JUAN 7:28 - Tepehuano Tepehuán del Sureste (Durango)

²⁸ Baꞌ na miꞌ ka tu aꞌgichuꞌ gɇꞌ chiop gu Jesuus, ba ja kai nam jax kaiꞌch, baꞌp ja tɨtda gɇꞌ kɨꞌn nam baꞌ bɨɨx kaayaꞌ: ―Cham tuꞌ ji na pim jiñ maat matgam nañ jir paiꞌ kam, na pim guꞌ cham maat na ñich jumai bhaankamuꞌn bha jii, na pim aapiꞌm cham maat nax bhaiꞌ nam buiñor jix biiñak kaꞌ bɨɨx na jɨꞌk jaꞌtkam.

JUAN 7:28 Iomraidhean Croise

MATEO 11:27

Miꞌ dhɨr baꞌ moo jaꞌpni bhaiꞌp ji chu ja aꞌgi gu jaꞌtkam, jup ja tɨtda: ―Aañ bhañ joot guñ Gɨꞌkoraꞌ jix dhaam dɨr nañ baꞌ bhaankam ya jaꞌp ja aagiꞌñdhaꞌ gu jaꞌtkam na tuꞌr jix bhaiꞌm duukam. Baꞌ dɨɨlh pɨx jix maat guñ Gɨꞌkoraꞌ nañ jir tuꞌp tuꞌm daꞌ, nañ guꞌr Maraaꞌn, gio aañ yaꞌ dɨr mu jaꞌk dɨɨlh pɨx jup jix maat ɨp guñ Gɨꞌkoraꞌ nar tuꞌp tuꞌm daꞌ. Ku baꞌ guꞌ gu jaroiꞌ noꞌ moo jaꞌp tuꞌ sɨlhkam kɨꞌn jix maachim nach jir tuꞌp tuꞌm daꞌ gook dɨt guñ Gɨꞌkoraꞌ, aañiꞌ dho aagiꞌñdhaꞌ.

MATEO 2:23

Baꞌ nat jax mummɨ ai, miꞌ dhɨr mu jaꞌk jup bhɨi na puiꞌ tɨ tɨɨꞌ Nasareet. Baꞌ dhiꞌ puꞌñi jaꞌk jum kuugalh gu puiꞌ na mɨt jax jaꞌk tu uaꞌnak guiꞌ nam bɨjɨk bhaankam tu aꞌgimɨk gu Dios, na saak guch Xoiꞌkam puiꞌ jaꞌk jix mat kaꞌ am gu jaꞌtkam: Jesuus Nasareet kam.

MATEO 26:55

Miꞌ dhɨr baꞌ moop ja tɨtda guiꞌ na mɨt miꞌ ba daa: ―¿Guꞌ aapiꞌm jax ku pim baꞌ bɨxchuꞌ kukxir ji chu uaꞌkat bha jaꞌk jiim gam uꞌuux jix kaapak? ¿Tuꞌ ɨxkum jiñ ɨlhiiꞌñ japim aa? ¿Moo cham bhaaiꞌ aa na pim bhammɨ puñ dhagiaꞌ gɨt gɇꞌ chiop nañ moo bhaiꞌ pu oirɨt tu jam aꞌgiꞌñdhaꞌ gammɨjɨ nabap tanoolh?

LUUKAS 10:22

Baꞌp ja tɨtda guiꞌ nam miꞌp tuꞌiiꞌ: ―Aañ bɨɨx tuñ maa guñ Gɨꞌkoraꞌ na jɨꞌk tuꞌx chu jaiꞌch, na guꞌ dai aañ jix bhaiꞌ xiñ maat nañ jir tuꞌp tuꞌm daꞌ, nañ guꞌr maraaꞌn. Gio aañ yaꞌ dɨr mu jaꞌk dai aañ dɨɨlh pɨx jup jix maat guñ Gɨꞌkoraꞌ nar tuꞌp tuꞌm daꞌ. Guꞌ baꞌ gu jaroiꞌ noꞌx maachim nach jir tuꞌp tuꞌm daꞌ gook dɨt, aañiꞌ dho aagiꞌñdhaꞌ.

