JUAN 9:39 - Tepehuano Tepehuán del Sureste (Durango)

³⁹ Baꞌ miꞌ dhɨr jup tɨtda gu Jesuus: ―Dho guꞌ aañ bhaiꞌ pɨx ja mattudam ji gu jaꞌtkam yaꞌ dhi oiꞌñgaꞌn nam jax chuꞌm miꞌ puiꞌ jiim na jax jix aaꞌ guñ Gɨꞌkoraꞌ gio guiꞌ nam jax chuꞌm cham miꞌ puiꞌ jiim, nam baꞌ bhaiꞌ ji chɨ tɨgiaꞌ guiꞌ nam cham ñiññia. Guꞌ baꞌ guiꞌ nam puiꞌm aaꞌ nam jix ñiññia, naiꞌ ji chutkiaꞌ gu ja buupui.

JUAN 9:39 Iomraidhean Croise

MATEO 11:5

Jaꞌp japim tɨɨdaꞌ na ñich tu ja tɨɨꞌñchoda guiꞌ nam cham ñiññia kat, gio baꞌ guiꞌ na tootolhidhat ka gakiidhat gu ja tutkuꞌ na ñich bɨɨx jup ja duduaꞌñ. Gio baꞌ guiꞌ nam kax mamaꞌmkulhiꞌ kat nam pu cham tu oipot, bɨɨx japim jup xi aagiꞌñdhaꞌ na ñich ja duduaꞌñ, gio baꞌ jaiꞌ guiꞌ nam cham tɇ kɇɇkɇt. Gio baꞌ jaiꞌ guiꞌ nam ba koꞌiix kat na ñich bɨɨx jup ja baapmiꞌ ja duduaꞌñdhak. Gio baꞌ nañ tu ja aꞌgiꞌñdhaꞌ gux bhaiꞌm kaiꞌchdham ñioꞌkiꞌñ gu Dios guiꞌ nam cham tuꞌ biaꞌ nam gampaiꞌ tuꞌm, nam soiꞌ pɨx jum ɨlhiiꞌñ, nañ ja aagiꞌñdhaꞌ nam jax jaꞌk duñiaꞌ nam baꞌ jimiaꞌ jix dhaam jaꞌk buiñor.

MATEO 15:14

Chaꞌpim jax jum aagɨt ja nɨiꞌñdhaꞌ dhiꞌ dhi jaꞌtkam, nam guꞌ dhiꞌ jaꞌp pɨx ji buan na jax gu cham ñiññia kam nam ja baiꞌñchuꞌ gu jaiꞌ cham ñiññia kam. Baꞌ gu jax chuꞌm cham ñia kam noꞌ tɨi baiꞌñchuꞌ gu jumai cham ñia kam, maap jam dho miꞌ paiꞌ suulhgiaꞌ jax chuꞌm tɨ dɨꞌn kɨr.

MATEO 6:23

Guꞌ ji noꞌ guꞌ gu jam buupui cham kɨkɨɨꞌ, noꞌ guꞌ jam ɇɇ gu buupui koꞌk, dho guꞌ pu cham tu maax kaꞌ dho na pim naiꞌ tɨi xi chɨ nɨiꞌñdhaꞌ, baꞌ pu cham bhaaiꞌñ kaꞌ dho na pim paiꞌ jaꞌk bhɨɨyaꞌ, na guꞌ jaꞌp ji buusandaꞌ na pim jix chu tukgam kɨr oipodaꞌ.

LUUKAS 1:79

Baꞌ bɨɨx jich aꞌm tonniaꞌ, sia guiꞌ nam jix ioꞌm jix chu tukgam tɨr jup tuꞌiiꞌ. Joidham bax chu maax kaꞌ nach tɨ nɨidhidhaꞌ nach jax jaꞌk joidham jix bhaiꞌch chaatɨt miꞌ puiꞌ jiimdaꞌ na jax jix aaꞌ gu Dios.

