JUAN 8:47 - Tepehuano Tepehuán del Sureste (Durango)

⁴⁷ Na guꞌ cham tuꞌ Dios jir jam Gɨꞌkoraꞌ, puiꞌ ku pim baꞌ cham kaim. Guꞌ matgam gu jaroiꞌ noꞌ moo sɨlhkam Dios jir Gɨꞌkorgaꞌn, jix kaim kaꞌ ji gu ñioꞌkiꞌñ.

JUAN 8:47 Iomraidhean Croise

JUAN 12:48

Piam kum jaiꞌ dhɨt cham jiñ kaim nañ jɨꞌk jax tɨi tu aꞌga nam cham jiñ kɨɨgalhdhat, cham jax bua dho. ¿Jax jañ gip ja tɨɨdaꞌ aañ? Jumaix jaiꞌch ji guꞌ guiꞌ na pɨk ja aagiꞌñdhaꞌ nam kuiñcha biaꞌ janoꞌ na paiꞌ dhuuk tum kuugalhdhaꞌ yaꞌ dhi oiꞌñgaꞌn, dai na xi ja aaꞌñdhai na mɨt sɨlhkam cham miꞌ puiꞌ jii nañ jɨꞌk jax tu ja aꞌgiꞌñ xib.

JUAN 18:37

Baꞌp tɨtda ɨp gio gu Pilaato: ―Jir gɇꞌkam ap dho bak jia, cham tuꞌr jaꞌppɨx maaꞌnkam ap. Baꞌ gu Jesuus jup kaiꞌch: ―Dhor gɇꞌkam iñ ji kaiꞌñkam nap jax ba kaiꞌch. Aañ jix dhaam dɨr bha jii jia yaꞌ dhi oiꞌñgaꞌn nañ baꞌ yaꞌ maaxirɨi jaꞌp na maaꞌnkam bhaiꞌ ji chu ja aꞌgidhaꞌ gu jaꞌtkam na jax pɨk jaꞌk jir sɨlhkam, nam baꞌ maatɨi miꞌ puiꞌ ba jimiaꞌ na jax jix aaꞌ guñ Gɨꞌkoraꞌ. Baꞌ xib dai guiꞌ nam jɨꞌk pu miꞌ puiꞌ jiim na jax jir sɨlhkam xiñ kaim am nañ jax tu aꞌga.

JUAN 5:25

Tuꞌ sɨlhkam jañ yaꞌ pu jam tɨɨdaꞌ aañ nañ jir maraaꞌn gu Dios, kam aayaꞌ nam paiꞌ dhuuk maaxik jiñ chɨɨgɨi kañ kaayaꞌ gu jaꞌtkam, guiꞌ nam jaꞌp ji buusan nam koꞌiix, nam jix chukgam kɨr jup tuꞌiiꞌ. Pu xib dho guꞌ yaꞌ bam ai, cham tuꞌ na paiꞌ dhuuk. Tɨɨꞌ nat guꞌ pɨx ya jaꞌp jim tɨi. Baꞌ guiꞌ nam jiñ kɇɇji miꞌ puiꞌ ba jimiaꞌ, gammɨjɨ pu ba duduakaꞌ am gu ja iꞌiiꞌmdaꞌ am bhaan,

JUAN 6:65

Miꞌ dhɨr baꞌ giop xi ja tɨꞌñchoix na jax ba ja tɨtda, jup kaiꞌch: ―Kaiꞌñkam cham jɨꞌxkat tɨ jɨɨꞌñdhaꞌ aañ jiñ bui gu jaroiꞌ noꞌ cham puiꞌ jaꞌk jurtuꞌn guñ Gɨꞌkoraꞌ.

JUAN 8:37

Jix maat iñ dho nar jam boxii kat gu Abraam, ku pim ji guꞌx chu chiañik ji nam jiñ muꞌaaꞌ, na pim guꞌ cham kaim nañ jɨꞌk jax tu jam aꞌgiꞌñ.

JUAN 8:43

Guꞌ aapiꞌm jaꞌp jum aaꞌ nañ pɨx jap kaiꞌchim, puiꞌ ku pim baꞌ cham maatɨt jiñ kɇɇ nañ jax tu jam aꞌgiꞌñ, na pim guꞌ cham xim gaꞌnga na jax jir jum duukam.

JUAN 8:45

Guꞌ baꞌ aañ nañ tɨi sɨlhkam tu aꞌga, cham jiñ jɨɨgiꞌñ japim.

1 JUAN 3:10

Pux bhaiꞌx maatɨꞌ kaꞌ jia nam jax jaꞌk tu jimdaꞌ guiꞌ nam sɨlhkam jir maamraꞌn kaꞌ gu Dios gio guiꞌ nam jup jir maamraꞌn gu jaꞌook. Puiꞌ na jax guiꞌ nam bɨɨx aixim tu buadaꞌ na jax cham jir am, na jax cham kɨɨꞌ kaꞌm nɨiꞌñ gu Dios, gio nam jix ja bhaamkiꞌñdhaꞌ gu jaiꞌch Xoiꞌkam jɨɨgiꞌñdham, dhiꞌ cham tuꞌ Dios jir maamraꞌn kaꞌ am, guiꞌ ji jaꞌook.

1 JUAN 5:1

Gu jaroiꞌ noꞌ bɨɨx juraaꞌn kɨꞌn tɨ jɨɨgiꞌñ na gu Jesuus jir diꞌ guch Xoiꞌkam nat Dios bha joot, dhiꞌ jɨꞌ puiꞌ bam kaiꞌchdhaꞌ na Dios jir Maraaꞌn. Baꞌ noꞌ puiꞌ bam tɨɨtɨꞌ na Dios bar Maraaꞌn, jum aaꞌ nax ja joiꞌndat jix bhaiꞌ ja tɨtdadaꞌ gu jaiꞌ nam puiꞌp jir maamraꞌn gu Dios.

2 JUAN 1:9

Baꞌ gu jaroiꞌ noꞌ jaiꞌ pup miꞌ xi baapsaim na dɨɨlh jax ɨlhiiꞌñdhaꞌ na paiꞌ dhuuk tɨi sap pɨk baꞌ tu aꞌgadaꞌ gu Dios ñioꞌkiꞌñ, cham tuꞌ bhaan tɨ nɨidhidhaꞌ gu Dios. Jɨɨꞌ ji noꞌ daaxix kam pɨx tu aꞌga, daipuꞌ nat jax pɨx xi chu daasak guch Xoiꞌkam janoꞌ na yaꞌ xi oilhimɨk na baꞌ bhaan tɨ nɨidhidhaꞌ gu Dios gio gu Maraaꞌn Jesuus.

3 JUAN 1:11

Baꞌ aap jiñ jaduuñ cham pu chuꞌt. Jix bhaiꞌp xi chu jimdaꞌ na jax jaꞌk jix kɨɨꞌ kaꞌm nɨiꞌñ guch Gɨꞌkoraꞌ cham tuꞌp jum buixdhat sia kum jaiꞌ jax jup tu jim. Na guꞌ cham tuꞌ bhaan tɨ nɨidhidhaꞌ jia saak gu Dios gu jaroiꞌ noꞌx buam pɨx tu jim na jax cham kɨɨꞌ kaꞌm nɨiꞌñ, jɇɇꞌ ji gu jaroiꞌ na joidham jix bhaiꞌ xi chu jimdaꞌ na baꞌ joidham bhaan tɨ nɨidhidhaꞌ.