LUUKAS 7:41 - Tepehuano Tepehuán del Sureste (Durango)

⁴¹ Baꞌ xi aagiꞌñ gu Jesuus, jup tɨtda: ―Maaꞌnnim maaꞌn gu maaꞌnkam ja taiñbui gu tuumiñ gook gu jaꞌtkam, maaꞌn taiñbui jix chamaam jix chaꞌtmam ooꞌm, maaꞌn baꞌ gook ooꞌm daman mambhɨɨx.

LUUKAS 7:41 Iomraidhean Croise

MATEO 18:28

Guꞌ ji na guꞌ moo janoꞌ nat jax miꞌ dhɨr buus guiꞌ jɨꞌ gu maaꞌnkam na tu uaꞌtuꞌndat, maaꞌn mi jaꞌp jup ba tɨɨ guiꞌ nam maap tu juandaꞌ na palhɨɨp jup uaꞌtuꞌndaꞌ. Baꞌ bhaiꞌ pu ji dhaa kuxboran, bhaiꞌ xi bhiikchuꞌntuꞌ jup xi chɨtdat: “Bhaiꞌp jiñ ñamkidhaꞌ guiꞌ nap jiñ uaꞌtuꞌn.”

MATEO 6:12

Gio baꞌ nap iam tuch uañiꞌñkaꞌ ɨp nach jɨꞌx mach uaꞌtulhdhaꞌ aap jum bui, nach guꞌ aach puiꞌp tu ja uañiꞌñ guiꞌ nam puiꞌp jum uaꞌtulhiꞌñ aach jich bui.

MAARKOS 6:37

Baꞌp ja tɨtda gu Jesuus: ―Yaaꞌ pim dho ka tu ja makiaꞌ aapiꞌm. ¿Tuꞌ gi pɨk? Baꞌp kaiꞌch am ɨp gio: ―Jax dhui na guꞌ sia kut maadɨt tɨi ma chu jua jɨꞌk xijum baik masaaꞌn, pu cham ja aix nam tu jugiaꞌ siat tɨi ma chu sabaꞌlh bɨɨx kaꞌm na jɨꞌk maiꞌchiaꞌ gu tuumiñ.

LUUKAS 11:4

Gio baꞌ nap iam tuch uañiꞌñkaꞌ nach jɨꞌx mach uaꞌtulhdhaꞌ jum bui, puiꞌ nach jax jup tu ja uañiꞌñ aach guiꞌ nam jup jum uaꞌtulhiꞌñ jich bui. Gammɨjɨp iam jich aꞌm tɨ nɨidhidhaꞌ na cham jich maiꞌchɨi gu jaꞌook jumai boi bhaan jich bhɨichdhaꞌ na paiꞌ maiꞌx chɨ gɨɨxiꞌ.

LUUKAS 12:48

Baꞌ gu tujuandam noꞌt pu cham aaꞌñdhak gu gɇꞌkam tugiꞌñ na tuꞌ cham jir am na pu buadaꞌ, cham tuꞌ muiꞌ gɨɨꞌbiaꞌ sia kut pu dhuu gu tuꞌ na cham jir am, na guꞌ pu cham mat kaꞌ. Gio gu jaroiꞌ noꞌ mɨt bɨɨx aixim chia gu tuꞌ na jax dhuñiaꞌ, bɨɨx jum aaꞌ na tu aaꞌndaꞌ noꞌt jix bhaiꞌ mi pu tu duu. Guꞌ baꞌ gu jaroiꞌ nam jɨꞌk pɨx tu chiñiaꞌ ɨp, dai jaꞌkbuiꞌ aaꞌndaꞌ ɨp na bhaan tu aaꞌndaꞌ noꞌt jix bhaiꞌ miꞌ puiꞌp duu.

LUUKAS 13:4

Gio janoꞌ na mɨt mambhɨɨx daman xijum baik gu jaꞌtkam koi, nat ja tɨim gu tɇb bhiꞌñbak nat ia bhaiꞌ Siloe, ¿jaꞌp jum aaꞌ pim aa nam dai guiꞌx ioꞌm jup jix uꞌuaꞌtulhdhix kat kut baꞌp tu ja dooda, guiꞌ baꞌ panaas cham pɨk uꞌuaꞌtulhdhix am nam bhaiꞌp oiꞌdhaꞌ Jerusaleen?

LUUKAS 7:40

Baꞌp tɨtda gu Jesuus na miꞌ puiꞌ kam aaꞌ: ―Simoon, aañ maakam xim tɨɨdam. Baꞌp kaiꞌch guiꞌ: ―Eap xiñ aagiꞌñ jiñ jaduuñ.

LUUKAS 7:47

Baꞌ aañ pum tɨtda na bɨɨx ba uañchudhix gu uaꞌtulhdhar gaꞌn, sia kut jax gɇꞌm uaꞌtulh, na guꞌ puiꞌ nat jax jix bhaiꞌ bañ dhuu, dhiꞌ bhaan jix maatɨꞌ nat soiꞌm ɨlhdhak bha jiiñ bui. Xib dɨr jaꞌp jaꞌk baꞌ dai nax bhaiꞌ bam taat kaꞌ, na guꞌ nañ jax bam tɨtda na gu jaroiꞌ noꞌ muiꞌ tu uaꞌtuꞌn, giilhim jix bhaiꞌm ɨlhdhaꞌ noꞌ jax tɨtda gu uaꞌtdam tugiꞌñ na puiꞌ ba tuiꞌkaꞌ. Gu jaroiꞌ baꞌ na pu gook alh tu uaꞌtuꞌndaꞌ noꞌt puiꞌp tɨɨꞌn gu uaꞌtdam tugiꞌñ na puiꞌ ba tuiꞌkaꞌ, palhɨɨp pɨx jix bhaiꞌ tu tatdachiaꞌ, na guꞌ pu cham paiꞌ pɨk jax jum aaꞌndaꞌ sia ku tu uaꞌtuꞌn, na guꞌr gook alh kaꞌ.

ROOMA KAM 3:23

Na mɨt guꞌ bɨɨx jum uaꞌtulh gu jaꞌtkam, baꞌ dɨlhkob jaꞌk ji bii mɨt na paiꞌ cham ja aꞌm ka tɨ nɨidhim gu Dios.

ROOMA KAM 5:20

Guꞌ baꞌ nat paiꞌ dhuuk tu uaꞌna gu Moisees na jax jaꞌk tu aagix kaꞌ, jix ioꞌm gɇꞌ bhaiꞌ jim gɨꞌɨɨlh gu uaꞌtulhdharaꞌ. Guꞌ ji na guꞌ nat jix ioꞌm gɇꞌ bam gɨꞌɨɨlh gu uaꞌtulhdharaꞌ, ba matgir nat gu Dios jix ioꞌm jup jum gɨꞌɨɨlh nat jix ja joiꞌgɨlh gu jaꞌtkam.