LUUKAS 13:30

Baꞌ dhiꞌ pɨk bɨɨpɨꞌ xi dharkaꞌ am jaiꞌ dhɨt nam xib cham tuꞌ kam jum ɨlhiiꞌñ, baꞌ jaiꞌ dhɨt nam xib tuꞌ kam jum ɨlhiiꞌñ, gatuuk dɨr jaꞌk daraibuꞌ am.

LUUKAS 2:34

Baꞌ bɨɨx gook xi chu ja daañxidhak gu Simeon na sap baꞌx bhaiꞌ tu ja jimdaꞌ. Miꞌ dhɨr baꞌ moop tɨtda dai gu Mariiya: ―Kani nap xiñ kaayaꞌ nañ jax jum tɨɨdaꞌ. Dhi alhii bhammɨ dɨr bha ja joochxi gu Dios gu Israel kam jaꞌtkam. Jaiꞌ miꞌ puiꞌ jimiaꞌ am na jax ja tɨɨdaꞌ, jaiꞌ baꞌ cham. Jix ioꞌm jir muiꞌ kaꞌ am guiꞌ nam cham miꞌ puiꞌ jimiaꞌ,

LUUKAS 4:18

Gux Dhuuduꞌ kam jix Uañ Iiꞌmdagaꞌn gu Dios jiñ aꞌm tajaañix, nat guꞌ dɨɨlh gu Dios jiñ aꞌm tɨ tɨɨgɨk jiñ tajaañ nañ baꞌ ya jaꞌp tu ja aꞌgidhaꞌ gux bhaiꞌm kaiꞌchdham ñioꞌkiꞌñ guiꞌ nam soiꞌ tuꞌiiꞌ nam cham tuꞌ biaꞌ ni jɨꞌx, gio guiꞌ nam jɨꞌk kuup jañ xi ja doꞌñchoi xi ja chiñiaꞌ nam jix bhaiꞌm taatɨt mu jaꞌp ba oipodaꞌ, gio guiꞌ nam cham ñiññia kaꞌ nañ tu ja tɨɨꞌñchodaꞌ. Bɨɨx guiꞌ nam jɨꞌk jum tulhiiñ jañ jix bhaiꞌ ja duñiaꞌ,

LUUKAS 7:21

Baꞌ cham jax ja tɨtda miꞌ jotmodaꞌ gu Jesuus, dai na xi ja duduaꞌñdhim pɨx gu jaꞌtkam na ka ja ɇɇkaꞌ bɨɨx aixim tuꞌm gu koꞌkdaiꞌ, sia guiꞌ nam ampɨx puiꞌ kax ñanaanbiꞌ kaꞌ na ja aꞌm jup tuiꞌñgɨdaꞌ gu cham kɨkɨɨꞌ iꞌiiꞌmdaꞌ. Muiꞌ miꞌ tu ja tɨɨꞌñchoda ɨp gu cham ñiññia kam.

JUAN 12:31

Nat guꞌ xib yaꞌ bam ai na paiꞌ dhuuk ja aagiꞌñdhaꞌ gu Dios bɨɨx gu jaꞌtkam nam jɨꞌk miꞌ puiꞌ jimiaꞌ na jax jix aaꞌ, gio nam jɨꞌk cham miꞌ puiꞌ jimiaꞌ. Gio gu jaꞌook na yaꞌ tu daam kɨɨk dhi oiꞌñgaꞌn, miꞌ pɨx jaꞌp ji biꞌyaꞌ xib dɨr.

JUAN 12:46

Na ñich guꞌ aañ bha jii jia yaꞌ dhi oiꞌñgaꞌn nañ yaꞌ tu ja bɨꞌñxidhaꞌ gu jaꞌtkam nam jix chu tukgam kɨr jup tuꞌiiꞌ, na guꞌ aañ jaꞌp ji buusan nañ joidham gɇꞌ tanoor, na baꞌ gu jaroiꞌ na ba tɨ jɨɨꞌñdhaꞌ aañ jiñ bui, jix chu maax kɨr ji biꞌyaꞌ.

