MATEO 12:8 - Tepehuano Tepehuán del Sureste (Durango)

⁸ Baꞌ aañ nat bhañ joot guñ Gɨꞌkoraꞌ yaꞌ pu jam tɨtda na cham jax bua gu tuꞌ noꞌñ jax jix dhuñiim janoꞌ na paiꞌ dhuuk aagix na tɨi cham tum juandaꞌ gɨt.

MATEO 12:8 Iomraidhean Croise

MATEO 12:32

Baꞌ noꞌm guꞌ gampaiꞌ pɨx jiñ biaꞌ aañ nat bhañ joot guñ Gɨꞌkoraꞌ, siax bhaaiꞌ na tu ja uañdhaꞌ gu Dios gu ja uaꞌtulhdharaꞌ noꞌm soiꞌm ɨlhiiꞌñ buiñor. Guꞌ baꞌ noꞌm guꞌ gux Dhuuduꞌ kam jix Uañ Iiꞌmdagaꞌn gu Dios gampaiꞌ pɨx biaꞌ, dho gi guꞌ pu cham jɨꞌxkat tu ja uañdhaꞌ ji gu Dios gu ja uaꞌtulhdharaꞌ sia pɨk nar jax kaꞌ gɨt, nam guꞌ cham soiꞌm ɨlhiiꞌñdhaꞌ buiñor.

MATEO 12:40

Baꞌ puꞌñi nat jax jum duu gu Jonaas nat baik tanoolh jup duu gio baik tukaaꞌ na mɨjɨ pu jim ɨrban dɨr gu gɇꞌ batoop, baꞌ aañ puꞌñi ɨp nat bhañ joot guñ Gɨꞌkoraꞌ, baik tanoolh gio baik tukaaꞌñ miꞌ pu yaasapkaꞌ dɨbɨɨr bɨtaꞌ.

MATEO 8:20

Baꞌ gu Jesuus jup tɨtda: ―Jax dhui na guꞌ aañ nat bhañ joot guñ Gɨꞌkoraꞌ yaꞌ dhi oiꞌñgaꞌn bhaan, pu cham paiꞌ bhaaiꞌ nañ gɨt joidham xiñ jɨɨpiꞌñkaꞌ, cham puiꞌ na jax gu kaxio, na guꞌ sɨlh jimiaꞌ mu paiꞌ nar chiob kaꞌ noꞌ bax kooxim. Gio gu uꞌiiꞌ na guꞌ puiꞌp tu kos kaꞌ, dai na ba koxiaꞌ na paiꞌ dhuuk ɨlhiiꞌñdhaꞌ.

MATEO 9:6

Ku baꞌ guꞌ aañ xib yaꞌ duaꞌñdhaꞌ ji dhiñ jaduuñ nax maꞌmkulhiꞌ na pim baꞌx mat kaꞌ nañ aañ jir gɇꞌkam nat bhañ joot gu Dios jix dhaam dɨr nañ baꞌ yaꞌ uañchudaꞌ gu ja uaꞌtulhdharaꞌ gu jaꞌtkam. Baꞌ puiꞌ xi chɨꞌɨɨk jup tɨtda gux maꞌmkulhiꞌ: ―Xi bamiiꞌñ jaduuñ. Ba jimiaꞌ ap jum kiꞌaam jaꞌk bhɨɨji ap dhim bakxidharaꞌ.

MAARKOS 2:28

Na guꞌ pur cham tuꞌ gu puiꞌ na pim jax jaꞌk tɨi xi ɨlhiiꞌñ aapiꞌm. Aañiꞌ ji nañ jix maat, nat guꞌ pu kaiꞌñkam bhañ joot guñ Gɨꞌkoraꞌ nañ baꞌ yaꞌ ja aagiꞌñdhaꞌ gu jaꞌtkam bɨɨx nam jɨꞌk tuꞌ jax buadaꞌ, sia na paiꞌ dhuuk cham tum juandaꞌ.

LUUKAS 6:5

Miꞌ dhɨr baꞌp ja tɨtda: ―Gio guꞌ aañ jir gɇꞌkam nañ bhaankam ya oirɨ gu Dios, jix maat iñ baꞌ na tuꞌx bhaaiꞌ nañ pu buadaꞌ gio na tuꞌ cham na paiꞌ dhuuk puꞌñi cham tum juandaꞌ. Puiꞌ kuñ baꞌ cham paiꞌ jax ja tɨtda dhiñ jaꞌtkam tuk sia kuñ ja nɨiꞌñ nam jax tu buim.

1 KORIINTO KAM 16:2

Nabap tumiiñku taꞌm japim jɨꞌk biꞌaidhaꞌ gu jam maiꞌchɨk na pim baꞌ ampɨk muiꞌ ba jumpadaꞌ na pim baꞌ cham kiaꞌpɨx bha jaꞌp bam tataandaꞌ janoꞌ nañ paiꞌ dhuuk bhammɨ aayaꞌ nañ mu jam tɨɨꞌmɨraꞌ.

1 KORIINTO KAM 9:21

Guꞌ baꞌ noꞌñ ja buip tuꞌiiꞌ guiꞌ nam cham miꞌ puiꞌ tu daaꞌñchuꞌ na jax tu aagix guiꞌ nat Moisees tu uaꞌnak, puiꞌñ jaꞌk jup tu jimdaꞌ nam jax tu jimdaꞌ dɨɨlh, jaꞌp jañ xi dhuukat na jɨꞌk jax tu aagix nam baꞌñ kɨɨgalhdhaꞌ, sia kuñ guꞌ aañ dɨɨlh pɨx jix maat nañ miꞌ puiꞌ jim na jax jix aaꞌ gu Dios, nañ guꞌ miꞌ puiꞌ jim nat jax tu jii guch Xoiꞌkam na yaꞌ xi oilhimɨk dhi oiꞌñgaꞌn bhaan. Miꞌ dhɨr baꞌ dai nañ bhaiꞌ ji chu ja aꞌgidhaꞌ gux bhaiꞌm kaiꞌchdham ñioꞌkiꞌñ nañ baꞌ ba ja maiꞌchiaꞌ guiꞌ nam jɨꞌk tɨ jɨɨꞌñdhaꞌ.

NAT JAX TƗ TƗƗ GU JUAN 1:10

Baꞌ maaꞌnnim maaꞌn tumiiñku taꞌm nañ ka tu daan buiñor gu Dios, gɇꞌñ aꞌm bam tajaa gux Dhuuduꞌ kam jix Uañ Iiꞌmdaꞌ. Baꞌ mɨjɨ dɨr jaꞌp paiꞌ bhaiꞌ ji chum ñio jiñ bɨɨbhiꞌ dhɨr jix ioꞌm gɇꞌ kɨꞌn, jaꞌxbuiꞌ na jɨꞌx tu kuu gu kuichdhakar,