MATEO 13:11 - Tepehuano Tepehuán del Sureste (Durango)

¹¹ Baꞌp ja tɨtda gu Jesuus: ―Matgɨm aapiꞌm saalh ka jam mattudaꞌ ji gu Dios na pim jax jaꞌk duñiaꞌ na baꞌ gammɨjɨ jam aꞌm ba tɨ nɨidhidhaꞌ, na pim guꞌ bañ kaichuꞌ.

MATEO 13:11 Iomraidhean Croise

MATEO 13:10

Baꞌ puiꞌ ba tɨtda am gu noonbiꞌñ gu Jesuus na sap ja aagiꞌñdhaꞌ na jax kaiꞌñkam puiꞌ jaꞌk tu ja aꞌgiꞌñ gu jaꞌtkam na bhaan ji chu uaꞌrgidhat gu tuꞌ na yaꞌx chu jaiꞌch dhi oiꞌñgaꞌn bhaan.

MATEO 16:17

Baꞌp tɨtda gu Jesuus: ―Jaꞌp moo joidham jix bhaiꞌ tum jii Simoon aap nap jir maraaꞌn gu Jonaas, nat guꞌ cham tuꞌ jaroiꞌ yaꞌ kam dhi oiꞌñgaꞌn jum aaꞌñ gu dhiꞌ puiꞌ na pich jax jaꞌk tɨi nañ jir tuꞌp tuꞌm daꞌ aañ, guꞌ guñ Gɨꞌkoraꞌ ji guiꞌ nax dhaam jup tuꞌiiꞌ nat jum aaꞌñ.

MATEO 19:11

Baꞌp ja tɨtda gu Jesuus: ―Jax dhui nam guꞌ cham tuꞌ bɨɨx gu jaꞌtkam jix maat noꞌr am nam tɨ bɨpnaꞌ kaꞌ piam ku guꞌ cham, dai jɨꞌk pɨx ji guiꞌ nat pu puiꞌ jaꞌk ja aꞌm tɨ tɨɨ gu Dios nam baꞌx maat.

MATEO 20:23

Baꞌp ja tɨtda ɨp gio gu Jesuus: ―Dho guꞌr am dho noꞌ pim guꞌx ñakooꞌ na pim jum tulhiiñaꞌ. Ku baꞌ guꞌ aañ cham jax jam tɨɨdaꞌ ji na moo puiꞌ tu tuiꞌkaꞌ gu dhiꞌ na pim tuꞌ bhaan tu aꞌga, na puiꞌ maaꞌn kɨɨꞌn dɨr jaꞌk jiñ xanoop daakaꞌ, gu jumai baꞌ oꞌnsop dɨr jaꞌk. Na guꞌ dai janoꞌ na paiꞌ dhuuk tum kuugalhdhaꞌ yaꞌ dhi oiꞌñgaꞌn bhaan na baꞌx maatɨꞌ kaꞌ na jaroiꞌ bhaiꞌ ji aagaꞌ guñ Gɨꞌkoraꞌ.

MAARKOS 10:40

Guꞌ baꞌ dhiꞌ na pim tuꞌñ chɨkka na pim bɨxxik dɨr jix aaꞌ na pim daraibuꞌ jiñ xanop, maaꞌn kɨɨꞌn dɨr, gio jumai oꞌnsop dɨr, cham maatɨꞌ ji gu xib. Guꞌ janoꞌ ji na paiꞌ dhuuk tum kuugalhdhaꞌ na baꞌ bax maatɨꞌ kaꞌ na jaroiꞌ bhaiꞌ ji ja aagaꞌ guñ Gɨꞌkoraꞌ.

MAARKOS 4:11

Baꞌp ja tɨtda gu Jesuus: ―Matgam aapiꞌm saalh ka maachim ji na jax jaꞌk jix bhaaiꞌ na jam aꞌm tɨ nɨiꞌñdhaꞌ gu Dios, na pim guꞌ bañ kaichuꞌ. Guꞌ baꞌ guiꞌ nam jɨꞌk cham jiñ kaim nañ bhaankam tu aꞌga guñ Gɨꞌkoraꞌ, puꞌñi pɨx jaꞌk jañ tu ja aꞌgiꞌñdhaꞌ bɨxchuꞌ bhaan ji chu uaꞌrgidhat yaꞌ kam dhi oiꞌñgaꞌn.

