JUAN 8:2 - Tepehuano Tepehuán del Sureste (Durango)

² Baꞌ buimgidhak jix dhaꞌnpam jix chu maaxirɨk giop miꞌp ba ai gɇꞌ chiop. Jaꞌxpɨx baꞌ na mɨt jix ioꞌm muiꞌ miꞌ xi ai gu jaꞌtkam buiñor, mi jaꞌp ji dhaibuk bhaiꞌ ji chu ja aꞌgi.

JUAN 8:2 Iomraidhean Croise

MATEO 26:55

Miꞌ dhɨr baꞌ moop ja tɨtda guiꞌ na mɨt miꞌ ba daa: ―¿Guꞌ aapiꞌm jax ku pim baꞌ bɨxchuꞌ kukxir ji chu uaꞌkat bha jaꞌk jiim gam uꞌuux jix kaapak? ¿Tuꞌ ɨxkum jiñ ɨlhiiꞌñ japim aa? ¿Moo cham bhaaiꞌ aa na pim bhammɨ puñ dhagiaꞌ gɨt gɇꞌ chiop nañ moo bhaiꞌ pu oirɨt tu jam aꞌgiꞌñdhaꞌ gammɨjɨ nabap tanoolh?

LUUKAS 21:37

Baꞌ gu Jesuus dai tataab jaꞌk miꞌ tu ja aꞌgiꞌñdhaꞌ gu jaꞌtkam gɇꞌ chiop, jurnɨk jaꞌk baꞌ ba jimiaꞌ na ba tɨbiapmɨraꞌ baasɨꞌn jaꞌp oidhaꞌ taꞌm Oliibostam.

LUUKAS 21:38

Na jax pɨx ji chonnidhaꞌm miꞌ ba aayaꞌ gu jaꞌtkam gɇꞌ chiop nam jix kaim kaꞌ gu Jesuus na tu ja aꞌgiꞌñdhaꞌ.

LUUKAS 4:20

Baꞌ nat tɨɨmok gu Jesuus nat ja jiñkaix, giop xi ñansapak gu uꞌuan mu jaꞌk xi maakak guiꞌ na miꞌr tujuandam chiop mi jaꞌp ji dhaibu ɨp gio. Guꞌ ji nam guꞌ bha tɨ nɨiꞌñ gu jaꞌtkam nam tɨ nɨɨra na ja aagiꞌñdhaꞌ na jax kaiꞌñkam jup jum kaiꞌch miꞌ nat paiꞌ ja jiñkaix.

LUUKAS 5:3

Baꞌ guiꞌ na Simoon Peegro jir kanuub gaꞌn bhaan xi chɨsdɨk jup tɨtda na palhɨɨp kuuꞌ xi jimiichdhaꞌ miꞌ dhɨr juꞌñdharam, bhaiꞌ baꞌ dɨr daakat bha tu ja aꞌgiꞌñ gu jaꞌtkam muiꞌ nam miꞌp tuꞌiiꞌ.

JUAN 4:34

Guꞌ ji na guꞌx bhaiꞌ xi ja aagiꞌñ gu Jesuus, jup ja tɨtda: ―Matgam cham ji na tu bhioꞌmodaꞌ noꞌñ moo tuꞌ sɨlhkam soiꞌñ ɨlhiiꞌñ jaꞌp na jax aañ xib, nañ guꞌ cham paiꞌ iam pɨx am jix bhioꞌ, na guꞌ dai nañ tɨix jotma nañ ba tɨɨmoꞌ gɨt nat jax jiñ chɨɨdak bhañ joot guñ Gɨꞌkoraꞌ.

JUAN 8:20

Jaꞌpni tu ja aꞌgi gu Jesuus mɨjɨ gɇꞌ chiop mi sonpan ji kɨkbuk na paiꞌm tuaꞌbaꞌ gu tuumiñ. Ku guꞌ cham jaroiꞌ juan ji, nat guꞌ chakuim ai na paiꞌ dhuuk tu daaxix nam dagiaꞌ.

JUAN 8:3

Guꞌ baꞌ guiꞌ nam sap jix mat kaꞌ gu ñioꞌkiꞌñ gu Dios, gio guiꞌ nam pariseos jum tɨɨtɨꞌndaꞌ, mu paiꞌ ji chɨɨgɨk jamɨt maaꞌn gu ubii na jumai pɨx ba oiꞌñchuꞌ gu maaꞌnkam, cham tuꞌ guiꞌ nat jaroiꞌ oi bɨɨpɨꞌ dɨr. Mi jaꞌp ba kɨɨs am ja saagiꞌñ,

GU NOONBIꞌÑ GUCH XOIꞌKAM 5:21

Baꞌ guiꞌ puiꞌp jum duu mɨt na jax ja tɨtda gu nobiiꞌñ gu Dios. Kabuimuk jamɨt mu ji baapkɨk chiop bhaiꞌ ji chu ja aꞌgi gu jaꞌtkam. Ampɨk na gu ja gɇꞌkam tuk guiꞌ nam bhaiꞌ gɇꞌ chiop tu daandaꞌ ja aꞌmkam gu Israel kam jaꞌtkam, ja bɨɨm guiꞌ nam jɨꞌk maap jix bhaiꞌm daaꞌnkaꞌ, kiaꞌpɨx naiꞌ jaꞌp ka tu ja joochxiꞌñ am nam bhaiꞌm jumpadaꞌ bɨɨx guiꞌ nam jɨꞌk jir jix aꞌaixkam gu Israel kam, nam sap baꞌ maap bhaiꞌ ja iattulhdhaꞌ gu noonbiꞌñ guch Xoiꞌkam, nam guꞌ pu cham maat noꞌ mɨt jup ba bubua. Baꞌ na mɨt paiꞌ dhuuk bɨɨx bhaiꞌ bam jumaap, xi ja joot jamɨt gu oꞌrosiiris nam ja baiꞌñpuꞌ gu noonbiꞌñ guch Xoiꞌkam mu na mɨt paiꞌ ka ja kuupak.