JUAN 8:12 - Tepehuano Tepehuán del Sureste (Durango)

¹² Baꞌ gio bhaiꞌp ji chu ja aꞌgi gu Jesuus gu jaꞌtkam, jup ja tɨtda: ―Aañ jir diꞌ guiꞌ na joidham gɇꞌ tanoor yaꞌ dhi oiꞌñgaꞌn. Gu jaroiꞌ na bañ kaichgɨdaꞌ, cham tuꞌx chukgam kɨr kap tuiꞌñgɨdaꞌ. Joidham jix chu maax kɨr ba oirɨdaꞌ, na guꞌ ba machiaꞌ na jax jaꞌk miꞌ puiꞌ jimdaꞌ na jax jix aaꞌ guñ Gɨꞌkoraꞌ.

JUAN 8:12 Iomraidhean Croise

MATEO 5:14

’Gio baꞌ moo jaꞌpnip ji buan japim yaꞌ dhi oiꞌñgaꞌn na jax gux chu maax, na guꞌ na pim jax bax maat jia paiꞌ jax chuꞌm oidhaꞌ taꞌm noꞌ daaꞌñxim jir gɇꞌ kiicham, na guꞌ mɨk dɨr jaꞌp bhammɨx chu maax kaꞌ, baꞌ cham jɨꞌxkat jum ɨxchuꞌ.

LUUKAS 2:32

Na guꞌ dhiꞌ baꞌr diꞌ guiꞌ na joidham gɇꞌ tanoor na ja bɨꞌñxidhaꞌ bɨɨx gu jaꞌtkam nam jɨꞌk jix jaiꞌch, baꞌ miꞌ dhɨr dai nam pɨx jix bhaiꞌ ba ja aaꞌndaꞌ gum jaꞌtkam tuk Israel kam na pich jix bhaiꞌ ba ja duu.

JUAN 12:35

Baꞌ gu Jesuus jup ja tɨtda ɨp gio: ―Aañ pɨx ba jam aagiꞌñ iñ jiñ jaaduñ nañ jax jiñ dhuñiaꞌ jootom, cham jañ moo puiꞌ pɨx jam tɨtda. Baꞌ noꞌ pim jix aaꞌ na pim jix chu maax kɨr bap tuiꞌkaꞌ, miꞌ pim puiꞌ ba jimiaꞌ nañ jɨꞌk jax tu aꞌga, na guꞌ aañ jaꞌp ji buusan nañ joidham gɇꞌ tanoor nañ jɨꞌx yaꞌ kapup oirɨ. Cham maat japim guꞌ na pim pa jaꞌk bhɨichuꞌ na pim guꞌx chu tukgam kɨr jup tuꞌiiꞌ.

JUAN 12:36

Ba tɨ jɨɨꞌñdhaꞌ pim aañ jiñ bui nañ yaꞌ kap tuꞌiiꞌ jam bui nañ tu jam bɨꞌñxiꞌñ, na pim baꞌñ bɨɨm bap tuiꞌkaꞌ na paiꞌ joidham jix chu maax. Baꞌ miꞌ na puiꞌ xi chu ja aꞌgidhimɨk gu Jesuus, miꞌ pɨx jaꞌp ji bhɨi, pu jii oꞌñchixim. Cham paiꞌ ka tɨɨ mɨt.

JUAN 12:46

Na ñich guꞌ aañ bha jii jia yaꞌ dhi oiꞌñgaꞌn nañ yaꞌ tu ja bɨꞌñxidhaꞌ gu jaꞌtkam nam jix chu tukgam kɨr jup tuꞌiiꞌ, na guꞌ aañ jaꞌp ji buusan nañ joidham gɇꞌ tanoor, na baꞌ gu jaroiꞌ na ba tɨ jɨɨꞌñdhaꞌ aañ jiñ bui, jix chu maax kɨr ji biꞌyaꞌ.

JUAN 14:6

Baꞌ gu Jesuus jup tɨtda: ―Aañiꞌ dhor diꞌ gux kɨɨꞌ boi na bhaan jum bhɨbhɨɨ jix dhaam jaꞌk na paiꞌ cham ka tu muukiꞌ. Jum aaꞌ na aañ jiñ bui tɨ jɨɨꞌñdhaꞌ gu jaroiꞌ na baꞌ jimiaꞌ jix dhaam jaꞌk buiñor guñ Gɨꞌkoraꞌ.