LUUKAS 8:10

Baꞌp ja tɨtda gu Jesuus: ―Jax dhui na guꞌ aapiꞌm pux bhaiꞌ jam aaꞌñdhim gu Dios na pim jax jaꞌk duiñchuꞌndaꞌ na baꞌ xi jam joiꞌmdat jam aꞌm tɨ nɨidhidhaꞌ, na pim guꞌ bañ kaichuꞌ. Guꞌ guiꞌ ji nam jɨꞌk cham jiñ kaichuꞌ nañ baꞌ bɨxchuꞌ bhaan tu uaꞌrgidhat tu ja aꞌgiꞌñ, nam guꞌ cham tuꞌ bɨɨx ja jujur kɨꞌn jix maachik kaꞌ nañ jax kaiꞌchdhaꞌ. Pu cham baꞌ maatɨt jiñ kɇɇkɇꞌ am sia kum tɨix bhaiꞌñ kɇɇ gu tuꞌ nañ aꞌgadaꞌ, ni kum cham jɨꞌxkat machiaꞌ nañ paiꞌ dhɨr jimdat baꞌ ya oirɨ, sia kum tɨiñ ñɨiꞌñ.

JUAN 6:65

Miꞌ dhɨr baꞌ giop xi ja tɨꞌñchoix na jax ba ja tɨtda, jup kaiꞌch: ―Kaiꞌñkam cham jɨꞌxkat tɨ jɨɨꞌñdhaꞌ aañ jiñ bui gu jaroiꞌ noꞌ cham puiꞌ jaꞌk jurtuꞌn guñ Gɨꞌkoraꞌ.

JUAN 7:17

Noꞌ jaroiꞌx maachim na miꞌ puiꞌ jimiaꞌ na jax jix aaꞌ gu Dios na tuiꞌñgɨdaꞌ, ba mattudaꞌ na Dios jir ñioꞌkiꞌñ nañ jax tu aꞌga, cham tuꞌ aañ dɨɨlh pɨx nañ jax ɨlhiiꞌñ.

GU NOONBIꞌÑ GUCH XOIꞌKAM 16:14

Baꞌ maadɨt guiꞌ jɨꞌ gu uꞌuub Liidia tɨɨꞌ, nar mu jaꞌk kam kaꞌ Tiatiira, baꞌ tu gaꞌradaꞌ gu jajannulh gux ñakaabmaꞌ gux kɨkɨɨꞌ. Baꞌ na guꞌ gammɨjɨ tu daandaꞌ buiñor gu Dios, baꞌ puiꞌ jaꞌk xi jurtuda nax bhaiꞌ xi kɇɇkɇꞌ gu Paablo na jax kaiꞌch na tu aꞌga.

ROOMA KAM 11:25

Jiñ jaaduñ jich Xoiꞌkam bhaan, aañ jam aagiꞌñdhaꞌ na jax jaꞌk tuꞌt puiꞌ jaꞌk tu duiñchuꞌ gu Dios na pim baꞌ cham tuꞌ bhaan jix mamatdagɨm jum ɨlhiiꞌñdhaꞌ. Dho jaiꞌ dhɨt gu Israel kam jaꞌtkam ja kaapakai gu Dios gu ja jujur nam baꞌ cham jɨꞌx maatɨt tɇ kɇɇkɇꞌ, kut ji guꞌ alhio pɨx puiꞌ ja duu ji nam jɨꞌx pɨx bɨɨx ka xi chɨ jɨɨꞌñdhaꞌ buiñor guch Xoiꞌkam guiꞌ nam cham jir Israel kam jaꞌtkam.

