LUUKAS 23:2 - Tepehuano Tepehuán del Sureste (Durango)

² Mu buiñor ba iattulhiꞌñ am baꞌ, jup tɨtda am: ―Aach jaꞌp tuꞌm kɨꞌn yaꞌm uaꞌtulhiꞌñ dhi maaꞌnkam. Mu jaꞌp oirɨt ja kokdhichuꞌn guch jaꞌtkamiꞌ, jup ja tɨtda nam sap cham namkiꞌñdhaꞌ gux ioꞌm gɇꞌkam Rooma kam. Gio na puiꞌ ja tɨtda na sap jir diꞌ guch Xoiꞌkam, na jaꞌp kaiꞌñkam jup ji kaiꞌchɨt na dhiꞌr diꞌ gux ioꞌm jich gɇꞌkam tuk.

LUUKAS 23:2 Iomraidhean Croise

MATEO 17:27

Baꞌ aach puꞌñi ɨp, tɨi cham tuꞌ aagix nach tu namkiꞌñdhaꞌ gɨt, nach guꞌ puiꞌp jir ja jaꞌtkam tuk. Ku baꞌ guꞌ ea nap mu jimiaꞌ mummɨ na paiꞌ gɇꞌ suuꞌn gu suudaiꞌ xi bhɨɨji ap gu bhaiꞌchdhakar, mup baꞌ xi buaꞌ suudaiꞌ chɨr. Baꞌ gu jax chuꞌm na bɨɨpɨꞌ miꞌ saꞌyaꞌ gu batoop, maaꞌn tɨgiaꞌ ap gu tuumiñ na mi jimdaꞌ chiñiꞌran, aixkam na jɨꞌk jum aaꞌ nach kɨꞌn tu namkidhaꞌ aap gio aañ. Baꞌ xi bhɨɨji ap kɨꞌn mu xi ja namkiꞌñmɨraꞌ guiꞌ nam puiꞌ bham taan nam baꞌ cham tuꞌ kɨꞌn kach juandaꞌ.

MATEO 22:21

Baꞌ guiꞌp kaiꞌch am: ―Dho gux ioꞌm gɇꞌkam Rooma kam dho. Baꞌp ja tɨtda ɨp gio gu Jesuus: ―Dho pim xi maakidhat ku gi gux ioꞌm gɇꞌkam Rooma kam na jɨꞌk bhaan jup bipioꞌdaꞌ, gio gu Dios japim jup xi maakidhat na jɨꞌk bhaan jup bipioꞌdaꞌ.

MATEO 27:11

Baꞌ mu ba aich jamɨt gu Jesuus buiñor gux kaiꞌ Pilaato guiꞌ na miꞌr gɇꞌkam kaꞌ. Baꞌ bhaiꞌ ba tɨkka gu Jesuus, jup tɨtda: ―¿Aapiꞌ aar diꞌ nap saak jir ja gɇꞌkam tuk gu yaꞌ kam dhi Israel? Baꞌp tɨtda gu Jesuus: ―Jir puiꞌ dho nap jax kaiꞌch jiñ jaduuñ. Aañ jir diꞌ.

MAARKOS 12:17

Baꞌp ja tɨtda: ―Dho pim xi maakidhat ku gi gu Seesar na puiꞌr jam gɇꞌkam tuk na jɨꞌk bhaan bipioꞌdaꞌ, gio gu Dios japim jup xi maakidhat na jɨꞌk bhaan jup bipioꞌdaꞌ. Baꞌ miꞌ puiꞌ pup tuꞌiiꞌ am nat puiꞌ jɨꞌ xi ja tɨɨꞌn, na guꞌ joidham jix bhaiꞌ xi bua na xi chu aꞌga. Cham jaroiꞌ puiꞌ kɇɇkɇt am.

MAARKOS 15:2

Baꞌ gu Pilaato xi chɨkkaꞌn gu Jesuus na mɨt jax mu aichulh, jup tɨtda: ―¿Aapiꞌ aar diꞌ nap saak jir ja gɇꞌkam tuk yaꞌ dhi Israel kam jaꞌtkam? Baꞌp tɨtda gu Jesuus: ―Jir puiꞌ dho nap jax kaiꞌch jiñ jaduuñ.

