MAARKOS 4:3 - Tepehuano Tepehuán del Sureste (Durango)

³ ―Ea na pim moo bɨɨx jam jujur kɨꞌn xiñ kaayaꞌ nañ jax jam tɨɨdaꞌ. Maaꞌnnim maaꞌn gu maaꞌnkam xi chu moikdak mummu paiꞌp ka jii, jɨꞌkchi moo xi jur na miꞌ pɨx katkaꞌ gu moikdaꞌn. Guꞌ ji na guꞌ mi jaꞌp tum oipodaꞌ, jotmodaꞌ pɨx am boi ba kaat mi moikaꞌn tɨr.

MAARKOS 4:3 Iomraidhean Croise

MATEO 13:24

Baꞌ gio bhaan jup ji uaꞌrgidhak gu tiriik bhaiꞌ ji chu ja aꞌgi gu Jesuus gu jaꞌtkam, jup ja tɨtda: ―Gu jaroiꞌ na bhaan tɨ nɨidhidhaꞌ gu Dios jaꞌp ji buusniaꞌ na jax gu jaroiꞌ noꞌt mu paiꞌ tu giiꞌ gu tiriik paiꞌ na tu gaꞌmbhar kaꞌ.

MATEO 13:26

Baꞌ nat paiꞌ dhuuk bhaiꞌ ji bubua gu tiriik, gatuuk dɨr bhaiꞌp ji bubuakiaꞌ gu saiꞌ guiꞌ na cham bhaiꞌ bua.

MATEO 13:3

bhaiꞌ baꞌ ji dhaakat ma tu ja aꞌgi gu jaꞌtkam bɨxchuꞌ bhaan ji chu uaꞌrgidhak na tuꞌ ya jaꞌp jix chu jaiꞌch dhi oiꞌñgaꞌn bhaan, jup ja tɨtda: ―Maaꞌnnim maaꞌn gu maaꞌnkam ma tu giiꞌñdham gu tiriik.

MAARKOS 4:14

Jaꞌpniñ dho kaiꞌñkam jup kaiꞌch: Gu jaroiꞌ na tu ja aꞌgidhaꞌ gu ñioꞌkiꞌñ gu Dios gu jaꞌtkam, jaꞌp ji buusniaꞌ na jax noꞌt ba tu giiꞌ gu tiriik.

MAARKOS 4:2

Bɨxchuꞌ bhaan ji chu uaꞌrgidhat na yaꞌ dhi oiꞌñgaꞌn jix chu jaiꞌch nam sap baꞌx maatɨt kaayaꞌ. Baꞌ maaꞌn jaꞌpni moo muiꞌ ji kɨi nat muiꞌ ji chu aꞌga:

MAARKOS 4:23

Miꞌ pim puiꞌ ba jimiaꞌ jɨꞌk na pim jix maatɨt jiñ kɇɇ.

MAARKOS 4:4

Baꞌ gatuuk nat muiꞌ ji chu giiꞌ gu tiriik, maaꞌn na mɨt jax jugio gu uꞌjiꞌ nam mi jaꞌp nɨnɨꞌ guiꞌ nat miꞌ suulh na paiꞌ pɨx am boi ba kaat, na guꞌ maaxik pɨx dharaat, na guꞌ bax chu kabaak.

MAARKOS 4:9

Baꞌ miꞌ dhɨr na puiꞌ jɨꞌ xi chu ja aꞌgidhimɨk, jup ja tɨtda ɨp gio: ―Miꞌ pim puiꞌ ba jimiaꞌ jɨꞌk na pim jix maatɨt jiñ kɇɇ.