JUAN 3:19

Na guꞌ giilhim jix ioꞌm jum tulhiiñaꞌ gu jaroiꞌ noꞌ cham tɨ jɨɨgiꞌñ buiñor guiꞌ na joidham gɇꞌ tanoor na yaꞌ tɨi oirɨ. Baꞌ xib guiꞌ nam pu cham tɨ jɨɨgiꞌñ buiñor, giilhim jamɨt dho gɇꞌ bam uaꞌtulh, na guꞌ dai nam jix joiꞌñ nam bɨɨx aixim tu bua na tuꞌr jix buam jum duukam.

JUAN 7:17

Noꞌ jaroiꞌx maachim na miꞌ puiꞌ jimiaꞌ na jax jix aaꞌ gu Dios na tuiꞌñgɨdaꞌ, ba mattudaꞌ na Dios jir ñioꞌkiꞌñ nañ jax tu aꞌga, cham tuꞌ aañ dɨɨlh pɨx nañ jax ɨlhiiꞌñ.

JUAN 9:5

Na guꞌ xib nañ maaxik yaꞌ ka oirɨ dhi oiꞌñgaꞌn bhaan, joidham gɇꞌ tanoor iñ na kɨꞌn jix chu maax kɨr bap tuiꞌñgɨdaꞌ gu jaroiꞌ noꞌ moox aaꞌndaꞌ gɨt.

GU NOONBIꞌÑ GUCH XOIꞌKAM 13:47

na guꞌ puiꞌ jaꞌk jix aaꞌ gu Dios na puiꞌ jaꞌk tu uaꞌñix bhaan gu uꞌuan, na jaꞌpnim kaiꞌch: Aañ puiꞌ jaꞌk tuꞌm kɨꞌn bam dai nap jaꞌp ji buusniaꞌ na jax guiꞌ na kɨꞌn jix chu maax kaꞌ ja bui bɨɨx gu jaꞌtkam nam jaiꞌ ñiiñioꞌk kɨꞌn tu aꞌga, na baꞌ yaꞌ dɨr jaꞌp jaꞌk jix bhaaiꞌn kaꞌ nap tu ja aꞌgiꞌñmɨraꞌ bɨɨx kap na jɨꞌx jir oiꞌñgaꞌn nam baꞌ maatɨi miꞌ puiꞌ ba jimiaꞌ nañ jax jaꞌk cham ka ja tulhiiñchudaꞌ.

GU NOONBIꞌÑ GUCH XOIꞌKAM 26:23

na saak puꞌñi gatuuk yaꞌ aayaꞌ guch Xoiꞌkam nam baꞌ muꞌaaꞌ, ku guꞌ sap gatuuk na xi muukɨi, dhiꞌ pɨk jir bɨɨpɨꞌ kam kaꞌ ji na giop bamgiaꞌ duadɨi miꞌ dhɨr koiꞌñgaꞌn tɨr. Miꞌ dhɨr baꞌ jaꞌp ji buusniaꞌ na ja bɨꞌñxidhaꞌ gu Israel kam jaꞌtkam na ba ja aagiꞌñdhaꞌ na jax jaꞌk duuji uañchudaꞌ gu Dios gu ja uaꞌtulhdharaꞌ, sia guiꞌ nam cham jir Israel kam jaꞌtkam.

2 PEEGRO 2:17

Dhiꞌ pu chuꞌm gu jaꞌtkam jaꞌpni pɨx ji buan am na jax noꞌ tɨi mu jaꞌp paiꞌ gɇꞌgɇr kakolhbixdhix gu suudaiꞌ, guꞌ ji noꞌ guꞌ pu cham mi suuꞌn, jir jaꞌp pɨx kaꞌ baꞌ na mi kakolhbixdhix kaꞌ. Piam jaꞌpni ɨp na jax gu tɨbaaꞌ noꞌ bha jaꞌp paiꞌ ka daraa, guꞌ ji noꞌt guꞌ jotmodaꞌ muiꞌ ji jɨb, pu cham paiꞌ matgilhiaꞌ, na guꞌ paiꞌ na jaꞌk jax ja doodaꞌ. Puꞌñi pɨx jaꞌk jup ji bubuakiaꞌ am dhiꞌ, nam guꞌ dhiꞌ ba biꞌchulhdhix nam mu jaꞌk bhɨɨyaꞌ na paiꞌ giilhim jix chu tukgam, na pu cham tu maax ni jɨꞌx.

