JUAN 8:37 - Tepehuano Tepehuán del Sureste (Durango)

³⁷ Jix maat iñ dho nar jam boxii kat gu Abraam, ku pim ji guꞌx chu chiañik ji nam jiñ muꞌaaꞌ, na pim guꞌ cham kaim nañ jɨꞌk jax tu jam aꞌgiꞌñ.

JUAN 8:37 Iomraidhean Croise

MATEO 13:15

Nam guꞌ dɨɨlh cham maatɨt tɇ kɇɇkɇꞌ dhiꞌ dhi jaꞌtkam, panaas baꞌ ku jaꞌp ji buusandaꞌ nam pu cham ñiññia kaꞌ gio nam pu cham tɇ kɇɇkɇꞌ, guꞌ na baꞌ jax dhui pɨx cham bhaaiꞌn kaꞌ nam jix maatɨt tɇ kɇɇkɇꞌ, gio na cham bhaaiꞌn kaꞌ nam jix maatɨt tɨ nɨiꞌñdhaꞌ, nam baꞌ cham maatɨi miꞌ puiꞌ jimiaꞌ nañ jax jix aaꞌ, baꞌ aañ cham tuꞌp jiñ buixiꞌñdhaꞌ ja bui.

MATEO 3:9

Chaꞌpim jax jum aaꞌndaꞌ: “Aach matgɨm jich aꞌm tɨ nɨiꞌñ ji gu Dios, nach guꞌr bopxiꞌñ gu Abraam.” Jax dhui na guꞌ gu Dios sia guꞌñi joodai jix bhaaiꞌ na puiꞌ ja duñiaꞌ nam jir bopxiꞌñ kaꞌ gu Abraam, aapiꞌm baꞌ jaꞌp xi jam dui noꞌ pimɨt cham miꞌ puiꞌ jii na jax jix aaꞌ.

JUAN 10:31

Baꞌ gu gɇꞌgɇrkam Israel kam na mɨt jax daꞌngɨ gu joodai bax maꞌyasak kat am na mɨt kai na puiꞌ jɨꞌ kaiꞌch.

JUAN 11:53

Baꞌ puiꞌ jaꞌk maaꞌn ñiꞌook jup duu mɨt nam xi chu aꞌgimɨk gu gɇꞌgɇrkam Israel kam nam sap muꞌaaꞌ gu Jesuus noꞌ mɨt paiꞌ tɨɨ.

JUAN 5:44

Jaꞌp jum aaꞌ pim na pim tuꞌ pɨk mi chɨgiaꞌ na pim dɨɨlh xi chu aꞌgat na pim jax ɨlhiiꞌñdhaꞌ, guꞌ baꞌ na jax jix aaꞌ gu Dios jaꞌp xi dhuukat japim, panaas ku pu cham tuꞌ bhaiꞌ.

JUAN 7:1

Bhaiꞌ baꞌ pu oirɨdaꞌ gu Jesuus Galilea, cham jimmɨdaꞌ bhammɨ jaꞌk Judea, na guꞌx maat nam bhaiꞌ gaꞌngadaꞌ gu gɇꞌgɇrkam Israel kam nam jix chu chiañik nam muꞌaaꞌ.

JUAN 7:19

’Jaꞌp na jax gu Moisees nat bhaankamuꞌn tu uaꞌnak guñ Gɨꞌkoraꞌ na pim jax jaꞌk tuiꞌñgɨdaꞌ, guꞌ ji na pim guꞌ sia guiꞌ jaꞌp xi dhuukat, cham tuꞌ miꞌ puiꞌ jiim japim nat jax tu uaꞌnak. Guꞌ baꞌ aañ puꞌñi ɨp xib, tuꞌ pɨx jam jaaxmakar jiñ ɨlhiiꞌñ japim, dai na pim bax chu chiañik nam jiñ muꞌaaꞌ.

JUAN 7:25

Baꞌ jaiꞌ dhɨt gu bhaiꞌ kam Jerusaleen jup kaiꞌch am: ―¿Cham aar diꞌ nam saak tɨi gaaꞌñchuꞌ nam jix chu chiañik nam muꞌaaꞌ?

JUAN 8:33

Baꞌp kaiꞌch am: ―¿Jax jap baꞌ duukat puiꞌch chɨtda na puiꞌ cham jaroiꞌ jich aꞌmkam aaꞌndaꞌ nach bha nɨidhidhaꞌ na jax jich chɨɨdaidhaꞌ? Nach guꞌ aach pui miꞌ puiꞌ tu daaꞌñchuꞌ na jax tu jimdat guch boxii kat Abraam, cham tuꞌ jaroiꞌ bha nɨidhim ich.

JUAN 8:43

Guꞌ aapiꞌm jaꞌp jum aaꞌ nañ pɨx jap kaiꞌchim, puiꞌ ku pim baꞌ cham maatɨt jiñ kɇɇ nañ jax tu jam aꞌgiꞌñ, na pim guꞌ cham xim gaꞌnga na jax jir jum duukam.

