LUUKAS 16:2 - Tepehuano Tepehuán del Sureste (Durango)

² Baꞌ gux chumñigam xi chu joochxi na mu jimdaꞌ na tɨkkaꞌ noꞌr sɨlhkam. Baꞌ mummɨp ba ji buus, jup tɨtda: “¿Jir sɨlhkam aa nap cham miꞌ puiꞌ duiñchuꞌ nañ jax jum aagiꞌñ? Eap tu uaꞌmɨr gu uꞌuan guiꞌ nap bhaan tu daasaim nañ xi chɨgiaꞌ noꞌp miꞌ puiꞌ tu duiñchuꞌ, piam ku guꞌ cham kuñ aañ yaꞌ dɨr jum buusaidhaꞌ.”

LUUKAS 16:2 Iomraidhean Croise

MATEO 12:36

Baꞌ aañ yaꞌ pu jam tɨtda na bɨɨx matgilhiaꞌ jix dhaam jaꞌk na pim jɨꞌk jax jix buam tu ñiokdaꞌ, janoꞌ na paiꞌ dhuuk guñ Gɨꞌkoraꞌ ja aagiꞌñdhaꞌ bɨɨx gu jaꞌtkam nam jɨꞌk tuꞌ jax buimɨi yaꞌ dhi oiꞌñgaꞌn bhaan.

MATEO 20:8

Baꞌ gatuuk nat paiꞌ dhuuk ba ji chuk, jup tɨtda gu tujuandam tugiꞌñ guiꞌ na miꞌ tɨ ɨꞌɨɨx kaꞌ gu bhaidhaꞌ: “Eap baꞌ xib bhaiꞌ xi ja baiꞌñ guiꞌ na mɨt jich palhbui na mɨt tɨ ɨꞌkɨ gu bhaidhaꞌ, miꞌp xi ja namkidhaꞌ. Bɨɨpɨꞌp bhaiꞌ ji ja namkidhaꞌ guiꞌ na mɨt jɨꞌk jix ioꞌm gatuuk yaꞌ ai, mu jaꞌk jap ji chɨɨmoꞌ ja bui guiꞌ na mɨt jɨꞌk kabuimuk dɨr bhaiꞌ ji chu jua.”

LUUKAS 12:20

Baꞌ na miꞌ puiꞌ kam aaꞌ gu maaꞌnkam, jup tɨtda gu Dios: “Joidham tɨi tɨ ɨlhiiꞌñ ap jia. ¿Jaroo baꞌ bhaan ji chu biꞌyaꞌ dhiꞌ nap tuꞌ bhaan tu aꞌga? Nap guꞌ aap jaꞌxñi tukaaꞌ cham tuꞌ ka duakaꞌ. Cham jum jur biaꞌ ap kup baꞌp kaiꞌch.”

LUUKAS 12:42

Baꞌ gu Jesuus jup tɨtda: ―Dho puiꞌ na maaꞌn gu gɇꞌkam ɨp noꞌt mɨk jaꞌk bhɨi na miꞌ xi dhoꞌñchoi maaꞌn gu tujuandam kiaꞌmiꞌñ, na miꞌ ka tu ja maakdaꞌ gu maamraꞌn ganaiꞌ jajaaꞌnniꞌñ na paiꞌ dhuuk jum aajidhaꞌ nam tu kuaꞌdaꞌ.

LUUKAS 16:1

Baꞌ gu Jesuus dɨɨlh jup xi chu ja aꞌgi dai guiꞌ nam jɨꞌk kaichuꞌ puiꞌ bhaan jup xi chu uaꞌrgidhak, jup ja tɨtda: ―Maaꞌnnim maaꞌn gu maaꞌnkam jix chumñigam maaꞌn biaꞌkaꞌ gu tujuandam na miꞌ dhɨr jup tu ja chiandaꞌ gu jaiꞌ tujuandam tugiꞌñ. Baꞌ cham miꞌ puiꞌ tu duiñchuꞌndaꞌ dhiꞌ dhi tujuandam na jax chiandaꞌ gux chumñigam. Baꞌ gu jaiꞌ tujuandam ba aagiꞌñ am gux chumñigam na cham miꞌ puiꞌ tu duiꞌñchuꞌ.

