LUUKAS 11:2 - Tepehuano Tepehuán del Sureste (Durango)

² Baꞌp ja tɨtda gu Jesuus: ―Dho jaꞌp japim kaiꞌchdhaꞌ na pim paiꞌ dhuuk tu daandaꞌ buiñor gu Dios: Aapiꞌch Gɨꞌkoraꞌ nap jix dhaam jup tuꞌiiꞌ, aap nap gammɨjɨx uañ kɨꞌn pur jum tɨɨtgɨdam kaꞌ. Iam jap jaꞌxbuiꞌ puiꞌp xi chu buadaꞌ yaꞌ dhi oiꞌñgaꞌn jaꞌp nap jax tu buadaꞌx dhaam jaꞌk. Ku guꞌ aap ji noꞌp dɨɨlh puiꞌp ɨlhiiꞌñdhaꞌ gɨt, aach puiꞌ pɨx soiꞌm kaichuꞌn ji.

LUUKAS 11:2 Iomraidhean Croise

MATEO 10:32

’Baꞌ noꞌm ba jam tɨkka gu jaꞌtkam noꞌ pim moo sɨlhkam tɨ jɨɨgiꞌñ aañ jiñ bui, baꞌ noꞌ pimɨt cham jax ji chɨꞌɨɨk jup xi ja aagiꞌñ nar sɨlhkam, dho guꞌ aañ puiꞌ dhop aagiꞌñdhaꞌ guñ Gɨꞌkoraꞌ nax dhaam jup tuꞌiiꞌ na pim maaxik sɨlhkam jiñ bui tɨ jɨɨgiꞌñ na baꞌ jam aꞌm tɨ nɨidhidhaꞌ.

MATEO 3:2

jup ja tɨtdadaꞌ: ―Yaꞌ mam ai na paiꞌ dhuuk maaxik jum maaxdhaꞌ gu Dios aapiꞌm jam bui. Miꞌ pim sap puiꞌ ba jimiaꞌ na jax jix aaꞌ.

MATEO 5:16

Baꞌ aapiꞌm puꞌñi jaꞌk jup ji buan, jam aꞌm jum aaꞌ na pim jir jix bhabhaiꞌkam kaꞌ ja bui gu jaꞌtkam nam baꞌ ji jam tɨɨgɨi jaiꞌ bhaiꞌp ji chu dañiaꞌ buiñor guñ Gɨꞌkoraꞌ guiꞌ nax dhaam jup tuꞌiiꞌ.

LUUKAS 11:1

Maaꞌnnim maaꞌn kap xi jimɨɨk gu Jesuus ma tu daanɨ jix dhaam jaꞌk buiñor gu Dios, bɨɨx jam jup oiꞌñchuꞌ guiꞌ nam kaichuꞌ. Baꞌ nat tɨɨmok na xi chu dañiimɨk, maadɨt miꞌ dhɨr jaꞌp jup tɨtda guiꞌ nam kaichuꞌ: ―Jich aagiꞌñdhaꞌ ap jich jaduuñ nach jax jaꞌk tu daandaꞌx dhaam jaꞌk buiñor gu Dios, jaꞌp nat jax gu Juan jaꞌtkam bopkondam jup ja aaꞌñdhak guiꞌ nam kaichgɨt.

ROOMA KAM 8:15

Baꞌ chaꞌpim jix chotdonɨt miꞌ puiꞌ jiimdaꞌ na jax jam jurtudidhaꞌ gux Dhuuduꞌ kam jix Uañ Iiꞌmdaꞌ. Na guꞌ dhiꞌ cham tuꞌr diꞌ gux buam jum duukam na jaꞌp pɨx tu jam juantuꞌn na baꞌ miꞌ dhɨr cham bhaiꞌ ka tu jam jimiaꞌ, guꞌ matgɨm dhix Dhuuduꞌ kam jix Uañ Iiꞌmdaꞌ puiꞌ ba jam duu ji na pim jir maamraꞌn kaꞌ gu Dios. Dhiꞌ pɨx jix Dhuuduꞌ kam jix Uañ Iiꞌmdaꞌ puiꞌch jurtuꞌnkaꞌ nach baꞌ gu Dios puiꞌ iimdaꞌ nar jich Gɨꞌkoraꞌ.

1 KORIINTO KAM 1:3

Moo gɨt baꞌ gu Dios jich Gɨꞌkoraꞌ gio gu Gɇꞌkam jich Xoiꞌkam pɨx jam aꞌm tɨ nɨidhidhaꞌ am na pim baꞌ gammɨjɨx bhaiꞌm taatɨt tu oiꞌñkaꞌ.

