LUUKAS 5:5 - Tepehuano Tepehuán del Sureste (Durango)

⁵ Baꞌp kaiꞌch gu Simoon Peegro: ―Jax dhui nam cham jaiꞌch gu boptop ya jaꞌp jiñ jaduuñ. Aach bɨx chukaaꞌ ya jaꞌp tɨi pu ja iabuim dhi gɇꞌgɇr aꞌsak, nim maaꞌn ku chich bhia. Kaꞌ baꞌ nap guꞌ aap puiꞌ ba kaiꞌch jiñ jaduuñ, ea nach mu ja iabupuꞌ dhich aꞌsak.

LUUKAS 5:5 Iomraidhean Croise

LUUKAS 17:13

Baꞌ muiꞌ ba jiiñkaiꞌñ am gu Jesuus, jup kaiꞌch am: ―¡Xich dhuduaꞌñdhak jich jaduuñ! ¡Iam jap xich joiꞌmdat xich chɨgiaꞌ!

LUUKAS 8:24

Baꞌ mu jimɨɨk ba ñiññichuꞌn am gu Jesuus, jup tɨtda am: ―Jich jaduuñ, bi ñiñia. Tɨɨꞌ na jax jum bua gu suudaiꞌ. ¿Chaꞌch baꞌ yaꞌ bhaiꞌkuꞌ? Baꞌ gu Jesuus bamgɨk xi ñiok gu jɨbɨɨlh gio gu suudaiꞌ, jotmodaꞌ baꞌ ampɨx jup ji chu juu, pu cham paiꞌ ka jɨbɨɨr.

LUUKAS 8:45

Baꞌ gu Jesuus naiꞌ ba ja tɨkka gu jaꞌtkam nam mu jiim, jup ja tɨtda: ―¿Jaroo bhañ dhaa? Guiꞌp kaiꞌch am na cham paiꞌ jaroiꞌ daꞌngɨ. Baꞌ miꞌ dhɨr jaꞌp jup kaiꞌch gu Peegro: ―¿Kux baꞌ jaroiꞌ bhaiꞌp jum daꞌngim jiñ jaduuñ? Jaꞌpji nam jum aꞌm sulhikgim gu jaꞌtkam nam jix kobkom ya jiim.

LUUKAS 9:33

Baꞌ nat ba ji jii gu Moisees gio gu Eliiyas, jup kaiꞌch gu Peegro: ―Umrir am jiñ jaduuñ nach yaꞌ ka xi juruuñdhaꞌ. Aach jam oꞌnamdhaꞌ, maaꞌn jir aap gaꞌn kaꞌ, maaꞌn baꞌr Moisees gaꞌn kaꞌ, maaꞌn baꞌr Eliiyas gaꞌn kaꞌ. Cham jum matdaꞌɨr pɨx puiꞌ tɨi gu Peegro, pu cham maat na jax kaiꞌñkam jup kaiꞌch.

LUUKAS 9:49

Baꞌ gu Juan jup tɨtda gu Jesuus: ―Jiñ jaduuñ, aach maaꞌn tɨɨ gu maaꞌnkam nam aꞌmkam maiꞌ ja jootos gu cham kɨkɨɨꞌ iꞌiiꞌmdaꞌ ja aꞌm dɨr gu jaꞌtkam. Aach baꞌ xi sooꞌmchulhdhak, na guꞌ cham jich bɨɨm jup tuiꞌdhiꞌ.

JUAN 15:14

Aapiꞌm ji baꞌ bar dhiꞌñ jaaduñ guiꞌ nach tuꞌ sɨlhkam maap jix bhaiꞌ bach dhaaꞌ, na pim guꞌ miꞌ puiꞌ ba jiim nañ jɨꞌk jax jam tɨɨdaim.

JUAN 2:5

Baꞌ gu dɨꞌɨɨꞌn gu Jesuus daipuꞌ xi chɨɨdak mu jaꞌk jup ba ja aaꞌñdhim gu koiꞌ bhiadam, jup ja tɨtda: ―Moo pim alh miꞌ puiꞌ xi chu duñiidhaꞌ na jɨꞌk jax jam tɨɨdaidhaꞌ guꞌñiñ chioꞌñ.

JUAN 21:3

Baꞌ maaꞌnnim jup ja tɨtda gu Simoon Peegro gu jaiꞌ: ―Aañ chi moo xib tu bhiaꞌ gu boptop. Baꞌ guiꞌp kaiꞌch am ɨp: ―Aa dho aach bɨɨx jum oidhaꞌ. Aach puiꞌp jix chu bhiak ji chɨi. Baꞌ miꞌ pu bhɨi mɨt na mɨt ba tu bhiam, dai na mɨt jax bha tɨɨtɨs kanuub taꞌm. Bɨx chukaaꞌm mu jaꞌp tɨi buppaim gu gɇꞌ asaak suudaiꞌ chɨr nam jaꞌp jum aaꞌ nam joidham pɨx miꞌ jim gaamuꞌ gɨt gu boptop. Guꞌ ji na guꞌ pu nim maaꞌn kut mim gaam, puiꞌ mɨt dho pu cham maaꞌn bhia gu bɨx chukaaꞌ nam mu jaꞌp tɨi chu bhibhiijimɨk.