MAARKOS 7:9 - Tepehuano Tepehuán del Sureste (Durango)

⁹ ’Guꞌ baꞌ na jax jix aaꞌ gu Dios, tuꞌ pɨx ɨlhiiꞌñ japim. Dai na pim mu jaꞌk jix chutkagix na pim jax ɨlhiiꞌñ dɨɨlh.

MAARKOS 7:9 Iomraidhean Croise

MAARKOS 7:13

Ba xi jii pimɨt na pim bɨɨx aixim tu bua bhaan jim iatat nam jax tu jimdat gu bɨjɨk dɨr kam. Guꞌ baꞌ na jax jix aaꞌ gu Dios, gampaiꞌ pɨx biaꞌ pim, panaas ku pu cham tuꞌ bhaiꞌ, gio jaiꞌ cham aagix kam ku pim pu tu buim.

MAARKOS 7:3

Na guꞌ guiꞌ nam pariseos jum tɨɨtɨꞌndaꞌ gio gu jaiꞌ Israel kam jaꞌtkam, pui miꞌ puiꞌ tu daaꞌñchuꞌ am nam jax jaꞌk tu jimdat gu bɨjɨk dɨr kam kat, na sap noꞌm cham muiꞌkim ikoimdhix, cham jir am nam gan tu kuaꞌdaꞌ, nam guꞌ sap jum uaꞌtulhdhaꞌ.

MAARKOS 7:5

Miꞌ dhɨr baꞌ bhaiꞌ ji chɨkka mɨt gu Jesuus guiꞌ nam pariseos jum tɨɨtɨꞌndaꞌ gio guiꞌ nam sap jix mat kaꞌ gu ñioꞌkiꞌñ gu Dios, jup tɨtda am: ―¿Jax kum baꞌ dhim jaꞌtkam tuk cham miꞌ puiꞌ ka jimchuꞌ nam jax tu jimdat guch bopxikat? Tɨɨꞌ nam cham muiꞌkim jum iꞌkoimdhat tu kuaꞌ.

ROOMA KAM 3:31

¿Guꞌ baꞌ dhiꞌ jaꞌp jir jum duukam aa panaas na pu cham tuꞌ bhaaiꞌ puiꞌ na jɨꞌk jax tu aagix? Chaam tuꞌ ji nar puiꞌ. Jax dhui nach puiꞌ pɨx jup tu duiñchuꞌ na jɨꞌk jax tu aagix aach nach jɨꞌk buiñor ba tɨ jɨɨgiꞌñ guch Xoiꞌkam.

2 KORIINTO KAM 11:4

Jaꞌpniñ kaiꞌñkam puiꞌ jam tɨtda na pim jaꞌp xi bubuakiaꞌ noꞌ jaroiꞌ maakam tu jam aꞌgidhim na jax cham puiꞌm kaiꞌch gux bhaiꞌm kaiꞌchdham ñioꞌkiꞌñ guch Xoiꞌkam, noꞌ cham tuꞌr pu chuꞌm na chich jax chuꞌm tu jam aꞌgi aach. Aapiꞌm guꞌ sap kɇɇkɇꞌ jaroiꞌ na jimdaꞌ sia ku cham miꞌ puiꞌ tu aꞌgim na jax jir sɨlhkam. Cham tuꞌ dhiꞌ pɨx bhaan jup tuiꞌñgɨdaꞌ guꞌ gux Dhuuduꞌ kam jix Uañ Iiꞌmdaꞌ na jax chuꞌm jich aꞌm jup tuiꞌdhiꞌ aach, jumai pɨx jam aꞌm jam tajaañdhaꞌ na jax chuꞌm cham kɨɨꞌ.

GALAASIA KAM 1:14

Aañ pɨk jix ioꞌm bɨɨpɨꞌ pup xiñ chaattuꞌndaꞌ nañ miꞌ puiꞌ xi chu duñiidhaꞌ nach jɨꞌk jax tu jimdaꞌ bɨɨx nach jɨꞌk jir Israel kam jaꞌtkam janoꞌ nañ cham tɨ jɨɨgiꞌñdhaꞌ. Cham jaroiꞌ guiꞌ nach jɨꞌk maaꞌn nach jax jich chaat kaꞌ kum iam jiñ jupaab jimmɨdaꞌ nam sap pɨk baꞌ tɨi miꞌ puiꞌp xi chu duiñchuꞌndaꞌ. Aañ jix ioꞌm jix ɨɨbhiꞌñdhaꞌ guꞌ na jax tu aagix kaꞌ, puiꞌ kuñ baꞌ miꞌ puiꞌ xi chu duñiidhaꞌ nam jax tu jimdat guch bopxi kat.

GALAASIA KAM 2:21

Baꞌ aañ tɨ jɨɨgiꞌñ dhiꞌ puiꞌ nat jax jaꞌk tu duu gu Dios xich joiꞌmdak, na guꞌ cham kam aaꞌ nach miꞌ puiꞌ ka tu duñiidhaꞌ na jax tu aagix. Na guꞌ noꞌ puiꞌ jaꞌk xich joiꞌmdat jich aꞌm tɨ nɨidhidhaꞌ gɨt gu Dios nach miꞌ puiꞌ tu duñiidhaꞌ na jɨꞌk jax tu aagix, jir tuꞌ kub kaꞌ gɨt pɨx baꞌ guch Xoiꞌkam nat ba muu bhaan gu uꞌuux na gai bɨɨt.

2 TESALOONIKA KAM 2:4

Dɨɨlh jum aagidhaꞌ nar Dios kaꞌ dhiꞌ dhi maaꞌnkam jix buam tomaatɨm, pu ja tɨtdaidhaꞌ gu jaꞌtkam nam dai guiꞌ pɨx ba daandaꞌ, na guꞌ sap cham tuꞌ jumaip jix jaiꞌch kaꞌ na bhaan jup tu tuiꞌkaꞌ bɨɨx na jɨꞌk tuꞌx chu jaiꞌch. Miꞌ paiꞌ jax chuꞌm chiop ɇɇji bɨɨpɨꞌ dɨr daakat bhaiꞌ ba tu ja aꞌgiꞌñdhaꞌ gu jaꞌtkam, sia ku guꞌ tɨix chu xidhuu na sɨlhkam Dios jup duiñxidhix kaꞌ gu chiop.