2 KORIINTO KAM 1:2

Baꞌ gu Dios jich Gɨꞌkoraꞌ gio gu Gɇꞌkam jich Xoiꞌkam xi jam joiꞌmdat jam aꞌm tɨ nɨidhidhaꞌ am na baꞌx bhaiꞌ tu jam jimdaꞌ.

GALAASIA KAM 1:4

Guch Xoiꞌkam dɨɨlh jum doꞌñcho na mɨt mua na baꞌ puꞌñi jaꞌk tu namkix kaꞌ guch uaꞌtulhdharaꞌ, gam na baꞌ cham tuꞌch dhaam kap tuiꞌkaꞌ gux buam jum duukam na yaꞌ dhi oiꞌñgaꞌn jix jaiꞌch, nat guꞌ pu kaiꞌñkam bha jii na yaꞌ puiꞌ tu duñiaꞌ na jax jix aaꞌ gu Dios.

EEPESO KAM 1:2

Baꞌ gu Dios jich Gɨꞌkoraꞌ gio gu Gɇꞌkam jich Xoiꞌkam pɨx xi jam joiꞌmdat jam aꞌm tɨ nɨidhidhaꞌ am na pim baꞌ gammɨjɨx bhaiꞌm taatɨt tu oiꞌñkaꞌ.

PILIIPOS KAM 1:2

Baꞌ gu Dios jich Gɨꞌkoraꞌ gio guch Xoiꞌkam Jesuus nar gɇꞌkam pɨx jam aꞌm tɨ nɨidhidhaꞌ am gammɨjɨ na pim baꞌx bhaiꞌm taatɨt tu oiꞌñkaꞌ bɨɨx jɨꞌmaꞌn aapiꞌm.

PILIIPOS KAM 4:20

baꞌ dai guiꞌ pɨx jix bhaiꞌ nach gɇꞌkamtuꞌndaꞌ gammɨjɨ. Puꞌñi baꞌ moo tu tuiꞌkaꞌ.

KOLOOSAS KAM 1:2

Tu jam uaꞌñxidhaꞌ ich aapiꞌm na pim puiꞌp jir jich jaaduñ jich Xoiꞌkam bhaan na pim bhammɨ dɨr oiꞌdhaꞌ Koloosas, Dios buiñor jup tuiꞌdhiꞌ pim. Baꞌ guiꞌ pɨx jich Gɨꞌkoraꞌ Dios gɨt jam aꞌm tɨ nɨidhidhaꞌ na pim baꞌx bhaiꞌm taatɨt tu oiꞌñkaꞌ.

1 TESALOONIKA KAM 1:1

Aañ Paablo bɨɨmaꞌn gu Silbaano gio gu Timoteo, mu tu jam uaꞌñxiꞌñ ich aapiꞌm jiñ jaaduñ jich Xoiꞌkam bhaan na pim Tesaloonika dɨbɨɨr bhaan jup tuꞌiiꞌ na paiꞌ muiꞌ paꞌ daaꞌñxim jir kikcham, bhaiꞌ na pim paiꞌm jumpadat daan gu Dios jich Gɨꞌkoraꞌ gio guch Xoiꞌkam nar Gɇꞌkam, na pim guꞌ buiñor bap tuiꞌdhiꞌ. Baꞌ guiꞌm pɨx jam aꞌm tɨ nɨidhidhaꞌ bɨɨx jɨꞌmaꞌn aapiꞌm na pim baꞌx bhaiꞌm taatɨt tu oiꞌñkaꞌ gammɨjɨ.

1 TESALOONIKA KAM 1:3

Puiꞌch jich aagɨt taxchaabgiꞌñdhaꞌ gu Dios jich Gɨꞌkoraꞌ na pimɨt jɨꞌx xim biiñkadak buiñor guch Xoiꞌkam pu duu na jax jix aaꞌ, gio na pimɨt jɨꞌx jix kɨɨgalhdhak tu juañxi sia puiꞌ jim tulhiiñaimɨk, na pim guꞌx ioꞌm buiñor jix biiñak. Cham jax jum aaꞌ pim baꞌ na pim puiꞌ jim aagɨt na guiꞌ pɨx jam palhbuiꞌñchuꞌ.

