JUAN 6:26 - Tepehuano Tepehuán del Sureste (Durango)

²⁶ Baꞌp ja tɨtda gu Jesuus: ―Tuꞌ sɨlhkam jañ yaꞌ pu jam tɨɨdaꞌ na pim jax kaiꞌñkam jiñ gaagim jiñ jaaduñ, na pim giop bax bhioꞌ dho. Guꞌ ni jɨꞌx ji ku pim xim gaꞌnga na jax jir jum duukam nañ baꞌ bɨxchuꞌx aichuꞌn nañ pu tu duñiaꞌ na tuꞌr jix bhaiꞌm duukam, noꞌñ jaxjɨ gɇꞌkam kat baꞌ puiꞌ tu bua, kaꞌ baꞌ guꞌ cham.

JUAN 6:26 Iomraidhean Croise

JUAN 3:3

Baꞌ gu Jesuus jup tɨtda: ―Tuꞌ sɨlhkam jañ yaꞌ pum tɨɨdaꞌ, na gu jaroiꞌ noꞌ cham xim gaꞌnga na jax jaꞌk duuji giop maaxilhiaꞌ, cham tuꞌ bhaan tɨ nɨidhidhaꞌ gu Dios.

JUAN 3:5

Baꞌp tɨtda gu Jesuus: ―Tuꞌ sɨlhkam jañ yaꞌ pum tɨɨdaꞌ, na gu jaroiꞌ noꞌx aaꞌ na gammɨjɨ bhaan tɨ nɨidhidhaꞌ gu Dios, bɨɨpɨꞌm aaꞌ na xim gaꞌngadaꞌ na jax jaꞌk duuji tajaañdhix kaꞌ gux Dhuuduꞌ kam jix Uañ Iiꞌmdaꞌ, na baꞌ miꞌ dhɨr jaꞌp ji buusniaꞌ na ba bakuañix kaꞌ suudaiꞌ kɨꞌn.

JUAN 6:14

Baꞌ gu jaꞌtkam na mɨt tɨɨ nat puiꞌ jɨꞌ tu duu gu Jesuus, jup kaiꞌch am: ―Dhiꞌ ji bak jir diꞌ guiꞌ na saak bha jimdaꞌ na yaꞌ bhaankamuꞌn tu aꞌgaꞌ guch Gɨꞌkoraꞌ.

JUAN 6:15

Bɨɨx aixim ba ji chɨi mɨt, jup kaiꞌch am na sap jir am nam gɇꞌkam kɨꞌn daasaꞌ sia ku cham aaꞌ. Guꞌ ji na guꞌx maat gu Jesuus nam jax kaiꞌch, baꞌ pu jii cham ji ja aaꞌñdhak baasɨꞌn jaꞌk jix ioꞌm oidhaꞌ daam na paiꞌ cham jaroiꞌ oirɨ.

JUAN 6:2

Baꞌ muiꞌ jaꞌtkam mu oiꞌñchuꞌ am, nam guꞌ bɨɨpɨꞌ dɨr ba nɨiꞌñ nax bhaiꞌ tu bua na tuꞌr jix bhaiꞌm duukam, puiꞌ na jax gux kakoꞌkkam na ja duduadhiꞌñdhaꞌ.

JUAN 6:24

Guꞌ baꞌ na guꞌ cham paiꞌ aajim gu Jesuus nam tɨi nɨɨra, ni gu noonbiꞌñ kum cham paiꞌ joiñ nam mu namkipuꞌ, baꞌ na mɨt jax bha tɨɨtɨs kaknub taꞌm, pu jii mɨt bhammɨ dɨr jaꞌk Kapernaum na mɨt ba gaagam.

JUAN 6:30

Baꞌp tɨtda am ɨp gio: ―Dho ea nap maaꞌn jup duñiaꞌ gu tuꞌ nar jix bhaiꞌm duukam jich ñɨiꞌñchudat nach tuꞌ cham paiꞌ nɨiꞌñ, nach baꞌ tɨ jɨɨgiꞌñdhaꞌ aap jum bui noꞌ baabuiꞌr sɨlhkam nap jax kaiꞌch.

JUAN 6:36

Ku guꞌ jaiꞌ dhɨt cham tɨ jɨɨgiꞌñ japim ji noꞌt guiꞌ bhañ joot, sia kuñ guꞌ tɨi jam nɨiꞌñchudat jup tu bua na tuꞌr jix bhaiꞌm duukam.

