JUAN 8:34 - Tepehuano Tepehuán del Sureste (Durango)

³⁴ Baꞌp ja tɨtda gu Jesuus: ―Tuꞌ sɨlhkam jañ yaꞌ jam aagiꞌñdhaꞌ, bɨɨx guiꞌ nam jɨꞌk jum uaꞌtulhiꞌñ, dhiꞌ kat puiꞌ bam kaiꞌch nam dai pɨx bha nɨidhim gu uaꞌtulhdharaꞌ na mu jaꞌk ja tukgiꞌñ.

JUAN 8:34 Iomraidhean Croise

MATEO 5:18

Tuꞌ sɨlhkam kɨꞌn jañ yaꞌ pu jam tɨtda, noꞌ gux dhaam ka pup jaiꞌch gio dhi dɨbɨɨr, chakui dho jɨꞌxdhat jum pataasaꞌ gu puiꞌ nat jax jaꞌk ja tɨɨdak gu Moisees nam miꞌ puiꞌ jiimdaꞌ gu jaꞌtkam, janoꞌ ji baꞌ na paiꞌ dhuuk bɨɨx ba tum kuugalhdhaꞌ.

JUAN 3:3

Baꞌ gu Jesuus jup tɨtda: ―Tuꞌ sɨlhkam jañ yaꞌ pum tɨɨdaꞌ, na gu jaroiꞌ noꞌ cham xim gaꞌnga na jax jaꞌk duuji giop maaxilhiaꞌ, cham tuꞌ bhaan tɨ nɨidhidhaꞌ gu Dios.

GU NOONBIꞌÑ GUCH XOIꞌKAM 8:23

Jaꞌp dho ji nañ guꞌ puiꞌm nɨiꞌñ jiñ jaduuñ nap giilhim jix buam tomaat, gio na jaꞌp ji buusan na gux buam jum duukam mu paiꞌm kuup, na guꞌm tukgiꞌñ.

ROOMA KAM 6:12

Jaꞌp japim xi dhui yaꞌ dɨr jaꞌp jaꞌk gu uaꞌtulhdharaꞌ na baꞌ cham pui jam daam jup tuiꞌñgɨdaꞌ jam tutkuꞌ bhaan. Chaꞌpim tuꞌp jum buixiꞌñdhaꞌ sia ku tɨi jam chian na pim jix buam jum duukam jup tu duñiaꞌ, sia chi jax chu tatdaꞌ jam tutkuꞌ bhaan.

ROOMA KAM 6:16

¿Jax gix maat japim noꞌt jaroiꞌ tujuandam tugiꞌñ kɨꞌn miꞌ paiꞌ ba ai buiñor gu jax chuꞌm gɇꞌkam puiꞌ pɨx cham ji namkidhat? ¿Cham aam aaꞌndaꞌ na miꞌ puiꞌ tu duñiidhaꞌ na jax tɨɨdaidhaꞌ gu gɇꞌkam tugiꞌñ, na guꞌ pu kaiꞌñkam mi aayaꞌ? Puꞌñi ɨp dho noꞌ jaroiꞌ buiñor jup tuiꞌdhiꞌ gu uaꞌtulhdharaꞌ, jum aaꞌndaꞌ na miꞌ puiꞌ tu duñiidhaꞌ na jax jix aaꞌndaꞌ, ku guꞌ dhiꞌ mu jaꞌk bhɨichdhaꞌ ji na paiꞌ gammɨjɨ miꞌ pup jum tulhiiñdhaꞌ. Guꞌ baꞌ noꞌt jaroi buiñor jup ai gu Dios, pu kaiꞌñkam buiñor jup aayaꞌ na miꞌ puiꞌ jimiaꞌ na jax jup jix aaꞌ.

ROOMA KAM 6:6

Baꞌ bax maat ich nat guch uaꞌtulhdharaꞌ bɨɨx bhaiꞌ pup bii bɨɨmaꞌn guch Xoiꞌkam bhaan gu uꞌuux na gai bɨɨt na mɨt bhaan sissapa janoꞌ na mɨt mua, baꞌ xib cham tuꞌch dhaam kap tuꞌiiꞌ.

ROOMA KAM 7:14

Jix maat ich ɨp na puiꞌ na jɨꞌk jax tu aagix jir tɇꞌkob kam, cham tuꞌr yaꞌ kam dhi oiꞌñgaꞌn bhaan. Baꞌ aach nach jir yaꞌ kam dhi oiꞌñgaꞌn bhaan, jaꞌp ji buusan nach gaꞌlhix buiñor gu uaꞌtulhdharaꞌ na baꞌ miꞌ dhɨr jup tuch juantuꞌn nach jup tu buadaꞌ na tuꞌr jix buam jum duukam.