ROOMA KAM 16:25

Dai gu Dios jix bhaaiꞌ nach gɇꞌkamtuꞌndaꞌ, na guꞌ dai guiꞌx bhaaiꞌ na gammɨjɨ sɨlh jam bhɨichdhatgɨdaꞌ na jax jum kaiꞌch gux bhaiꞌm kaiꞌchdham ñioꞌkiꞌñ guch Xoiꞌkam, dhiꞌ nax bhaaiꞌ na miꞌ dhɨr baabuꞌ gu jaroiꞌ na mu jaꞌk ka jimdaꞌ na paiꞌ gammɨjɨ miꞌ pup jum tulhiiñdhaꞌ. Dhiꞌr diꞌ nañ jax chuꞌm bhaan tu aꞌga aañ, gio dhix bhaiꞌm kaiꞌchdham ñiꞌook bhaan tu aꞌga guch Xoiꞌkam. Baꞌ dhiꞌ miꞌ puiꞌ tum duñiim na chich jax jaꞌk maat na ɨlhiiꞌñ gu Dios, pu bɨjɨk dɨr puiꞌ jaꞌk pum aa na tu duñiaꞌ gatuuk, pu bɨɨpɨꞌ dɨr nat chakuip dunaak dhi oiꞌñgaꞌn.

1 KORIINTO KAM 13:2

Piam sia ku tɨir jiñ aꞌmkam nañ bhaankam gu Dios ja aagiꞌñdhaꞌ gu jaiꞌch Xoiꞌkam jɨɨgiꞌñdham na jax jaꞌk jix aaꞌ, piam kuñ bɨɨx jix chu maat na jɨꞌk tuꞌx chu jaiꞌch yaꞌ dhi oiꞌñgaꞌn gio na jax jaꞌk tu tuꞌiiꞌ, piam sia kux bhaaiꞌ nañ ja joiñchudaꞌ gu oiꞌdhaꞌ nañ jix bhaiꞌ tɨ jɨɨgiꞌñ buiñor guch Xoiꞌkam, guꞌ pɨx ji noꞌñ guꞌ cham tu joiꞌgɨꞌn, pur cham tuꞌ kaꞌ iñ.

1 KORIINTO KAM 15:51

Kani nañ xi jam aaꞌñdhaꞌ na jax jaꞌk tu duñiaꞌ gu Dios gatuuk, guiꞌ pɨx puiꞌñ jurtuꞌn nañ baꞌ aañ yaꞌ dɨr jup jam aagiꞌñdhaꞌ, cham jaroiꞌ jumaix maat gu dhiꞌ puiꞌ: Na aach nach jɨꞌk tɨ jɨɨgiꞌñdhaꞌ buiñor guch Xoiꞌkam, cham tuꞌ bɨɨx koꞌiix kaꞌ ich janoꞌ na paiꞌ dhuuk jum aayaꞌ nam gio duduadɨip baapmigiaꞌ gu koiꞌñgaꞌn, kuch ji guꞌ bɨɨx maaꞌn jimdam maakam tuꞌm jup jich dhuñiaꞌ ji,

1 KORIINTO KAM 2:14

Puiꞌ ku baꞌ gu jaroiꞌ noꞌ cham bhaan jup tuiꞌdhiꞌ gux Dhuuduꞌ kam jix Uañ Iiꞌmdaꞌ, cham kɨɨgalhdhaꞌ guiꞌ na tu maak gux Dhuuduꞌ kam jix Uañ Iiꞌmdaꞌ, puiꞌ pɨx jaꞌk jum aaꞌndaꞌ nar iatdaꞌ. Pu cham jɨꞌxkat maatɨt kaayaꞌ baꞌ, na guꞌm aaꞌ gux Dhuuduꞌ kam jix Uañ Iiꞌmdaꞌ na palhbuidhaꞌ.

1 KORIINTO KAM 2:7

Jax dhui nach aach maakam tuꞌt jir jix aꞌaixkam bhaankam gu Dios, dɨɨlh pɨx gu Dios puiꞌ jaꞌk duu pu bɨjɨk nat chakuip dunaak dhi oiꞌñgaꞌn na puꞌñi dhiꞌ bhaan jich aꞌm tɨ tɨgiaꞌ.