LUUKAS 16:3

Baꞌ nat miꞌ dhɨr buusnɨk gamaiꞌ ba jimchuꞌ gu tujuandam, jup jum aaꞌntuꞌ: “¿Tuꞌñ baꞌ bhaan ka tu juanaꞌ, na guꞌ bañ buusaidhaꞌ gu kiokam na ba tɨgiaꞌ guñ uꞌuan? Cham tuꞌ bhaiꞌ iñ guꞌ nañ tu juanaꞌ jaraar taꞌm nañ gɨt jup ba tɨ ɨxiaꞌ. Jix xiꞌɨr iñ ɨp nañ puiꞌ naiꞌ ja tañiidhaꞌ gu jaꞌtkam gu tuumiñ.

ROOMA KAM 14:12

Baꞌ dhiꞌ bhaan jix maatɨꞌ nach bɨɨx jɨꞌmaꞌn buiñor aayaꞌ gu Dios na baꞌ guiꞌ dɨɨlh pu tɨꞌyaꞌ noꞌch jir jix kɨkɨɨꞌ jaꞌtkam piam ku guꞌ cham.

1 KORIINTO KAM 1:11

Aañ dhiꞌ puiꞌ jam tɨtda, nam guꞌ bañ aagiꞌñ guiꞌ nam maap jir jum oiꞌdhagɨm gu Kloee na pim sap cham tuꞌ maaꞌn ñiꞌook jup duuk bɨɨx, xim bhabhaakuidhat japim sap jɨꞌdɨlh jup tuꞌiiꞌ.

1 KORIINTO KAM 4:2

Na guꞌ na pim jax bax maat gu jaroiꞌ noꞌ tuꞌ kɨꞌn ba daa, jum aaꞌ na puiꞌ jaꞌk tu jimdaꞌ na tuꞌ kɨꞌn daakaꞌ na baꞌ bhaan jix maatɨꞌ kaꞌ na sɨlhkam jup kaiꞌch.

1 KORIINTO KAM 4:5

Baꞌ cham jir am na pim puiꞌ tɨtdadaꞌ gu jaroiꞌ na miꞌ puiꞌ jim na jax jix aaꞌ gu Dios piam ku guꞌ cham, nat guꞌ chakui jaꞌk gɨi guch Xoiꞌkam na dɨɨlh ja aagiꞌñdhaꞌ gu jaꞌtkam na mɨt jax chu jii bɨɨx jɨꞌmaꞌn, na baꞌ miꞌ dhɨr gu Dios jup ba tu ja makiaꞌ na tuꞌr ja maiꞌchɨk kaꞌ.

2 KORIINTO KAM 5:10

Na guꞌ bɨɨx buiñor guꞌkiaꞌ ich nach jɨꞌk jaꞌtkam kaꞌ na paiꞌ daakaꞌ nar gɇꞌkam kaꞌ, guiꞌ baꞌ dɨɨlh pu tɨꞌyaꞌ na tuꞌr jich maiꞌchɨk kaꞌ bɨɨx jɨꞌmaꞌn tuꞌ nach jax dhuñiaꞌ yaꞌ dhi oiꞌñgaꞌn bhaan, piam ku guꞌ nach jich chulhiiñaꞌ pɨx jir jich maiꞌchɨk.

1 TIMOTEO 4:14

Puiꞌp xi chu duñiaꞌ nap jax jaꞌk jix chaat jum jur am bhaan, nat guꞌ gu Dios dhiꞌ bhaan jum aꞌm ba tɨ tɨɨ. Nap guꞌp kaiꞌch nap bhaankam jix chu juanam gu Dios, puiꞌ ku mɨt baꞌ puiꞌ jaꞌk tum daañxi bhaiꞌ xim daagɨk guiꞌ nam bɨjɨk dɨr ba tɨ jɨɨgiꞌñ buiñor guch Xoiꞌkam.