JUAN 3:17

Cham tuꞌ nat jax kaiꞌñkam bha joot gu Dios gu maraaꞌn na yaꞌ ɇɇji ja tulhiiñchudaꞌ gu jaꞌtkam, guꞌ jaꞌpji na yaꞌ tu ja uañdhaꞌ ji gu ja uaꞌtulhdharaꞌ nam baꞌ puꞌñi duuji cham kam tulhiiñaꞌ.

JUAN 3:19

Na guꞌ giilhim jix ioꞌm jum tulhiiñaꞌ gu jaroiꞌ noꞌ cham tɨ jɨɨgiꞌñ buiñor guiꞌ na joidham gɇꞌ tanoor na yaꞌ tɨi oirɨ. Baꞌ xib guiꞌ nam pu cham tɨ jɨɨgiꞌñ buiñor, giilhim jamɨt dho gɇꞌ bam uaꞌtulh, na guꞌ dai nam jix joiꞌñ nam bɨɨx aixim tu bua na tuꞌr jix buam jum duukam.

JUAN 8:12

Baꞌ gio bhaiꞌp ji chu ja aꞌgi gu Jesuus gu jaꞌtkam, jup ja tɨtda: ―Aañ jir diꞌ guiꞌ na joidham gɇꞌ tanoor yaꞌ dhi oiꞌñgaꞌn. Gu jaroiꞌ na bañ kaichgɨdaꞌ, cham tuꞌx chukgam kɨr kap tuiꞌñgɨdaꞌ. Joidham jix chu maax kɨr ba oirɨdaꞌ, na guꞌ ba machiaꞌ na jax jaꞌk miꞌ puiꞌ jimdaꞌ na jax jix aaꞌ guñ Gɨꞌkoraꞌ.

JUAN 8:15

Guꞌ jaꞌp jum aaꞌ pim na puiꞌ na jax aapiꞌm na pim pu tu buadaꞌ na pim dɨɨlh jax ɨlhiiꞌñdhaꞌ, cham tuꞌ na jax jix aaꞌ guñ Gɨꞌkoraꞌ. Guꞌ aañ matgam cham tuꞌ puiꞌ ji,

JUAN 9:25

Baꞌ bhaiꞌ ji ñio guiꞌ na cham ñia kat, jup ja tɨtda: ―Aañ cham jup maat ji noꞌx uaꞌtulhdhix, daipuꞌ ji nañ jix maat nañ aañ cham ñia kat. Xib jix kɨkɨɨꞌ guñ buupui nat jiñ dhuaꞌñ.

GU NOONBIꞌÑ GUCH XOIꞌKAM 26:18

Baꞌ dhiꞌ jaꞌp kaiꞌñkam jañ mum jootsaꞌ nap ja aagiꞌñdhaꞌ nam baꞌ ba machiaꞌ nam jax jaꞌk miꞌ puiꞌ jimiaꞌ nam baꞌ cham jix chu tukgam kɨr ka oipodaꞌ, nam baꞌ cham ka kaichgɨdaꞌ gu jaꞌook. Guꞌ jaꞌpji nam miꞌ puiꞌ ba jimiaꞌ ji na jax jix aaꞌ gu Dios, gio nam baꞌ ba tɨ jɨɨꞌñdhaꞌ aañ jiñ bui. Dhiꞌ puꞌñi jaꞌk duuk baꞌ ba uañchudhix kaꞌ gu ja uaꞌtulhdharaꞌ, gio na baꞌ ja aꞌm biꞌyaꞌ guiꞌ nat tuꞌ ba ja iimchuda guiꞌ na jɨꞌk ja aꞌm ba tɨ nɨidhim gu Dios.”