1 KORIINTO KAM 4:1

Aach dai dhiꞌ kɨꞌn pɨx daraa nach ja aagiꞌñdhaꞌ gu jaꞌtkam nam pu cham maatɨt na jax jaꞌk ɨlhiiꞌñ na tu duñiaꞌ gu Dios ja bui. Baꞌ puiꞌ pim pɨx jaꞌk jich ɨlhiiꞌñdhaꞌ nach jaꞌppɨx jir tujuandam tugiꞌñ guch Xoiꞌkam.

1 KORIINTO KAM 4:7

Cham jaroiꞌ maadɨt jir dɨɨlh gaꞌn guꞌ gu tuꞌ, gu Dios pɨx tu jam maak bɨɨx na pim jɨꞌk tuꞌ tu biaꞌ. Cham jir am baꞌ na pim dhiꞌ kɨꞌn gɇꞌgɇrkam jum taat kaꞌ, na pim guꞌ cham dɨɨlh jup tu bua.

EEPESO KAM 1:18

Puiꞌ jaꞌk soiꞌp tɨtda iñ gu Dios na guiꞌ pɨx jam mattudaꞌ na pim baꞌ machiaꞌ nach tuꞌ nɨɨra na gatuuk jup tuch makiaꞌ dɨɨlh gu Dios, gio na pim baꞌ machiaꞌ na cham tuꞌ jaꞌp pɨx puiꞌm kaiꞌch na guch Xoiꞌkam miꞌ dhɨr baabuꞌ gu jaroiꞌ bhaan dɨr gu boi na mu jaꞌk bhɨix na paiꞌ gammɨjɨ miꞌ pup jum tulhiiñdhaꞌ, dhiꞌ miꞌ dhɨr ja boosgaim guꞌ gu Dios guiꞌ nam jɨꞌk jir jaꞌtkam tugiꞌñ kaꞌ.

EEPESO KAM 1:9

Jix maatɨt ba kai chich baꞌ xib nat jax jaꞌk jum aa bɨjɨk na tu duñiaꞌ puꞌñi gatuuk, bak na puꞌñi bha jimdaꞌ guch Xoiꞌkam na baꞌ dhiꞌ bhaankam yaꞌ pu tu duñiaꞌ na jax jix aaꞌ.

EEPESO KAM 5:32

Baꞌr gɇꞌp jum duukam dhiꞌ puiꞌ na jax jaꞌk tu tuꞌiiꞌ nam tuꞌ chakui maat muiꞌ gu jaꞌtkam. Guch Xoiꞌkam gio guiꞌ nam jɨꞌk buiñor tɨ jɨɨgiꞌñ jañ ja aagɨt jup kaiꞌch.

EEPESO KAM 6:19

Sia aañ japim jiñ aꞌmkam xi chu daandaꞌ, puiꞌ pim xi chɨtdadaꞌ gu Dios na guiꞌ pɨx jiñ guguuxdhatgɨdaꞌ nañ naiꞌ tu aꞌga dhiꞌ bhaan nat jax ɨlhdhak bɨjɨk xib yaꞌ puiꞌ ba tu duu, na dɨɨlh pɨx puiꞌx chu maatɨt.

KOLOOSAS KAM 2:2

Jiñ dhɨkooꞌñdhatuꞌ iñ ja aꞌmkam nam baꞌm guguuxdhai ja jujur am bhaan gammɨjɨ xim jajoiꞌgɨꞌndaꞌ bɨɨx jɨꞌmaꞌn. Jiñ dhɨkooꞌñdhatuꞌ iñ ɨp nam baꞌx bhaiꞌ machiaꞌ nat jax jaꞌk tɨi gu Dios bɨjɨk na tuꞌ jax dhuñiaꞌ. Gu Dios jir dhiꞌ pɨx guch Xoiꞌkam.

