MATEO 18:3 - Tepehuano Tepehuán del Sureste (Durango)

³ jup ja tɨtda: ―Tuꞌ sɨlhkam kɨꞌn jañ yaꞌ pu jam tɨtda, gu jaroiꞌ noꞌ cham puiꞌm ɨlhiiꞌñ na jax dhiꞌñi alhii, cham jɨꞌxkat jimiaꞌ jix dhaam jaꞌk buiñor gu Dios.

MATEO 18:3 Iomraidhean Croise

MATEO 13:15

Nam guꞌ dɨɨlh cham maatɨt tɇ kɇɇkɇꞌ dhiꞌ dhi jaꞌtkam, panaas baꞌ ku jaꞌp ji buusandaꞌ nam pu cham ñiññia kaꞌ gio nam pu cham tɇ kɇɇkɇꞌ, guꞌ na baꞌ jax dhui pɨx cham bhaaiꞌn kaꞌ nam jix maatɨt tɇ kɇɇkɇꞌ, gio na cham bhaaiꞌn kaꞌ nam jix maatɨt tɨ nɨiꞌñdhaꞌ, nam baꞌ cham maatɨi miꞌ puiꞌ jimiaꞌ nañ jax jix aaꞌ, baꞌ aañ cham tuꞌp jiñ buixiꞌñdhaꞌ ja bui.

MATEO 18:2

Baꞌ xi baiꞌñmɨrak gu Jesuus maaꞌn gu alhii mi jaꞌp ja saagiꞌñ xi kɨɨsak

MATEO 18:4

Baꞌ gu jaroiꞌ na puiꞌm ɨlhiiꞌñdhaꞌ na jax gu alhii na soiꞌm ɨlhiiꞌñdhaꞌ, dhiꞌ jɨꞌ ji na bar gɇꞌkam kaꞌ jix dhaam jaꞌk buiñor gu Dios.

MATEO 19:14

Guꞌ ji na guꞌ cham puiꞌ ɨlhiiꞌñ gu Jesuus, jup ja tɨtda: ―Chaꞌpim ja ñiokiꞌñdhaꞌ dhich jaaduñ nam bha ja uaꞌ gu ja aꞌaalh chuk, na guꞌ dhiꞌ pɨk jix ioꞌm ja aꞌm tɨ nɨiꞌñ gu Dios.

MATEO 19:23

Baꞌp ja tɨtda gu Jesuus gu noonbiꞌñ: ―Dho jaña nam jax jix xijaim ɨlhiiꞌñ gux chutumñigam nam miꞌ puiꞌ jimiaꞌ na jax jix aaꞌ guñ Gɨꞌkoraꞌ na baꞌ ja aꞌm ba tɨ nɨidhidhaꞌ gɨt.

MATEO 5:18

Tuꞌ sɨlhkam kɨꞌn jañ yaꞌ pu jam tɨtda, noꞌ gux dhaam ka pup jaiꞌch gio dhi dɨbɨɨr, chakui dho jɨꞌxdhat jum pataasaꞌ gu puiꞌ nat jax jaꞌk ja tɨɨdak gu Moisees nam miꞌ puiꞌ jiimdaꞌ gu jaꞌtkam, janoꞌ ji baꞌ na paiꞌ dhuuk bɨɨx ba tum kuugalhdhaꞌ.

MATEO 5:20

Baꞌ aañ pu jam tɨtda, noꞌ pim cham ja bhaiꞌbchichuꞌ guiꞌ nam sap jix maat kaꞌ gu ñioꞌkiꞌñ gu Dios gio guiꞌ nam pariseos jum tɨɨtɨꞌndaꞌ, noꞌ pim guꞌ cham miꞌ puiꞌ jiim na jax jix aaꞌ gu Dios, dho guꞌ pu cham jɨꞌxkat aayaꞌ pim dhox dhaam na paiꞌ daa gu Dios.