LUUKAS 2:11

Jaꞌpniñ tuꞌm jam uaꞌtulhiꞌñ: Maaꞌn bhaꞌñi dhɨr maaxir gu alhii xib dhi tukaaꞌ na paiꞌ kiokat bɨjɨk gu Dabii. Dhiꞌr diꞌ guiꞌ na pim nɨɨra na saak bha jootsaꞌ gu Dios yaꞌ dhi oiꞌñgaꞌn na jam palhbuidhaꞌ.

LUUKAS 2:39

Baꞌ na mɨt bɨɨx puiꞌ xi chu duuk gu gɨꞌkorgaꞌn gu Jesuus na jax jaꞌk aagix na tu uaꞌñix gu ñiokiꞌñ gu Dios, giop ba jii mɨt mu jaꞌk Nasareet nam paiꞌ oiꞌdhaꞌ, na paiꞌ Galilea bhaan bipioꞌ guiꞌ gu dɨbɨɨr.

LUUKAS 2:4

Puꞌñi duuk baꞌ gu Josee ma jii miꞌ dhɨr Nasareet na Galilea bhaan bipioꞌ gu dɨbɨɨr, bhammɨ jaꞌk bhɨi Beleen na paiꞌ Judea bhaan bipioꞌ ɨp guiꞌ gu dɨbɨɨr, nat guꞌ bhaiꞌ maaxir gu boxiiꞌñ Dabii nar gɇꞌkam kat bɨjɨk.

LUUKAS 2:51

Ku guꞌ pu ja oi ji baꞌ gu Jesuus mu jaꞌk Nasareet puiꞌ xi ja tɨɨdak, na guꞌx ja kɇɇkɇꞌ tuꞌ nam chiandaꞌ. Baꞌ puiꞌ pɨx jum aaꞌndaꞌ juraꞌram bhaan gu dɨꞌɨɨꞌn na jax baꞌr jum duukam na jax jaꞌk tu jim gu Jesuus, tɨim gaꞌngadaꞌ.

JUAN 1:46

Baꞌ bhaiꞌ ji ñio gu Natanail, jup kaiꞌch: ―¿Siamri aa chi moo bhaiꞌ dhɨr jup ba ji buusniaꞌ ja bui gu Nasareet kam jaꞌtkam gu tuꞌ nar jix kɨɨꞌp jum duukam? Baꞌp tɨtda gu Piliip: ―Dho na baꞌ. Kani gɨt maik jach tɨɨꞌmpuꞌ nap baꞌñ jɨɨgiꞌñdhaꞌ.

JUAN 10:36

Guꞌ baꞌ aañ puꞌñi ɨp xib, miꞌ puiꞌ xi chu duñiim iñ nat jɨꞌk jax jiñ chɨɨdak bhañ joot guñ Gɨꞌkoraꞌ yaꞌ dhi oiꞌñgaꞌn bhaan. Guꞌ ji na pim guꞌ aapiꞌm yaꞌ puiꞌñ chɨtda nañ gɇꞌkam kɨꞌn jiñ uaꞌtulhiꞌñ buiñor nañ puiꞌ xi jam tɨtda nañ guiꞌr maraaꞌn nat bhañ joot.

JUAN 12:49

Nañ guꞌ aañ cham tuꞌ dɨɨlh pɨx puiꞌ tu aꞌga jia gammɨjɨ nañ dɨɨlh jax ɨlhiiꞌñ, jaꞌpji daipuꞌ nat jɨꞌk jax pɨx jiñ chɨɨdak bhañ joot guñ Gɨꞌkoraꞌ.