2 PEEGRO 2:4

Jaꞌpni nat jax ja doodaꞌ janoꞌ gu noonbiꞌñ na mɨt jum uaꞌtulh buiñor. Tɨɨꞌ nat moo janoꞌ tu chia nam ja daꞌngɨi ja buuprai mu jaꞌk xi ja iabuꞌ na paiꞌr tu tulhiiñaraꞌ, na giilhim jir jix chukgam kɨr, cham tuꞌ nat paiꞌp tu ja uañ na mɨt jum uaꞌtulh buiñor. Xib dho guꞌ dai nam pɨx am tɨ nɨɨr janoꞌ nam paiꞌ dhuuk bhammɨ aayaꞌx dhaam na paiꞌ ja aagiꞌñdhaꞌ guch Xoiꞌkam na mɨt tuꞌ bhaan jum uaꞌtulh nam baꞌ bam tulhiiñ.

1 JUAN 1:6

Baꞌ noꞌch aach jax kaiꞌch nach sɨlhkam tɨ jɨɨꞌñdhat miꞌ puiꞌ ba jiim na jax jix aaꞌ, guꞌ ji noꞌch guꞌx chu tukgam tɨr jup tuꞌiiꞌ puiꞌ xi kaiꞌchɨt, ba iatdaꞌ ich pɨx, cham tuꞌ paiꞌ sɨlhkam tɨ jɨɨgiꞌñdhaꞌ ich buiñor.

JUUDAS 1:13

Gio baꞌ jaꞌpni jaꞌk pɨx jup ji buan am dhiꞌ na jax gu gɇꞌ suudaiꞌ na giilhim bha sɨlh guꞌngukdaꞌ noꞌx jɨbɨɨr. Gu ja uaꞌtulhdharaꞌ baꞌ jaꞌpni ɨp na jax gu toksoꞌ na miꞌ dhɨr jaꞌp katkaꞌ bɨɨx suudaiꞌ jugiiꞌñ, jix ikooraꞌ giox chanaaraꞌ na jax aaꞌ gu pu chuꞌm, nam guꞌ dhiꞌ dhi jaꞌtkam giilhim bɨxchuꞌ bhaan jum uaꞌtulhiꞌñ. Jaꞌpni pɨx jup ba ji buan am na jax gu chiichiaꞌ noꞌm gammɨjɨ pɨx pup jiim, na guꞌ dhiꞌ ba ja biꞌchulhdhix nam mummu ja iabuꞌ maaꞌn kap na paiꞌ giilhim jix ioꞌm jix chukgam, nam paiꞌ gammɨjɨ miꞌ pup jum tulhiiñdhaꞌ.

JUUDAS 1:6

Gio jaꞌpni ɨp na jax gu noonbiꞌñ gu Dios janoꞌ na mɨt gɇꞌkam kɨꞌn jum uaꞌtulh buiñor, na mɨt dai dɨɨlh gɇꞌgɇrkam ba jim ɨlh, gio na mɨt puiꞌ ba ji chu duu nam dɨɨlh jax ɨlhiiꞌñ. Jaiñ nat cham tuꞌ tu ja uañ gu Dios, pu moo janoꞌ ji nat tu chia nam ja buuprai bapaiñum tɨtropiñ kɨꞌn mɨjɨ jaꞌp ka xi ja kuupaꞌ miꞌ maaꞌn kap na paiꞌx ioꞌm jix chu tukgam, janoꞌ juugɨt na paiꞌ dhuuk tum kuugalhdhaꞌ yaꞌ dhi oiꞌñgaꞌn na xi ja aaꞌñdhai na mɨt tuꞌ bhaan cham am bua na baꞌ moo mu jaꞌk xi ja iabuꞌ nam paiꞌ gammɨjɨ miꞌ pup jum tulhiiñdhaꞌ.

NAT JAX TƗ TƗƗ GU JUAN 21:24

Joidham jix chu maax kɨr jam jup tuiꞌkaꞌ gu jaꞌtkam nam bhammɨ aayaꞌ bɨɨx kap dɨr na jɨꞌx oiꞌñgaꞌn bhaiꞌ dhi gɇꞌ kiicham. Gio guiꞌ nam jir gɇꞌgɇrkam kat bɨɨx kap na jɨꞌx oiꞌñgaꞌn na mɨt miꞌ puiꞌ jii na jax jix aaꞌ, tuꞌ kaꞌm tɨɨgɨi xi chu makiaꞌ am gux dhaꞌram namkɨm gu Dios.