MATEO 11:1 - Tepehuano Tepehuán del Sureste (Durango)

¹ Baꞌ nat paiꞌ dhuuk tɨɨmo gu Jesuus na tu ja aꞌgidhimɨk gu mambhɨɨx daman gook noonbiꞌñ, pu jii mu jaꞌp na paiꞌ ɨꞌlhich jir kikcham kaꞌ guiꞌ na dhiꞌ pɨx bhaan jup bipioꞌ gu dɨbɨɨr.

MATEO 11:1 Iomraidhean Croise

MATEO 28:20

Gio baꞌ na pim xi ja aaꞌñdhidhat ɨp nam tuꞌ kaꞌm xi nɨidhat gu puiꞌ na ñich jax jaꞌk jam aaꞌñ aapiꞌm na pim miꞌ puiꞌ jiimdaꞌ. Baꞌ aañ gammɨjɨ nabap tanoolh jam buip tuiꞌñgɨdaꞌ siat baꞌ am xim tɨɨmo dhi oiꞌñgaꞌn.

MATEO 4:23

Baꞌ miꞌ dhɨr bɨɨx kap naiꞌ ji chu aꞌga gu Jesuus na jɨꞌx bhaan bipioꞌ gu Galilea dɨbɨɨr mu jaꞌp nam paiꞌ jax tu daandaꞌ gu dai Israel kam jaꞌtkam, na ja aaꞌñdhidhaꞌ gux bhaiꞌm kaiꞌchdham ñiꞌook nam jax jaꞌk duuji buiñor aayaꞌ gu Dios, gio baꞌ na xi ja duduaꞌñdhidhat guiꞌ nam jɨꞌk jix kakoꞌk kaꞌ na bɨɨx aixim tuꞌm ja ɇɇkaꞌ gu koꞌkdaiꞌ.

MATEO 7:28

Baꞌ nat paiꞌ dhuuk tɨɨmo gu Jesuus na puꞌñi xi chu ja aꞌgidhimɨk, bɨɨx miꞌ puiꞌ pup tuꞌiiꞌ am gu jaꞌtkam, na mɨt guꞌx ioꞌm joidham kai.

MATEO 9:35

Baꞌ bɨɨx kap ai gu Jesuus mu jaꞌp na paiꞌ jax ɨꞌlhich daaꞌñxim jir kikcham kaꞌ, gio baꞌ mu jaꞌp na paiꞌ jax jɨꞌdɨlh jup jir kikcham kaꞌ, tu ja aꞌgidhidhaꞌ gu Israel kam jaꞌtkam mu jaꞌp nam paiꞌ jax tu daandaꞌ, na ja aaꞌñdhidhaꞌ nam jax jaꞌk miꞌ puiꞌ jimiaꞌ na baꞌ ja aꞌm ba tɨ nɨidhidhaꞌ gu Dios, gio baꞌ na xi ja duduaꞌñdhidhat gux kakoꞌkkam na bɨɨx aixim tuꞌm ja ɇɇkaꞌ gu koꞌkdaiꞌ.

MAARKOS 6:12

Baꞌ guiꞌ ma jii mɨt ɨp naiꞌ jaꞌp na jax jir kikcham na mɨt tu ja aꞌgidham gu jaꞌtkam, jup ja tɨtdaim am nam sap miꞌ puiꞌ ba jimiaꞌ na jax jix aaꞌ guch Gɨꞌkoraꞌ.

LUUKAS 23:5

Baꞌx ioꞌm gɇꞌ kɨꞌn jup kaiꞌch am guiꞌ: ―Jaꞌpji aach na cham jich koꞌraar na maakam ja mamtuxdhim guch jaꞌtkamiꞌ. Mummɨ dɨr bhaiꞌ ji kɨi Galilea, saalh puiꞌ yammɨ jaꞌp ba ja iatgidhim Judea.

LUUKAS 8:1

Baꞌ jɨꞌk jurniꞌñ kɨꞌn nat miꞌ puiꞌ xi chu duuk gu Jesuus, ma tu ja aꞌgidham ɨp gu jaꞌtkam. Naiꞌ jaꞌp ji bhɨi na paiꞌ jax muiꞌ daaꞌñxim jir kikcham, gio na paiꞌ jax jɨꞌdɨlh jir kikcham, ja aaꞌñdhim gu jaꞌtkam na jax jaꞌk jix bhaaiꞌ nam duñiaꞌ na baꞌx ja joiꞌmdai ja aꞌm tɨ tɨgiaꞌ gu Dios. Bɨɨx oiꞌñchuꞌ am gu mambhɨɨx daman gook gu noonbiꞌñ,

JUAN 15:10

Pu kani gɨt noꞌ pim aapiꞌm moo miꞌ puiꞌ jiimɨt nañ jax ba tu jam aꞌgiꞌñ pɨx bhaan ji baapmigim na pim jiñ buix biiñak, xi jam joiꞌndat jañ dho xi jam daꞌdaꞌ maaꞌn na jax, jaꞌp na jax aañ na guꞌ xiñ dhaꞌ guñ Gɨꞌkoraꞌ, na guꞌx maat nañ miꞌ puiꞌ xi jim na jax jaꞌk jix aaꞌ gam nat jax jiñ chɨɨdak bhañ joot.

