MATEO 11:5 - Tepehuano Tepehuán del Sureste (Durango)

⁵ Jaꞌp japim tɨɨdaꞌ na ñich tu ja tɨɨꞌñchoda guiꞌ nam cham ñiññia kat, gio baꞌ guiꞌ na tootolhidhat ka gakiidhat gu ja tutkuꞌ na ñich bɨɨx jup ja duduaꞌñ. Gio baꞌ guiꞌ nam kax mamaꞌmkulhiꞌ kat nam pu cham tu oipot, bɨɨx japim jup xi aagiꞌñdhaꞌ na ñich ja duduaꞌñ, gio baꞌ jaiꞌ guiꞌ nam cham tɇ kɇɇkɇt. Gio baꞌ jaiꞌ guiꞌ nam ba koꞌiix kat na ñich bɨɨx jup ja baapmiꞌ ja duduaꞌñdhak. Gio baꞌ nañ tu ja aꞌgiꞌñdhaꞌ gux bhaiꞌm kaiꞌchdham ñioꞌkiꞌñ gu Dios guiꞌ nam cham tuꞌ biaꞌ nam gampaiꞌ tuꞌm, nam soiꞌ pɨx jum ɨlhiiꞌñ, nañ ja aagiꞌñdhaꞌ nam jax jaꞌk duñiaꞌ nam baꞌ jimiaꞌ jix dhaam jaꞌk buiñor.

MATEO 11:5 Iomraidhean Croise

MATEO 10:8

Gio baꞌ na pim xi ja duduaꞌñdhidhat ɨp gux kakoꞌkkam puiꞌ na jax guiꞌ na tootolhidhat bha gakiidhaꞌ gu ja tutkuꞌ. Gio guiꞌ nam ba koꞌiix kaꞌ pim sia xi ja duduaꞌñdhidhat. Gio baꞌ gu cham kɨkɨɨꞌ iꞌiiꞌmdaꞌ na pim maiꞌ ja jootsaidhaꞌ ja aꞌm dɨr gu jaꞌtkam guiꞌ nam ampɨx puiꞌx ñanaanbiꞌ kaꞌ. Baꞌ na pim paiꞌ dhuuk puꞌñi xi ja duduaꞌñdhidhat, chaꞌpim bha ja taandaꞌ gu tuumiñ, na guꞌ dhiꞌ na pim tuꞌ kɨꞌn ja duduaꞌñdhaꞌ, dhiꞌ puiꞌ pɨx jam maa jia gu Dios.

MATEO 11:4

Baꞌ mummɨ jiimdat puiꞌp ba tɨtdaim am gu Jesuus. Baꞌ guiꞌ cham ja aagiꞌñ miꞌ jotmodaꞌ, dai nat xim jotmaꞌñ pɨx nat mi jaꞌp naiꞌ xi ja duduaꞌñ gux kakoꞌkkam. Miꞌ dhɨr baꞌ moop ja tɨtda: ―Ea na pim aaꞌñdhapuꞌ gu Juan jaꞌtkam bopkondam gu puiꞌ na pimɨt jax bañ chɨɨ na ñich ja duduaꞌñ dhiñ jaaduñ nam kax kakoꞌk kat, gio baꞌ puiꞌ na pimɨt jax bañ kai nañ ja aagiꞌñ nam jax jaꞌk duñiaꞌ nam baꞌ jimiaꞌ jix dhaam jaꞌk buiñor gu Dios.

MATEO 12:13

Baꞌ puiꞌ xi chɨꞌɨɨk jup tɨtda guiꞌ nax muuk kaꞌ gu nobiiꞌñ: ―Ea nap xi sɨlhñaꞌ dhim nob jiñ jaduuñ. Baꞌ guiꞌ jaꞌp jup xi sɨlh, jix kɨɨꞌp jum duu miꞌ jotmodaꞌ jaꞌp na jax gu jaꞌp dɨr kam nobiiꞌñ, panaas ku moo pu cham paiꞌ muuk kat.

MATEO 21:14

Baꞌ na pui bhaiꞌ ka oirɨ gu Jesuus na paiꞌr gɇꞌ chiop, bhaiꞌ ba ai mɨt jɨꞌkchi gu jaꞌtkam nam cham ñiññia kaꞌ gio baꞌ jaiꞌ guiꞌ nam jix mamaꞌmkulhiꞌ kaꞌ, baꞌ soiꞌ ba tɨtda am na ja duduaꞌñdhaꞌ. Baꞌ guiꞌ cham jax ji chɨꞌɨɨk jix ja joiꞌmdak jup xi ja duduaꞌñ, jix kɨkɨɨꞌ mɨt jup jum duu.

