LUUKAS 1:6 - Tepehuano Tepehuán del Sureste (Durango)

⁶ Baꞌ daim bɨpnagɨm miꞌ puiꞌ jiimdaꞌ am na jax jix aaꞌ gu Dios, miꞌ puiꞌ tu duiñchuꞌndaꞌ am na jax tu aagix kaꞌ, nam guꞌ tuꞌ kaꞌm nɨiꞌñdhaꞌ gu Dios. Sia bɨɨx gu jaꞌtkam jaiꞌp jix mat kaꞌ am nam tuꞌ kaꞌm tɨ nɨiꞌñdhaꞌ, cham baꞌ paiꞌ jaroiꞌ tuꞌ kɨꞌn jax ja tɨtdadaꞌ.

LUUKAS 1:6 Iomraidhean Croise

LUUKAS 1:7

Baꞌ cham jup tu maamar kaꞌ am, na guꞌ gu Isabeel cham jir aiꞌñ kaꞌ gu aꞌaalh, ku guꞌ bar jagɨꞌgɨr kaꞌ am ji.

LUUKAS 16:15

Baꞌp ja tɨtda gu Jesuus: ―Aapiꞌm na pim pariseos jum tɨɨtɨꞌ sap pɨk baꞌ panaas joidham miꞌ puiꞌ xi jiim japim na jax jix aaꞌ Dios, guꞌ ji na guꞌ dai nam xi jam nɨiꞌñdhaꞌ pɨx gu jaꞌtkam, nam sap baꞌ pɨx jix bhaiꞌ jam aaꞌndaꞌ. Guꞌ ji na guꞌx bhaiꞌx maat gu Dios jam jujur am na pim jax pɨk jaꞌk jir tuꞌm, sia ku pim guꞌ yaꞌ ja bui gu jaꞌtkam tɨi puiꞌ xi chuꞌiiꞌ na pim jir kɨkɨɨꞌ. Na guꞌ yaꞌ ja bui gu jaꞌtkam, sia kum moox kɨɨꞌ nɨiꞌñ panaas gu tuꞌ, gu Dios cham kɨɨꞌ nɨiꞌñdhaꞌ.

LUUKAS 2:25

Baꞌ maaꞌn gu maaꞌnkam bhaiꞌp kiokaꞌ Jerusaleen, Simeon tɨɨgim, na miꞌ puiꞌ jimdaꞌ na jax jix aaꞌ gu Dios, gammɨjɨ tu daandaꞌ. Baꞌ jaiꞌ puiꞌ tɨip tɨ nɨɨradaꞌ na paiꞌ baꞌ duuk puiꞌx ja joiꞌmdai ja palhbuidhaꞌ gu Dios gu Israel kam jaꞌtkam nam ja tulhiiñchuꞌndaꞌ gu jaiꞌ jaꞌtkam maakam dɨr jaꞌk kam. Baꞌ na guꞌ bhaan jup tuiꞌñgɨdaꞌ gux Dhuuduꞌ kam jix Uañ Iiꞌmdaꞌ,

GU NOONBIꞌÑ GUCH XOIꞌKAM 2:25

Puiꞌ kut baꞌ gu Dabii guiꞌ na bɨjɨk jir gɇꞌkam kat tu uaꞌnak bhaan ji uaꞌrgidhat gu Jesuus, na jaꞌpnim kaiꞌch: Gammɨjɨ nɨiꞌñ iñ guñ Gɨꞌkoraꞌ nañ buip tuiꞌñgɨdaꞌ, sia paiꞌ nañ jaꞌk jimdaꞌ. Guiꞌ miꞌ dhɨr jaꞌp jup jimdaꞌ jiñ xanoop kɨɨꞌn dɨr jaꞌk, baꞌ cham jɨꞌxkat jax jiñ dhoodaꞌ gux buam jum duukam.

GU NOONBIꞌÑ GUCH XOIꞌKAM 23:1

Baꞌ gu Paablo bha jaꞌp naiꞌ xi ja tɨɨgɨk gu gɇꞌgɇrkam nam muiꞌ miꞌ ba jumpax nam miꞌ bax iattulhdham, jup ja tɨtda: ―Aañ gammɨjɨ miꞌ puiꞌ jim jiñ jaaduñ na jax jaꞌk jix kɨɨꞌ kaꞌm nɨiꞌñ gu Dios.

