LUUKAS 4:6 - Tepehuano Tepehuán del Sureste (Durango)

⁶ Baꞌp tɨtda: ―Jiñ aꞌm jup tu tuꞌiiꞌ bɨɨx dhiꞌ nap jɨꞌk tuꞌ nɨiꞌñ, pu bɨjɨk dɨr jiñ aꞌm tu bii nat dɨr yaꞌ ji tum kikchamta dhi oiꞌñgaꞌn bhaan. Baꞌ aañ yaꞌ dɨr jaꞌp jaꞌk puiꞌp jix bhaaiꞌ nañ tu makiaꞌ gu jaroiꞌ nañ ɨlhiiꞌñdhaꞌ,

LUUKAS 4:6 Iomraidhean Croise

LUUKAS 4:7

puiꞌ na jax aap tum makiaꞌ iñ noꞌ pich miꞌñi jaꞌp jum oꞌlhia kɨꞌn kɨkbok puiꞌ xi chɨi nañ aañ jir gɇꞌkam. Bɨɨx jum aꞌm ji chu biꞌyaꞌ.

JUAN 12:31

Nat guꞌ xib yaꞌ bam ai na paiꞌ dhuuk ja aagiꞌñdhaꞌ gu Dios bɨɨx gu jaꞌtkam nam jɨꞌk miꞌ puiꞌ jimiaꞌ na jax jix aaꞌ, gio nam jɨꞌk cham miꞌ puiꞌ jimiaꞌ. Gio gu jaꞌook na yaꞌ tu daam kɨɨk dhi oiꞌñgaꞌn, miꞌ pɨx jaꞌp ji biꞌyaꞌ xib dɨr.

JUAN 14:30

’Xib jañ cham tuꞌ mɨk ka tu aꞌgaꞌ aapiꞌm jam bui, na guꞌ amuub ba jimchuꞌ guiꞌ na yaꞌ tu daam kɨɨk na jɨꞌx oiꞌñgaꞌn, sia ku guꞌ tɨi cham tuꞌr jiñ jupaabkam.

JUAN 8:44

Na guꞌ aapiꞌm jaꞌook jir jam taat, jaꞌp moo gu tuꞌx matgam, puiꞌ ku pim baꞌ mu jaꞌk kaichgɨt puiꞌp tu buim na jax jam tɨɨdaim. Na guꞌ gu jaꞌook bɨjɨk dɨr pur tu muaꞌkam nat dɨr maaxir, cham paiꞌ dhuuk miꞌ puiꞌ jim na jax jir am, gam na giilhim jix iatbiꞌ tuꞌ na pɨx bhaan. Cham paiꞌ dhuuk sɨlhkam tu aꞌga, dhiꞌr maꞌooꞌn gu iatdaꞌ.

2 KORIINTO KAM 11:14

Gio guꞌx maat ich gu jaꞌook na bɨxchuꞌx aichuꞌn na jax jaꞌk bhaan ja iatgidhaꞌ gu jaꞌtkam, sia puiꞌ xim dui na panaas jir nobiiꞌñ kaꞌ gu Dios.

EEPESO KAM 2:2

Miꞌ puiꞌ tu daaꞌñchugɨt japim nam jax jix buam tu jimdaꞌ gu jaꞌtkam nam yaꞌ dhi oiꞌñgaꞌn dai bhaan tɨtɨɨꞌñcho, jix jɨɨgiꞌñdhat japim na jax jam jurtuꞌnkaꞌ guiꞌ na iiꞌmdaꞌ bhaan jix jaiꞌch na bɨxchuꞌx bhaaiꞌ na pu tu duñiaꞌ, dhiꞌ na jaiꞌ iꞌiiꞌmdaꞌ puiꞌ ja daam jup tuꞌiiꞌ nam puiꞌ cham jup jir kɨkɨɨꞌ. Dhiꞌ baꞌ mɨk jaꞌk ja bhɨichdhatgɨdaꞌ gu jaꞌtkam na dɨɨlh jax ɨlhiiꞌñ guiꞌ nam jɨꞌk cham miꞌ puiꞌ jiimdaꞌ na jax jix aaꞌ gu Dios.

