JUAN 7:7 - Tepehuano Tepehuán del Sureste (Durango)

⁷ Aañ matgam giilhim xiñ bhaamkiꞌñ am ji gu jaꞌtkam nañ xi ja aagiꞌñdhaꞌ nam jix buam pɨx tu buadaꞌ na jax cham jir am. Guꞌ noꞌ cham tuꞌ bhaan tu aꞌga jaroiꞌ jaꞌp na jax aapiꞌm, ¿tuꞌm gi kɨꞌn biaꞌ nam bhaiꞌ ji jam bhaamkidhaꞌ?

JUAN 7:7 Iomraidhean Croise

LUUKAS 6:26

’Sia cham bhaiꞌ tu jam jimiaꞌ na pim jix bhaiꞌm taatɨt pɨx gɇꞌgɇrkam jum taat kaꞌ noꞌm tuꞌ kaꞌm jam ɨlhdhat pɨx jix bhaiꞌ kaiꞌch jam bui muiꞌ gu jaꞌtkam. Puꞌñip ja buimɨk am guꞌ bɨjɨk gu jaꞌtkam guiꞌ nam sap pɨk baꞌ bhaankam tu aꞌgadaꞌ gu Dios.

JUAN 17:14

Nam baꞌ cham pɨk moo jax xim aaꞌndaꞌ, nam guꞌ bɨɨx pɨx gu jaꞌtkam bax ja bhaamkiꞌñ nam aañ bañ kaichuꞌ, gam nam cham puiꞌ jaꞌk ka tu jim nam jax tu jim dɨɨlh, nam guꞌ dai puiꞌ pɨx jaꞌk ba tu daaꞌñchuꞌ nañ jax jaꞌk ja aagiꞌñ gum ñiꞌook na pich jɨꞌk jax jiñ chɨɨꞌn.

JUAN 3:19

Na guꞌ giilhim jix ioꞌm jum tulhiiñaꞌ gu jaroiꞌ noꞌ cham tɨ jɨɨgiꞌñ buiñor guiꞌ na joidham gɇꞌ tanoor na yaꞌ tɨi oirɨ. Baꞌ xib guiꞌ nam pu cham tɨ jɨɨgiꞌñ buiñor, giilhim jamɨt dho gɇꞌ bam uaꞌtulh, na guꞌ dai nam jix joiꞌñ nam bɨɨx aixim tu bua na tuꞌr jix buam jum duukam.

ROOMA KAM 8:7

Gio guꞌ guiꞌ nam puꞌñi dai bhaan jix buam jum aaꞌndaꞌ na jax ja jurtuꞌnkaꞌ gu ja tutkuꞌ nar yaꞌ kam dhi oiꞌñgaꞌn, dhiꞌ bhaan jix maatɨꞌ kaꞌ nam jix bhaamkiꞌñdhaꞌ gu Dios, na guꞌ cham bhaaiꞌn kaꞌ nam jax dhui miꞌ puiꞌ jimiaꞌ na jax tu aagix buiñor, gio guꞌ cham jɨꞌxkat miꞌ puiꞌ jimiaꞌ am sia pɨk jax kaꞌ gɨt.

GALAASIA KAM 4:16

Panaas ku pimɨt dhiꞌ kɨꞌn bañ bhaamki na ñich xi jam aaꞌñ na tuꞌr sɨlhkam.

SANTIAGO 4:4

Jaꞌp japim pɨx ba ji buan jiñ jaaduñ na jax gu jax chuꞌm ubii noꞌ tɨi bɨɨmaꞌn tɨɨmuiꞌx maaꞌn gu chioꞌñ, noꞌ guꞌ jumai bɨɨmaꞌn boppo. Dhiꞌ pu chuꞌm gu jaꞌtkam cham tuꞌ ja kɨɨgalhiꞌñ gu Dios, na pim guꞌx maat na gu jaroiꞌ noꞌ puꞌñi pɨx jaꞌk tu jim, noꞌ dai bɨɨx aixim tu bua na jax cham jir am, cham tuꞌ bhaan tɨ nɨidhidhaꞌ gu Dios, jir kɨꞌdargaꞌn kaꞌ pɨx, na guꞌ cham miꞌ puiꞌ jimdaꞌ na jax jix aaꞌ.

1 JUAN 4:5

Na guꞌ dai gu tuꞌ nar yaꞌ kam dhi oiꞌñgaꞌn nam bhaan tu aꞌgidhaꞌ na jax jaꞌk ja jurtuꞌnkaꞌ gux buam jum duukam, cham tuꞌ gu ñioꞌkiꞌñ gu Dios. Baꞌ joidham ja kɇɇkɇꞌ am guiꞌ nam cham tuꞌ kaꞌm nɨiꞌñdhaꞌ gu Dios, na guꞌ bɨɨx ja koꞌraardaꞌ nam jax jaꞌk tu ja aꞌgiꞌñdhaꞌ, na guꞌr yaꞌ kam kaꞌ pɨx dhi oiꞌñgaꞌn bhaan.