GU NOONBIꞌÑ GUCH XOIꞌKAM 2:14

Baꞌ gu Peegro nat jax kɨkbo ja bɨɨm gu mambhɨɨx daman maaꞌn noonbiꞌñ guch Xoiꞌkam, jup ja tɨtda gɇꞌ kɨꞌn gu jaꞌtkam bɨɨx nam jɨꞌk miꞌp tuꞌiiꞌ: ―Aapiꞌm jiñ jaaduñ Israel kam bɨɨx na pim jɨꞌk mɨk dɨr jaꞌk jiim, gio baꞌ aapiꞌm na pim jɨꞌk yaꞌ pu oiꞌdhaꞌ Jerusaleen, xiñ kaayaꞌ pim alhio bɨɨx jam jujur kɨꞌn nañ jax jam tɨɨdaꞌ,

SANTIAGO 2:5

Dho guꞌ dhiꞌ ji baꞌ pɨk jix ioꞌm jix ja joiꞌndat ja aꞌm tɨ nɨiꞌñ gu Dios guiꞌ nam alh gampaiꞌ tuꞌiiꞌ nam cham tuꞌ biaꞌ, nam guꞌ gammɨjɨ pɨx soiꞌm ɨlhiiꞌñdhaꞌ buiñor. ¿Tuꞌm gi bhaan gɇꞌgɇrkam jum ɨlhiiꞌñdhaꞌ? Dai nam jix ioꞌm jix biiñak kaꞌ pɨx buiñor gu Dios. Dhiꞌ ji baꞌ pɨk ja baidhikaꞌ jix dhaam jaꞌk nat paiꞌ jaꞌk ja iimchuda na saak ja aichdhaꞌ guiꞌ nam jɨꞌk miꞌ puiꞌ jimiaꞌ na jax jix aaꞌ.

NAT JAX TƗ TƗƗ GU JUAN 2:11

Na guꞌ gu jɨꞌk nam kɇɇji miꞌ puiꞌ jimiaꞌ na jax tu aꞌgadaꞌ gux Dhuuduꞌ kam jix Uañ Iiꞌmdaꞌ mu jaꞌp chichiop nam paiꞌm jumpadat tu daandaꞌ guiꞌ nam bañ kaichuꞌ, cham tuꞌm tulhiiñaꞌ am gatuuk mu nam paiꞌm tulhiiñaꞌ guiꞌ nam cham tuꞌ kaꞌm tɨgiaꞌ gu Dios.”

NAT JAX TƗ TƗƗ GU JUAN 2:29

Gu baꞌ gu jaroiꞌ noꞌ tuꞌ sɨlhkam jix maachim gu ñioꞌkiꞌñ gu Dios, jum aaꞌ na bɨɨx juraaꞌn kɨꞌn xi kɇɇkɇꞌ na jax tu aꞌga gux Dhuuduꞌ kam jix Uañ Iiꞌmdaꞌ mu jaꞌp chichiop nam paiꞌm jumpaꞌn guiꞌ nam bañ kaichuꞌ.”

NAT JAX TƗ TƗƗ GU JUAN 2:7

Baꞌ gu jɨꞌk nam kɇɇji miꞌ puiꞌ jimiaꞌ na jax tu aꞌgadaꞌ gux Dhuuduꞌ kam jix Uañ Iiꞌmdaꞌ mu jaꞌp chichiop nam paiꞌm jumpadat tu daan jiñ bui guiꞌ nam bañ kaichuꞌ, ja baidhikaꞌ iñ bhammɨ jaꞌk na paiꞌ joidham jix chu abhaar, na bɨxchuꞌ bha tɨ ɨꞌxchix. Ja chiñiaꞌ iñ baꞌ nam jugiaꞌ gu bhaidhaꞌ na bhaiꞌp kɨɨk nam kɨꞌn gammɨjɨ pu ba duduakaꞌx jɨjɨkgɨm, sia guiꞌ nam nakgair maaꞌn nam jax jix biiñak kaꞌ aañ jiñ bui sia kut jax bɨɨx aixim jix buam jum duukam bhaiꞌ jam daam ji chu jii, nam guꞌ bhammɨ jaꞌk gammɨjɨx jɨjɨkgɨm bap tuiꞌkaꞌ.”