2 TESALOONIKA KAM 2:16

Baꞌ gu Gɇꞌkam jich Xoiꞌkam bɨɨmaꞌn gu Dios jich Gɨꞌkoraꞌ nat xich joiꞌmdak jich bai nach buiñor bap tuiꞌñgɨdaꞌ, gam nat bach aaꞌñ nach gammɨjɨ cham tuꞌ bhaan jax jich aagɨt dai guiꞌ buiñor tɨ jɨɨꞌñdhat jix biiñak kaꞌ,

NAT JAX TƗ TƗƗ GU JUAN 11:15

Baꞌ nat paiꞌ dhuuk jumaip xi chu kuich gu nobiiꞌñ gu Dios nam baꞌ kɨꞌn bar daipuꞌ kaꞌ, muiꞌ dhɨt bhaiꞌ ji chum ñio gɇꞌ kɨꞌn bhammɨ dɨr jix dhaam, jup kaiꞌch am: Dhi Dios jich Gɨꞌkoraꞌ bɨɨmaꞌn guch Xoiꞌkam, bɨɨx kap bar gɇꞌgɇrkam am na jɨꞌx oiꞌñgaꞌn, baꞌ gammɨjɨ pu bar gɇꞌgɇrkam kaꞌ am sia nar paiꞌ dhuuk kaꞌ gɨt.

NAT JAX TƗ TƗƗ GU JUAN 15:4

Bɨɨx pɨx gu jaꞌtkam tuꞌ kaꞌm jum nɨidhat tu daan am aap jum bui Dios jich Gɨꞌkoraꞌ, na guꞌ dai aap nap jix ioꞌm jix uañ kɨꞌn kɨɨkat jix ioꞌm jir gɇꞌkam. Bɨɨx na jɨꞌk jaꞌtkam tuꞌ kaꞌm jum tɨɨgɨi tu dañiaꞌ am aap jum bui, nam guꞌ ba machiaꞌ nap aap joidham jir jix bhaiꞌkam kat jix bhaiꞌ ja sɨlhkaꞌn guiꞌ nam bam kaichuꞌ.

NAT JAX TƗ TƗƗ GU JUAN 19:6

Miꞌ dhɨr baꞌ panaas ku mɨt muiꞌ dhɨt bhaiꞌ ji ñio gu jaꞌtkam, pɨx jap tum kaiꞌch na jax paiꞌ noꞌ gɇꞌ mɨr gu suudaiꞌ na sasbakdaꞌ, piam jaꞌp na jax chum kaiꞌchdhaꞌ noꞌ tɨm tɨroon, jup kaiꞌch am: Bɨɨx dhɨt jach tuꞌ kaꞌm nɨidhat gɇꞌkamtuꞌndaꞌ guch Gɨꞌkoraꞌ, na guꞌr gɇꞌkam kat bɨxchuꞌx aichuꞌn na pu tu duñiaꞌ. Xib yaꞌ dɨr jaꞌp jaꞌk bɨɨx kap sia bar gɇꞌkam kaꞌ na jɨꞌx oiꞌñgaꞌn gam sia nar pa jaꞌk.

NAT JAX TƗ TƗƗ GU JUAN 20:4

Baꞌ maaꞌn kap daraa am muiꞌ gu jaꞌtkam bhaan gu aꞌtoxkar nam jax chuꞌm bhaan daraakaꞌ guiꞌ nam jir gɇꞌgɇrkam paꞌ. Puiꞌ jaꞌk gɇꞌgɇrkam kɨꞌn dalhxix am nam ja aagiꞌñdhaꞌ bɨɨx gu jaꞌtkam nam jax jaꞌk tuiꞌñgɨdaꞌ nax kɨɨꞌ kaꞌm nɨiꞌñ gu Dios nam jɨꞌx juugɨt ya duduakaꞌ dhi oiꞌñgaꞌn bhaan. Jir diꞌ pɨx am guiꞌ na mɨt ja tulhiiñchudaimɨk ja koi ja ɨꞌkchulhdhak gu ja kuukxiopo janoꞌ nam duduakat gu ja tutkuꞌ bhaan, nam xi chuut nam gammɨjɨ pu kaichgɨdaꞌ guch Xoiꞌkam nam tɨi ja chian nam jum matgilhdhaꞌ ja kokobtaiꞌ am piam ja noonob am na bhaan jix maatɨꞌ kaꞌ gɨt nam kaichuꞌ gu jaꞌook. Baꞌ cham tuꞌm matgilh jamɨt, gio na mɨt cham tuꞌ tu daanɨ buiñor gu nobiiꞌñ gu jaꞌook gio gup duiñxim na puiꞌp tuꞌm. Baꞌ duduadɨk baapmigɨk ba jii mɨt bhammɨ jaꞌk jix dhaam nam baꞌ gatuuk gio bhaiꞌp jimɨi maap bar gɇꞌgɇrkam kaꞌ guch Xoiꞌkam yaꞌ dhi oiꞌñgaꞌn ja bui gu jaꞌtkam mambhɨɨx jix chaꞌtmam ooꞌm oidhaꞌ juugɨt.