MAARKOS 7:4 - Tepehuano Tepehuán del Sureste (Durango)

⁴ Gio jaiꞌ cham daaxix kam, puiꞌ na jax gu jaroiꞌ noꞌt jii paiꞌ na bɨxchuꞌ tum gaꞌra, jum aaꞌndaꞌ sap na muiꞌkim batbiaꞌ jaꞌk gɨɨsɨi, na guꞌ sap jix xidhuu na tu jugiaꞌ noꞌt jax dhuuk cham muiꞌkim batbia. Gio gam gu tuꞌ na bhaan tu ioꞌdaꞌ na muiꞌkim ja bopkondaꞌ, gio gu bhiꞌmkar, gio baꞌ gu tuꞌ na bhaan dadarrɨdaꞌ na paiꞌ dhuuk ba ji chu jugiaꞌ.

MAARKOS 7:4 Iomraidhean Croise

MATEO 23:25

’Cham bhaiꞌ tu jam jimiaꞌ moo aapiꞌm na pim sap pɨk baꞌ tɨi xix maat gu ñioꞌkiꞌñ gu Dios gio aapiꞌm na pim pariseos jum tɨɨtɨꞌ, na pim guꞌ dai daam dɨr xi ja bopkonat gu jam bapaas gio gu jam jajooxiaꞌ. Aapiꞌm jañ dho jam aagɨt jup kaiꞌch na pim giilhim jix uꞌuaꞌtulhdhix, na pim guꞌ tu ja ɨɨxiꞌñdhaꞌ gu jaꞌtkam gam na pim bɨɨx aixim tu buadaꞌ na jax cham kɨɨꞌ kaꞌm nɨiꞌñ gu Dios.

MATEO 23:26

Guꞌ dhiꞌm aaꞌ ji na pim sia bɨɨx ɨrban dɨr jaꞌk ja bopkondaꞌ gu jam bapaas na baꞌ puꞌñi jaꞌk jix kɨkɨɨꞌ kaꞌ sia daam dɨr jaꞌk.

MATEO 27:24

Baꞌ ba tu joot gu Pilaato nam alhiꞌch bhɨiꞌñpuꞌ gu suudaiꞌ na baꞌ kɨꞌn jum ikoimdhaꞌ na bhaan jix maatɨꞌ kaꞌ na cham tuꞌr kuiñchaꞌn kaꞌ na tu chiñiaꞌ nam muꞌaaꞌ gu Jesuus, jup ja tɨtda baꞌ: ―Aapiꞌm dɨɨlh jir jam kuiñcha kaꞌ nam muꞌaaꞌ dhi Jesuus, cham tuꞌ aañ.

MAARKOS 7:8

’Jix matgam dho ―jup kaiꞌch gu Jesuus―, na pim guꞌ jaꞌp xi dhuukat na jax jix aaꞌ gu Dios. Dai na pim miꞌ puiꞌ tu daaꞌñchuꞌ nam jax tu jimdat gu bɨjɨk dɨr kam kat nam muiꞌkim ja bopkondat gu tuꞌ nam bhaan tu ioꞌdaꞌ, gio jaiꞌ cham aagix kam ku pim pu tu buim.

JUAN 2:6

Baꞌ mi jaꞌp jup ja biaꞌkaꞌ am gu oiꞌñkam xijum maaꞌn gu gɇꞌgɇr jajaꞌ nar jix mamoik joodai sobkoñxim, na chi gook kaꞌ baꞌ baik bapaiꞌñdhakar bhɨɨ gu suudaiꞌ bɨɨx jɨꞌmaꞌn, guiꞌ nam bhaan tuaꞌkaꞌ gu suudaiꞌ nam kɨꞌn jum ikoimiꞌñdhaꞌ gammɨjɨ nam paiꞌ dhuuk ba ji chu jugiaꞌ, nam guꞌ puiꞌ jaꞌk tu jimdaꞌ gu Israel kam jaꞌtkam.

JUAN 3:25

Baꞌ jɨꞌkchi guiꞌ nam cham kaichuꞌ gu Juan ma ja ñiokbuix jamɨt guiꞌ nam kaichuꞌ gu Juan nam puiꞌ ji kaiꞌchɨt na puiꞌ jaꞌk tu daaxix nam muiꞌkim jum ikoimiꞌñ nam paiꞌ dhuuk ba ji chu jugiaꞌ. Cham jum aaꞌ nam moop jum bopkonaꞌ, nam guꞌ sap maakam tu jim.

ISRAEL KAM 9:10

Na guꞌ dhiꞌ jaꞌp pɨx nach puiꞌ jaꞌk tu buadaꞌ, koiꞌ pɨx nach miꞌx bhaiꞌ buadaꞌ gam gu tuꞌ nach iꞌyaꞌ na pu cham tuꞌ bhaaiꞌn kaꞌ sia kuch tɨi jax chu bua, panaas baꞌ kuch bhaan pɨx tɨ nɨɨradaꞌ na jɨꞌx juugɨt puꞌñi maakam tu daasaꞌ gu Dios na tu aagix kaꞌ yaꞌ dɨr jaꞌp jaꞌk, cham paiꞌ nach iam uañchudidhaꞌ guch uaꞌtulhdharaꞌ pu chu buaꞌt.

SANTIAGO 4:8

Soiꞌ pim bam ɨlhdhaꞌ buiñor guch Gɨꞌkoraꞌ na baꞌ xi jam joiꞌndai gio jam aꞌm jup ba tɨ nɨidhidhaꞌ. Jaꞌp ji buusniaꞌ na pim jix bhaiꞌ bam iꞌkoimdhaꞌ gio na pim ba uanaꞌ gu jam jujur, na guꞌ ba tu jam uañdhaꞌ gu Dios noꞌ pimɨt soiꞌm ɨlhdhak puiꞌ ba tɨɨꞌn na pim cham puiꞌ ka tuiꞌkaꞌ, sia ku pim guꞌ puiꞌ tɨi kam aagɨt na pim bɨɨx gok kap jup tuiꞌkaꞌ gɨt, puiꞌ na jax na pim kaichgɨdaꞌ gu Dios gio baꞌ na pim puꞌñi bɨɨx aixim tu buadaꞌ gɨt na jax cham kɨɨꞌ kaꞌm nɨiꞌñ.

1 JUAN 1:7

Guꞌ noꞌch sɨlhkam bɨɨx jich jujur kɨꞌn tɨ jɨɨꞌñdhat miꞌ puiꞌ ba jiim na jax jix aaꞌ, dho gi guꞌ puiꞌ bam kaiꞌch ji nach tuꞌ sɨlhkam jix chu maax kɨr jup tuꞌiiꞌ, na guꞌ tɨich bɨꞌñxiꞌñkaꞌ gu Dios noꞌch tuꞌ kaꞌm nɨiꞌñ. Gio guꞌ joidham jix bhaiꞌ kaiꞌchɨt maaꞌn ñiꞌook bap duukaꞌ ich nach jɨꞌk ba tɨ jɨɨgiꞌñ buiñor gu Dios, baꞌ gammɨjɨ ba tuch uañiꞌñkaꞌ noꞌch jich uaꞌtulhiꞌñ kɨꞌn gu ɨꞌraꞌn gu Maraaꞌn jich Xoiꞌkam nat jaax bhammɨ kuruus taꞌm.