1 PEEGRO 1:24

Puiꞌ na jax ba tu uaꞌñix maaꞌn kap gu ñioꞌkiꞌñ gu Dios nap jum kaiꞌch: Bɨɨx na jɨꞌk gu jaꞌtkam jaꞌpni pɨx ji buan am na jax gu saiꞌ na mu jaꞌp tuut. Baꞌ nam paiꞌ dhuuk bar gɇꞌgɇrkam kaꞌ, jaꞌp pɨx jup ji buandaꞌ am na jax gu yooxgaꞌn. Baꞌ na paiꞌ dhuuk bhaatai naiꞌ ji gakiaꞌ gu saiꞌ, bɨɨx gu yooxgaꞌn pɨx cham paiꞌ matgilhiaꞌ, na guꞌ ba gakiaꞌ gu toonaꞌn.

1 JUAN 5:19

Aach nach jɨꞌk moo ba tɨ jɨɨgiꞌñ buiñor guch Xoiꞌkam, Dios buiñor jup tuiꞌdhiꞌ ich, na guꞌch aꞌm tɨ nɨidhim. Guꞌ baꞌ guiꞌ nam jɨꞌk tuꞌ pɨx ɨlhiiꞌñ guch Xoiꞌkam nam cham tɨ jɨɨgiꞌñ buiñor, dhiꞌ dai bɨɨx ja daam kɨɨk gu jaꞌook.

NAT JAX TƗ TƗƗ GU JUAN 12:9

Mu jaꞌk jamɨt xi ardi oiꞌñgaꞌn bhaan bɨnkam gu noonbiꞌñ, baꞌ xib bɨɨx kap na jɨꞌx oiꞌñgaꞌn oirɨt ja iatgiꞌñ gu jaꞌtkam. Dhiꞌ pɨx jir diꞌ gu koꞌ na bɨjɨk dɨr pu jaiꞌch nat dɨr dhi oiꞌñgaꞌn jup jum duu, na gook kɨꞌn tɨɨꞌ: Jaꞌook gio baꞌ Dhiabur.

NAT JAX TƗ TƗƗ GU JUAN 13:2

Gu tukgaꞌn guiꞌ jɨꞌ nobiiꞌñ gu jaꞌook nat mɨjɨ dɨr ji buus suudaiꞌ ɨraab, jaꞌp tuꞌm na dɨꞌnbalh, gu tootnaꞌn baꞌ jaꞌp tuꞌm ɨp na gu booji gu tootnaꞌn, gu chiñiiꞌñ baꞌ jaꞌp tuꞌm na gu mabiiꞌñ gu chiñiiꞌñ. Guꞌ baꞌ gu jaꞌook guiꞌ na jaꞌp tuꞌm jup tu tuukuꞌ na gu tɨrook, gɇꞌkam kɨꞌn ba dai guiꞌ jɨꞌ nat mɨjɨ dɨr buus suudaiꞌ ɨraab nar nobiiꞌñ, na sap baꞌ jaꞌxbuiꞌp bar gɇꞌkam kaꞌ na dɨɨlh, gam na bɨxchuꞌx aichuꞌn na pu tu duñiaꞌ.

NAT JAX TƗ TƗƗ GU JUAN 13:7

Gio baꞌ nat bhaiꞌ ji ja tulhiiñchuda guiꞌ nam jɨꞌk tɨ jɨɨgiꞌñ buiñor guch Xoiꞌkam, nat guꞌ sia dhiꞌ puꞌñi jaꞌk chia gu jaꞌook na tu duñiaꞌ. Baꞌ jɨꞌkchi ja koi nam jɨꞌk kaichgɨt gu Dios, na guꞌx aaꞌ nam dai guiꞌ kaichgɨdaꞌ. Bɨɨx ja daam kɨɨkaꞌ na jɨꞌk jaꞌtkam, sia nam jir pa jaꞌk kam, piam siam jaiꞌ maakam tu ñiok.