MATEO 15:10 - Tepehuano Tepehuán del Sureste (Durango)

¹⁰ Baꞌ puiꞌ xi chɨꞌɨɨk bɨɨx maap xi ja jumpadak gu jaꞌtkam gu Jesuus, jup ja tɨtda: ―Ka na pim moox bhaiꞌ xiñ kaayaꞌñ jaaduñ nañ jax jam tɨɨdaꞌ.

MATEO 15:10 Iomraidhean Croise

MATEO 13:19

Jaꞌp jañ dho kaiꞌñkam jup kaiꞌch: Gu jaꞌtkam noꞌ mɨt tɨi kai gux bhaiꞌm kaiꞌchdham ñioꞌkiꞌñ gu Dios na jax jaꞌk ja aꞌm ba tɨ nɨidhidhaꞌ gɨt, noꞌ mɨt guꞌ cham maatɨt kai, dhiꞌ jaꞌp ji buusniaꞌ na jax gu tiriik nat miꞌ suulh boi chaꞌm na paiꞌx chu kabaak. Baꞌ na paiꞌ dhuuk miꞌ ji ɇɇji gu jaꞌook, maakam xi jurtudaꞌ, miꞌ pu cham tuꞌ bhaan ka tɨtɨɨꞌñchokaꞌ.

MATEO 15:11

Jax dhui na moo cham tuꞌ xidhuu gu tuꞌ koiꞌ noꞌ moo tu kuaꞌ pɨx gu jaroiꞌ. Guꞌ ji noꞌ giilhim kaiꞌch na jax cham jir am na baꞌ puiꞌm kaiꞌch nax xidhuu, na guꞌr uaꞌtulhdharaꞌ.

MATEO 15:9

¿Tuꞌm gi miꞌp tɨgiaꞌ sia kum bɨɨx aixim tɨi tu jim? Na guꞌ dai nam jax pɨx jaꞌk ja aagiꞌñdhaꞌ gu jaꞌtkam nam baꞌ pu tu bua.

MATEO 24:15

’Gio baꞌ moo jaꞌpni jaꞌk jup tum duñiaꞌ nat jax tu uaꞌnak gu Danial guiꞌ na bɨjɨk bhaankamuꞌn tu aꞌgimɨk gu Dios nap jum kaiꞌch na sap janoꞌ na paiꞌ dhuuk pɨk ba jim tɨɨmoꞌ dhi oiꞌñgaꞌn, maaꞌn yaꞌ ba aayaꞌ gu maaꞌnkam giilhim jix bhangɨm, baꞌ mɨjɨ ji baakɨi gɇꞌ chiop pu tu doodaꞌ na jax ɨlhiiꞌñdhaꞌ. ¡Moo pim xi chɨꞌñchokat dhiꞌ puiꞌ na jɨꞌk jax tu uaꞌñix na pim jɨꞌk tu jiñkuiꞌñdhaꞌ!

LUUKAS 24:45

Baꞌ dɨɨlh gu Jesuus puiꞌ xi chu duu nam jix maatɨt kaayaꞌ mi jaꞌp na paiꞌ jax ja aagiꞌñ.

EEPESO KAM 1:17

Gio puiꞌ soiꞌp tɨtdatuꞌ iñ gu Dios, dhiꞌ nar Gɨꞌkorgaꞌn gu Gɇꞌkam jich Xoiꞌkam, na jam tajaañdhaꞌ gux Dhuuduꞌ kam jix Uañ Iiꞌmdaꞌ na baꞌ dhiꞌx bhaiꞌ jam aaꞌñdhaꞌ na jax pɨk jaꞌk jir tuꞌm kam dɨɨlh gu Dios, na guꞌr matdaꞌ gux Dhuuduꞌ kam jix Uañ Iiꞌmdaꞌ.

KOLOOSAS KAM 1:9

Baꞌ aach moo janoꞌ na chich jax puiꞌ tɨ kai, jam aꞌmkam jachich pu tu daanɨ buiñor gu Dios, janoꞌ dɨr jach cham jɨꞌx mɨk ka buppa nach jam aꞌmkam tu daan. Puiꞌ soiꞌ tɨtdatuꞌndaꞌ ich gu Dios na jam makiaꞌ gu matdaꞌ na pim baꞌx bhaiꞌ machiaꞌ na jax pɨk jaꞌk jix aaꞌ na pim miꞌ puiꞌ jimiaꞌ, sia gu iiꞌmdaꞌ bhaan na pim tu machiaꞌ na jax jaꞌk tu tuꞌiiꞌ.

SANTIAGO 1:5

Baꞌ noꞌ pim guꞌ jaiꞌ dhɨt aapiꞌm jix bhaiꞌx maachik na jax pɨk jaꞌk moox aaꞌ gu Dios na pim tuiꞌñgɨdaꞌ, soiꞌm ɨlhdhai pim muiꞌ xi chañiaꞌ gu Dios. Guiꞌ jam makiaꞌ maaꞌn jimdam gu matdaꞌ cham jax ji chɨꞌji, gɇꞌ cham daaxix kam, na pim baꞌ miꞌ dhɨr kɨꞌn bhaiꞌ ji machiaꞌ puꞌñi na jax pɨk jaꞌk jix aaꞌ na pim tuiꞌñgɨdaꞌ.