LUUKAS 23:14

baꞌp ja tɨtda: ―Aañ cham tuꞌ tuꞌ bhaan buam kɇɇ dhi maaꞌnkam na pimɨt gio yaꞌp bañ aichulh na puiꞌ mu jaꞌp paiꞌ oirɨt ja kokdhichuꞌn gu jam jaꞌtkamiꞌ. Tɨi ñich bɨɨx aixim ba tɨkka na pim jax jiñ kɇɇ, cham tuꞌr jix buam panaas aañ jiñ bui na jɨꞌk jax kaiꞌch.

LUUKAS 23:5

Baꞌx ioꞌm gɇꞌ kɨꞌn jup kaiꞌch am guiꞌ: ―Jaꞌpji aach na cham jich koꞌraar na maakam ja mamtuxdhim guch jaꞌtkamiꞌ. Mummɨ dɨr bhaiꞌ ji kɨi Galilea, saalh puiꞌ yammɨ jaꞌp ba ja iatgidhim Judea.

JUAN 18:29

Mu dɨr jaꞌp jam baꞌ pɨx guguuk dɨɨrap, baꞌ dɨɨlh muiꞌ ma buus gux kaiꞌ Pilaato nat ja tɨkkam, jup ja tɨtda: ―¿Tuꞌ jax dhuu dhi jaduuñ ku pim baꞌ yammɨ jaꞌp jup ba uꞌaim?

JUAN 18:30

Guiꞌp kaiꞌch am: ―Dho guꞌch jix maatɨt baꞌ yammɨ jaꞌp puiꞌ ba duiñchuꞌ ji na cham jir am na jɨꞌk tuꞌ jax bua, cham tuꞌ na moo guꞌ jaꞌp pɨx.

JUAN 19:12

Baꞌ nat puiꞌ jɨꞌ giop xi chɨɨꞌn gu Jesuus gux kaiꞌ Pilaato, cham bhaaiꞌ na jax kam duñiaꞌ, dai na tɨim gaꞌnga na jax pɨk dui doꞌñchoꞌ gɨt gu Jesuus. Guꞌ ji nam guꞌ gu Israel kam jaꞌtkam giilhim mu jiiñak, jup kaiꞌch am: ―Noꞌ pich jax dhuuk doꞌñcho dhi maaꞌnkam nach jum chian nap muꞌaaꞌ, bhaan bax maatɨꞌ kaꞌ nap bak cham tuꞌ kaꞌm nɨiꞌñ gu Seesar gux ioꞌm gɇꞌkam Rooma kam. Na guꞌ gu jaroiꞌ noꞌ dɨɨlh gɇꞌkam jum taat na jax dhi maaꞌnkam, cham tuꞌ kɨɨꞌ kaꞌm nɨiꞌñ gu Seesar gux ioꞌm gɇꞌkam.

GU NOONBIꞌÑ GUCH XOIꞌKAM 24:13

Ku guꞌ dhiꞌ puiꞌ nam jax kaiꞌch dhi jaꞌtkam ni jɨꞌx ji iam kur puiꞌ, cham biaꞌ am dho nam jax tɨꞌyaꞌ.

GU NOONBIꞌÑ GUCH XOIꞌKAM 24:5

Dho guꞌ dhi maaꞌnkam aach puiꞌ nɨiꞌñ ji na giilhim naiꞌ jimdat ja kokdhichdhaim gu Israel kam jaꞌtkam, na ja iatgidhim na jax jaꞌk cham jir am. Dhiꞌ dhor diꞌ guiꞌ nar ja gɇꞌkam tuk guiꞌ nam nasareenos jum tɨɨtɨꞌ.

ROOMA KAM 13:7

Gammɨjɨ jam aꞌm jum aaꞌ na pim tu maakdaꞌ gu tuumiñ na paiꞌ dhuuk jum aajidhaꞌ. Tu namkidhidhat japim sia tuꞌ na pɨx bhaan noꞌ pim tu uaꞌtuꞌn. Gio tuꞌ na aagix kaꞌ na pim tu namkiꞌñdhaꞌ, tu namkidhidhat japim. Gio tuꞌ kaꞌm japim ja nɨidhat guiꞌ nam aagix kaꞌ na pim tuꞌ kaꞌm ja nɨiꞌñdhaꞌ, jir jix bhabhaiꞌkam kaꞌ pim ja bui.