JUAN 8:28 - Tepehuano Tepehuán del Sureste (Durango)

²⁸ Baꞌp ja tɨtda ɨp gio: ―Janoꞌ ji na pim paiꞌ dhuuk bañ xissapaꞌ kuruus taꞌm na pim baꞌ ba machiaꞌ nañ aañ jir diꞌ nañ bɨjɨk dɨr pux jaiꞌch bɨɨmaꞌn guñ Gɨꞌkoraꞌ, nañ cham tuꞌ aañ dɨɨlh pɨx puiꞌ tu bua nañ jax ɨlhiiꞌñ, guꞌ jaꞌpji na jax pɨx jiñ chɨɨdaim ji guñ Gɨꞌkoraꞌ nañ tu jam aꞌgiꞌñ.

JUAN 8:28 Iomraidhean Croise

MAARKOS 13:6

Nam guꞌ muiꞌ yaꞌ aayaꞌ nam puiꞌ ja tɨtdaidhaꞌ gu jaꞌtkam nam aañ jir guiꞌ kaꞌ, jup kaiꞌchidhaꞌ am: “Aañ jir diꞌ guch Xoiꞌkam.” Baꞌ giilhim muiꞌ ja iatgidhaꞌ am.

LUUKAS 21:8

Baꞌp ja tɨtda gu Jesuus: ―Na paiꞌ dhuuk bar miaꞌn kaꞌ na puiꞌ ba ji chum duñiaꞌ, muiꞌ pɨx yaꞌ ba ji ɇɇdaꞌ am guiꞌ nam puiꞌ kaiꞌchdhaꞌ na sap panaas aañ jir guiꞌ kaꞌ am. Jup kaiꞌchdhaꞌ am: “Aañ jir diꞌ guch Xoiꞌkam. Bam ai nañ paiꞌ dhuuk ya aayaꞌ.” Aapiꞌm cham ja jɨɨgiꞌñdhaꞌ, nam guꞌ jam iatgiꞌñdhaꞌ.

JUAN 11:42

Nañ guꞌ aañ jix maat nap gammɨjɨñ kɇɇkɇꞌñ Gɨꞌkoraꞌ sia nar paiꞌ dhuuk, nañ guꞌ aañ jum aꞌmkam pɨx ya jaꞌp oirɨ. Baꞌ xib jiñ aꞌm jum aaꞌ nañ jix bhaiꞌm duukam jup tu duñiaꞌ ja nɨiꞌñchudat dhi jaꞌtkam nam kapbhaiꞌ muiꞌ yaꞌp tuꞌiiꞌ, nam baꞌ machiaꞌ na pich aap bhañ joot yaꞌ dhi oiꞌñgaꞌn.

JUAN 13:19

Xib dɨr jañ puiꞌ ba pup xi jam tɨtdañ jaaduñ na pim baꞌ ba pup jix mat kaꞌ, ampɨk na puiꞌ tum kuugalhdhaꞌ, na pim baꞌx ioꞌm ba tɨ jɨɨgiꞌñdhaꞌ noꞌt puiꞌ ba tum duu na aañ pɨx jir diꞌ guch Xoiꞌkam nañ jax pu bar diꞌ sia bɨjɨk dɨr.

JUAN 16:10

Nañ guꞌ aañ jaꞌxbuiꞌp jir gɇꞌkam kat yaꞌ oirɨt tɨi tu ja aꞌgiꞌñ na jax jaꞌk jix kɨɨꞌ kaꞌm nɨiꞌñ gu Dios nam tuiꞌñgɨdaꞌ. Dhiꞌ bhaan ba matgilhiaꞌ nañ puiꞌp jir tuꞌm na guñ Gɨꞌkoraꞌ, nañ guꞌ pu jimiaꞌx dhaam buiñor, na pu cham jaroiꞌ paiꞌ kañ chɨgiaꞌ.

JUAN 18:32

Baꞌ dhiꞌ puꞌñi jaꞌk kaiꞌch am na jax dhui pɨx puiꞌm kuugalhdhaꞌ na jax pu ba kaiꞌch dɨɨlh gu Jesuus nam saak kuruus taꞌm sissapa gu jaꞌtkam nam paiꞌ dhuuk muꞌaaꞌ, nam guꞌ puꞌñi jaꞌk tu jimdaꞌ gu Rooma kam jaꞌtkam, kuruus taꞌm jam ja sissapdaꞌ guiꞌ nam jix buam tu buadaꞌ.

JUAN 19:18

Bhammɨ na mɨt aichdhak dho guꞌ dai na mɨt ba sissapa kuruus taꞌm. Gio jaiꞌ gook jamɨt bɨxxik dɨr jup ja sissapa puiꞌ kukrus taꞌm ɨp, ɨrban baꞌ gu Jesuus.

JUAN 3:11

Tuꞌ sɨlhkam jañ yaꞌ pum tɨɨdaꞌ, na aañ bɨɨx nañ jɨꞌk jax tu aꞌga, nɨidhix kam jup kaiꞌch iñ, cham tuꞌ nañ jax aajim pɨx nañ puiꞌ tu aꞌgim. Muiꞌ dhɨt jam dhox chu maat nañ aañ cham tuꞌ iatdaꞌ tu aꞌga, guꞌ ji na guꞌ aapiꞌm na pim jɨꞌk jir gɇꞌgɇrkam jaꞌp xi dhuukat, ni jɨꞌx ku pim cham jiñ jɨɨgiꞌñ.