JUAN 14:10

¿Kaꞌp ji cham tɨ jɨɨgiꞌñ aa Piliip nañ jup kaiꞌch nañ aañ buiñor jup tuiꞌdhiꞌ guñ Gɨꞌkoraꞌ, gio na guñ Gɨꞌkoraꞌ mu dɨr bha jaꞌk jiñ buip tuiꞌdhiꞌ ɨp? Jax dhui nañ moop jam tɨtda ɨp nañ aañ cham tuꞌ puiꞌ tu aꞌga gammɨjɨ nañ dɨɨlh jax ɨlhiiꞌñ pɨx, daipuꞌ ji na jax pɨx jiñ chɨɨdaim guñ Gɨꞌkoraꞌ nañ buip tuiꞌdhiꞌ. Guiꞌ pɨx jiñ aꞌm dɨr jix bhaiꞌm duukam jup tu bua, nach guꞌ gook dɨt maaꞌn iiꞌmdaꞌp duuk.

JUAN 14:31

Guꞌ ji na guꞌm aaꞌ na puiꞌ tum kuugalhdhaꞌ nañ jax ba jam tɨtda, nam baꞌ machiaꞌ gu jaꞌtkam nañ aañ tuꞌ kaꞌm nɨidhat miꞌ puiꞌ jim na jax jix aaꞌ guñ Gɨꞌkoraꞌ, puiꞌ kuñ baꞌ bɨɨx puiꞌ tu kuugalhdhaꞌ nat jɨꞌk jax jiñ chɨɨdak bañ joot. Jaꞌpni dho. Maigor jach ba jiimdaꞌ.

JUAN 16:3

Guꞌ jaꞌpji nam pu cham jich mat kaꞌ ji nach jir tuꞌp tuꞌm daꞌ gook dɨt guñ Gɨꞌkoraꞌ kum baꞌ puiꞌ jam doodaꞌ, cham tuꞌ nam moo sɨlhkam xich mat kaꞌ.

JUAN 17:25

Baꞌ guiꞌ nam jɨꞌk cham tɨ jɨɨgiꞌñ na pich aap bhañ joot, pu cham dhom maat am jiñ Gɨꞌkoraꞌ, nam guꞌ cham jɨꞌxdhaꞌm tɨgiaꞌ gu maaxik, nap guꞌ giilhim jix uañ kɨꞌn kɨɨk. Dai guiꞌ nam jɨꞌk ba tɨ jɨɨgiꞌñ na pich aap bhañ joot nam baꞌ xim maat, jaꞌp na jax aañ nañ jix bhaiꞌ xim maat jiñ Gɨꞌkoraꞌ.

JUAN 17:3

ku guꞌ noꞌ mɨt bam maat jiñ Gɨꞌkoraꞌ nap dai aap jir gɇꞌkam na jɨꞌx oiꞌñgaꞌn, gio aañ noꞌ mɨt bañ maat nañ jir tuꞌp tuꞌm daꞌ na pich bhañ joot nañ mu ja baidhikaꞌ.

JUAN 3:2

Baꞌ maaꞌnnim muiꞌ mam dɨkoo gu Nikodeemo nat muiꞌ ma jii tukaaꞌñ chaꞌm mu na paiꞌ tɨbiap gu Jesuus. Mummu ba ji buus, baꞌp tɨtda: ―Bax maat ich jiñ jaduuñ nat aap Dios bham joot nap yaꞌ tuch aꞌgidhaꞌ nach jax jaꞌk miꞌ puiꞌ jiimdaꞌ na jax jix aaꞌ, nach guꞌ cham paiꞌ jaroiꞌ puiꞌ nɨidhat nax bhaiꞌ tu bua na tuꞌr jix bhaiꞌm duukam noꞌ cham bhaan tɨ nɨidhim gu Dios jaꞌp na jax aap nap bɨxchuꞌx aichuꞌn nap pu tu duñiaꞌ.

