MATEO 1:1 - Tepehuano Tepehuán del Sureste (Durango)

¹ Gu Dabii gio gu Abraam jir diꞌ pɨx am gu bopxiꞌñ guch Xoiꞌkam. Jaꞌpni jaꞌk moo tu tuꞌiiꞌ:

MATEO 1:1 Iomraidhean Croise

MATEO 1:18

Jaꞌpni jaꞌk jum duu guch Xoiꞌkam janoꞌ nat paiꞌ dhuuk maaxir. Gu dɨꞌɨɨꞌn Mariiya tu taandaꞌ am na sap bɨɨmaꞌn tu kiichaꞌ maaꞌn gu chioꞌñ na puiꞌ tɨɨꞌ Josee, guꞌ ji na guꞌ bɨɨpɨꞌ dɨr nat chakui bɨɨmaꞌn tu kiicha, dɨɨlh pɨx bar alhiꞌch kɨɨkam kaꞌ gu Mariiya, sia kum tɨi chakuir jum bɨpnagɨm, na guꞌ gux Dhuuduꞌ kam jix Uañ Iiꞌmdaꞌ nat puiꞌ jaꞌk bhaan jum tajaa na baꞌ dɨɨlh pɨx ba tɨgiaꞌ maaꞌn gu alhii.

MATEO 1:2

Gu Abraam maaꞌn tu mar kat na Isaak tɨɨgich. Miꞌ dhɨr baꞌ moo gu Isaak maaꞌn jup tu mar kat na Jakob jup tɨɨgich. Miꞌ dhɨr baꞌ moo gu Jakob jɨꞌkchip tu maamar kat, maadɨt jir diꞌ guiꞌ na Judaa tɨɨgich.

MATEO 15:22

Baꞌ maaꞌn miꞌ ba jimchuꞌ gu ubii guiꞌ na pur miꞌ kam kaꞌ, baꞌ soiꞌm ɨlhdhat suakɨt jup tɨtda gɇꞌ kɨꞌn gu Jesuus: ―Aapiꞌñ jaduuñ nap jir boxiiꞌñ gu Dabii, iam jap jix joiꞌmdai xiñ chɨɨgɨi xi dhuaꞌñdharai guñ maraax na ampɨx puiꞌx ñaanbiꞌ kaꞌ na bhaan jup tuꞌiiꞌ gu cham kɨɨꞌ iiꞌmdaꞌ.

MATEO 3:16

Baꞌ nat jax miꞌ dhɨr gamaiꞌ ji buus gu Jesuus suudaiꞌ chɨr, panaas kut joidham bhaiꞌ jim kukpioꞌ gux dhaam, baꞌ ba tɨɨ gu Jesuus nat maaxik bhammɨ dɨr bhaiꞌ ji chɨm gux Dhuuduꞌ kam jix Uañ Iiꞌmdaꞌ jaꞌp tuꞌm na gu giodaꞌ.

MATEO 9:27

Baꞌ nat jax kiaꞌpɨx miꞌ dhɨr gamaiꞌ ji buus gu Jesuus, gook gu jaꞌtkam cham ñiññia kam gatuuk dɨr muiꞌ ba jiñkuidhim am, jup tɨtdaim am: ―¡Aapiꞌch jaduuñ nap jir boxiiꞌñ gu Dabii, iam jap xich joiꞌmdai xich chɨɨgɨi xich dhuduaꞌñdhai nach cham ñiññia!

LUUKAS 1:33

Baꞌ gammɨjɨ pup jir ja gɇꞌkam tuk kaꞌ gu Israel kam jaꞌtkam, cham jɨꞌxkat jum tɨɨmoꞌ nar gɇꞌkam kaꞌ.

JUAN 7:42

Na guꞌ pum kaiꞌch mi uꞌuan taꞌm gu ñioꞌkiꞌñ guch Gɨꞌkoraꞌ na saak guch Xoiꞌkam Beleen maaxilhiaꞌ nar paiꞌ kam gu Dabii guiꞌ nar gɇꞌkam kat bɨjɨk, gio na saak maadɨt jax chuꞌm nar boxiiꞌñ.

GU NOONBIꞌÑ GUCH XOIꞌKAM 2:30

Guꞌ na pu bax maat pɨx ji na jaroiꞌ puiꞌ jaꞌk jum duñiaꞌ, puiꞌ kut baꞌ puꞌñi jaꞌk tu uaꞌnak, na guꞌ gu Dabii maadɨt jir diꞌ kat jia guiꞌ nam jix bhaiꞌ kɇɇkɇt gu Dios gio nam bhaankamuꞌn tu aꞌgimɨk, baꞌ pu ba aagiꞌñ na gatuuk maaꞌn jir gɇꞌkam kaꞌ gu boxiiꞌñ.

ROOMA KAM 1:3

Baꞌ dhix bhaiꞌm kaiꞌchdham ñioꞌkiꞌñ gu Dios bhaan tu aꞌga gu Maraaꞌn, dhiꞌ nach jaroiꞌ iim aach nar jich Xoiꞌkam gio nar jich Gɇꞌkam tuk, na tuukuꞌ bhaan jir boxiiꞌñ gu Dabii guiꞌ na bɨjɨk jir gɇꞌkam kat. Nat guꞌ guch Xoiꞌkam maaxik maaꞌnkam jup jim duuk yaꞌ maaxir dhi oiꞌñgaꞌn bhaan, dai gu iiꞌmdagaꞌn nar jix uañ.

