MATEO 19:5 - Tepehuano Tepehuán del Sureste (Durango)

⁵ Gio baꞌ moo jaꞌpnip jum kaiꞌch ɨp: “Baꞌ dɨlhkob jaꞌk ba tu kiichaꞌ gu chioꞌñ na paiꞌ dhuuk bhɨɨyaꞌ gu ubii, cham tuꞌ miꞌ ka tu kiokaꞌ nam paiꞌ oiꞌñkaꞌ gu gɨꞌkorgaꞌn. Baꞌ dhi gook jaꞌp ji buan am nam jir maaꞌn maaꞌnkam kaꞌ pɨx gu chioꞌñ gio gu ubii.”

MATEO 19:5 Iomraidhean Croise

MATEO 19:6

Puiꞌ kuñ baꞌp kaiꞌch nam cham tuꞌ kar gookaꞌn kaꞌ, guꞌ maaꞌn pɨx ji. Baꞌ cham jir am na jaroiꞌ jaꞌp xi dhuuji gu puiꞌ nat jax jaꞌk duu gu Dios nam gammɨjɨ maap tu oiꞌñkaꞌ gu chioꞌñ gio gu ubii.

ROOMA KAM 12:9

Aapiꞌm na pim ba tɨ jɨɨgiꞌñ buiñor guch Xoiꞌkam, tuꞌ sɨlhkam japim xim ja joiꞌgɨꞌndaꞌ bɨɨx jɨꞌmaꞌn, cham tuꞌ na palhɨɨp pɨx. Chaꞌpim ka kɨɨgalhiꞌñdhaꞌ gux buam jum duukam, guꞌ jaꞌpji dai guiꞌ na tuꞌr jix kɨɨꞌ na pim gaaꞌñchuꞌndaꞌ.

1 KORIINTO KAM 6:16

Jix maat ich guꞌ noꞌt jaroiꞌ bɨɨmaꞌn ba boi gu pu chuꞌm, maaꞌn maaꞌnkam bap jum duñiaꞌ bɨɨmaꞌn. Na guꞌ jaꞌpnim kaiꞌch maaꞌn kap na mɨt paiꞌ tu uaꞌnak gu bɨjɨk dɨr kam: “Noꞌ mɨt maap ba tu oiꞌñcha gu chioꞌñ gio gu ubii, jaꞌp ji buusniaꞌ nam maaꞌn maaꞌnkam jup jum duñiaꞌ.”

1 KORIINTO KAM 7:2

Guꞌ pɨx ji na guꞌx xijai na jaroiꞌ nakgaꞌ na dɨɨlh oirɨdaꞌ, naiꞌ pɨx jix ja joidhat ba ja nɨiꞌñdhaꞌ gu uꞌuub. Piam noꞌr ubii, naiꞌ pɨx jix ja joidhat ba ja nɨiꞌñdhaꞌ gu chichioꞌñ, miꞌ pɨx pum uaꞌtulhdhaꞌ jaꞌxpɨx. Jir am baꞌ na maaꞌn xi gaagai gu jaroiꞌ na bɨɨmaꞌn tu kiokaꞌ na baꞌ cham puꞌñi naiꞌm uaꞌtulhiꞌñdhaꞌ noꞌ guꞌ cham nakooꞌ na dɨɨlh oirɨdaꞌ.

1 KORIINTO KAM 7:4

Na guꞌ gu ubii gu tukgaꞌn, cham tuꞌ dɨɨlh jir tukgaꞌn kaꞌ, gio gu chioꞌñ gu tukgaꞌn, cham tuꞌ dɨɨlh jup jir tukgaꞌn kaꞌ. Bɨɨx gook maaꞌn tuukuꞌp duukaꞌm guꞌ daim bɨpnagɨm.

EEPESO KAM 5:31

Puiꞌ ku baꞌp jum kaiꞌch maaꞌn kap na mɨt paiꞌ tu uaꞌnak gu bɨjɨk dɨr kam: “Gu chioꞌñ noꞌt maaꞌn ba bhɨi gu ubii, miꞌ dhɨr ba jimiaꞌ ja bui gu gɨꞌkorgaꞌn, na guꞌ dɨlhkob jaꞌk ba tu kiichaꞌ bɨɨmaꞌn gu bɨngaꞌn. Jaꞌp ji buusniaꞌ baꞌ nam maaꞌn maaꞌnkam pɨx jup jum duñiaꞌ gook dɨt.”