JUAN 3:33

nam guꞌ cham tɨ jɨɨgiꞌñ na jax kaiꞌch gu Dios bhaan gu uꞌuan taꞌm na tu uaꞌñix. Noꞌm guꞌ moo tɨ jɨɨgiꞌñdhaꞌ gɨt na jax jum kaiꞌch, matgam ba tɨ jɨɨꞌñdhaꞌm gɨt ji buiñor guiꞌ nat jix dhaam dɨr bha jii.

JUAN 5:32

Jaꞌpji na guꞌx maatɨꞌ nar sɨlhkam nañ jax tu aꞌga, na guꞌ guiꞌ nat bhañ joot puiꞌp jam mattuꞌn. ¿Cham aa dhiꞌ kat bap jum kaiꞌch?

JUAN 5:43

Guꞌ aapiꞌm guꞌ iatdaꞌ ji na pim joidham ɨlhiiꞌñ noꞌ jaroiꞌ ya jaꞌp paiꞌ ba tu aꞌgim dɨɨlh pɨx na jax ɨlhiiꞌñdhaꞌ, guꞌ baꞌ gu jaroiꞌ noꞌ tɨi sɨlhkam xi chu aꞌga, gampaiꞌ pɨx biaꞌkaꞌ pim. Jaꞌp na jax aañ xib nañ bhaankamuꞌn ya jaꞌp tɨi ba tu aꞌga guñ Gɨꞌkoraꞌ, tuꞌ pɨx jiñ ɨlhiiꞌñ japim jam jaaxmakar.

JUAN 6:42

Bhaiꞌ ji ñiokbo mɨt, jup kaiꞌch am: ―¿Jax ku baꞌ puiꞌ kaiꞌch dhi jaduuñ? ¿Cham aar diꞌ gu Jesuus tɨɨgim, maraaꞌn gu Josee, gio gu dɨꞌɨɨꞌn jach jup jix maat ɨp? ¿Jax gi ji ku baꞌp jich chɨtda: “Aañ bhammɨ dɨr jim jix dhaam”?

JUAN 7:14

Baꞌ na paiꞌ bar ɨrban na bhaiꞌ tum dar oꞌnam tɨr, bhammɨ ba ai gu Jesuus gɇꞌ chiop, mɨjɨ baakɨk bhaiꞌ ji chu ja aꞌgi gu jaꞌtkam.

JUAN 8:14

Guꞌ ji na guꞌp ja tɨtda gu Jesuus: ―Dho guꞌ cham jax bua ji sia kuñ dɨɨlh jiñ aꞌmkam ñiok, na guꞌr puiꞌ nañ jɨꞌk jax kaiꞌch, nañ guꞌx maat na ñich paiꞌ dhɨr bha jii gio nañ pa jaꞌk jim. Aapiꞌm na pim guꞌ cham maat nañ paiꞌ dhɨr jaꞌk jim gio nañ pa jaꞌk bhɨichuꞌ.

JUAN 8:16

na guꞌ nañ jɨꞌk jax ɨlhiiꞌñ nañ tɨꞌiidhaꞌ sia nar paiꞌ dhuuk, jir puiꞌ kaꞌ, na guꞌ cham tuꞌ aañ dɨɨlh jup kaiꞌchidhaꞌ, guꞌ matgam guñ Gɨꞌkoraꞌ ji nat bhañ joot.

JUAN 8:19

Baꞌp kaiꞌch am gu pariseos: ―¿Paa baꞌ jax chuꞌiiꞌ gum Gɨꞌkoraꞌ? Baꞌp ja tɨtda gu Jesuus: ―Jax dhui na guꞌ ni aañ ku pim xiñ maat nañ jir tuꞌp tuꞌm daꞌ, chi baꞌ pɨk jup bax maat japim guñ Gɨꞌkoraꞌ. Noꞌ pim guꞌ xiñ maat kaꞌ gɨt aañ, puiꞌ pim dhop jix maat kaꞌ gɨt guñ Gɨꞌkoraꞌ.