GU NOONBIꞌÑ GUCH XOIꞌKAM 24:16

Puiꞌ kuñ baꞌ aañ jiñ dhɨkooꞌñdhatuꞌ nañ miꞌ puiꞌ jim na jax jaꞌk jix kɨɨꞌ kaꞌm nɨiꞌñ gu Dios gio gu jaꞌtkam ja bui.

GU NOONBIꞌÑ GUCH XOIꞌKAM 8:21

Guꞌ aap jiñ jaduuñ dho gi guꞌ cham ji na bhaaiꞌ nam aꞌm biꞌyaꞌ gu dhiꞌ pu chuꞌm, na guꞌ ni jɨꞌx kur sɨlhkam nap jax jum aaꞌ buiñor gu Dios jum jur am bhaan.

ROOMA KAM 8:4

Gio pu kaiꞌñkam puiꞌ jaꞌk duu ɨp na baꞌ puiꞌ jaꞌk dui bax bhaaiꞌn kaꞌ nach miꞌ puiꞌ ba jimiaꞌ na jax tu aagix guiꞌ nat Moisees tu uaꞌnak, nach guꞌ cham tuꞌ miꞌ puiꞌ ka tu daaꞌñchuꞌndaꞌ na jax jix aaꞌndaꞌ dhich chutkuꞌ nar yaꞌ kam dhi oiꞌñgaꞌn bhaan, guꞌ jaꞌpji na jax jaꞌk jich jurtuꞌnkaꞌ gux Dhuuduꞌ kam jix Uañ Iiꞌmdaꞌ.

1 KORIINTO KAM 11:2

Ku guꞌ aañ jix bhaiꞌñ chaat ji na pim gammɨjɨñ chɨꞌñchot miꞌ puiꞌ jiim nañ jax jam aagiꞌñ.

2 KORIINTO KAM 1:12

Aach cham tuꞌx buam jum duukam jup tu duñiim jiñ jaaduñ nach xich gaꞌnga, jix bhaiꞌch chaat ich baꞌ. Miꞌ puiꞌ jiim ich guꞌ na jax jaꞌk jum aaꞌ nach miꞌ puiꞌ jiimdaꞌ nach yaꞌ ka oipo dhi oiꞌñgaꞌn bhaan, puiꞌ na jax aapiꞌm nach guꞌ cham tuꞌ tuꞌ bhaan jax jam tɨtda ku pim guꞌ bhaan jix buam jup bam aaꞌ. Gio nach guꞌ cham tuꞌ puiꞌ jaꞌk jujurtɨk na jax gu jaꞌtkam yaꞌ kam dhi oiꞌñgaꞌn, guꞌ jaꞌpji na jax jaꞌk jix aaꞌ gu Dios na jaroiꞌ xich joiꞌmdat jich ñɨidhim.

PILIIPOS KAM 2:15

na baꞌ cham tuꞌx buam jum duukam jam aꞌm jup tuiꞌkaꞌ nam xi jam nɨiꞌñdhaꞌ gu jaꞌtkam guiꞌ nam cham tuꞌ kaꞌm tɨ nɨiꞌñ. Puiꞌ pim jaꞌk tu jimdaꞌ nam jax jaꞌk jix maatɨt jam nɨiꞌñdhaꞌ na pim jir maamraꞌn gu Dios. Na guꞌ aapiꞌm jaꞌp ji buan na pim mɨmɨim yaꞌ dhi oiꞌñgaꞌn ja bui guiꞌ nam cham tɨ jɨɨgiꞌñ buiñor guch Xoiꞌkam, jaꞌp na jax gu chiichiaꞌ nam mɨmɨimdaꞌ tukaaꞌ jaꞌk bha jaꞌp jix dhaam.

