LUUKAS 17:3 - Tepehuano Tepehuán del Sureste (Durango)

³ Baꞌ aapiꞌm xim nuukdat na cham jaroiꞌ jam iatgidhaꞌ. ’Noꞌt jax chuꞌm jam jaduuñ mam uaꞌtulh jam bui, xi aagiꞌñdhaꞌ pim na cham puiꞌ jaꞌk tu jimdaꞌ. Guꞌ baꞌ noꞌ guꞌ jax kaiꞌch na cham puiꞌ ka tuiꞌkaꞌ, aapiꞌm jup tu uañiꞌñkaꞌ.

LUUKAS 17:3 Iomraidhean Croise

MATEO 18:21

Baꞌ gu Peegro mu jimɨɨk amuub bhaiꞌ ba tɨkka gu Jesuus, jup tɨtda: ―¿Guꞌ baꞌ jɨꞌkim jix bhaiꞌ nañ pu tɨɨdaꞌ gu jax chuꞌm jiñ jaduuñ noꞌt tuꞌ jax jiñ duiñ nañ puiꞌ pɨx ka tu uañiꞌñkaꞌ, jɨꞌk xijum gookim aa?

LUUKAS 21:34

’Baꞌ aapiꞌm cham tuꞌ bhaan jum tukgiꞌñkaꞌ gu tuꞌ na yaꞌ dhi oiꞌñgaꞌn jix chu jaiꞌch na cham tuꞌ mim nɨnɨiꞌñ. Chaꞌpim maik kaꞌ, dai ji na pim miꞌ puiꞌ xi jiimdaꞌ na jax jix aaꞌ gu Dios na baꞌ cham yaꞌ pɨx

EEPESO KAM 5:15

Baꞌ xi gaagidhaꞌ pim ɨp na pim jax jaꞌk tu jimdaꞌ aapiꞌm dɨɨlh. Puiꞌ pim jaꞌk tu jimdaꞌ na jax jaꞌk bhaan jix maatɨꞌ kaꞌ na pim jix bhaiꞌ jam jur biaꞌ, na pim guꞌr jix chu mamatdaꞌ. Chaꞌpim jaꞌp pɨx tu jimdaꞌ na jax guiꞌ nam cham ja jur biaꞌ ni jɨꞌx.

ISRAEL KAM 12:15

Jam aagiꞌñ iñ mooñ jaaduñ na pim siamri bɨɨx tuꞌ kaꞌm xi ñɨidhat gu Dios. Na guꞌ noꞌ pim jaiꞌ dhɨt am ɨrdat oipo, cham tuꞌ bhaiꞌ tu jam jimiaꞌ gatuuk. Ni ku cham tuꞌr am na pim jaiꞌ dhɨt tuꞌ bhaan ba ji ja koꞌkdhichdhaꞌ gu jaiꞌ, nam guꞌ miꞌ dhɨr baꞌ bɨɨx bhaiꞌ jim koodaꞌ na jɨꞌk guch Xoiꞌkam jɨɨgiꞌñdham. Baꞌ jaꞌp ji buusniaꞌ guiꞌ na tu koꞌkdhichdhaꞌ na jax gu jax chuꞌm ɨꞌɨɨx nax maimdagɨm tɇ bhɇɇ na ja maikkutuꞌn gu jaꞌtkam noꞌ mɨt xi juu.

SANTIAGO 5:19

Guꞌ baꞌ noꞌ moo jax dhuukat jaroiꞌ maadɨt cham tuꞌ kap jim buix buiñor gu Dios, noꞌ guꞌ maakam pɨx ba tuiꞌdhiꞌ na jax cham puiꞌ jaꞌk aaꞌ, baꞌ noꞌt guꞌ jaroiꞌ maadɨt jix joiꞌndak tɨɨgɨk guguux na gio miꞌ puiꞌp ba jimiaꞌ na jax jix aaꞌ gu Dios,

2 JUAN 1:8

Baꞌ aapiꞌm jiñ jaaduñ cham pu chuꞌt, ni ku pim cham ja kɇkɇɇdaꞌ gu dhiꞌ pu chuꞌm gu jaꞌtkam noꞌm jax jam iatgiꞌñ. Jir maaꞌn na pim jax tu daaꞌñchuꞌn na pim paiꞌ jax ba bhɨichuꞌ na baꞌ jam aꞌm tu biꞌyaꞌ gu gɇꞌgɇr jup tum duuꞌnkam na saak tu jam makiaꞌ gu Dios. Noꞌ pimɨt guꞌ mu jaꞌk ji ja kai, dho gi guꞌ cham tuꞌ jam makiaꞌ ji.