LUUKAS 3:10 - Tepehuano Tepehuán del Sureste (Durango)

¹⁰ Baꞌ gu jaꞌtkam nam miꞌp tuꞌiiꞌ bhaiꞌ ba tɨkka am, jup tɨtda am: ―¿Guꞌ jax jach baꞌ jaꞌk xi chu buadaꞌ nach baꞌ cham jich chulhiiñaꞌ jich jaduuñ?

LUUKAS 3:10 Iomraidhean Croise

LUUKAS 3:12

Baꞌ gu tuumiñ tutaandam tugiꞌñ gux ioꞌm gɇꞌkam Rooma kam jɨꞌk miꞌp ai mɨt nam puiꞌp xim bopkonam. Baꞌ puiꞌ bhaiꞌp ba tɨkka am gu Juan, jup tɨtda am: ―¿Aach gi, jax jaꞌk jup xi chu buadaꞌ jich jaduuñ na baꞌ puiꞌ cham jup jich chulhiiñchudaꞌ gu Dios?

LUUKAS 3:14

Baꞌ jɨꞌk ɨp gu sandaaruiꞌx miꞌ dhɨr jaꞌp bhaiꞌp ba tɨkka am, jup tɨtda am: ―¿Aach gi, jax jaꞌk jach jup xi chu buadaꞌ na baꞌ puiꞌ cham jup jich chulhiiñchudaꞌ gu Dios? Baꞌ gu Juan jup ja tɨtda: ―Dho na pim cham jaroiꞌ jaꞌp pɨx bha taandaꞌ gu namkiꞌ noꞌ pim jix maat nat cham tuꞌ jax dhuu, ni ku pim cham tuꞌ kɨꞌn ji iattulhdhai mu paiꞌ ba kɨksaidhaꞌ na pim tañiidhaꞌ. Jaꞌkbuiꞌ pim pɨx kɨꞌn jix bhaiꞌm taat kaꞌ na pim jɨꞌk maiꞌchɨk.

LUUKAS 3:8

Ku guꞌ noꞌ pim sɨlhkam cham aaꞌ na pim jum tulhiiñaꞌ, jum aaꞌ ji na pim puiꞌ jaꞌk ba tu jimdaꞌ na jax jaꞌk bhaan jix maatɨꞌ kaꞌ na pim soiꞌ bam ɨlhiiꞌñ buiñor gu Dios na baꞌ guiꞌ xi jam joiꞌmdaꞌ ɨp. Chaꞌpim jax jum aaꞌndaꞌ na puiꞌ pɨx jup xi jam joiꞌmdaꞌ na pim chi panaas xir bopxiꞌñ gu Abraam. Jax dhui na guꞌ gu Dios sia joodai bopxichudaꞌ gu Abraam noꞌt xi ɨlh, noꞌ pim aapiꞌm cham miꞌ puiꞌ tu daaꞌñchuꞌ na jax jaꞌk tu daaꞌñchugɨt bɨjɨk gu Abraam. Na guꞌ tuꞌ na pɨx jix bhaaiꞌ na pu duñiaꞌ gu Dios na jax jaꞌk ɨlhiiꞌñdhaꞌ gu tuꞌ, na guꞌr gɇꞌkam.

GU NOONBIꞌÑ GUCH XOIꞌKAM 16:30

Gatuuk baꞌ xi ja boosgak ba ja tɨkka na sap jax jaꞌk jix bhaaiꞌ na uañchudhix kaꞌ gu uaꞌtulhdhar gaꞌn, jup ja tɨtda: ―¿Tuꞌñ jax dhuñiaꞌñ jaaduñ na baꞌ ba uañchudhix kaꞌ guñ uaꞌtulhdharaꞌ?

GU NOONBIꞌÑ GUCH XOIꞌKAM 2:37

Baꞌ na mɨt puiꞌ jɨꞌ kai guiꞌ nam jɨꞌk miꞌp tuꞌiiꞌ, bhaiꞌx buam jim ɨlh jamɨt, baꞌ soiꞌm ɨlhdhat ba tɨkka am gu Peegro gio gu jaiꞌ noonbiꞌñ gu Jesuus, jup ja tɨtda am: ―Aapiꞌm jich jaaduñ, ¿tuꞌm aaꞌ nach jax dhuñiaꞌ na baꞌ cham kach chulhiiñchudaꞌ gu Dios?

GU NOONBIꞌÑ GUCH XOIꞌKAM 2:38

Baꞌ gu Peegro jup ja tɨtda: ―Dho guꞌ na pim miꞌ puiꞌ ba jimiaꞌ dho na jax jaꞌk jix aaꞌ gu Dios, na pim tɨ jɨɨꞌñdhaꞌ buiñor guch Xoiꞌkam. Miꞌ dhɨr baꞌ dai na pim bam bopkonaꞌ bɨɨx jɨꞌmaꞌn na baꞌ guꞌ gu Dios xi jam joiꞌmdai uañchudai gu jam uaꞌtulhdharaꞌ jam aꞌm ba tajaanaꞌ gux Dhuuduꞌ kam jix Uañ Iiꞌmdaꞌ.

GU NOONBIꞌÑ GUCH XOIꞌKAM 9:6

Baꞌ gio muiꞌp ji ñio gu Saulo, jix chooꞌnnɨt dho gi ji baꞌ, jup kaiꞌch: ―Guꞌ baꞌ gu xib, ¿tuꞌp jix aaꞌ nañ jax dhuñiaꞌ aapiꞌ Gɇꞌkam? Baꞌ gu Jesuus na bhammɨ dɨr bha tu aꞌga jup kaiꞌch: ―Aa dho guꞌ dai nap xi bamgɨi muiꞌ xi aayaꞌ miꞌ dhi gɇꞌ kiicham nap paiꞌ jaꞌk jim. Miꞌm baꞌm aagiꞌñdhaꞌ nap tuꞌ jax dhuñiaꞌ aañ jiñ aꞌmkam.