JUAN 8:56

Matgam noꞌ pim miꞌ puiꞌ jiimdaꞌ gɨt na jax jir am, jix bhaiꞌm ɨlhdhaꞌ pim gɨt ji na ñich yaꞌ ba ai, jaꞌp na gu Abraam nat jix bhaiꞌm ɨlh nat paiꞌ dhuuk maat nañ puꞌñi gatuuk bha jim.

JUAN 8:59

Baꞌ giilhim bhaak jamɨt nat puiꞌ xi ja tɨɨꞌn. Jotmodaꞌ tɨi uꞌaam jamɨt gu joodai nam sap kɨꞌn maꞌyasai muꞌaaꞌ gɨt. Guꞌ ji nat guꞌ mɨjɨ jaꞌp xi baa jaꞌtkam tɨr gu Jesuus, pu jii miꞌ dhɨr gɇꞌ chiop. Mi jaꞌp ba buus ja saagiꞌñ, gammɨjɨ ji dhuu.

JUAN 8:6

Baꞌ dhiꞌ nam puiꞌ jɨꞌ tɨtda gu Jesuus nam miꞌ pɨx mamtɨ noꞌt sap moo bhaiꞌ bhaankamuꞌn ji ñio, nam baꞌ ba iattulhdhaꞌ ja bui gu gɇꞌgɇrkam Israel kam noꞌt jax dhuuk cham puiꞌ jaꞌk tɨi na jax tu daaxix. Guꞌ ji na guꞌ cham ñiok gu Jesuus, dai nat gan ji mugia, miꞌ pɨx jaꞌp xi chu uꞌuan nobiiꞌñ kɨꞌn dɨbɨɨr taꞌm.

GU NOONBIꞌÑ GUCH XOIꞌKAM 13:26

’Baꞌ dhix bhaiꞌm kaiꞌchdham ñiꞌook na bhaan tu aꞌga gu puiꞌ nach jax jaꞌk cham kach chulhiiñaꞌ gatuuk nach paiꞌ dhuuk koꞌyaꞌ, guꞌ dhiꞌ aapiꞌm ji na pu jam bui ba jim jiñ jaaduñ na pim jir bopxiꞌñ gu Abraam, gio aapiꞌm na pim cham jir Israel kam na pim tuꞌ kaꞌm nɨiꞌñ gu Dios.

ROOMA KAM 9:7

Na guꞌ cham tuꞌ sɨlhkam bɨɨx jir bopxiꞌñ am gu Abraam guiꞌ nat jɨꞌk tɨi tu bopxicha, na guꞌp tɨtda gu Dios gu Abraam: “Bhaan dɨr gum mar Isaak jap muiꞌ tu bopxichaꞌ.”

1 KORIINTO KAM 2:14

Puiꞌ ku baꞌ gu jaroiꞌ noꞌ cham bhaan jup tuiꞌdhiꞌ gux Dhuuduꞌ kam jix Uañ Iiꞌmdaꞌ, cham kɨɨgalhdhaꞌ guiꞌ na tu maak gux Dhuuduꞌ kam jix Uañ Iiꞌmdaꞌ, puiꞌ pɨx jaꞌk jum aaꞌndaꞌ nar iatdaꞌ. Pu cham jɨꞌxkat maatɨt kaayaꞌ baꞌ, na guꞌm aaꞌ gux Dhuuduꞌ kam jix Uañ Iiꞌmdaꞌ na palhbuidhaꞌ.

1 JUAN 2:14

Puꞌñi jaꞌk jañ dho baꞌ pɨx tu jam uaꞌñxiꞌñ jiñ jaaduñ nañ bhaan jam guguuxiꞌñ na pim jix bhaiꞌ pɨx bam taat kaꞌ, na pim guꞌ bax maat baꞌ xib na jax jir tuꞌm kam gu Dios jich Gɨꞌkoraꞌ. Gio aapiꞌm na pim jɨꞌk jir gɇꞌgɇr jaꞌtkam, puꞌñi jaꞌk pɨx jañ muiꞌp tu jam uaꞌñxiꞌñ na pim baꞌ moox bhaiꞌ pɨx jup bam taat kaꞌ na pimɨt puiꞌp ba maat guch Xoiꞌkam guiꞌ na bɨjɨk dɨr pux jaiꞌch. Bɨɨx sia aapiꞌm na pim jir tu biipibop jañ puꞌñi pɨx jaꞌk muiꞌp tu jam uaꞌñxiꞌñ, nañ guꞌx bhaiꞌñ chaat na pim bhaan bax oꞌjoꞌ baꞌ xib buiñor guch Xoiꞌkam, na pim guꞌ ba tɨ jɨɨgiꞌñ buiñor, baꞌ cham jɨꞌxdhaꞌ jax ka jam doodaꞌ gu jaꞌook.