JUAN 8:25 - Tepehuano Tepehuán del Sureste (Durango)

²⁵ Baꞌp tɨtda am: ―¿Jir tuꞌp tuꞌm daꞌ ap gi nap baꞌ puiꞌ kaiꞌch nap bɨjɨk dɨr pux jaiꞌch? Baꞌp ja tɨtda gu Jesuus: ―Dho nañ jax ba kaiꞌch na ñich jax dhɨr yaꞌ ai.

JUAN 8:25 Iomraidhean Croise

LUUKAS 22:67

―Ea nap jich aagiꞌñdhaꞌ nach jaꞌp tuꞌm xim tɨkkam. ¿Jaꞌp aa sɨlhkam aap jir diꞌ guch Xoiꞌkam? Baꞌp ja tɨtda gu Jesuus: ―Jax dhui na pim cham tuꞌñ jɨɨgiꞌñdhaꞌ sia kuñ tɨip jam aagiꞌñ nañ aañ jir diꞌ.

JUAN 1:19

Baꞌ gu Judea kam jaꞌtkam nam bhammɨ oiꞌñkaꞌ Jerusaleen, mu ja joot jamɨt jɨꞌkchi guiꞌ nam mu jaꞌp jir gɇꞌgɇrkam kaꞌ chichiop nam paiꞌ tu daandaꞌ, gio jaiꞌ guiꞌ nam jir bopxiꞌñ gu Lebii nam jir tutpilh kaꞌ, nam sap tɨkkapuꞌ gu Juan jaꞌtkam bopkondam nar tuꞌp tuꞌm daꞌ. Baꞌ guiꞌ mu ɇɇk jup ba tɨkka am, jup tɨtda am: ―Aach jaꞌpnich chɨɨdak bhach joot jamɨt gu gɇꞌgɇrkam nap sap jich aagiꞌñdhaꞌ nap jir tuꞌp tuꞌm daꞌ na pich baꞌ yaꞌ pɨx ba ji kaiꞌñcha nap ja bopkon gu jaꞌtkam cham jum ɨlhdham.

JUAN 1:22

Gio mɨt moop ka xi chɨkka, jup tɨtda am: ―Gi noꞌp moop xich aagiꞌñ jiñ jaduuñ nap jir tuꞌp tuꞌm daꞌ, nach baꞌ ja aagiꞌñdhaꞌ guiꞌ na mɨt bhach joot nap cham tuꞌ jaꞌp pɨx yaꞌ puiꞌ tu bua.

JUAN 10:24

Baꞌ gu gɇꞌgɇrkam Israel kam miꞌ ji sooꞌmdhak bhaiꞌ ba tɨkka am gu Jesuus, jup tɨtda am: ―Gi noꞌp jup bach aagiꞌñ noꞌp aap jir diꞌ guch Xoiꞌkam na saak bha jimdaꞌ. ¿Jɨꞌx jach baꞌ mɨk jup ka tɨ nɨɨraꞌ nach baꞌ pɨk ba machiaꞌ? Kuch cham tuꞌ bhaan ka tɨtɨɨꞌñchokaꞌ.

JUAN 19:9

Baꞌ gio bhɨjɨ jaꞌk jup xi baidhak baꞌk chɨr gu Jesuus, gio baꞌp ba tɨkka, jup tɨtda: ―¿Gir pa jaꞌk kam aap jiñ jaduuñ jaꞌp moo gux gɨꞌm? Noꞌp moo sɨlhkam jup xiñ aagiꞌñ. Cham ñiok gu Jesuus na tɨi tɨkka. Miꞌ pɨx pu tuꞌiiꞌ.

JUAN 8:12

Baꞌ gio bhaiꞌp ji chu ja aꞌgi gu Jesuus gu jaꞌtkam, jup ja tɨtda: ―Aañ jir diꞌ guiꞌ na joidham gɇꞌ tanoor yaꞌ dhi oiꞌñgaꞌn. Gu jaroiꞌ na bañ kaichgɨdaꞌ, cham tuꞌx chukgam kɨr kap tuiꞌñgɨdaꞌ. Joidham jix chu maax kɨr ba oirɨdaꞌ, na guꞌ ba machiaꞌ na jax jaꞌk miꞌ puiꞌ jimdaꞌ na jax jix aaꞌ guñ Gɨꞌkoraꞌ.

JUAN 8:24

Puiꞌ kuñ baꞌp jam tɨtda na pim yaꞌ pu koꞌyaꞌ jix uꞌuaꞌtulhdhix kam noꞌ pimɨt cham tɨ jɨɨꞌñ nañ aañ jir diꞌ nañ bɨjɨk dɨr pux jaiꞌch bɨɨmaꞌn guñ Gɨꞌkoraꞌ. Yaꞌ pup jir biꞌxim kaꞌ pim jix uꞌuaꞌtulhdhix kam.

JUAN 8:26

Muiꞌx jaiꞌch nañ tuꞌ tu jam aꞌgidhaꞌ, na pim guꞌ cham miꞌ puiꞌ jiimchuꞌ na jax jir am. Ku guꞌ cham tuꞌ ji na aañ dɨɨlh nañ jax ɨlhiiꞌñ, gu jaꞌpji na jax jix aaꞌ guiꞌ nat bhañ joot. Jaꞌpniñ baꞌ pɨx tu jam aꞌgiꞌñ, nañ guꞌ aañ jix maat nar sɨlhkam nat jax jiñ chɨɨꞌn guiꞌ nat bhañ joot.