JUAN 6:9 - Tepehuano Tepehuán del Sureste (Durango)

⁹ ―Muni tɨi uaꞌ ji maaꞌn gu alhii jix chamaam gu paan gio gook gu boptop. ¿Tuꞌ gip ja aix, nam guꞌ giilhim jir muiꞌ dhi jaaduñ?

JUAN 6:9 Iomraidhean Croise

MATEO 14:17

Baꞌ guiꞌp kaiꞌch am: ―¿Tuꞌch gip ja makiaꞌ, nach guꞌ cham tuꞌ uaꞌ gu tuꞌ koiꞌ? Dai siamri jɨꞌk jix chamaam gu paan muni paiꞌ pɨx uaꞌ maadɨt, gio baꞌ gook gu boptop.

MATEO 16:9

¿Chakui aa pim maatɨt jiñ ñɨiꞌñ nañ jir tuꞌp tuꞌm daꞌ? ¿Cham aa pim tɨꞌñcho na ñich aañ muiꞌdhalh gu paan gux chamaam na ñich tu ja maa gu muiꞌ jaꞌtkam aixkam jix chamaam mambhɨɨx jix chaꞌtmam ooꞌm? Na mɨt jaiꞌ cham ka jugio bo na pimɨt baꞌ aapiꞌm giop ma tu jumaap bapaalh chaꞌm. ¿Cham aa pim tɨꞌñcho na pimɨt jɨꞌk ja susduiꞌ?

MAARKOS 6:38

Baꞌ ba ja chia nam ja tɨkkaꞌ noꞌm sap cham jaiꞌ dhɨt iam uaꞌ gu koiꞌ, jup ja tɨtda: ―Ea gor xi ja tɨkka noꞌm iam jaiꞌ dhɨt uaꞌ gu koiꞌ. Baꞌ guiꞌ mɨjɨ jaꞌp jup xi ja tɨkkapuk jup tɨtda am gu Jesuus: ―Muni tɨi uaꞌ maadɨt, dai nar gook alh, jix chamaam gu paan gio baꞌ gook gu boptop.

MAARKOS 8:19

¿Jɨꞌk japimɨt bapaalh ja susduiꞌ gu paan gu taꞌtakgaꞌn nat bii janoꞌ na ñich muiꞌdhalhdhak tu ja maa gux chamaam mambhɨɨx jix chaꞌtmam ooꞌm gu jaꞌtkam? Baꞌ guiꞌp tɨtda am: ―Mambhɨɨx daman gook bapaalh dho.

LUUKAS 9:13

Baꞌp ja tɨtda gu Jesuus: ―Aapiꞌm dho yaꞌ ka xi chu ja makiaꞌ, ¿tuꞌ gi pɨk? Baꞌ guiꞌp kaiꞌch am: ―Jax dhui nach jix chamaam pɨx uaꞌ gu paan gio gu gook boptop, pu daipuꞌ. Jir muiꞌ am guꞌ dhi jaꞌtkam. Jɨɨꞌ ji noꞌch jaiꞌp tu taañpuꞌ nach baꞌ bɨɨx maaꞌn jimdam tu ja makiaꞌ nam jɨꞌk yaꞌp tuꞌiiꞌ.

JUAN 11:21

Baꞌp tɨtda gu Jesuus gama jaꞌk nat paiꞌ ba nam: ―¡Ee ja! Noꞌp moo yaꞌp tuiꞌkaꞌ gɨt jiñ jaduuñ, moo chi chakui puiꞌ tuiꞌñgɨdaꞌ gɨt guñ xiix Laasar.

JUAN 11:32

Guꞌ baꞌ nat mu ba ai gu Mariiya na paiꞌm jɨɨpiꞌñ gu Jesuus, mi oꞌlhiaꞌn kɨꞌn kɨkbuk bɨɨpɨꞌ dɨr jup tɨtda soiꞌm ɨlhdhat: ―Aach tak moo yaꞌ cham puiꞌ tuꞌch doodañ jaduuñ. Chi guꞌ moo chakui puiꞌ tuiꞌñgɨdaꞌ gɨt ji guñ xiix noꞌp yaꞌp tuiꞌkaꞌ gɨt aap.