JUAN 8:26

Muiꞌx jaiꞌch nañ tuꞌ tu jam aꞌgidhaꞌ, na pim guꞌ cham miꞌ puiꞌ jiimchuꞌ na jax jir am. Ku guꞌ cham tuꞌ ji na aañ dɨɨlh nañ jax ɨlhiiꞌñ, gu jaꞌpji na jax jix aaꞌ guiꞌ nat bhañ joot. Jaꞌpniñ baꞌ pɨx tu jam aꞌgiꞌñ, nañ guꞌ aañ jix maat nar sɨlhkam nat jax jiñ chɨɨꞌn guiꞌ nat bhañ joot.

JUAN 8:42

Baꞌp ja tɨtda gu Jesuus: ―Matgam noꞌ Dios jir jam taat kaꞌ gɨt, xiñ kɨɨgalhiꞌñdhaꞌ pim gɨt ji, na ñich guꞌ aañ bhammɨ dɨr bha jii na paiꞌp tuꞌiiꞌ. Cham tuꞌ nañ dɨɨlh pɨx ya jaꞌp jimdat puiꞌ ba tu jam aꞌgidhim, guꞌ jaꞌpji gu Dios nat bhañ joot.

JUAN 9:29

nach guꞌx maat nat Dios bha ñioꞌkdhak na baꞌ bhaankamuꞌn tu aꞌgimɨk. Guꞌ guiꞌ gu maaꞌnkam, pu cham maat ich ji na paiꞌ dhɨr jaꞌk jimdat ya jaꞌp pu tu buim.

GU NOONBIꞌÑ GUCH XOIꞌKAM 17:23

Baꞌ maaꞌn kap na ñich tɨ tɨɨ mu jaꞌp na pim paiꞌ jax chu daan ja bui gu jam didios tuk, bha tu uaꞌñix bhaan guiꞌ na pim miꞌ tu ja makgɨrxiꞌñ, na jaꞌpnim kaiꞌch, “Gu Dios na cham jaroiꞌ maat.” Baꞌ dhiꞌ dhi Dios na pim puiꞌ cham maat na pim daan, aañiꞌ dho jam aagiꞌñdhaꞌ nar jaroiꞌ dhaꞌ.

ROOMA KAM 1:28

Ku guꞌ dɨɨlh ji gu Dios nat xi ja doꞌñcho pɨx nam puiꞌ jaꞌk jum duñiaꞌ, gio nam pu tu duñiaꞌ nam jax jix aaꞌ dɨɨlh, na mɨt guꞌ cham aa nam miꞌ puiꞌ jimiaꞌ na jax jix aaꞌ, na mɨt guꞌ dai bhaan ba tɨtɨɨꞌñcho gu tuꞌ na cham jir kɨɨꞌ. Baꞌ cham jax bua siam chi baꞌ pum buimɨk jax ñam ɨlhiiꞌñ dɨɨlh, sia ku tɨi cham jir am.

ROOMA KAM 3:4

Chaam tuꞌ ji matgɨm. Jax dhui na guꞌ gu Dios maaꞌn na jax miꞌ puiꞌ duiñchuꞌndaꞌ jax na tɨꞌyaꞌ sia nar jax kaꞌ gɨt, cham tuꞌ na maakam jup ba kaiꞌchdhaꞌ gatuuk. Dai ji gu jaꞌtkam yaꞌ kam dhi oiꞌñgaꞌn nam baꞌ maakam jup ba ɨlhiiꞌñdhaꞌ jax nam xi chɨꞌji. Na guꞌ jaꞌpnim kaiꞌch maaꞌn kap na tu uaꞌñix nat paiꞌ tu uaꞌnak maadɨt gu bɨjɨk dɨr kam na buiñor tu daan gu Dios: Bɨɨx pɨx jam puiꞌm biaꞌkaꞌ nap dai aap jix bhaiꞌ ji buusnichuꞌ, nap guꞌ gammɨjɨ puiꞌ tu duñiidhaꞌ nap jax kaiꞌchdhaꞌ. Baꞌ cham jɨꞌxdhaꞌ jaroiꞌ jax jum tɨɨdaꞌ nap tuꞌ bhaan cham am buatuꞌ, nap guꞌ bɨɨx puiꞌ tu duiñchuꞌ.