2 KORIINTO KAM 2:16

Guiꞌ nam mu jaꞌk bhɨɨyaꞌ nam paiꞌ gammɨjɨ miꞌ pup jum tulhiiñdhaꞌ, puiꞌ jaꞌk ɨꞌbhiaꞌ am nar maimdaꞌ kam, baꞌ guiꞌ nam jɨꞌk buiñor jimiaꞌ guch Xoiꞌkam, puiꞌ jaꞌk ɨꞌbhiaꞌ am na dhiꞌ jaꞌkbuiꞌ kat ja duduaꞌñdhaꞌ. Baꞌ cham pɨk jaroiꞌ xim guꞌnguxiꞌñ na puꞌñi naiꞌ tu aꞌgaꞌ jaꞌp na jax aach.

EEPESO KAM 5:14

Puiꞌ ku baꞌp jum kaiꞌch maaꞌn kap na mɨt paiꞌ tu uaꞌnak gu bɨjɨk dɨr kam: Gor xi ñiññia, chaꞌpim ka kookos kaꞌ. Xi baapmigiaꞌ pim miꞌ dhɨr koiꞌñgaꞌn tɨr na baꞌ jam bɨꞌñxidhaꞌ guch Xoiꞌkam.

2 TESALOONIKA KAM 2:10

Bɨɨx aixim jix buam jum duukam bhaan ja iatgidhaꞌ gu jaꞌtkam guiꞌ nam puiꞌ mu jaꞌk jup tɨ nɨiꞌñchudhix nam paiꞌ gammɨjɨ miꞌ pup jum tulhiiñdhaꞌ, guiꞌ nam cham soiꞌm ɨlhdhai miꞌ puiꞌ jimiaꞌ na jax jum kaiꞌchdhaꞌ dhiꞌ na sɨlhkam bhaan tum aꞌga nam baꞌ cham mu jaꞌk bhɨɨyaꞌ gɨt.

1 PEEGRO 2:9

Aapiꞌm nat guꞌ xi jam joiꞌndak jam aꞌm tɨ tɨɨ gu Dios na pim baꞌ puꞌñi tuꞌ kaꞌm nɨidhat miꞌ puiꞌ jiimdaꞌ na jax jix aaꞌ na baꞌ jam aꞌm tɨ nɨidhidhaꞌ, gio na pim baꞌ puiꞌ bar tuutuꞌm kaꞌ na jax guiꞌ nam mu jaꞌp tu juandaꞌ chiop bhaankamuꞌn gu Dios, gam na pim sap baꞌ joidham jix chu uañ kɨr bap tuiꞌkaꞌ gammɨjɨ na jax guiꞌ, na pim guꞌ miꞌ puiꞌ jiimdaꞌ na jax jix aaꞌ. Pu chuꞌm kɨꞌn jam aꞌm tɨ tɨɨ ɨp gu Dios jiñ jaduuñ na pim joidham tuꞌ kaꞌm nɨidhat naiꞌ xi jimiaꞌ bɨɨx kap na pim tu aꞌgapuꞌ gux bhaiꞌm kaiꞌchdham ñioꞌkiꞌñ na bhaan tu aꞌga guch Xoiꞌkam, na pim ja aaꞌñdhidhaꞌ gu jaꞌtkam nat guiꞌ xi jam joiꞌndak jam boosolh mu dɨr jix chu tukgam tɨr na pim paiꞌp tuꞌt, na pim baꞌ miꞌ dhɨr puꞌñi joidham jix chu maax kɨr bap tuiꞌkaꞌ.

1 JUAN 2:11

Guꞌ ji noꞌ guꞌ daix bhaamkiꞌñ gu jumaich Xoiꞌkam jɨɨgiꞌñdham, dhiꞌ dho gi guꞌ puix chu tukgam kɨr jup tuiꞌkaꞌ ji, baꞌ pu cham mat kaꞌ na paiꞌ jaꞌk bhɨichgɨdaꞌ, puiꞌ pɨx ba ji buusniaꞌ na jax maaꞌn gu cham ñiakam.