MATEO 6:16

’Gio baꞌ moo jaꞌp jañ jup xi jam tɨɨdam jiñ jaaduñ na pim cham tuꞌ puiꞌ jaꞌk tuiꞌkaꞌ na pim paiꞌ dhuuk jum saabdaꞌ na jax guiꞌ nam sap pɨk baꞌ tuꞌ kaꞌm nɨiꞌñ gu Dios, na ja koꞌraardaꞌ nam jaꞌp tuiꞌkaꞌ noꞌm jum saab na jax noꞌm jix buam jum aaꞌ, nam sap baꞌ xi ja nɨiꞌñdhaꞌ gu jaꞌtkam nam jum saab. Baꞌ aañ yaꞌ pu jam tɨtda na daipuꞌ dhiꞌ kɨꞌn bar ja namkiꞌ gu puiꞌ nam jɨꞌk jax tu jim.

MATEO 6:2

Baꞌ na pim paiꞌ dhuuk tu ja maakdaꞌ gu tuꞌ guiꞌ nam cham tuꞌ biaꞌ, chaꞌpim jaroiꞌ aagiꞌñdhaꞌ na pimɨt tuꞌ ja onbaiꞌ, na guꞌ dhiꞌ guiꞌ nam sap pɨk baꞌ tuꞌ kaꞌm nɨiꞌñ gu Dios na puꞌñi jaꞌk ja koꞌraar nam mu jaꞌp puiꞌ ba tu aꞌgidhaꞌ na paiꞌ jax tum daandaꞌ gio baꞌ mu jaꞌp ɨrban gu gɇꞌ kiicham nam paiꞌ oipodaꞌ gu jaꞌtkam, sap nam baꞌ puiꞌ ja biaꞌkaꞌ gu jaꞌtkam nam joidham jir jix bhabhaiꞌkam. Baꞌ aañ yaꞌ pu jam tɨtda na daipuꞌ dhiꞌ kɨꞌn bar ja namkiꞌ gu puiꞌ nam jɨꞌk jax tu jim, cham tuꞌ ka maiꞌchiaꞌ am jix dhaam jaꞌk gux dhaꞌram namkɨm buiñor gu Dios.

MATEO 6:5

’Gio na pim paiꞌ dhuuk tu daandaꞌ buiñor gu Dios, chaꞌpim puiꞌ jaꞌk tu daandaꞌ na jax guiꞌ nam sap pɨk baꞌ tuꞌ kaꞌm nɨiꞌñ gu Dios, na ja koꞌraar nam guꞌkat tu daandaꞌ mu jaꞌp na paiꞌ jax tum daandaꞌ gio baꞌ mu jaꞌp ɨrban gu gɇꞌ kiicham nam paiꞌ oipodaꞌ gu jaꞌtkam, nam sap baꞌ xi ja nɨiꞌñdhaꞌ nam sap pɨk baꞌ tu daandaꞌ buiñor gu Dios. Baꞌ aañ yaꞌ pu jam tɨtdañ jaaduñ na daipuꞌ dhiꞌ kɨꞌn bar ja namkiꞌ kaꞌ gu puiꞌ nam jɨꞌk jax tu jim, cham tuꞌ ka maiꞌchiaꞌ am jix dhaam jaꞌk gux dhaꞌram namkɨm buiñor gu Dios.

MAARKOS 4:12

Na baꞌ sia kum tɨiñ ñɨiꞌñ nañ jax tu buadaꞌ, pu cham maatɨt ji ñɨiꞌñdhaꞌ am, piam noꞌm tɨiñ kɇɇ nañ jax tu ja aꞌgiꞌñdhaꞌ, pu cham maatɨt jiñ kɇɇkaꞌ am. Jaꞌpni dhuuji baꞌ matgilhiaꞌ nam pu cham aaꞌ nam miꞌ puiꞌ jimiaꞌ na jax jix aaꞌ gu Dios, baꞌ dai nam pɨx am tɨꞌñchukaꞌ na ja tulhiiñchudaꞌ gu ja uaꞌtulhdharaꞌ.