JUAN 15:14

Aapiꞌm ji baꞌ bar dhiꞌñ jaaduñ guiꞌ nach tuꞌ sɨlhkam maap jix bhaiꞌ bach dhaaꞌ, na pim guꞌ miꞌ puiꞌ ba jiim nañ jɨꞌk jax jam tɨɨdaim.

GU NOONBIꞌÑ GUCH XOIꞌKAM 1:2

miꞌ juugɨt nat paiꞌ dhuuk jiix dhaam jaꞌk. Baꞌ bɨɨpɨꞌ dɨr nat chakui jiix dhaam jaꞌk, puiꞌ jaꞌk pu ba ja jujurtuda kɨꞌn gux Dhuuduꞌ kam jix Uañ Iiꞌmdaꞌ nam tuꞌ jax dhuñiaꞌ bhaankamuꞌn guiꞌ nat jɨꞌk pu ja aꞌm tɨ tɨɨ nam jir noonbiꞌñ kaꞌ.

GU NOONBIꞌÑ GUCH XOIꞌKAM 10:38

Dho guꞌ puiꞌ dho na pim jax bax maat jiañ jaaduñ, nat gu Dios gɇꞌkam kɨꞌn bhaan tɨ tɨɨ gu Jesuus Nasareet kam gio nat gɇꞌ bhaan tajaa gux Dhuuduꞌ kam jix Uañ Iiꞌmdaꞌ, puiꞌ ku baꞌ joidham jix bhaiꞌm duukam xip tu buimɨk gu Jesuus, gio baꞌ na bha jaꞌp oirɨt ja duduaꞌñdhidhaꞌ guiꞌ nam jɨꞌk kam tulhiiñdhat nam jix kakoꞌk kaꞌ na puiꞌ jaꞌk ja duukaꞌ gu jaꞌook. Baꞌ dhiꞌ puiꞌ nat jɨꞌk jax tu duu, dhiꞌ gu Dios na bhaan tɨ nɨidhidhaꞌ, puiꞌ ku baꞌx bhaaiꞌ nat puꞌñi tu duu.

GU NOONBIꞌÑ GUCH XOIꞌKAM 10:42

Miꞌ dhɨr baꞌ dai nat naiꞌ xich jootsak nach sap naiꞌ tu ja aꞌgiꞌñpuꞌ gu jaꞌtkam nach puiꞌ ja tɨtdaidhaꞌ nat sap gu Dios gɇꞌkam kɨꞌn ba dai ja bui guiꞌ nam ka dudua gu jaꞌtkam gio guiꞌ nam ba koꞌiix.

1 TESALOONIKA KAM 4:2

Jix bhaiꞌx maat japim guꞌ na jax jaꞌk jum aaꞌ na pim duñiaꞌ, na chich guꞌ xi jam aaꞌñdhak bhaankam guch Xoiꞌkam guiꞌ nax ioꞌm jir gɇꞌkam.

2 TESALOONIKA KAM 3:10

Janoꞌ nach bhammɨp tuꞌt jam bui, jaꞌpni chich xi jam tɨɨdak na tu tuiꞌkaꞌ: Jaroiꞌ nax cho oodat cham aaꞌndaꞌ na tu juandaꞌ, puiꞌ mu oirɨdaꞌ cham tu kuaꞌdat.

2 TESALOONIKA KAM 3:6

Aapiꞌm jiñ jaaduñ jich Xoiꞌkam bhaan, jix gɨꞌm jañ jaꞌpnip xi jam tɨɨdam bhaankam gu Gɇꞌkam jich Xoiꞌkam. Chaꞌpim mi bɨpnatdaꞌ gu jax chuꞌm jich Xoiꞌkam jɨɨgiꞌñdham noꞌ cham tu juanam, piam noꞌ cham miꞌ puiꞌ tu daaꞌñchuꞌ nach jax jam aagiꞌñ na pim tuiꞌñgɨdaꞌ.

1 TIMOTEO 6:14

nap miꞌ puiꞌ xi dhuñiaꞌ nañ jax jum tɨtda. Chaꞌp pataasat nañ baꞌ cham tuꞌ bhaan jax jum tɨtdadaꞌ. Gammɨjɨp baꞌ moo puiꞌ pu duiñchuꞌndaꞌ janoꞌ juugɨt na paiꞌ dhuuk bha jimdaꞌ guch Xoiꞌkam nax ioꞌm jir gɇꞌkam.