MATEO 19:3 - Tepehuano Tepehuán del Sureste (Durango)

³ Baꞌ moo jɨꞌkchi miꞌp ba ai mɨt guiꞌ nam pariseos jum tɨɨtɨꞌndaꞌ, baꞌ bhaiꞌ ba tɨkka am gu Jesuus nam miꞌ pɨx jix maiꞌchim noꞌ sap moo jax kaiꞌch na cham jir am nam baꞌ puiꞌ jaꞌk iattulhdhai tu chiñiaꞌ nam muꞌaaꞌ, jup tɨtda am: ―¿Jix bhaaiꞌ aa gu jaroiꞌ noꞌ cham ka joiꞌñ gu bɨngaꞌn na maiꞌ xi buaji jumai bhaiꞌp ji bhɨɨyaꞌ, kaꞌ guꞌ cham aa?

MATEO 19:3 Iomraidhean Croise

MATEO 16:1

Baꞌ jɨꞌkchi mummɨp ba ji bubua mɨt buiñor gu Jesuus guiꞌ nam pariseos jum tɨɨtɨꞌndaꞌ gio baꞌ guiꞌ nam saduseos jup jum tɨɨtɨꞌndaꞌ. Baꞌ tɨi bax aaꞌ am na ja nɨiꞌñchudat jup duñiaꞌ gɨt gu tuꞌ nar jix bhaiꞌm duukam, guꞌ nam jax dhui pɨx jix maiꞌchim noꞌt sap moo baabuiꞌ sɨlhkam Dios bha joot.

MATEO 22:35

Baꞌ maadɨt guiꞌ nam sap jix mat kaꞌ gu ñioꞌkiꞌñ gu Dios mu jimɨɨk amuub na paiꞌp tuꞌiiꞌ gu Jesuus, mi jaꞌp ji kɨkbok bhaiꞌ ba tɨkka, guꞌ na miꞌ pɨx tɨix maiꞌchim ku baꞌp kaiꞌch, jup tɨtda:

MAARKOS 10:2

Baꞌ moo bhaiꞌp ba ai mɨt guiꞌ nam pariseos jum tɨɨtɨꞌndaꞌ, baꞌ ba tɨkkaꞌn am gu Jesuus noꞌ sap jix bhaaiꞌ gu jaroiꞌ noꞌ cham ka joiꞌñ gu bɨngaꞌn na maiꞌ xi buaji jumai xi bhɨɨji. Nam miꞌ pɨx mamtɨ, ee jax pɨk sap tɨꞌyaꞌ.

MAARKOS 12:13

Baꞌ mɨkkat gu gɇꞌgɇrkam jum aaꞌndam mu joochxi mɨt gu Jesuus jɨꞌkchi guiꞌ nam pariseos jum tɨɨtɨꞌndaꞌ gio jɨꞌkchi ɨp gu Eroodis gu jaꞌtkam tugiꞌñ nam sap tɨkkapuꞌ, sap baꞌ noꞌt moo jax ji chɨi na cham jir am gu tuꞌ nam tɨkkaꞌ, bax bhaaiꞌn kaꞌ nam jax dhuuji iattulhdhaꞌ.

MAARKOS 12:15

Guꞌ ji na guꞌx bhaiꞌx maat gu Jesuus nam cham miꞌ puiꞌ jiimchuꞌ nam jax tu ja aꞌgiꞌñdhaꞌ gu jaꞌtkam. Baꞌp ja tɨtda: ―¿Jax ku baꞌ jaꞌp moo jam koꞌraar aapiꞌm na pim iatdaꞌ? Ea gor maaꞌn bhɨibup gu tuumiñ nañ xi chɨgiaꞌ na jax jir tuꞌm daꞌ.

JUAN 8:6

Baꞌ dhiꞌ nam puiꞌ jɨꞌ tɨtda gu Jesuus nam miꞌ pɨx mamtɨ noꞌt sap moo bhaiꞌ bhaankamuꞌn ji ñio, nam baꞌ ba iattulhdhaꞌ ja bui gu gɇꞌgɇrkam Israel kam noꞌt jax dhuuk cham puiꞌ jaꞌk tɨi na jax tu daaxix. Guꞌ ji na guꞌ cham ñiok gu Jesuus, dai nat gan ji mugia, miꞌ pɨx jaꞌp xi chu uꞌuan nobiiꞌñ kɨꞌn dɨbɨɨr taꞌm.

1 KORIINTO KAM 7:10

Guꞌ baꞌ gu uꞌuub guiꞌ nam ba tɨ bɨpnaꞌ, pu gammɨjɨm ja bɨɨm ba tu oiꞌñkaꞌ gu chichioꞌñ guiꞌ nam ba ja oiꞌñ, cham tuꞌm kam jɨꞌdɨlhkaꞌndaꞌ. Puiꞌ jaꞌk jix aaꞌ gu Dios, cham tuꞌ aañ dɨɨlh nañ puiꞌx aagɨt jup kaiꞌch.

ISRAEL KAM 3:9

Cham jiñ jɨɨgiꞌñdhaꞌ am siañ jax tɨi ja tɨtda. Tɨi ja palhbuiꞌñchuꞌndaꞌ iñ kɨꞌn gu tuꞌ na ja aꞌm jum aagaidhaꞌ, gam nañ jix bhaiꞌm duukam tɨip tu buadaꞌ ja nɨiꞌñchudat gook ooꞌm oidhaꞌ juugɨt, nam baꞌ puꞌñi duuji jum biiñkadaꞌ gɨt buiñor guch Gɨꞌkoraꞌ. Guꞌ ji na mɨt guꞌ cham jɨꞌxdhaꞌ tuꞌ kaꞌm tɨɨ.