MATEO 5:3

―Jaꞌp moo joidham jix bhaiꞌ tu ja jim guiꞌ nam jɨꞌk jix maat na ja aꞌm jum aaꞌ nam miꞌ puiꞌ jiimdaꞌ na jax jix aaꞌ gu Dios, na guꞌ gammɨjɨ ja aꞌm tɨ nɨidhidhaꞌ.

MATEO 9:30

Baꞌ miꞌ jotmodaꞌ bhaiꞌ ji ñiññiata mɨt nat jax pu ja tɨɨꞌn gu Jesuus, jix kɨkɨɨꞌ dho guꞌp jum duu mɨt. Baꞌ xi ja sooꞌmchulhdhak nam sap cham jaroiꞌ aagiꞌñdhaꞌ nat ja duduaꞌñ, jup ja tɨtda: ―Dai na pim moo cham jaroiꞌ aagiꞌñdhaꞌ na ñich jam duduaꞌñ.

MAARKOS 7:37

Baꞌ gu jaꞌtkam guiꞌ nam puiꞌ tu ja aꞌgiꞌñdhaꞌ miꞌ puiꞌ pup tuiꞌkaꞌ am, jaꞌxpɨx dai nam jup kaiꞌchdhaꞌ: ―¡Joidham dho bak jia! Jaiñ na guꞌ puiꞌ ja duduaꞌñdhim guiꞌ nam cham tɇ kɇɇ gio guiꞌ nam cham tu ñiok.

MAARKOS 9:25

Baꞌ pɨx ji aajim am gu jaꞌtkam na ja nɨiꞌñ gu Jesuus, baꞌ xim jotmaꞌñ nat maiꞌ joot gu cham kɨɨꞌ iiꞌmdaꞌ, jup tɨtda: ―Aapiꞌ cham kɨɨꞌ iiꞌmdaꞌ nap miꞌ naanbichuꞌn dhiñ jaduuñ na baꞌ cham tu ñiok gio na cham tɇ kɇɇ, mu buusaiñ bhaiꞌ dhɨr bhaan. Chaꞌp baꞌ gio bhaiꞌp ka bapkɨdaꞌ.

LUUKAS 4:18

Gux Dhuuduꞌ kam jix Uañ Iiꞌmdagaꞌn gu Dios jiñ aꞌm tajaañix, nat guꞌ dɨɨlh gu Dios jiñ aꞌm tɨ tɨɨgɨk jiñ tajaañ nañ baꞌ ya jaꞌp tu ja aꞌgidhaꞌ gux bhaiꞌm kaiꞌchdham ñioꞌkiꞌñ guiꞌ nam soiꞌ tuꞌiiꞌ nam cham tuꞌ biaꞌ ni jɨꞌx, gio guiꞌ nam jɨꞌk kuup jañ xi ja doꞌñchoi xi ja chiñiaꞌ nam jix bhaiꞌm taatɨt mu jaꞌp ba oipodaꞌ, gio guiꞌ nam cham ñiññia kaꞌ nañ tu ja tɨɨꞌñchodaꞌ. Bɨɨx guiꞌ nam jɨꞌk jum tulhiiñ jañ jix bhaiꞌ ja duñiaꞌ,

JUAN 10:25

Baꞌ gu Jesuus jup ja tɨtda: ―Dho gi nañ guꞌ tɨi bɨjɨk dɨr pu chuꞌm ba tu aꞌga, jaꞌpji na pim guꞌ aapiꞌm cham jiñ jɨɨgiꞌñ. Nɨiꞌñ japim ɨp nañ jix bhaiꞌm duukam jup tu bua bhaankamuꞌn guñ Gɨꞌkoraꞌ. ¿Kux cham aa dhiꞌ puiꞌ kaiꞌñkam bap jum kaiꞌch?

JUAN 10:38

Piam noꞌ pim guꞌ moo jaꞌp cham jɨꞌx jiñ kaim nañ jax tu aꞌga, sia dai dho na pim xi chɨ nɨiꞌñdhaꞌ gux bhaiꞌm duukam nañ jup tu bua bhaankamuꞌn guñ Gɨꞌkoraꞌ na pim baꞌ miꞌ dhɨr ba machiaꞌ na sɨlhkam jiñ buip tuiꞌdhiꞌ nañ baꞌ bhaankamuꞌn jix bhaiꞌm duukam jup tu bua, cham tuꞌ gu aañ dɨɨlh pɨx, gam na pim baꞌ ba machiaꞌ nañ aañ yaꞌ dɨr mu jaꞌk buiñor jup tuiꞌdhiꞌ ɨp.