LUUKAS 13:24

―Dho daipuꞌ guiꞌ nam jɨꞌk ja jur daasai bhaiꞌ bhaan bubuakiaꞌ gu kiꞌñgob na paiꞌr ɨlhiꞌch. Aañ jix maat guꞌ nam muiꞌ bhaiꞌ tɨix bubuakik kaꞌ bhaan dhi ɨlhiꞌch kiꞌñgob, guꞌ ji nam guꞌx xijaim ɨlhdhaꞌ. Baꞌ aapiꞌm puꞌñi, jam jur japim xi dhaasai xi gaagaꞌ na pim jax jaꞌk dui bhaiꞌ bhaan bubuakiaꞌ dhiꞌ dhi kiꞌñgob.

LUUKAS 22:32

Guꞌ ji na guꞌ aañ soiꞌ tɨtdatuꞌ ɨp guñ Gɨꞌkoraꞌ na aap jix ioꞌm jum palhbuidhaꞌ nap baꞌ gatuuk gioñ buip ba tɨ jɨɨgiꞌñdhaꞌ, sia kup guꞌ jɨꞌx tɨi cham xi chɨ jɨɨꞌñdhat jiñ bui. Baꞌ nap paiꞌ dhuuk gioñ buip ba tɨ jɨɨgiꞌñdhaꞌ, ja aagiꞌñdhaꞌ ap dhi jaiꞌ nam gammɨjɨ bɨɨx ja jujur kɨꞌn jiñ bui tɨ jɨɨgiꞌñdhaꞌ, cham tuꞌ nam ampɨx jum oꞌjolhiꞌñdhaꞌ.

JUAN 1:51

Baꞌ miꞌ dhɨr jup ja tɨtda gu Jesuus bɨɨx nam jɨꞌk miꞌp tuꞌiiꞌ: ―Tuꞌ sɨlhkam jañ yaꞌ pu jam tɨɨdaꞌ, na kam aajim na pim paiꞌ dhuuk ja tɨgiaꞌ gu noonbiꞌñ guñ Gɨꞌkoraꞌ nam bhɨjɨmmɨni dhɨr bhaiꞌ ji chɨɨtmiꞌndaꞌ, sɨlh jiimdaꞌ am paiꞌ nañ jup tuiꞌkaꞌ aañ nat bhañ joot, na guꞌ cham xiim ka kupioꞌkaꞌ dhix dhaam.

JUAN 3:3

Baꞌ gu Jesuus jup tɨtda: ―Tuꞌ sɨlhkam jañ yaꞌ pum tɨɨdaꞌ, na gu jaroiꞌ noꞌ cham xim gaꞌnga na jax jaꞌk duuji giop maaxilhiaꞌ, cham tuꞌ bhaan tɨ nɨidhidhaꞌ gu Dios.

JUAN 3:5

Baꞌp tɨtda gu Jesuus: ―Tuꞌ sɨlhkam jañ yaꞌ pum tɨɨdaꞌ, na gu jaroiꞌ noꞌx aaꞌ na gammɨjɨ bhaan tɨ nɨidhidhaꞌ gu Dios, bɨɨpɨꞌm aaꞌ na xim gaꞌngadaꞌ na jax jaꞌk duuji tajaañdhix kaꞌ gux Dhuuduꞌ kam jix Uañ Iiꞌmdaꞌ, na baꞌ miꞌ dhɨr jaꞌp ji buusniaꞌ na ba bakuañix kaꞌ suudaiꞌ kɨꞌn.

GU NOONBIꞌÑ GUCH XOIꞌKAM 14:22

Baꞌ bhaiꞌ jɨꞌ jaꞌp na mɨt jax bhɨi, giop xi ja guguuxdhidhat am guiꞌ na mɨt jɨꞌk bɨɨpɨꞌ dɨr tɨ jɨɨꞌñ buiñor guch Xoiꞌkam, nam puiꞌ ja tɨtdaim nam sap gammɨjɨ bɨɨx ja jujur kɨꞌn pu tɨ jɨɨgiꞌñdhaꞌ buiñor guch Xoiꞌkam, gio nam jup ja tɨtdaim ɨp na sap jum aaꞌ nam jum tulhiiñaꞌ bɨɨx aixim nam baꞌ puꞌñi jaꞌk dui gammɨjɨ buiñor baꞌp tuiꞌkaꞌ gu Dios.