ROOMA KAM 4:13

Na guꞌ janoꞌ nat gu Dios iimchux gu Abraam na makiaꞌ gu dɨbɨɨr sia gu bopxiꞌñ, cham tuꞌ nat miꞌ pu tu duu gu Abraam na jɨꞌk jax tu aagix kut baꞌ iimchux. Jax dhui na guꞌ chakui paiꞌ jax tu aagix kaꞌ janoꞌ. Guꞌ jaꞌpji na bɨɨx juraaꞌn kɨꞌn soiꞌm ɨlhdhat buiñor tɨ jɨɨgiꞌñdhaꞌ, puiꞌ kut baꞌ puiꞌp tɨɨ nar jix kɨɨꞌ maaꞌnkam, na cham tuꞌ bhaan uaꞌtulhdhix.

ROOMA KAM 9:5

Dhi Israel kam jaꞌtkam jir bopxiꞌñ am gu bɨjɨk dɨr kam jich bopxi nam puiꞌp jir Israel kam jaꞌtkam kat. Baꞌ dhi Israel kam jaꞌtkam ja bui dhɨr jaiꞌchdhɨr guch Xoiꞌkam, puiꞌp jir Israel kam baꞌ tuukuꞌ bhaan. Dhiꞌr diꞌ pɨx gu Dios guiꞌ nat jup tu duu bɨɨx na jɨꞌk tuꞌx chu jaiꞌch, puiꞌ ku baꞌ dai guiꞌx bhaiꞌ nach gammɨjɨ buiñor tu daandaꞌ, iam gɨt jach moo puiꞌ pu duiñchuꞌndaꞌ gammɨjɨ.

GALAASIA KAM 3:16

Baꞌ puꞌñi ɨp gu Dios na mɨt gook dɨt maaꞌn ñiꞌook jup duu gu Abraam bɨjɨk. Gu Dios puiꞌ jaꞌk tɨɨꞌn gu Abraam nax bhaiꞌ tu jimiaꞌ dɨɨlh gio gu bopxiꞌñ nam jaiꞌchdhɨlhiaꞌ gatuuk. Baꞌ dhiꞌ nam jir bopxiꞌñ kaꞌ gatuuk, cham tuꞌ jaꞌp kaiꞌñkam jup kaiꞌch na dɨɨlh pɨx jix bhaiꞌ tu ja jimiaꞌ, guꞌ jaꞌpji na maadɨt miꞌ dhɨr jup jaiꞌchdhɨlhiaꞌ nam baꞌ dhiꞌ bhaankam jix bhaiꞌ tu jimiaꞌ, dhiꞌ baꞌch Xoiꞌkam nat xib yaꞌ ba jaiꞌchdhɨr.

1 TIMOTEO 2:5

Na guꞌ maaꞌn pɨx jix jaiꞌch gu Dios, cham tuꞌ muiꞌ. Gio maaꞌn pɨx jup jix jaiꞌch guch Xoiꞌkam na puiꞌ ja duñiaꞌ bɨɨx gu jaꞌtkam nam maaꞌn ñiꞌook bap duukaꞌ buiñor gu Dios, baꞌ miꞌ dhɨr gammɨjɨ buiñor bap tuiꞌñgɨdaꞌ am.

2 TIMOTEO 2:8

Tɨꞌñchokat ap nat guch Xoiꞌkam muukɨk gio duadɨk jup buus miꞌ dhɨr koiꞌñgaꞌn tɨr. Jir boxiiꞌñ kat gu Dabii guiꞌ nax ioꞌm jir gɇꞌkam kat bɨjɨk. Dhiꞌñ baꞌ ja aagiꞌñ gu jaꞌtkam na jax jir jum duukam. Baꞌ guiꞌ nam jɨꞌk tɨ jɨɨꞌñdhim, cham ja tulhiiñchudaꞌ gu Dios gatuuk.

NAT JAX TƗ TƗƗ GU JUAN 22:16

’Aañiꞌ Jesuus yaꞌ dɨr mu joot jañich guiꞌ nar nobiiꞌñ gu Dios mummu buiñor guñ chujuandam tuk Juan na baꞌ puiꞌ tu mattudaꞌ nañ jɨꞌk jax tu duñiaꞌ jootom, na baꞌ miꞌ dhɨr gu Juan bɨɨx kap ba ja aagiꞌñdhaꞌ guiꞌ nam ba tɨ jɨɨgiꞌñ aañ jiñ bui na jɨꞌx oiꞌñgaꞌn nam baꞌ puiꞌ tu machiaꞌ. Aañ puiꞌ ji buusan na jax gu gɇꞌ chiꞌɨɨꞌ guiꞌ na katukgab bha tɨssaꞌn. Jir diꞌ pɨx iñ gu boxiiꞌñ gu Dabii guiꞌ na bɨjɨk jir gɇꞌkam kat.