MATEO 15:8 - Tepehuano Tepehuán del Sureste (Durango)

⁸ Dhi jaꞌtkam puiꞌ tɨi xi kaiꞌchdhaꞌ am nam sap aañ jiñ bui tu daan, guꞌ ji nam guꞌ cham tuꞌ aañ jiñ bui jujurtɨkat jup kaiꞌchdhaꞌ.

MATEO 15:8 Iomraidhean Croise

MATEO 15:7

Bak guꞌr puiꞌ nat jax jaꞌk tu uaꞌnak gu Isaiiyas guiꞌ na bɨjɨk bhaankam tu aꞌgimɨk gu Dios na aapiꞌm jam aagɨt jup kaiꞌch, na jaꞌpnim kaiꞌch:

MAARKOS 7:6

Baꞌp ja tɨtda gu Jesuus: ―Dho puiꞌ na jax aapiꞌm na pim guꞌ cham tuꞌ miꞌ puiꞌ jiim na pim jax jaꞌk tu ja aꞌgiꞌñdhaꞌ gu jaꞌtkam nam tuiꞌñgɨdaꞌ. Bak guꞌr puiꞌ nat jax tu uaꞌnak miꞌ uꞌuan taꞌm gu Isaiiyas guiꞌ nat muiꞌkim bha ñioꞌkdhak guñ Gɨꞌkoraꞌ, nap jum kaiꞌch: Dhi jaꞌtkam puiꞌ xi kaiꞌch am nam sap tuꞌ kaꞌm jiñ ñɨiꞌñ, guꞌ ji na guꞌ gu ja jujur mɨk jaꞌk jup tuꞌiiꞌ aañ jiñ bui.

JUAN 1:47

Baꞌ nam kiaꞌpɨx mummu ji aajim, jup ja tɨtda gu Jesuus guiꞌ na miꞌ ja bɨɨm jup tuꞌiiꞌ kaixdhat gu Natanail: ―Dhiꞌjani nat yaꞌni ba ai na tuꞌ sɨlhkam jir Israel kam, na jax chuꞌm jix kɨɨgalhiꞌñ guñ Gɨꞌkoraꞌ, na cham paiꞌ dhuuk iatdaꞌ tu aꞌga.

JUAN 5:23

Dhiꞌ baꞌ bhaan jix maatɨꞌ kaꞌ nañ jaꞌxbuiꞌp jir gɇꞌkam na guñ Gɨꞌkoraꞌ nam baꞌ puꞌñi dhuuji tuꞌ kaꞌm jiñ ñɨiꞌñdhaꞌ gu jaꞌtkam. Baꞌ gu jaroiꞌ noꞌ cham tuꞌ kaꞌm jiñ ñɨiꞌñ, bɨɨx guñ Gɨꞌkoraꞌ nat bhañ joot cham tuꞌ kaꞌm nɨiꞌñdhaꞌ.

GU NOONBIꞌÑ GUCH XOIꞌKAM 8:21

Guꞌ aap jiñ jaduuñ dho gi guꞌ cham ji na bhaaiꞌ nam aꞌm biꞌyaꞌ gu dhiꞌ pu chuꞌm, na guꞌ ni jɨꞌx kur sɨlhkam nap jax jum aaꞌ buiñor gu Dios jum jur am bhaan.

ISRAEL KAM 3:12

Baꞌ aapiꞌm jiñ jaaduñ jich Xoiꞌkam bhaan, jix bhaiꞌ pim, chaꞌpim bɨɨx aixim tuꞌm bhaan tɨtɨɨꞌñchokaꞌ nar jix buam jum duukam, na pim cham mɨk buaꞌ na jax jix aaꞌ gu Dios na pim tuiꞌñgɨdaꞌ. Jix ioꞌm japim pɨx muiꞌ xix biiñak kaꞌ buiñor.

1 PEEGRO 3:10

Puiꞌ na jax bam kaiꞌch miꞌ paiꞌ uꞌuan taꞌm na tu daaxix gu ñioꞌkiꞌñ gu Dios nap jum kaiꞌch: Gu jaroiꞌ noꞌx aaꞌ na gammɨjɨx jɨkgɨm bap tuiꞌkaꞌ gio na joidham jix bhaiꞌ ba tu tatdaꞌ kaꞌ, jum aaꞌ nax bhaiꞌ ba tu ñiokdaꞌ na jax jir am, cham tuꞌ na giilhim pɨx kaiꞌchdhaꞌ na jax cham puiꞌ tum ñiok, gio na cham tuꞌ iatdaꞌ ka tu aꞌgadaꞌ, jaꞌpji sɨlhkam na tu aꞌgadaꞌ na jax jir puiꞌ.