KOLOOSAS KAM 1:22

Guꞌ ji na guꞌ xib gu Dios pɨx dɨɨlh puiꞌ jam duu na pim jix bhaiꞌ biꞌyaꞌ buiñor na baꞌ xi jam joiꞌmdat jam aꞌm ba tɨ nɨidhim, puiꞌ jam duu bhaankam guch Xoiꞌkam nat jum tulhii tuukuꞌ bhaan na yaꞌ xi oilhimɨk. Pu kaiꞌñkam puiꞌ duu gu Dios nax aaꞌ na pim buiñor aayaꞌ cham tuꞌ bhaan uꞌuaꞌtulhdhix kam, dappaam jix uꞌuañ pɨx na pim buiñor aayaꞌ.

1 TESALOONIKA KAM 3:13

Gio gu Dios pɨx gɨt ɨp baꞌ moo puiꞌ jaꞌk duiñchuꞌndaꞌ gu jam jujur na pim jax jaꞌk miꞌ puiꞌ jiimdaꞌ na jax jix aaꞌ, na pim jix uꞌuañ jup tuiꞌñgɨdaꞌ, na ni jax chuꞌm uaꞌtulhdharaꞌ ku jam tɨɨꞌñxidhaꞌ gu Dios jich Gɨꞌkoraꞌ janoꞌ na paiꞌ dhuuk gio bhaiꞌp jim gu Jesuus jich Gɇꞌkam tuk ja bɨɨm bɨɨx guiꞌ nam jɨꞌk buiñor jum biiñkadaꞌ. Moo gɨt puiꞌ tu tuiꞌkaꞌ.

2 PEEGRO 3:14

Puiꞌ kuñ baꞌp jam tɨtdañ jaaduñ jich Xoiꞌkam bhaan na pim cham jax jim aagit miꞌ puiꞌ xi jiimdaꞌ na jax jix aaꞌ gu Dios cham jim oꞌjolhdhat, na baꞌ na paiꞌ dhuuk yaꞌ aayaꞌ guch Xoiꞌkam, pu jam baidhikaꞌ maaꞌn jimdam, na pim guꞌ cham tuꞌ bhaan uꞌuaꞌtulhdhix kaꞌ.

1 JUAN 2:29

nach guꞌ tuꞌ sɨlhkam bar maamraꞌn kaꞌ. Na guꞌ na pim jax bax maat jiñ jaaduñ nap kaiꞌch bo gu Dios na gu jaroiꞌ noꞌt tuꞌ kaꞌm tɨɨgɨk miꞌ puiꞌ jii na jax jix aaꞌ, dhiꞌ baꞌ puiꞌ bam kaiꞌchdhaꞌ na sɨlhkam jir maraaꞌn kaꞌ, jaꞌp na jax guch Xoiꞌkam janoꞌ na yaꞌ xi oilhimɨk nat guꞌ tuꞌ kaꞌm tɨɨgɨk gu Dios.

1 JUAN 2:3

Baꞌ noꞌch miꞌ puiꞌ xi jiim na jax jix aaꞌ gu Dios, dhiꞌ bhaan bax maatɨꞌ kaꞌ nach tuꞌ sɨlhkam bɨɨx jich jujur kɨꞌn tɨ jɨɨꞌñdhat tuꞌ kaꞌm ba nɨiꞌñ, baꞌ puiꞌ bam kaiꞌchdhaꞌ nach jix bhaiꞌ bax maat na jax jir tuꞌm kam.

1 JUAN 3:7

Jaꞌpniñ baꞌ moop jam guguuxiꞌñ jiñ jaaduñ jich Xoiꞌkam bhaan na pim siamri xi chɨ nɨidhat na cham jaroiꞌ paiꞌ dhɨr jimdat maakam jup ba jam iatgidhaꞌ na jax cham jir puiꞌ na jax jix aaꞌ gu Dios. Aapiꞌm cham tuꞌ ji kɇkɇɇdat jir maaꞌn na pim jax miꞌ puiꞌ xi jiimdaꞌ na jax jix aaꞌ gu Dios na baꞌ bhaan jix maatɨꞌ kaꞌ na pim dai guiꞌ tuꞌ kaꞌm nɨiꞌñ.