JUAN 6:41 - Tepehuano Tepehuán del Sureste (Durango)

⁴¹ Baꞌ pɨx am bhaak jamɨt gu gɇꞌgɇrkam Israel kam nap ja tɨtda gu Jesuus: “Aañ jir diꞌ gux kɨɨꞌ koiꞌ, nañ guꞌ bhammɨ dɨr jim jix dhaam.”

JUAN 6:41 Iomraidhean Croise

LUUKAS 15:2

Baꞌ gu pariseos gio guiꞌ nam sap jix mat kaꞌ gu ñioꞌkiꞌñ gu Dios miꞌ dhɨr jaꞌp jix bhaamut aꞌgichuꞌ am gu Jesuus, jup kaiꞌch am: ―Jaiñ dhiꞌ na saak miꞌ puiꞌ jim na jax jix aaꞌ gu Dios, joidham cham jax ji ja ɨlhdhat ja bɨɨm tu kuaꞌ gux uꞌuaꞌtulhdhix kam.

LUUKAS 19:7

Baꞌ bhaiꞌ ji bhaak jamɨt bɨɨx gu jaꞌtkam nam jɨꞌk jiim, sap nat gan mi ai gu Jesuus buiñor gux uaꞌtulhdhix kam.

LUUKAS 5:30

bax bhaak am guiꞌ nam sap jix mat kaꞌ gu ñioꞌkiꞌñ gu Dios gio guiꞌ nam pariseos jum tɨɨtɨꞌndaꞌ na mɨt ba ja tɨɨ, jup ja tɨtda am guiꞌ nam kaichuꞌ gu Jesuus: ―¿Jax ku pim baꞌ gan ja bɨɨm tu kuaꞌ dhi tuumiñ tutaandam tugiꞌñ gux ioꞌm gɇꞌkam Rooma kam gio dhi jaiꞌ jaꞌtkam nam cham tuꞌ kaꞌm tɨ nɨiꞌñ? Giilhim jix uꞌuaꞌtulhdhix am.

JUAN 1:19

Baꞌ gu Judea kam jaꞌtkam nam bhammɨ oiꞌñkaꞌ Jerusaleen, mu ja joot jamɨt jɨꞌkchi guiꞌ nam mu jaꞌp jir gɇꞌgɇrkam kaꞌ chichiop nam paiꞌ tu daandaꞌ, gio jaiꞌ guiꞌ nam jir bopxiꞌñ gu Lebii nam jir tutpilh kaꞌ, nam sap tɨkkapuꞌ gu Juan jaꞌtkam bopkondam nar tuꞌp tuꞌm daꞌ. Baꞌ guiꞌ mu ɇɇk jup ba tɨkka am, jup tɨtda am: ―Aach jaꞌpnich chɨɨdak bhach joot jamɨt gu gɇꞌgɇrkam nap sap jich aagiꞌñdhaꞌ nap jir tuꞌp tuꞌm daꞌ na pich baꞌ yaꞌ pɨx ba ji kaiꞌñcha nap ja bopkon gu jaꞌtkam cham jum ɨlhdham.

JUAN 6:33

Baꞌ gu koiꞌ na Dios tu maak, jir bhammɨ kam jix dhaam. Aañ baꞌ yaꞌ ja mattudaꞌ gu jaꞌtkam na jax jaꞌk jix bhaaiꞌ nam duñiaꞌ na baꞌ ja makiaꞌ gu Dios gux dhaam kam gu koiꞌ guiꞌ nam kɨꞌn gammɨjɨ pu ba duduakaꞌ gu ja iꞌiiꞌmdaꞌ bhaan.

JUAN 6:43

Guꞌ ji na guꞌ ja kɇɇ gu Jesuus nam jax kaiꞌch, baꞌp ja tɨtda: ―Moo pim cham tuꞌ bhaan ñiokbodaꞌñ jaaduñ.

JUAN 6:48

na guꞌ aañ jir diꞌ gux kɨɨꞌ koiꞌ gux dhaam kam.

JUAN 6:58

Aañiꞌ ji nañ baꞌr diꞌ gux kɨɨꞌ koiꞌ nañ bhammɨ dɨr jim jix dhaam, cham tuꞌ pu chuꞌm na gu manaa nam jax chuꞌm koiꞌmɨk gu bɨjɨk dɨr kam gu jam bopxikat na mɨt puiꞌ pɨx jup koi. Guꞌ matgam noꞌt jaroiꞌ ba tu juu gu koiꞌ nañ aañ jax chuꞌm tu maak, gammɨjɨ ba duakaꞌ ji gu iiꞌmdagaram bhaan.

JUAN 6:60

Baꞌ muiꞌ jaiꞌ dhɨt guiꞌ nam kaichuꞌ gu Jesuus giilhim jix xijaim ɨlhiiꞌñ am gu puiꞌ nat jax tu aꞌga, jup kaiꞌch am: ―¿Jaroo gix maatɨt jup ba kai, na guꞌ giilhim jix xijaim kaiꞌch?

JUAN 6:66

Baꞌ janoꞌ dɨr muiꞌ cham ka kaichgɨdaꞌ am gu Jesuus guiꞌ nam ka kaichgɨt, cham paiꞌ ka aꞌjɨdaꞌ am.

JUAN 7:12

Gam gu jaꞌppɨx jaꞌtkam bha jaꞌp oipot jum ñiñiokboixiꞌñ am. Jɨꞌmaꞌn jup kaiꞌch am: “Joidham jir jix bhaiꞌkam.” Jaiꞌm maakam jup ɨlhiiꞌñ, jup kaiꞌch am: “Chaam tuꞌ, jaꞌpji na jax dhui ja iatgiꞌñ gu jaꞌtkam.”

1 KORIINTO KAM 10:10

Sia cham jir am noꞌch cham tɨ jɨɨgiꞌñ nach miꞌ puiꞌ jimiaꞌ jax ña tɨich chɨtdadaꞌ gu Dios, jaꞌp na mɨt jax jup tu jii jaiꞌ dhɨt guch bopxi kat janoꞌ, ja koi baꞌ gu nobiiꞌñ gu Dios guiꞌ na pu chuꞌm kɨꞌn daa na ja kooꞌndaꞌ gu jaꞌtkam.

JUUDAS 1:16

Baꞌ puꞌñi jaꞌk tu ja jimiaꞌ dhiꞌ dhi jaꞌtkam nañ jaroiꞌ bhaan tu aꞌga, nam guꞌ giilhim buam pɨx tomaat na jax cham puiꞌ jaꞌk aaꞌ gu Dios. Jix bhaiꞌx mat kam xim ɨlhiiꞌñdhaꞌ am gu ñioꞌkiꞌñ gu Dios, gɇꞌgɇrkam jum taatɨt gampaiꞌ pɨx ja ɨlhdhat jix bhaamut ja aaꞌndaꞌ am baꞌ guiꞌ nam sɨlhkam tu aꞌgadaꞌ gu Dios ñioꞌkiꞌñ puiꞌ xi ja aiꞌchuxdhat nam cham tuꞌ maat, nam sap baꞌ dai guiꞌ pɨx mu jaꞌk ja kaichgɨdaꞌ gu jaꞌtkam. Jix bhaiꞌm taat kaꞌ am baꞌ noꞌ mɨt mu jaꞌk ji ja kai, nam guꞌ miꞌ pɨx ja iatgiꞌñdhaꞌ.