1 TIMOTEO 5:24

Jaiꞌ dhɨt gu jaꞌtkam jix bhaiꞌx maatɨꞌ pu yaꞌ nam tuꞌ bhaan jix uꞌuaꞌtulhdhix, sia kut chakuim ai na paiꞌ dhuuk ja aagiꞌñdhaꞌ gu Dios. Baꞌ jaiꞌ na cham maatɨꞌ yaꞌ nam tuꞌ bhaan jix uꞌuaꞌtulhdhix, janoꞌx bhaiꞌ matgilhiaꞌ nam tuꞌ bhaan jix uꞌuaꞌtulhdhix kaꞌ.

1 PEEGRO 4:10

Na guꞌ aapiꞌm xi jam joiꞌndat jam aꞌm ba tɨ nɨidhim gu Dios, puiꞌ ku pim baꞌ aapiꞌm puiꞌp jix ja joiꞌndat xi chu ja maakidhat gu jaiꞌ gu tuꞌ na jam maakidhaꞌ xi jam joiꞌndat guch Gɨꞌkoraꞌ. Puiꞌ pim xi chu duñiidhaꞌ jax ña pim jaꞌk jix joojoiꞌñdhaꞌ na pim bhaankamuꞌn tu juanaꞌ gu Dios, nat guꞌ bɨɨx jɨꞌmaꞌn ba jam maa na pim jax tu duñiaꞌ bhaankamuꞌn.

1 PEEGRO 4:5

Ku baꞌ guꞌ aapiꞌm cham jax jum aaꞌndaꞌ ji jiñ jaaduñ siam xi jam bhaamkiꞌñ na pim cham ka ja bɨpnat, na guꞌ dhiꞌ kam aajim na paiꞌ dhuuk ja aagiꞌñdhaꞌ gu Dios na mɨt cham tuꞌ bhaiꞌ tu jii gu puiꞌ nam jax jaꞌk tu jim xib, janoꞌ nam paiꞌ dhuuk bɨɨx maap jum jumpadaꞌ gu jaꞌtkam, sia guiꞌ nam ba koꞌiix gio guiꞌ nam ka duduakaꞌ, na ja aagiꞌñdhaꞌ gu Dios na mɨt jax tu jii bɨɨx jɨꞌmaꞌn, noꞌ mɨt tuꞌ kaꞌm tɨɨgɨk piam ku guꞌ cham.

NAT JAX TƗ TƗƗ GU JUAN 20:12

Baꞌ jaꞌxpɨx jaꞌpni bɨɨpɨꞌ dɨr na paiꞌ daa guiꞌ jɨꞌ gɇꞌkam, miꞌ bam maax jamɨt gu ja iꞌiiꞌmdaꞌ bɨɨx gu jaꞌtkam nam jɨꞌk jaiꞌch kat na jɨꞌx oiꞌñgaꞌn, sia guiꞌ nam jir jix chutumñigam kat gam guiꞌ nam jir gampaiꞌ tuutuꞌm kat. Baꞌ gu Dios xi ja chia gu noonbiꞌñ nam xi chɨgiaꞌ gux kakbok uꞌuan na bhaan mi chu daaxix na mɨt jax chu jii gio nam tuꞌ jax buimɨk bɨɨx jɨꞌmaꞌn gu jaꞌtkam nam duduakat gu ja tutkuꞌ bhaan. Miꞌ dhɨr baꞌ gu jumai uꞌuan jup xi chu chia nam xi chɨgiaꞌ nam bhaan daaxix nam jax chɨɨꞌ guiꞌ nam jɨꞌk jimiaꞌx dhaam nam paiꞌ gammɨjɨx jɨjɨkgɨm bap tuiꞌkaꞌ, na mɨt tɨ jɨɨꞌñdhak buiñor guch Xoiꞌkam miꞌ puiꞌ jii na jax jix aaꞌ. Baꞌ gu Dios xi ja aagiꞌñ bɨɨx gu jaꞌtkam nam tuꞌ jax buimɨk bɨɨx jɨꞌmaꞌn janoꞌ nam duduakat gu ja tutkuꞌ bhaan, gio nam tuꞌ bhaan kuiñcha biaꞌ jaiꞌ, miꞌ xi ñɨidhat gu uꞌuan na bhaan mi chu daaxix na mɨt jax chu jii.