JUAN 3:14

Jiñ xissapaꞌ am baꞌ kuruus taꞌm jaꞌp na jax gu koꞌ gup duñiixim nat uux chaꞌm sissapak bɨjɨk gu Moisees mummu na paiꞌ oilhimɨk gampɨx ja bɨɨm gu Israel kam jaꞌtkam.

JUAN 4:26

Baꞌ gu Jesuus jup tɨtda: ―Aañiꞌ dhor diꞌ nañ yaꞌ tum aꞌgiꞌñ.

JUAN 5:19

Baꞌp ja tɨtda gu Jesuus: ―Tuꞌ sɨlhkam jañ yaꞌ pu jam tɨɨdaꞌñ jaaduñ, ni jɨꞌx kur puiꞌ iam na pim jax jum aaꞌ. Na guꞌ aañ cham tuꞌp tu bua gu tuꞌ nar jix bhaiꞌm duukam gu aañ dɨɨlh pɨx, sia kuñ jir maraaꞌn gu Dios, guꞌ ji noꞌt puiꞌ ba tɨi guñ Gɨꞌkoraꞌ nañ tuꞌ jax duñiaꞌ nañ baꞌ aañ miꞌ dhɨr puiꞌp tu duñiaꞌ bhaankamuꞌn. Na guꞌ bɨɨx na jɨꞌk tuꞌ jax buadaꞌ guñ Gɨꞌkoraꞌ, aañ miꞌ dhɨr bhaankamuꞌn puiꞌp tu duñiidhaꞌ.

JUAN 5:30

Jaꞌpni baꞌ moop ja tɨtda gu Jesuus: ―Aañ pɨx bhaankamuꞌn guñ Gɨꞌkoraꞌ yaꞌ ja mattudaꞌ gu jaꞌtkam nam jɨꞌk miꞌ puiꞌ jiim na jax jix aaꞌ, gio nam jɨꞌk cham miꞌ puiꞌ jiim. Ku guꞌ cham tuꞌ aañ dɨɨlh ji nañ jax ɨlhiiꞌñdhaꞌ, guꞌ jaꞌpji dai na jax jiñ chɨɨdaidhaꞌ pɨx guiꞌ nat bhañ joot. Dhiꞌ baꞌ bhaan jix maatɨꞌ kaꞌ nar sɨlhkam nañ jax tu aꞌga,

JUAN 6:38

Na ñich guꞌ aañ cham tuꞌ jax kaiꞌñkam bha jii bhammɨ dɨr jix dhaam nañ yaꞌ ɇɇji bɨɨx aixim ba ji chu buimiaꞌ nañ jax ɨlhiiꞌñ dɨɨlh, guꞌ jaꞌpji nat jax pɨx jiñ chɨɨꞌn ji guiꞌ nat bhañ joot.

JUAN 8:24

Puiꞌ kuñ baꞌp jam tɨtda na pim yaꞌ pu koꞌyaꞌ jix uꞌuaꞌtulhdhix kam noꞌ pimɨt cham tɨ jɨɨꞌñ nañ aañ jir diꞌ nañ bɨjɨk dɨr pux jaiꞌch bɨɨmaꞌn guñ Gɨꞌkoraꞌ. Yaꞌ pup jir biꞌxim kaꞌ pim jix uꞌuaꞌtulhdhix kam.

JUAN 8:27

Guꞌ ji na mɨt guꞌ cham maatɨt kai na guch Gɨꞌkoraꞌ aagɨt jup kaiꞌch gu Jesuus.

JUAN 8:58

Baꞌp ja tɨtda gu Jesuus: ―Tuꞌ sɨlhkam jañ yaꞌ pu jam tɨɨdaꞌ, bɨɨpɨꞌ dɨr pux jaiꞌch iñ aañ nat baꞌ gu Abraam yaꞌ maaxirɨk gio cham jup ka jaiꞌch.

GU NOONBIꞌÑ GUCH XOIꞌKAM 2:41

Baꞌ muiꞌ tɨ jɨɨꞌñ jamɨt gu puiꞌ nat jax jaꞌk tu ja aꞌgi gu Peegro, aixkam jɨꞌk baik miil. Miꞌ dhɨr baꞌ dai na mɨt bam bopko, gio baꞌ na mɨt ba ja bɨɨnat guiꞌ nam jɨꞌk pu bɨɨpɨꞌ dɨr ba tɨ jɨɨgiꞌñdhaꞌ buiñor guch Xoiꞌkam.

GU NOONBIꞌÑ GUCH XOIꞌKAM 4:4

Ku guꞌ muiꞌ tɨ jɨɨꞌñ jamɨt ji buiñor guch Xoiꞌkam guiꞌ na mɨt jɨꞌk ja kai na mɨt jax tu ja aꞌgi gu Peegro gio gu Juan. Baꞌx ioꞌm bar muiꞌ am guiꞌ nam jɨꞌk tɨ jɨɨgiꞌñdhaꞌ buiñor guch Xoiꞌkam, jɨꞌk jix chamaam miil jam dho moo aix gu dai chichioꞌñ.

ROOMA KAM 1:4

Baꞌ nat paiꞌ dhuuk muukɨk giop dua guch Xoiꞌkam, dhiꞌ bhaan matgir na sɨlhkam jir Maraaꞌn gu Dios na bɨxchuꞌx bhaaiꞌ na pu tu duñiaꞌ, na ni jaroiꞌ gu jaꞌppɨx maaꞌnkam cham jɨꞌxdhat pu tu duñiaꞌ, gam nat cham tuꞌ bhaan jum uaꞌtulh sia pɨk nar jax kaꞌ gɨt.