JUAN 6:47

Tuꞌ sɨlhkam jañ yaꞌ pu jam tɨɨdaꞌ, gu jaroiꞌ noꞌt ba tɨ jɨɨꞌñ aañ jiñ bui, gammɨjɨ bhaan ba tɨ nɨidhidhaꞌ guñ Gɨꞌkoraꞌ,

JUAN 6:53

Guꞌ ji na guꞌ ja kɇɇ gu Jesuus na mɨt giop ba ji ñiokbo, baꞌp ja tɨtda: ―Tuꞌ sɨlhkam jañ yaꞌ pu jam tɨɨdaꞌ, gu jaroiꞌ noꞌt cham tu juu dhiñ chuukuꞌ gio noꞌt cham tu ii guñ ɨꞌɨɨr, aañ na ñich jix dhaam dɨr bha jii, cham tuꞌ bhaan tɨ nɨidhidhaꞌ guñ Gɨꞌkoraꞌ.

JUAN 6:64

Puiꞌ na jax aapiꞌm jaiꞌ dhɨt na pim guꞌ cham tuꞌ bɨɨx jam jujur kɨꞌn tɨ jɨɨgiꞌñ aañ jiñ bui. Baꞌ dhiꞌ na puiꞌ jɨꞌ kaiꞌch gu Jesuus, na guꞌ bɨɨpɨꞌ pux bhaiꞌx mat kaꞌ nam jax chuꞌm cham bɨɨx ja jujur kɨꞌn tɨ jɨɨgiꞌñdhaꞌ, jaꞌp na jax guiꞌ na jaroiꞌ maaxik kɨɨsaꞌ nam boi bhɨichdhaꞌ.

ROOMA KAM 16:18

Dhiꞌ pu chuꞌm gu jaꞌtkam, cham tuꞌ bhaankam tu aꞌga am guꞌ guch Xoiꞌkam, guꞌ jaꞌpji dɨɨlh pɨx nam jax ɨlhiiꞌñ nam jax dhui dhiꞌ bhaan ja maiꞌchiaꞌ ɨp sap pɨk baꞌ gu jaꞌtkam nam baꞌ puiꞌp xi ja kaichgɨdaꞌ. Joidham jix bhaiꞌ xi buidhaꞌ am nam jax jaꞌk ja iatgidhidhaꞌ guiꞌ nam cham mat kaꞌ na jax jaꞌk jir sɨlhkam.

PILIIPOS KAM 2:21

Na guꞌ jaiꞌ dhɨt nam puiꞌ tɨip tɨ jɨɨgiꞌñ buiñor guch Xoiꞌkam, dɨɨlh pɨx nam jax ɨlhiiꞌñ nam miꞌ puiꞌ jiim, cham tuꞌ na jax ɨlhiiꞌñ guch Xoiꞌkam.

PILIIPOS KAM 3:19

Jaꞌp ɨlhiiꞌñdhaꞌ am gu ja boopok na jax gu Dios nam baꞌ dai gu tuꞌ gaaꞌñchuꞌndaꞌ nam gaamdhaꞌ. Gio gu tuꞌ nam gɨt bhaan jix xiꞌɨrdaꞌ, jaꞌkbuiꞌ kat dhiꞌ bhaan gɇꞌgɇrkam jum taat kaꞌ am, gio nam dai bhaan jujurtɨkaꞌ gu tuꞌ na yaꞌ dhi oiꞌñgaꞌn jix chu jaiꞌch. Ku guꞌ dhiꞌ pu chuꞌm gu jaꞌtkam mu jaꞌk bhɨɨyaꞌ am ji gatuuk nam paiꞌ gammɨjɨ miꞌ pup jum tulhiiñdhaꞌ.

1 TIMOTEO 6:5

Bar koꞌkdhicham kaꞌ pɨx baꞌ, gammɨjɨ bɨɨx aixim pɨx bam buidhaꞌ am dai jaꞌp tuutuꞌm nam cham ji maatɨt na jax pɨk jaꞌk jir sɨlhkam. Nam guꞌ bax iaꞌñdhix kaꞌ gu tuꞌ na cham jir kɨɨꞌ kaꞌ, bhaan pɨx jum tutumñigamtaidhaꞌ am nam jax jaꞌk tu jimdaꞌ. Chaꞌp mi ja kɇkɇɇdaꞌ pu chuꞌm gu jaꞌtkam.