2 KORIINTO KAM 1:18

Siax maat gu Dios nach cham tuꞌr gook ñiokdam, jax dhui nach guꞌ gammɨjɨ puiꞌ pu jam tɨtdadaꞌ na maaxik jir sɨlhkam kaꞌ jax nach kaiꞌchdhaꞌ.

2 KORIINTO KAM 4:6

Nat guꞌ gu Dios guiꞌ nat tu chia bɨjɨk na miꞌ dhɨr jaiꞌchdhɨlhiaꞌ gux chu maax na paiꞌx chu tukgam, mɨmɨich guch jujur nach baꞌ puꞌñi ja bɨꞌñxidhaꞌ gu jaꞌtkam, nañ jaꞌpni kaiꞌñkam jup kaiꞌch nach ja aagiꞌñdhaꞌ gu jaꞌtkam na jɨꞌx jir gɇꞌkam gu Dios, gio na dhiꞌ pɨx bhaan jum maaxiꞌñ guch Xoiꞌkam na jax jir tuꞌm kam gu Dios.

TIITO 1:2

Jum aaꞌ na puꞌñi jaꞌk tu jimiaꞌ gu jaroiꞌ na baꞌx bhaaiꞌn kaꞌ na buiñor jimiaꞌ gu Dios na baꞌ gammɨjɨ buiñor bap tuiꞌkaꞌ. Gu Dios dɨɨlh pu puiꞌ tɨi bɨɨpɨꞌ dɨr nat baꞌ moo bap duu dhi oiꞌñgaꞌn na puꞌñi ja baidhikaꞌ gu jaꞌtkam guiꞌ nam jɨꞌk soiꞌm ɨlhdhai buiñor jum biiñkadai tɨ jɨɨꞌñdhaꞌ. Baꞌ dhiꞌ puiꞌ ji chu buusniaꞌ, na guꞌ gu Dios cham jɨꞌxkat iataꞌ.

ISRAEL KAM 6:18

Xib jach dho baꞌ bax maat jiñ jaaduñ na gu Dios jich Gɨꞌkoraꞌ cham jɨꞌxdhaꞌ iat, jir puiꞌ kaꞌ jax noꞌt ba tɨi. Dhiꞌch baꞌ bhaan jix bhaiꞌch chaat kaꞌ nach jɨꞌk buiñor ba tɨ jɨɨgiꞌñ, na guꞌ cham tuꞌ pɨx jap kaiꞌch nat tuch iimchuda na bhammɨch aichdhaꞌ nach paiꞌ gammɨjɨx jɨjɨkgɨm bap tuiꞌkaꞌ, gio nap kaiꞌch na gammɨjɨch nuukdaidhaꞌ nach jɨꞌk yaꞌ ka oipo dhi oiꞌñgaꞌn bhaan.

1 JUAN 5:10

Baꞌ gu jaroiꞌ noꞌ bɨɨx juraaꞌn kɨꞌn tɨ jɨɨgiꞌñ na guch Xoiꞌkam sɨlhkam Dios jir Maraaꞌn nat bha joot, cham tuꞌ iatdaꞌ ɨlhiiꞌñdhaꞌ noꞌ jaroiꞌ puiꞌ ba tu aꞌgiꞌñ. Guꞌ noꞌ guꞌ cham tɨ jɨɨgiꞌñ na Dios jir Maraaꞌn guch Xoiꞌkam, iatdaꞌ dho pɨx ɨlhiiꞌñdhaꞌ gux bhaiꞌm kaiꞌchdham ñioꞌkiꞌñ gu Dios na bhaan tu aꞌga na guch Xoiꞌkam jir Maraaꞌn nat bha joot bhammɨ dɨr jix dhaam, puiꞌ baꞌ pɨx ba ji buusniaꞌ nax iatbiꞌ gu Dios.