JUAN 7:41 - Tepehuano Tepehuán del Sureste (Durango)

⁴¹ Jɨꞌmaꞌn maakam jup ɨlhiiꞌñ am, jup kaiꞌch am: ―Jaꞌpji na pur dhiꞌ guch Xoiꞌkam. Guꞌ ji nam guꞌ jaiꞌ cham tɨ jɨɨgiꞌñ, jup kaiꞌch am: ―¿Jax dhui miꞌ paiꞌ dhɨr jup ba ji buusniaꞌ Galilea guch Xoiꞌkam?

JUAN 7:41 Iomraidhean Croise

JUAN 1:41

Baꞌ xim jotmaꞌn gu Anrees nat gaagam gu jaꞌnniꞌñ Simoon. Baꞌ nammɨ gama jaꞌk tɨɨgɨk ba aagiꞌñ, jup tɨtda: ―Ampɨx maat jachich dho gi ji baꞌ guch Xoiꞌkam guiꞌ na saak Dios bha jootsaꞌ. Kani maik jach tɨɨꞌmpuꞌ.

JUAN 1:46

Baꞌ bhaiꞌ ji ñio gu Natanail, jup kaiꞌch: ―¿Siamri aa chi moo bhaiꞌ dhɨr jup ba ji buusniaꞌ ja bui gu Nasareet kam jaꞌtkam gu tuꞌ nar jix kɨɨꞌp jum duukam? Baꞌp tɨtda gu Piliip: ―Dho na baꞌ. Kani gɨt maik jach tɨɨꞌmpuꞌ nap baꞌñ jɨɨgiꞌñdhaꞌ.

JUAN 1:49

Baꞌp kaiꞌch ɨp gio gu Natanail: ―Xib jañ dho gi bax maat ji nap aap jir diꞌ gu Maraaꞌn gu Dios jiñ jaduuñ. Tɨɨꞌ nap guꞌ jax bɨxchuꞌx chu matdaꞌ. Aap bak baꞌ yaꞌ bar gɇꞌkam kaꞌ ja bui gu Israel kam jaꞌtkam.

JUAN 4:25

Baꞌ gio bhaiꞌp ji ñio gu ubii, jup kaiꞌch: ―Dho guꞌ aach yaꞌ pɨx tɨi nɨɨra ji guch Xoiꞌkam na saak bha jimdaꞌ na baꞌ yaꞌ tuch aꞌgidhaꞌ na jax jaꞌk jix bhaiꞌ nach tuiꞌñgɨdaꞌ.

JUAN 4:29

―Muni dhaa maaꞌn gu maaꞌnkam na paiꞌ tum baꞌiiꞌ na giilhim bɨɨx jix bhaiꞌx maat nañ jax jiñ buaꞌt oirɨdaꞌ. ¿Cham aa chir diꞌ guch Xoiꞌkam guiꞌ na saak bha jimdaꞌ? Pu ka gor maik jach tɨɨꞌmpuꞌ.

JUAN 4:42

Baꞌp tɨtda am gu ubii: ―Xib jach dho gi ba tɨ jɨɨgiꞌñ ji nar dhiꞌ guch Xoiꞌkam na yaꞌ uañchudaꞌ guch uaꞌtulhdharaꞌ. Ku guꞌ cham tuꞌ ji na moo dai aap nap jup jich chɨtda na puiꞌx bhaiꞌx maat nap jax jum buadaꞌ, jaꞌpji na chich dɨɨlh ba kai na giilhim joidham xi bua na xi chu aꞌga.

JUAN 6:69

Guꞌ aach dai aap pɨx bhaiꞌ bam nɨidhim ji, na chich guꞌ bɨɨx jich jujur kɨꞌn ba tɨ jɨɨꞌñ aap jum bui, nach guꞌ bax maat nap aap jir diꞌ guch Xoiꞌkam nap jir Maraaꞌn gu Dios nat bham joot.

JUAN 7:27

¿Gi jax dhuukat baꞌp jix maatɨꞌ nar paiꞌ kam? ¿Cham aa guꞌ cham maatɨꞌ kaꞌ gɨt na paiꞌ dhɨr buusniaꞌ noꞌr diꞌ kaꞌ gɨt guch Xoiꞌkam?

JUAN 7:31

Kum ti guꞌ puiꞌ pɨx muiꞌ jaꞌtkam jup tɨ jɨɨꞌñ ji buiñor, jup kaiꞌch am: ―¿Jax gi chi jaꞌk tu buidhaꞌ guch Xoiꞌkam na paiꞌ dhuuk ya aayaꞌ? ¿Cham aa puꞌñi pɨx na jax ba tu bua dhi jaduuñ na jɨꞌk tuꞌr jix bhaiꞌm duukam?

JUAN 7:52

Baꞌ giilhim bhaak jamɨt nat puiꞌ xi ja tɨɨꞌn, jup tɨtda am: ―¿Aap jup jix ja oiꞌñ aa gu Galilea kam jaꞌtkam? Jix bhaiꞌp tu jiñkaiꞌñdhaꞌ gu ñioꞌkiꞌñ guch Gɨꞌkoraꞌ nap baꞌx mat kaꞌ nat chakui jaroiꞌ miꞌ dhɨr buus na bhaankamuꞌn tu aꞌgimɨk guch Gɨꞌkoraꞌ. ¿Kaꞌ xib baꞌ moop bax bhaaiꞌ aa nat miꞌ dhɨr ba ji buus?