ROOMA KAM 7:25

Dai dho gu Dios jix bhaaiꞌ na pu duñiaꞌ, dhiꞌ nañ jaroiꞌ taxchaabgiꞌñ aañ bhaankam gu Gɇꞌkam jich Xoiꞌkam. Baꞌ sia kuñ tɨi tɨ jɨɨgiꞌñ nar puiꞌ na jɨꞌk jax tu aagix buiñor gu Dios, guñ chuukuꞌ bhaan miꞌ puiꞌ tu daaꞌñchuꞌ iñ na jax jiñ jurtuꞌn gu uaꞌtulhdharaꞌ.

ROOMA KAM 8:21

Na guꞌ gu Dios pɨx dɨɨlh puiꞌ jaꞌk tu duñiaꞌ na jax jaꞌk gio pu chuꞌm jup tu biꞌyaꞌ nat jax pɨk kaiꞌñkam jup tu duu, na gio tuꞌp bax chu bhaaiꞌn kaꞌ, cham tuꞌ na gatuuk cham paiꞌ tu matgilhiaꞌ. Na guꞌ xib bhaan jup tuꞌiiꞌ gu tulhiiñaraꞌ dhiꞌ nat jɨꞌk tuꞌp tu duu gu Dios. Baꞌ gu Dios pɨx dɨɨlh giox joiꞌmdaip ja tɨɨgɨix bhaiꞌ ja duñiaꞌ, puiꞌ ɨp na jax jix joiꞌmdat ja palhbuiꞌñ guiꞌ na maamraꞌn ba ja ɨlhiiꞌñ.

EEPESO KAM 2:2

Miꞌ puiꞌ tu daaꞌñchugɨt japim nam jax jix buam tu jimdaꞌ gu jaꞌtkam nam yaꞌ dhi oiꞌñgaꞌn dai bhaan tɨtɨɨꞌñcho, jix jɨɨgiꞌñdhat japim na jax jam jurtuꞌnkaꞌ guiꞌ na iiꞌmdaꞌ bhaan jix jaiꞌch na bɨxchuꞌx bhaaiꞌ na pu tu duñiaꞌ, dhiꞌ na jaiꞌ iꞌiiꞌmdaꞌ puiꞌ ja daam jup tuꞌiiꞌ nam puiꞌ cham jup jir kɨkɨɨꞌ. Dhiꞌ baꞌ mɨk jaꞌk ja bhɨichdhatgɨdaꞌ gu jaꞌtkam na dɨɨlh jax ɨlhiiꞌñ guiꞌ nam jɨꞌk cham miꞌ puiꞌ jiimdaꞌ na jax jix aaꞌ gu Dios.

TIITO 3:3

Puiꞌ dhor tuꞌm kat ich ji bɨɨpɨꞌ dɨr nach chakui tɨ jɨɨꞌñdhat buiñor guch Xoiꞌkam, bɨɨx aixim tu buadaꞌ ich na tuꞌ cham jir kɨɨꞌ, nach guꞌ pu cham tuꞌ kaꞌm nɨiꞌñdhaꞌ gu Dios, jaꞌp ji buusandaꞌ pɨx nach jir tujuandam tugiꞌñ kaꞌ gux buam jum duukam. Maiꞌ suulhgix kat ich tuꞌ sɨlhkam kɨꞌn, dai nach xich jɨjɨɨgak kaꞌ tuꞌ na pɨx bhaan nach jax dhuix bhaak kaꞌ.

2 PEEGRO 2:19

Puiꞌ xi ja tɨtdat am nam dai puꞌñi jaꞌk jix jɨjɨkgɨm jup tuiꞌkaꞌ noꞌm puiꞌ xi chu bua nam jax jaꞌk tu jimdaꞌ dɨɨlh, gio sap nam cham tuꞌm tulhiiñaꞌ sia kum puꞌñi jaꞌk tu jim. Guꞌ ji nam guꞌ pu dɨɨlh maiꞌ suulhgix kat jup tuiꞌkaꞌ nam giilhim bɨɨx aixim tu buadaꞌ na jax cham kɨɨꞌ kaꞌm nɨiꞌñ gu Dios. Bax bhaiꞌ ba ja dagiaꞌ gux buam jum duukam, nam guꞌ miꞌ puiꞌ xi chu buidhaꞌ na jax ja chiandaꞌ. Iam guꞌ nam tuꞌ kaꞌm nɨiꞌñdhaꞌ gɨt gu Dios.