LUUKAS 4:16 - Tepehuano Tepehuán del Sureste (Durango)

¹⁶ Miꞌ dhɨr baꞌ mu jaꞌk ba ai gu Jesuus Nasareet na paiꞌ gɨꞌlhix. Baꞌ nat giop bam ai nam paiꞌ dhuuk cham tu juandaꞌ dai gu Israel kam jaꞌtkam, mu ba ai chiop nam paiꞌm jumpaꞌndaꞌ ɨp nam tu daandaꞌ gu miꞌ kam. Baꞌ xi chia mɨt na kɨkboi xi ja jiñkaixdhaꞌ gu ñioꞌkiꞌñ gu Dios,

LUUKAS 4:16 Iomraidhean Croise

MATEO 2:23

Baꞌ nat jax mummɨ ai, miꞌ dhɨr mu jaꞌk jup bhɨi na puiꞌ tɨ tɨɨꞌ Nasareet. Baꞌ dhiꞌ puꞌñi jaꞌk jum kuugalh gu puiꞌ na mɨt jax jaꞌk tu uaꞌnak guiꞌ nam bɨjɨk bhaankam tu aꞌgimɨk gu Dios, na saak guch Xoiꞌkam puiꞌ jaꞌk jix mat kaꞌ am gu jaꞌtkam: Jesuus Nasareet kam.

LUUKAS 2:39

Baꞌ na mɨt bɨɨx puiꞌ xi chu duuk gu gɨꞌkorgaꞌn gu Jesuus na jax jaꞌk aagix na tu uaꞌñix gu ñiokiꞌñ gu Dios, giop ba jii mɨt mu jaꞌk Nasareet nam paiꞌ oiꞌdhaꞌ, na paiꞌ Galilea bhaan bipioꞌ guiꞌ gu dɨbɨɨr.

LUUKAS 2:42

Baꞌ nammɨ nat giop bam ai, gio mɨt muiꞌp ma jii, bɨɨx jamɨt xi baidhak gu Jesuus, na guꞌ mambhɨɨx daman gook oidhaꞌ ba biaꞌkaꞌ.

LUUKAS 2:51

Ku guꞌ pu ja oi ji baꞌ gu Jesuus mu jaꞌk Nasareet puiꞌ xi ja tɨɨdak, na guꞌx ja kɇɇkɇꞌ tuꞌ nam chiandaꞌ. Baꞌ puiꞌ pɨx jum aaꞌndaꞌ juraꞌram bhaan gu dɨꞌɨɨꞌn na jax baꞌr jum duukam na jax jaꞌk tu jim gu Jesuus, tɨim gaꞌngadaꞌ.

LUUKAS 4:15

Mi jaꞌp baꞌ pu tu ja aꞌgiꞌñdhaꞌ chichiop gu Israel kam jaꞌtkam nam paiꞌ jax jum jumpaꞌndaꞌ nam tu daandaꞌ buiñor gu Dios. Baꞌ joidham kɇɇkɇꞌ am, pɨx jix bhaiꞌ aaꞌndaꞌ am.

LUUKAS 4:17

xi maa mɨt gu uꞌuan guiꞌ nat Isaiiyas tu uaꞌnak, guiꞌ na bɨjɨk bhaankam gu Dios tu ja aꞌgidhimɨk gu jaꞌtkam. Baꞌ nat bhaiꞌ ji sɨlh, ba tɨɨ miꞌ na paiꞌ jaꞌpnim kaiꞌch:

LUUKAS 4:21

Baꞌp ja tɨtda gu Jesuus: ―Dhiꞌ na pimɨt jɨꞌk jax kai na ñich jam jiñkaix gu ñioꞌkiꞌñ gu Dios, xib yaꞌ puiꞌ ba tu tuiꞌdhiꞌ.

LUUKAS 4:23

Baꞌ gu Jesuus jup ja tɨtda ɨp gio: ―Jaꞌp japim dho chiñ chɨɨdaꞌ nam jax kaiꞌchdhaꞌ yaꞌ gu jaꞌtkam na saak jix bhaaiꞌ na dɨɨlh xim duaꞌñdhai noꞌ bax kaꞌook gu jaroiꞌ nax maatɨt ja duduadhiꞌñdhaꞌ gu jaꞌtkam. Gam chi jaꞌpni: “Puiꞌ na chich jax tɨ kai na pich joidham jix bhaiꞌ tu duu mu Kapernaum, puiꞌp jup xi chu duñiaꞌ yaꞌm dɨrbaꞌ am na pich paiꞌ gɨꞌɨɨr.”

JUAN 18:20

Baꞌ gu Jesuus jup tɨtda: ―¿Kux chakui aap maat jiñ jaduuñ nañ moo ya jaꞌp oirɨt pu tu ja aꞌgiꞌñdhaꞌ nam jax tu chichiopiꞌ bɨɨx gu Israel kam jaꞌtkam? Gio yaꞌñ oirɨt pu tu aꞌgadaꞌ ɨp dhi gɇꞌ chiop nam paiꞌx ioꞌm muiꞌ yaꞌm jumpaꞌndaꞌ gu jaꞌtkam Israel kam na jax jir sɨlhkam. Aañ cham paiꞌ dhuuk maakam tu ja aꞌgiꞌñ na jax cham jir puiꞌ.

GU NOONBIꞌÑ GUCH XOIꞌKAM 17:2

Baꞌ gu Paablo na guꞌ koꞌraardaꞌ na ba ji jimiaꞌ mu jaꞌp paiꞌ nam jax tu daandaꞌ gu Israel kam jaꞌtkam, baꞌ jɨꞌk baikim na paiꞌ dhuuk puꞌñim aꞌjɨdaꞌ na cham tum juandaꞌ muiꞌ ba ji jimiaꞌ mu jaꞌp nam paiꞌ puꞌñi tu daandaꞌ gu Israel kam jaꞌtkam guiꞌ nam bhaiꞌ oiꞌñkaꞌ Tesaloonika, baꞌ gammɨjɨ ja aagiꞌñdhaꞌ bhaan gu uꞌuan miꞌ na mɨt paiꞌ tu uaꞌnak guiꞌ nam bhaankamuꞌn tu aꞌgimɨk gu Dios,