1 TIMOTEO 3:16

Aach dɨɨlh jix bhaiꞌx maat nar gɇꞌp jum duukam dhiꞌ nach tuꞌ bhaan jix biiñak kat puiꞌ jaꞌk tu jim, na guꞌ jaꞌpni tu tuꞌiiꞌ: Guch Xoiꞌkam ya ai dhi oiꞌñgaꞌn bhaan maaꞌnkam jup jim duuk. Bɨɨx aixim jix bhaiꞌm duukam jup tu buimɨk, na guꞌ gux Dhuuduꞌ kam jix Uañ Iiꞌmdaꞌ na bhaan tajaañixchuꞌ. Gu noonbiꞌñ gu Dios joidham jix kɨɨꞌ maaꞌnkam tɨɨ mɨt, sia naiꞌ pu chuꞌm ba tum aꞌga ja bui guiꞌ nam cham jir Israel kam, jaiꞌ dhɨt ba tɨ jɨɨgiꞌñ am buiñor. Baꞌ yaꞌ dɨr giop jii jix dhaam jaꞌk na paiꞌ dhɨr jir gɇꞌkam xib bɨɨx kap.

1 TIMOTEO 3:9

Gio nam miꞌ puiꞌ tu daaꞌñchuꞌndaꞌ na jax jir sɨlhkam nach aach jax chuꞌm bhaan tɨ jɨɨgiꞌñ, nach guꞌx maat nar sɨlhkam, dai gux kɨɨꞌp jum duukam nam bhaan jujurtɨkaꞌ.

SANTIAGO 1:5

Baꞌ noꞌ pim guꞌ jaiꞌ dhɨt aapiꞌm jix bhaiꞌx maachik na jax pɨk jaꞌk moox aaꞌ gu Dios na pim tuiꞌñgɨdaꞌ, soiꞌm ɨlhdhai pim muiꞌ xi chañiaꞌ gu Dios. Guiꞌ jam makiaꞌ maaꞌn jimdam gu matdaꞌ cham jax ji chɨꞌji, gɇꞌ cham daaxix kam, na pim baꞌ miꞌ dhɨr kɨꞌn bhaiꞌ ji machiaꞌ puꞌñi na jax pɨk jaꞌk jix aaꞌ na pim tuiꞌñgɨdaꞌ.

1 JUAN 2:20

Aapiꞌm na pim guꞌ bɨɨx jam jujur kɨꞌn ba tɨ jɨɨgiꞌñ buiñor guch Xoiꞌkam, baꞌ bɨɨx jɨꞌmaꞌn jam aꞌm ba tajaañix gux Dhuuduꞌ kam jix Uañ Iiꞌmdagaꞌn. Dhiꞌ bax bhaiꞌ jam mattuꞌn na jax jir tuꞌm kam guch Xoiꞌkam, gio na jax jaꞌk jix aaꞌ na pim tuiꞌñgɨdaꞌ.

1 JUAN 2:27

Na guꞌ aapiꞌm jam aꞌm ba tajaañix gux Dhuuduꞌ kam jix Uañ Iiꞌmdaꞌ, dai dhiꞌ ji na pim pɨx kaichgɨdaꞌ na jax jaꞌk jam jurtudidhaꞌ. Cham kam aaꞌ na jaroiꞌ paiꞌ dhɨr jimdat jam aagiꞌñdhaꞌ na pim jax jaꞌk tuiꞌñgɨdaꞌ. Gux Dhuuduꞌ kam jix Uañ Iiꞌmdaꞌ na jam aꞌm ba tajaañix bɨɨx jɨꞌmaꞌn, jir diꞌ na puiꞌ jaꞌk jam jurtudidhaꞌ na pim jax jaꞌk tuiꞌñgɨdaꞌ, gam na jam mattudidhaꞌ na jax pɨk jaꞌk jix aaꞌ gu Dios. Guꞌ baꞌ noꞌ pim miꞌ puiꞌ xi bhɨichuꞌ, dhiꞌ bhaan jix maatɨꞌ kaꞌ na pim sɨlhkam bɨɨx jam jujur kɨꞌn tɨ jɨɨꞌñdhat tuꞌ kaꞌm nɨiꞌñ guch Xoiꞌkam.