JUAN 21:10

Baꞌp ja tɨtda gu Jesuus: ―Bhaiꞌ gor xi uꞌuuk gu boptop na pimɨt ja bhia kuch yaꞌni tu gaꞌyaꞌ. Bax chuplhiꞌ gu tai.

JUAN 21:13

Baꞌ puiꞌ xi ja tɨɨdak gu Jesuus muiꞌ xi ja maa bɨɨx jɨꞌmaꞌn gu tɨmkalh gio baꞌ gu batoop gaiꞌ nam kɨꞌn tu bisdaꞌ.

JUAN 21:9

Baꞌ nam jax pɨx bhammɨ dɨr ji chɨɨsdim juꞌñdharan, ba tɨɨ mɨt na joidham gɇꞌ tu naaꞌn gu Jesuus, maaꞌn batoop miꞌ dhɨr jaꞌp jup xi chɨk tuupalh dhaam na tu gɇꞌ, gio tɨmkalh gook mi jaꞌp jup xi chuaꞌ.

JUAN 6:11

Baꞌ gu Jesuus nat jax daa gu paan xi chu taxchaabgidhak jix dhaam jaꞌk pɨx muiꞌ ji ja maa gu noonbiꞌñ. Baꞌ guiꞌ miꞌ dhɨr pɨx naiꞌp ji ja maa mɨt gu jaꞌtkam nam mi jaꞌp pɨx jaꞌx dharaa. Gio miꞌ dhɨr gu boptop bɨɨx pɨx muiꞌp ji ja maa mɨt. Bɨɨx jam tu koiꞌmɨk nam jɨꞌx ɨlhiiꞌñ.

JUAN 6:7

Baꞌp kaiꞌch gu Piliip: ―Dho pu ni jax dhui dho, nach guꞌ cham muiꞌ uaꞌ gu tuumiñ. ¿Tuꞌch gi kɨꞌn jup tu sabaꞌdaꞌ gu koiꞌ? Sia ku chich chi moo tɨi ma chu jua jɨꞌk xijum baik masaaꞌn, pu cham dho ja aix gu koiꞌ, sia ñich chi bɨɨx kaꞌm tu sabaꞌlh nañ jɨꞌk maiꞌchiaꞌ gu tuumiñ.

2 KORIINTO KAM 8:9

Gio guꞌx maat japim gu Gɇꞌkam jich Xoiꞌkam nat gampaiꞌ xim duuk yaꞌ xi oilhimɨk dhi oiꞌñgaꞌn bhaan. Nat xich joiꞌmdak jich chɨɨ kut baꞌ puiꞌm duu nach baꞌ aach jix chutumñigam kɨꞌn ji biꞌyaꞌ iiꞌmdaꞌ bhaan, cham tuꞌ na jax pɨk jir jum duukam.

NAT JAX TƗ TƗƗ GU JUAN 6:6

Baꞌ miꞌ ɨrban nam paiꞌ bɨɨx xikoolh dhɨr guguuk gu sasoiꞌ, bhaiꞌ ji chum ñio, jup tum kaiꞌch: ―Yaꞌ dɨr jaꞌp jaꞌk gook kiilo pɨx ba aix kaꞌ gu juun na jɨꞌk maiꞌchiaꞌ gu maaꞌn tanoolh noꞌt tu jua gu jaroiꞌ, piam baik kiilo gu tiriik. Puꞌñi ku pim baꞌ siamri cham xi buadaꞌ gu asait gio gu uubas baraaꞌ, na pim guꞌ puꞌñi cham tuꞌ gammɨjɨ gɇꞌ biaꞌkaꞌ.