañ jax ɨlhiiꞌñ dɨɨlh, guꞌ jaꞌpji nat jax pɨx jiñ chɨɨꞌn ji guiꞌ nat bhañ joot.

ISRAEL KAM 4:15

Guiꞌch palhbuiꞌñkaꞌ noꞌch tuꞌ bhaan cham ka xi ja buatuꞌ, na guꞌ guch Xoiꞌkam na puiꞌ ji buusan na jax gu ja gɇꞌkam tuk guiꞌ nam bhaiꞌ gɇꞌ chiop tu juan, jix bhaiꞌx maat na giilhim jir tulhiiñaraꞌ yaꞌ dhi oiꞌñgaꞌn, na guꞌ dɨɨlh puiꞌp jum tulhiiñaimɨk janoꞌ na yaꞌ xi oilhimɨk. Tɨi mamaiꞌchimɨk gu jaꞌook na sap baꞌm uaꞌtulhdhaꞌ gɨt, guꞌ ji nat guꞌ cham jɨꞌxkat maꞌiich. Baꞌ cham tuꞌ bhaan jum uaꞌtulhdhak guch Xoiꞌkam, puiꞌ kuñ baꞌp kaiꞌch nax maat na giilhim bɨxchuꞌ bhaan tu mamaiꞌchɨk gu jaꞌook yaꞌ dhi oiꞌñgaꞌn.