JUAN 2:23

Baꞌ janoꞌ na bhammɨ oirɨ Jerusaleen gu Jesuus bhaan Paaskua taꞌm na bhaiꞌr piasta, muiꞌ jaꞌtkam tɨi xi chɨ jɨɨꞌñ jamɨt buiñor gu bhaiꞌ jotmodaꞌ nam nɨiꞌñ nat jix bhaiꞌ tu duu na tuꞌr jix bhaiꞌm duukam.

JUAN 3:2

Baꞌ maaꞌnnim muiꞌ mam dɨkoo gu Nikodeemo nat muiꞌ ma jii tukaaꞌñ chaꞌm mu na paiꞌ tɨbiap gu Jesuus. Mummu ba ji buus, baꞌp tɨtda: ―Bax maat ich jiñ jaduuñ nat aap Dios bham joot nap yaꞌ tuch aꞌgidhaꞌ nach jax jaꞌk miꞌ puiꞌ jiimdaꞌ na jax jix aaꞌ, nach guꞌ cham paiꞌ jaroiꞌ puiꞌ nɨidhat nax bhaiꞌ tu bua na tuꞌr jix bhaiꞌm duukam noꞌ cham bhaan tɨ nɨidhim gu Dios jaꞌp na jax aap nap bɨxchuꞌx aichuꞌn nap pu tu duñiaꞌ.

JUAN 5:36

Ku guꞌ cham tuꞌ ji na dai dhiꞌ bhaan jix maatɨꞌ na jax tu aꞌgimɨk gu Juan, matgam japim ji ba nɨiꞌñ ji nañ jup tu bua na tuꞌr jix bhaiꞌm duukam nat jax jiñ chɨɨdak bhañ joot guñ Gɨꞌkoraꞌ. ¿Cham aa dhiꞌ sɨlhkam kat bap jum kaiꞌch?

JUAN 9:7

Miꞌ dhɨr baꞌp tɨtda: ―Xib jap baꞌ xim ikoimdharaꞌ gum buibas muni Siloe, na paiꞌ kolhbixdhix gu suudaiꞌ. ―Siloe jaꞌp kaiꞌñkam jup jum kaiꞌch nat jumai mu jootsak. Baꞌ mam ikoimdham gu cham ñia kam mu na paiꞌ tu aagiꞌñ gu Jesuus. Joidham bhaiꞌ ji ñiata nat jax jum ikoim, jix kɨɨꞌ mummu jaꞌk ba ai kiaꞌmiꞌñ.

GU NOONBIꞌÑ GUCH XOIꞌKAM 2:22

’Pu kagɨt na pim moo alhio kapup xiñ kaayaꞌ jiñ jaaduñ Israel kam nañ jax jam tɨɨdaꞌ. Dho guꞌ gu Jesuus guiꞌ nar Nasareet kam, jir diꞌ dho guch Xoiꞌkam nat Dios bha jam joochxi aapiꞌm jam bui. Puiꞌ ku baꞌ joidham jix bhaiꞌ xi chu buimɨk na tuꞌr jix kɨɨꞌp jum duukam na jɨꞌx juugɨt yaꞌ xi oilhimɨk bhaan dhi oiꞌñgaꞌn.

SANTIAGO 2:5

Dho guꞌ dhiꞌ ji baꞌ pɨk jix ioꞌm jix ja joiꞌndat ja aꞌm tɨ nɨiꞌñ gu Dios guiꞌ nam alh gampaiꞌ tuꞌiiꞌ nam cham tuꞌ biaꞌ, nam guꞌ gammɨjɨ pɨx soiꞌm ɨlhiiꞌñdhaꞌ buiñor. ¿Tuꞌm gi bhaan gɇꞌgɇrkam jum ɨlhiiꞌñdhaꞌ? Dai nam jix ioꞌm jix biiñak kaꞌ pɨx buiñor gu Dios. Dhiꞌ ji baꞌ pɨk ja baidhikaꞌ jix dhaam jaꞌk nat paiꞌ jaꞌk ja iimchuda na saak ja aichdhaꞌ guiꞌ nam jɨꞌk miꞌ puiꞌ jimiaꞌ na jax jix aaꞌ.