GU NOONBIꞌÑ GUCH XOIꞌKAM 28:27

Nam guꞌ pu cham maatɨt tɇ kɇɇ dhiꞌ dhi jaꞌtkam, panaas baꞌ ku jaꞌp ji buusan nam pu cham ñiññia gio nam pu cham tɇ kɇɇ. Puiꞌ kum baꞌ cham xim gaꞌngadaꞌ na jax jir jum duukam kaꞌ gux kɨɨꞌp jum duukam noꞌm tɨi nɨiꞌñ, gio nam cham bɨɨx ja jujur kɨꞌn xi chɇ kɇɇkɇꞌ guꞌ nam baꞌ jax dhui pɨx cham miꞌ puiꞌ jimiaꞌ dho nañ jax jix aaꞌ. Ku guꞌ aañ cham tuꞌp jiñ buixiꞌñdhaꞌ ji ja bui.

GU NOONBIꞌÑ GUCH XOIꞌKAM 3:19

Baꞌ gu xib dai na bam aaꞌ pɨx na pim soiꞌm ɨlhdhai miꞌ puiꞌ ba jimiaꞌ na jax jix aaꞌ gu Dios na baꞌ ba uañchudaꞌ gu jam uaꞌtulhdharaꞌ, gio baꞌ na ba jam tajaañdhaꞌ guiꞌ na pim kɨꞌn gammɨjɨ jix jɨjɨkgɨm bap tuiꞌkaꞌ.

1 KORIINTO KAM 14:20

Jiñ jaaduñ jich Xoiꞌkam bhaan, dɨɨlh japim jix bhaiꞌ xim gaꞌngadaꞌ na jax jaꞌk jix bhaiꞌ ji chu buusniaꞌ dhiꞌ nañ tuꞌ bhaan tu aꞌga. Jaꞌp na gɇꞌgɇr jaꞌtkam japim bhaan xim gaꞌngadaꞌ, cham tuꞌ jaꞌp na tuꞌ aꞌaalh nam gampaiꞌ pɨx tɨ ɨlhiiꞌñdhaꞌ. Jɨɨꞌ ji gu tuꞌ nar uaꞌtulhdharaꞌ na pim gampaiꞌ pɨx ɨlhdhat cham pu buadaꞌ, jaꞌp na gu aꞌaalh nam guꞌ cham tuꞌ uaꞌtulhdharaꞌ bhaan tɨtɨɨꞌñchokaꞌ.

1 PEEGRO 2:2

Guꞌ jaꞌpji dai ji na pim joidham bax maachik kaꞌ na jax pɨk jaꞌk jix aaꞌ gu Dios na pim tuiꞌñgɨdaꞌ, na pim kɨꞌn joidham jix kokbaꞌn kaꞌ gu jam iꞌiiꞌmdaꞌ bhaan, jaꞌp na jax gu aꞌaalh guiꞌ nam kiaꞌpɨx maaxilhiaꞌ nam guꞌ joidham gammɨjɨ pɨx kax xiꞌiik kaꞌ. Puꞌñi ɨp aapiꞌm jiñ jaaduñ, muiꞌ pim xi gaaꞌñchuꞌndaꞌ na jax pɨk jaꞌk jix aaꞌ guch Gɨꞌkoraꞌ na pim baꞌ cham mu jaꞌk ka bhɨichgɨdaꞌ na pim paiꞌ gammɨjɨ miꞌ pup jum tulhiiñdhaꞌ gɨt,

2 PEEGRO 1:11

Puꞌñi jaꞌk noꞌ pimɨt duu nañ jax kaiꞌch, joidham cham tuꞌ bhaan jax ji chɨꞌji jam aichdhaꞌ gu Gɇꞌkam jich Xoiꞌkam bhammɨx dhaam na paiꞌ dhɨr naiꞌr gɇꞌkam, guiꞌ nat jaroiꞌ xich joiꞌndak tuch uañ guch uaꞌtulhdharaꞌ na baꞌ miꞌ dhɨr puꞌñi bax bhaaiꞌn kaꞌ nach baidhikaꞌ.